ئەڤرۆ نیوز:
وەزارەتا پەروەردێ ب رێیا کەنالێ پەروەردێ، ئەو بابەتە بەلاڤکرینە یێن کو ئەزموونێن گشتی تێدا دهێنە کرن.
وەزارەتا پەروەردێ ئەو بابەتە بەلاڤکرن یێن کو ئەزموونێن گشتی تێدا دهێنە کرن
نووترين نووچه
- فازل میرانی: دەستهەلاتدارێن بەغدا كورد وەكو هەڤپشك قەبوول نەكرینە
- جێگرێ خەلیفەیێ داعشێ ب پێزانینێن مە هاتە كوشتن و سۆدانی ئاماژە ب وی رۆلی نەكر
- دۆنالد ترەمپ رۆلێ هەرێما كوردستانێ د كوشتنا سەركردەیەكێ داعشێ دا بلند د هەلسەنگینیت
- حەشدا شەعبی فەرمانێن فەرماندەییا گشتییا هێزێن چەكدار ل ئیراقێ بجهـ نائینیت، بەلكو فەرمانان ژ دەرڤەی وەلاتی وەردگریت
- پەرلەمانتارەك: ئەو سۆزێن وەزارەتا كۆچ و كۆچبەرێن ئیراقێ داینە ئاوارەیان بجهـ نەئیناینە
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
سه‌ره‌كى Twitter
عیراق: 66 حالەتێن نوو یێن كۆرۆنا یێ هاتنە تۆمار كرن
ئەڤرۆ نیوز:
وه‌زاره‌تا ساخلەمیا عیراقێ راگەهاند، د دەمێ 24 دەمژمێرێن بوری دا پشكنینێن نۆشداری بۆ 2 هزار و 854 گومانلێكریان هاتینە ئه‌نجامدان و 66 كه‌سێن دی تووشی کۆرۆنا یێ بووینە.
رەسافه: 16 حاله‌ت، كه‌رخ: 11 حاله‌ت، باژێرێ نۆشداری ل بەغدا: 8 حاله‌ت، كه‌ربه‌لا: 3 حاله‌ت، به‌سرا: 17 حاله‌ت، واست: 1 حالە‌ت، كه‌ركووك: 1 حاله‌ت، موسه‌نا: حالەتەک، هه‌ولێر: 6 حاله‌ت.
د دەمێ شه‌ڤ و رۆژەکێدا كه‌سەکێ ل دەڤەرا روسافه ل به‌غدا ب ئەگەرێ ڤایرۆسێ گیانێ خوە ژ ده‌ستدایه، هەروەسا 59 کەس ژی باشبووینە.
حوکمەتا هەرێما کوردستانێ: بهێنڤەدانا سازیێن فەرمی دێ یا بەردەوام بیت
ئەڤرۆ نیوز:
حوکمەتا هەرێمێ دەربارەى دەستپێکرنا دەواما فەرمانبەران روونکرنەک بەلاڤکریە.
جوتیار عادل پەیڤدارێ حکومەتا هەرێما کوردستانێ د راگەهاندنەکێ دا دیار کریە، ب مەرەما دیارکرنا دەمێ دەستپێکرنا دەواما سازیێن فەرمی یێن حوکمەتا هەرێمێ، لژنەک بۆ دیراسەکرن و بریاردانێ ل سەر وی بابەتى پێکئینایە.
هەروەسا دیار کریە ژی، ژبەر وێ چەندێ بهێنڤەدان دێ بەردەوام بیت، هەتا کو بریارەکا نوو لدووڤ رێنمایێن وەزارەتا ساخلەمیێ دەردکەڤیت.
ل هەولێرێ سێ تووشبوویێن دی یێن کۆرۆنا یێ باشبوون
ئەڤرۆ نیوز:
رێڤەبەریا گشتی یا ساخلەمیا هەولێرێ راگەهاند، سێ توشبوویێن دی یێن کۆرۆنایێ باشبوون ، ب ڤێ چەندێ هژمارا چێبوویان ل وى باژێری گەهشتنە ١٦٧ کەسان.
د. دلوڤان محەمەد رێڤەبەرێ گشتى یێ ساخلەمیا هەولێرێ راگەهاند، سێ توشبوویێن ڤایرۆسێ کۆرۆنایێ پشتى پشکنین بۆ هاتینە کرن چێبووینە و رەوشا ساخلەمیا وان باش بوویە و بۆ مالێن وان هاتینە رەوانەکرن.
گۆت ژى، لدووڤ دووماهی ئاماران، ٢٠٨ کەس ل پارێزگەها هەولێرێ تووشی ڤایرۆسێ کۆرۆنا یێ بووینە و ژ وان ژى ١٦٧ کەس چێبووینە.
سۆبه‌هى شانده‌كێ هه‌رێما كوردستانێ دێ چیته به‌غدا
ئەڤرۆ نیوز:
وەسا بریارە سۆبه‌هى ئێکشەمبی 3 گۆلانا 2020 شانده‌كێ حوکمه‌تا هه‌رێما كوردستانێ بچیته به‌غدا و دێ ل گه‌ل مسته‌فا كازمى سەرۆک وەزیرێن راسپاردى بۆ پێكئینانا حوکمه‌تا نوو یا عیراقێ و چه‌ند سه‌ركرده و لایه‌نه‌كێن دى یێن سیاسى ل سه‌ر چه‌ندین بابه‌تان كۆم بن.
سه‌ره‌دانا شاندێ هه‌رێمێ بۆ دان و ستاندنێ یه ل سه‌ر چه‌ند ئاریشێن هەلاویستى یێن دناڤبه‌را هه‌رێمێ و به‌غدا، ژ وانا مافێن هه‌رێمێ ژ بوودجه‌یا گشتى و مووچێ فه‌رمانبه‌ران.
ل ئاکرێ کەسەک هاتە کوشتن
ناڤێن هندەک ژ وەزیرێن کورد د کابینا کازمى دا هاتنە دیار کرن
ئەڤرۆ نیوز:
ليستا نوو يا بەربژارێن کابینا سەرۆک وەزیرێن راسپاردیێ عیراقێ مستەفا کازمى هاتیە بەلاڤکرن، کو تێدا سێ وەزارەت بۆ کوردان هاتینە دیار کرن و بەربژارێ وەزارەتا دارایی کو ژ پشکا کوردانە، هێشتا چ ناڤ بۆ نەهاتیە دیار کرن.
ئەو وەزارەتێن پشکا کوردان پێدهێن ژ وەزارەتێن دارایی، داد، ئاڤەدانکرن و ئاکنجیبوونێ، کو هەردو وەزارەتێن داد و ئاڤەدانکرن و ئاکنجیکرن بەربژار بۆ دیار کرینە، لێ بۆ وەزارەتا دارایی چ بەربژار نەهاتیە دیار کرن.
هەروەسا بەربژارێ وەزارەتا داد، ئەمجەد محەمەد محەمەد ئەمین، وەزارەتا ئاڤەدانکرن و ئاکنجیبوونێ نازەنین محەمەد وەسو، لێ بۆ وەزارەتا دارایی چ ناڤ نەهاتینە دیار کرن.
حوکمەتا هەرێمێ: دابەشکرنا مووچەی دێ دەست پێکەت
ڤێ حه‌فتیێ په‌رله‌مان دێ ده‌نگی ده‌ت
ئه‌ڤرۆنیۆز، سالار دۆسكی:
ئه‌ندامه‌كێ په‌رله‌مانێ عیراقێ ئاشكراكر كو ره‌نگه هه‌تا سێ شه‌مبیێ یان چارشه‌مبیێ روونشتنا په‌رله‌مانێ عیراقێ بهێته‌كرن بۆ ده‌نگدان ل سه‌ر كابینا مسته‌فا كازمی، به‌ری حه‌فتیه‌كێ به‌رنامێ كابینا نوو بۆ په‌رله‌مانی هاتیه هنارتن، نوكه ناڤێن وه‌زیران ژی ئاشكراكر بوویه.
هندرین له‌زگین دۆسكی ئه‌ندامێ په‌رله‌مانێ عیراقێ ژ فراكسیونا پارتی دیموكراتی كوردستان، ئه‌ڤرۆ ئێڤاری 2 گولانێ تایبه‌ت بۆ ئه‌ڤرۆ نیۆز گۆت: (سالانه ل ده‌مێ دانانا میزانیا عیراقێ گڤاشتن ل سه‌ر هه‌رێما كوردستانێ دهێنه‌كرن، ئه‌ڤا دهێـته‌كرن گڤاشتنێن سیاسی نه چنكو كابینا نوو دهێته ئاڤكرن و مه‌ره‌م ئه‌وه كوردستان ب هنده‌ك مه‌رجێن به‌غدا رازی ببیت، چ بهانایێن دی نینن، پشست به‌ستن ل سه‌ر قانوونا سالا 2019 دهێته‌كرن و پرۆژێ 2020 هێشتا نه‌هاتیه دروستكرن و ل دووڤ قانوونێ هه‌كه بۆدجه نه‌هێته دروستكرن، كار ل سه‌ر قانوونا سالا پێشتر دهێته‌كرن و بجهئینان، ئه‌ڤا دهێته‌كرن گڤاشتنێن سیاسی نه و ده‌ستهه‌لادارێن به‌غدا هه‌موو بزاڤا دكه‌ین قه‌وار و هه‌یبه‌تا هه‌رێما كوردستانێ كێم بكه‌ن، مه ده‌ستور و قانوون هه‌نه و هه‌ر كێشه‌كا بڤی ره‌نگی دروست بیت دڤێت ئه‌و ئێكلا بكه‌ت).
هندرین دۆسكی ئه‌و ژی خۆیاكر كو دانوستاندنێن هه‌رێما كوردستانێ و به‌غدا به‌رده‌وامی هه‌یه و هه‌موو بزاڤێن مه ل سه‌ر وێ چه‌ندێ نه كو مووچێن هه‌رێما كوردستانێ بهێنه پاراستن و باوه‌ری بۆ به‌غدا دروست بیت كو مووچێ فه‌رمانبه‌رێن هه‌رێما كوردستانێ نه گرێده‌ن ب سیاسه‌تێ ڤه، سوباهی 3ی گولانێ شاندێ هه‌رێما كوردستانێ دێ چیته به‌غدا ڤه بۆ كێشێن هه‌لاویستی و ب هیڤی نه سوبه دێ شاندێ مه شێت بابه‌تێ مووچه‌ی و كابینا نوو ژ ئێك جودا كه‌تە ڤه.
دۆسكی ئاماژه كره وێ چه‌ندێ ژی كو كێشا كوردان ل گه‌ل مسته‌فا كازمی نینه، ب تنێ ئالیێن سیاسی نه كارتا مووچه‌ی بكارتینن به‌رامبه‌ر هه‌رێما كوردستانێ هنده‌ك تەنازلێ ژ مافێن خوه هه‌لبژارتنان بكه‌ت، كازمی یێ كابینا خوه دروست دكه‌ت ل دووڤ ده‌نگێن هه‌لبژارتنان و هه‌ر قه‌وا‌ره‌كێ به‌ربژێرێن خوه پێشكێشكرینه و ئه‌ڤا دهێـته‌كرن بۆ وێ چه‌ندێ یه كو قه‌بارێ هه‌رێمێ ل ناڤ كابینا كازمی بهێتـه‌كێمكرن و ئه‌ڤه لایه‌نێن شیعی دكه‌ن و نه كازمی یه.
هه‌مان ئه‌ندامێ په‌رله‌مانی ئه‌و ژی گۆت: (ناڤێن به‌ربژێرێن كابینا مسته‌فا كازمی هاتینه دیاركرن لایه‌نێ شیعه و سوننه و كورد و هه‌ر ئێك ل دووڤ سه‌نگا ده‌نگێن خوه یێن هه‌لبژارتنان پوستێن وه‌زاره‌تات وه‌ك پێشترن و وه‌زیرێن كوردان ل كابینا كازمی (دارایی، ئاڤه‌دانكرنێ و داد) و ناڤ هاتینه دیاركرن و ب تنێ پوستێ وه‌زیرێ دارایی مایه هێشتا ناڤێ وی نه‌هاتیه ئاشكراكرن، چنكو هێشتا دانوستاندن دبه‌رده‌وامن) .
هندرینی ئه‌و ژی ئاشكراكر كو ره‌نگه هه‌تا سێ شه‌مبیێ یان چارشه‌مبیێ روونشتنا په‌رله‌مانێ عیراقێ بهێته‌كرن بۆ ده‌نگدان ل سه‌ر كابینا مسته‌فا كازمی و چه‌ند رۆژ ماینه و دێ لایه‌نێن سیاسی گه‌هنه چاره‌كێ چونكو كازمی به‌ری حه‌فتیه‌كێ به‌رنامێ كابینا خوه هنارتیه په‌رله‌مانی و ناڤێن لیستا وه‌زیران ژی ئاشكراكریه و هه‌رده‌مێ ده‌نگ بۆ كابینا وی هاته‌دان پرۆژێ قانوونا 2019 یا به‌روه‌خت نامینت و دێ ده‌نگدان ل سه‌ر پرۆژه‌كێ نوو هێـته‌دان و دێ شێواز و سه‌رده‌ریكرنا حوكمه‌تا به‌غدا ل گه‌ل كوردستانێ دناڤا وێ قانوونێ دا هێته دیاركرن.
زه‌كاتا هه‌رێمێ كێمبوویە
ئه‌ڤرۆنیۆز، سالار دۆسكی:
به‌رپرسێ په‌یوه‌ندیان ل وه‌زاره‌تا ئه‌وقاف و كارۆبارێن ئایینی ل حوكمه‌تا هه‌رێما كوردستانێ، ئاشكراكر كو نه‌بوونا سندوقه‌كا زه‌كاتێ ل كوردستانێ بوویه ئه‌گه‌ر كو زه‌كات ب شێوه‌كێ نه رێكوپێك بهێته به‌لاڤه‌كرن و ئه‌ڤساله ژ سالێن بووی زه‌كات كێمبوویه.
مه‌ریوان نه‌قشه‌به‌ندی به‌رپرسێ په‌یوه‌ندیان ل وه‌زاره‌تا ئه‌وقاف و كارۆبارێن ئاینی ل حوكمه‌تا هه‌رێما كوردستانێ، ئه‌ڤرۆ پشتی نیڤرۆ 2ی گولانێ تایبه‌ت بۆ ئه‌ڤرۆ نیۆز گۆت: (ره‌نگ زه‌كاتا ئه‌ڤساله بگه‌هیته (10) ملیون دۆلاران، ئه‌ڤساله ل گه‌ل سالێن بوری دێ كێمتر بیت، چنكو كاودانێن ئابووری نه وه‌ك سالێن پێشترن).
نه‌قه‌شه‌به‌ندی ئه‌و ژی گۆت: (ل دووڤ هژمارا ده‌وله‌مه‌ندێن كوردستانێ پێشبینی دهێـته‌كرن كو زه‌كاتا ئه‌ڤساله (10) ملیۆن دولار بیت، ل سالا 2010 ده‌مێ مه دوڤچوون كری و پرسیار ژ ده‌وله‌مه‌ند و رێكخراوێن خێرخوازی هاتیه‌كرن زه‌كاتا وێ سالێ دناڤبه‌را (20 بۆ 30) ملیۆن دولاران دا بوو وی ده‌می كاودانێن ئابووری گه‌له‌ك دباش بوون، نوكه كاودانێن خه‌لكێ كوردستانێ هاتینه گوهورین و نه وه‌ك سالێن پێشترن).
مه‌ریوانی ئه‌و ژی دیاركر كو ژ نه‌بوونا سندوقه‌كا دانا زه‌كاتێ خه‌لكێ مه ب شێوه‌كێ نه رێكوپێك زه‌كاتێ دده‌ت و هه‌موو وه‌لاتان سندوقێن زه‌كاتێ هه‌نه و ناڤێن هه‌ژاران دهێنه نڤێسن و دیسان ب ئه‌وان پاران كارگه‌ه دهێنه دانان و خه‌لك ل به‌ر كار دكه‌ت و ده‌لیڤێن كاری دهێنه دیتن و ب شێوه‌كێ دادپه‌روه‌رانه زه‌كات دهێته به‌لاڤه‌كرن.
به‌رپرسێ په‌یوه‌ندیان ل وه‌زاره‌تا ئه‌وقاف و كارۆبارێن ئاینی ل حوكمه‌تا هه‌رێما كوردستانێ ئه‌و ژی خۆیاكر كو زه‌كات ب تنێ پاره نینه به‌لكو ده‌خل و دانه و زێره، ته‌رش و كه‌واله و دڤێت سندوقه‌ك هه‌بیت ئه‌ڤان هه‌موویان كوم بكه‌ت.
نيشاندان
WP Facebook Auto Publish Powered By : XYZScripts.com