NO IORG
نووترين نووچه
Twitter

ئه‌ڤرۆنیۆز، سالار دۆسكی:

مامۆستایه‌كێ‌ زانكۆیێ‌ دیاركر كو سه‌رۆك وەزیرێن داهاتی ل عیراقێ‌ نه‌شێت زێده‌تر بۆ كوردان بكه‌ت ژ یا عادل عه‌بدولمه‌هدی بۆ كوردان كری، ب گرنگی زانی كورد ئاریشێن خوه‌ دناف خوه‌ دا چاره‌سه‌ر بكه‌ن.

عه‌لی ئیبراهیم باغ، مامۆستایێ‌ زانكۆیێ‌، ئه‌ڤرۆ رۆژا سێ شه‌مبی 29ی نیسانێ‌ بۆ ئه‌ڤرۆ نیۆز گۆت: (شاندێ‌ هه‌رێما كوردستانێ‌ ئه‌ڤرۆ ده‌ستڤالا نازڤریت و دێ‌ مووچان ئینت، به‌لێ‌ دێ‌ عیراق ژی شه‌رمزار بیت، نوكه‌ تنێ‌ هه‌رێم دشێت سیاسه‌تێ‌ بكه‌ت ب شێوه‌كێ‌ نه‌راسته‌وخۆ، سوننه‌ و شیعه‌ هه‌ڤ دژ بكه‌تن و دڤێت كورد هه‌رده‌م وه‌كی وان سه‌رده‌ریێ بكه‌ن).

هێشتا گۆت: (پێشبینی دكه‌م هه‌رێم و به‌غدا بگه‌هنه‌ رێكکه‌فتنێ‌ به‌لێ‌ دێ‌ یا ده‌مه‌كی بیت و لگه‌ل گرانبوونا بهایێ نه‌فتێ دێ‌ رێكکه‌فتن هێته‌ ه‌لوه‌شاندن و هه‌كه‌ بهایێ‌ په‌ترۆلێ‌ وه‌ك خو ما بتنێ‌ عیراق دێ‌ شێت چه‌ند هه‌یڤێن دی مووچان ده‌ت و دێ‌ ب هێجه‌تا هێت كوردستانێ)‌.

هه‌مان مامۆستا دیار ژی کر ئاریشێن حزبان ل ناف جادێ‌ زێده ‌بووینه‌ و هه‌كه‌ هه‌ر دو پارتێن مه‌زن ده‌ستی ژ گه‌له‌ك ده‌ستكه‌فتان به‌ر نه‌ده‌ن دێ‌ بارودوخ گه‌له‌ك ئالوزبیت، پێدڤیه‌ ده‌ستێ‌ خوه‌ ل سه‌ر بازاری راكه‌ن، ئه‌گه‌ر ڤێ‌ بكه‌ن دێ‌ گه‌له‌ك بله‌ز ده‌لیڤێن كاری ڤه‌بن و دێ‌ گه‌شه‌ و پێشكه‌فتن هێته‌ دیتن، گرنگه‌ خه‌لك و هه‌ر دو پارتێن ده‌ستهه‌لاتدار ئاریشێن خوه‌ ژ ئێك جودا بكه‌ن، دڤێت بزانن ئه‌ڤه‌ ئاریشێن ناڤمالا كوردی نه‌،  نابیت ب چ ره‌نگان ئاریشێن مه‌ به‌غدا چاره‌سه‌ر بكه‌ت چونكو ل گه‌ل مایتێكرنا به‌غدا ئه‌و ل سه‌ر دوز و ئاخا مه‌ چاره‌سه‌ر دكه‌ت.

ل دور دیتنا مامۆستایێ‌ زانكۆیێ‌ بۆ مسته‌فا كازمی، گۆت: (كازمی نه‌شێت گه‌له‌ك ژ وێ‌ زێده‌تر بكه‌ت یا عادل عه‌بدولمه‌هدی بۆ كوردان كری).

ئەڤرۆ نیوز:

کۆنفیدراسیۆنا سەندیکایێن کرێکاران ل تورکیا KESK راگەهاند کو ژ مەها ئادارێ هەتا نها ب تایبەتی ژی پشتی پەیدابوونا ئێکەم حالەتێ کۆرۆنایێ ل تورکیا پتر ژ ٥ ملیۆن کەسان کارێن خوە ژ دەست داینە و نها بێکارن.

بەری نها ژی ئەندامەکێ پەرلەمانێ تورکیا دیار کربوو کو دهێتە چاڤەرێکرن ژ بەر ڤایرۆسێ کۆرۆنایێ پتر ژ ١٠ ملیۆن کەس ل تورکیا کارێ خوە ژ دەست بدەن و بێکار بمینن.

112

ئەڤرۆ نیوز:

خاچا سور یا نێڤدەولەتی د دووماهیا راپۆرتا خوە دا ل دۆر رەوشا ژیانا وەلاتیان ل وەلاتێ یەمەنێ دیار کریە کو رەوش ل وی وەلاتی گەلەک خرابە و گەلێ یەمەنێ د کارەساتەکا مەزن دا دژیت.

د راپۆرتێ دا ئاماژە ب هندێ هاتیە کرن کو پتر ژ ١٧ ملیون وەلاتی ل یەمەنێ ژ ئاڤا ڤەخوارنێ یا پاقژ بێ بەشن و ژ بەر هندێ ژی گەلەک کەس ل وی وەلاتی تووشی نەخوشیان بووینە، ب تایبەتی ژی زارۆ و گەلەک کەسان ژی ژ بەر هندێ جانێ خوە ژ دەست داینە.

ئەڤرۆ نیوز:

شاندەکێ سەربازی یێ ئەلمانیا سەرەدانا وەزارەتا پێشمەرگەی کرن و ل گەل بەرپرسێن وەزارەتا پێشمەرگەی کۆمبوون.

شاندێ ئەلمانیا دیار کر کو ئەو دێ جارەکا دی دەست ب راهێنانا هێزێن پێشمەرگێن کوردستانێ کەن.

وەزارەتا پێشمەرگەی ژی سوپاسیا وەلاتێ ئەلمانیا کر کو هەتا نها هاریکاریا هێزێن پێشمەرگێن کوردستانێ کریە.

 

 
ئەڤرۆ نیوز:

 

 

د نوکە دا ل سەرانسەری جیهانێ‌ هژمارا تووشبوو یێن ڤایرۆسێ‌ كۆرۆنا یێ دزێدەبوونێ دانە.

 

مالپەرێ‌ (وورلد ئومیتەر) یێ‌ جیهانی بۆ داتایان بەلاڤكریە، هەتا نوکە سەرجەمێ‌ هژمارا تووشبوویێن كۆرۆنا یێ ل سەرانسەری جیهانێ‌ گەهشتیە سێ‌ ملیون و 148 هزار و 709 كەسان.

ئەڤرۆ نیوز:

شاندێ هەرێما کوردستانێ ب سەرۆکاتیا قوباد تالەبانی جێگرێ سەرۆک وەزیرێن هەرێما کوردستانێ ل گەل سامر غەزبان جێگرێ سەرۆک وەزیرێن عیراقێ بۆ کاروبارێن وزێ دەستپێکر.

دهێتە چاڤەرێکرن کو بریارا راگرتنا مووچێ فەرمانبەرێن هەرێما کوردستانێ و بابەتێ پەترۆلێ تەوەرێن سەرەکی یێن کۆمبوونا شاندێ هەرێما کوردستانێ ل گەل بەرپرسێن حوکمەتا عیراقێ بیت.

ئه‌ڤرۆ نیوز:

په‌یڤدارێ ساخله‌میا كه‌ركوكێ راگه‌هاند: ل باژێرێ كه‌ركووكێ دو حاله‌تێن توشبوونێ ب ڤایرۆسێ كورونایێ هاتنه‌ توماركرن.

سامان یابه‌ په‌یڤدارێ ساخله‌میا كه‌ركووكێ راگه‌هاند: پشتی ده‌رباز بوونا هه‌فده‌ رۆژان كۆ چ حاله‌تێن كورونایێ نه‌هاتنه‌ توماركرن، دو حاله‌تێن دی یێن توشبوونا ڤایرۆسێ كورونایێ ل باژێرێ كه‌ركووكێ هاتنه‌ توماركرن.

نا ڤبری ئه‌و چه‌نده‌ ژی دیاركر ل كه‌ركووكێ تانوكه‌ 33 كه‌س توشی ڤایرۆٍ كورونایێ بووینه‌، ب ئاوایه‌كی 5 ژ وان ل نه‌خوشخانه‌یێ نه‌ و دو یێن دی ژی مرینه‌ و ئه‌ڤین دی هه‌موو ژ نه‌خوشخانه‌یێ ده‌ركه‌تن و ساخ بووینه‌، پشتی بوورینا 17 رۆژان ل باژێرێ كه‌ركووكێ چ حاله‌تێن توشبوونێ ب ڤایرۆسێ كورونایێ نه‌هاتینه‌ توماركرن.

 

ئەڤرۆ نیوز:

 

 

د. دلۆڤان محه‌مه‌د فاتح، رێڤەبەرێ گشتی یێ ساخلەمیا هەولێرێ، باشبوونا دو تووشبوویێن دی یێن کۆرۆنا یێ ل هەولێرێ راگەهاند و دیار کریە، کو هژمارا چارەسەرکریان ل هەولێرێ گەهشتە 161 کەسان.

 

ئەڤرۆ نیوز:

 

 

سەرۆک کۆمارێ عیراقێ بانگهێشتا لژنا دارایی ل پەرلەمانێ عیراقێ کریە و گوتیێ، مووچێ فەرمانبەرێن هەرێما کوردستانێ مافەکێ دستووریە و نابیت ببیتە بابەتەکێ سیاسی.

 

بەرهەم سالح، سەرۆک کۆمارێ عیراق د وێ کۆمبوونێ دا داخواز کریە، دڤێت زوو کار بهێتە کرن بۆ پێکئینانا حوکمەتا نوو، داکو چاکسازی بهێنە ئەنجامدان و کار بهێتە کرن ل سەر باشترکرنا ئابوورێ عیراقێ، ژبەرکو نوکە ب ئەگەرێ کۆرۆنا یێ روو ب روو کێشان بوویە، دیسان دڤێت مافێ فەرمانبەران بهێتە پاراستن.

 

هەروەسا گۆتیە، هەر جۆرە هووربینیەک د قانوونا بودجەی دا، نابیت رێگریێ بکەت ل پابەندبوونێ ب پێدانا مووچێ فەرمانبەرێن هەرێما کوردستانێ، چونکی ئەڤە مافەکێ دستووریە، دڤێت بهێتە پاراستن ژ گوهۆرینێن سیاسی، پێدڤیە مووچەخۆر نەبنە قوربانیێن ناکۆکیێن سیاسی، دلسۆزێن وەلاتی قەبوول ناكه‌ن، کو وەلاتی باجا ناكۆكیێن‌ سیاسی بده‌ن.

website security
WP Facebook Auto Publish Powered By : XYZScripts.com