ئه‌ڤرۆ نيوز:

ژ دل ل زارۆینيێ من حەز دکر ب گوران ڤە بنڤم، لێ ھەردەم دھاتمە ترساندن کو نە یا باشە و ئاخفتنێن پیرەژنێن جارا دبوونە رێگر بەرامبەر ڤێ حەزێ و گۆتنێن جوراوجور ل سەر زیانێن ڤی کاری د مشەبوون (وهه‌تا نھا د بەردەوامن!!) وەک:
•دێ دیتنا چاڤێن تە خراب کەت!!
•دێ ڕێگریێ ل ‌بهێنته‌نگيا لەشی کەت!!
•ناھێلیت زارۆ درێژ ببیت !!
لێ نۆکە دڤێت بزانی کو ڤان جۆرە ئاخڤتنا چ بنیات بۆ نینە، و دێ شێن ب پشتراستبوون ڤە بنڤن ب گورەڤە (ب مەرجەکی د پاقژبن و گەلەک د تەنگ نەبن ولاستیکێن وان پەیت نەبن)، بەلکو گەلەک مفایێن ساخلەمی ھەنە بۆ کرنا گورەیان دەمێ نڤستنێ بۆ نموونە:
•نڤستنێ ب ساناھی دکەت چونکی تەزاتیا پێیان دبیتە ئەگەرێ کێمبوونا ڕێژا میلاتونینێ ئەڤا بەرپرس ژ بێھنڤەدانا لەشی و پڕۆسێسا نڤستنێ، ‌ڤێجا ئەگەر تە ئاریشێن نڤستنێ ھەبن ب گورەیان ڤە بنڤە.‌
• دێ تە پارێزیت ژ ئاریشا ھشکبوون و شەقبوونا پانیێت پێیان.
• ڕێژا ھەودانێن پێیان کێم دکەت.
• بۆ نەساخێن شەکر ھەی دھێنە شیرەتکرن کو ب گورەڤە بنڤن چونکی پێیێن وان د نازکن و دھێنە پاراستن ژ زەبرێن دەرەکی، ھەروەسا زڤڕینا خوینێ چالاکتر دکەت و دبیتە ئەگەرێ کێمکرنا ڕێژا کولبوونێن پێی.

بكورتی: نڤستنا ب گورەیان ڤە یا بێ زیانە، بەلکو د گەلەک حالەتان دا یا ب مفایە ب مەرجەکی د پاقژبن و تەسک نەبن.