NO IORG
نووترين نووچه
Twitter

 

 

ئەڤرۆ نیوز:

 

 

ئەڤرۆ دوشەمبی مستەفا كازمی سەرۆك وەزیرێن راسپاردی یێ عیراقێ، ل بەرامبەر گڤاشتنێن چەند رۆژی یێن لایەنێن شیعی بێدەنگی شكاند و راگەهاند هیچ گڤاشتنەکێ قەبوول ناكەم بۆ گوهۆرینا ئاراستەیا حوکمەتا خوە.

 

 

نوکە هەڤرکیا لایەنێن شیعی ل سەر دابەشكرنا وەزارەتان د وی پەرێ توند دانە و ئەڤە بوویە ئەگەرێ گیروبوونا كابینا نوو یا حوکمەتا كازمی، ئەڤرۆ ل هژمارا خوە یا تایبەت یا (توویتەری) مستەفا کازمی گۆتیە، ئەو بەرپرسیارەتیا من خستیە سەر ستوویێ خوە دڤی دۆخێ ئالۆز دا، ل ناڤەراستا تەنگژەیا ئابووری و ساخلەمی و ئاسایشێ دا، بەرپرسیارەتیەکا نیشتمانیە.

 

 

گۆتیە ژی، ئەو حوکمەتا ئەز بزاڤێ بۆ پێكئینانا وێ ددەم، دڤێت د ئاستێ وێ تەنگژەیێ و چارەسەركرنێ دا بیت، لەوما پێدڤیە ئەم هەموو بەرژەوەندیا عیراقێ بكەینە یەكەمینا خوە.
هەروەسا دبێژیت، ب تنێ د دەمەکێ دا دێ گڤاشتنان قەبوول كەم، كو یارمەتیا باسکێ دەولەتێ بدەت، بەلێ ئەز وان گڤاشتنان رەت دكەم یێن کو ئامانجا وان گوهۆرینا باسکێ دەولەتێ بیت.

ئەڤرۆ نیوز:

 

 

ئەمرۆ دوشەمبی مستەفا كازمی سەرۆك وەزیرێن راسپاردی یێ عیراقێ، ل بەرامبەر گڤاشتنێن چەند رۆژی یێن لایەنێن شیعی بێدەنگی شكاند و راگەهاند هیچ گڤاشتنەکێ قەبوول ناكەم بۆ گوهۆرینا ئاراستەیا حوکمەتا خوە.

 

نوکە هەڤرکیا لایەنێن شیعی ل سەر دابەشكرنا وەزارەتان د وی پەرێ توند دانە و ئەڤە بوویە ئەگەرێ گیروبوونا كابینا نوو یا حوکمەتا كازمی، ئەڤرۆ ل هژمارا خوە یا تایبەت یا (توویتەری) مستەفا کازمی گۆتیە، ئەو بەرپرسیارەتیا من خستیە سەر ستوویێ خوە دڤی دۆخێ ئالۆز دا، ل ناڤەراستا تەنگژەیا ئابووری و ساخلەمی و ئاسایشێ دا، بەرپرسیارەتیەکا نیشتمانیە.

 

گۆتیە ژی، ئەو حوکمەتا ئەز بزاڤێ بۆ پێكئینانا وێ ددەم، دڤێت د ئاستێ وێ تەنگژەیێ و چارەسەركرنێ دا بیت، لەوما پێدڤیە ئەم هەموو بەرژەوەندیا عیراقێ بكەینە یەكەمینا خوە.

 

هەروەسا دبێژیت، ب تنێ د دەمەکێ دا دێ گوشاران قەبوول كەم، كو یارمەتیا باسکێ دەولەتێ بدەت، بەلێ ئەز وان گڤاشتنان رەت دكەم یێن کو ئامانجا وان گوهۆرینا باسکێ دەولەتێ بیت.

45

 

ئەڤرۆ نیوز:

 

 

وەزارەتا ساخلەمیا توركیا راگەهاند، د دەمێ 24 دەمژمێرێن بوری دا چار هزار و 651 تووشبوویێن ڤایرۆسێ كۆرۆنا یێ ب تەمامی باشبووینە.

 

هەروەسا گۆتیە، د دەمێ 24 دەمژمێرێن بوری دا، دو هزار و 131 كەس تووشی كۆرۆنا یێ بووینە، ب ڤێ چەندێ هژمارێ تووشبوویا ل تورکیا گەهشتیە 112 هزار و 261 كەسان.

 
ئەڤرۆ نیوز:

 

عادل عەبدولمەهدی سەرۆک وەزیرێ کاربرێکەر یێ عیراقێ بریار دا مووچێ فەرمانبەرێن هەرێما کوردستانێ بهێنە خەرجکرن و د دەمێ 48 دەمژمێران دا دێ هێنە رەوانەکرن.

ژێدەرەکێ دیار کریە، ئەڤرۆ دوشەمبی عادل عەبدولمەهدی پێشنیارا شاندێ هەرێما کوردستانێ قەبوولکر، و بریارا خەرجکرنا مووچێ فەرمانبەران ئیمزا کر.

 

هەروەسا دیار کریە، سەرەرای نەرازیبوون و فشارا لایەنێن شیعی کو عەبدولمەهدی مووچێ فەرمانبەرێن هەرێمێ راگریت، بەلێ سەرۆک وەزیرێ کاربرێکەر ل ژێر فشارا ئەمریکا و بریتانیا و نەتەوێن ئێکگرتی بریارا خەرجکرنا 453 ملیار دیناران بو مووچێ فەرمانبەرێن هەرێمێ ئیمزاکریە.

 

دیسان گۆتیە: ئەڤ شەڤە یان سوبەهی و پشتی تمامکرنا رێکارێن فەرمی ل وەزارەتا دارایی و ئەمینداریا جڤاتا وەزیران، دێ پارە بۆ هەرێمێ هێتە رەوانەکرن.

 

ئەڤرۆ نیوز:

 

پارێزگارێ هەولێرێ راگەهاند، بۆ ئێکەم جار کۆمپانیا ئاوامێدیکا بۆ بەرهەمئینانا دەرمانان کو کۆمپانیەکا کوردیە، دەرمانان بۆ دەرڤەی وەلاتی دهنێریت.

ئەڤرۆ دوشەمبێ پارێزگارێ هەولێرێ د راگەهاندنەکێ دا دیار کر، ئاوامێدیکا بۆ بەرهەمینانا دەرمانان و میکانیزم و رێکارێن نوو، چەندین جورێن دەرمانێن خوە بۆ دەرڤەی وەلاتی دهنێریت، ئەڤە ژى ئێکەم جارە کۆمپانیەکا کوردی دەرمانێن خوە بۆ دەرڤەی هەرێما کوردستانێ بهنێریت.

 

 

فەرسەت سوفی پاریزگارێ هەولێرێ د کونفرانسەکێ رۆژنامەڤانی دا راگەهاند، ئەڤ پێنگاڤە وێ چەندێ نیشان د دەت کو کارگەهێن هەرێما کوردستانێ ب تایبەتى دبیاڤێ دەرمانان دا گەشەسەندنەکا مەزن ب خوە ڤە دیتیە، ئەم پشتەڤانێن بەرەڤ پێشچوونا کەرتێ پیشەسازیا دەرماناینە و ئەڤ پینگاڤا هاتیە هاڤیتن جهێ دلخوشیێ یە، ژبەر هندێ پیرۆزباهیێ ل خوە و هەمیان دکەین.

 

دیار کر ژی، داخوازێ ژ وەلاتیێن پارێزگەها هەولێرێ دکەین، پێنگاڤین خوپارێزیێ ب هایداری بهاڤێژن و پێگیری رێنمایێن ساخلەمیێ بن، هەکە خەلک خۆ نەپارێزیت دێ گەهینە قوناغێن دژوار و دێ رەوش ژ دەستێن مە دەرکەڤیت.

 

ئەڤرۆ نیوز:

 

وەزارەتا ساخلەمی و ژینگەها عیراقێ راگەهاند، د ٢٤ دەمژمێرێن بوری دا 17 حالەتێن نوویێن توشبوون ب کۆرۆنایێ هاتینە تۆمار کرن و ٢١ کەس ژێ چێبووینە.

 

 

ئەڤرۆ دوشەمبی وەزارەتا ساخلەمی و ژینگەها عیراقێ راگەهاند، ” د ٢٤ دەمژمێرێن بوری دا، ١٧ حالەتێن نوویێن توشبوون ب کۆرۆنا یێ هاتینە تۆمارکرن، کو هەشت ل بەغدا، حەفت ل موسەنا، ئێک ل بەسرە، ئێک ژی ل نەجەف”.
ئەو ژی هاتیە،  21 کەسێن دی ب تەمامی چێبووینە، کو هەشت ل بەسڕە، شەش ل زیقار، سێ ل بەغدا، دو ل واست،  ئێک ل نەجەف و ئێک ل میسان.

 

ئەڤرۆ نیوز:

 

وەزارەتا ساخلەمیا هەرێما کوردستانێ راگەهاند، سێ کەسێن دی ل سلێمانیێ تووشی کۆرۆنا یێ بووینە، کو هەموو وان بەرکەفتیێن توشبوویێن بەرێ نە.

وەزارەتا ساخلەمیا هەرێمێ بەلاڤکریە ژی، د بەردەوامیا پشکنین و لێگەریانێ لدووڤ گومانلێکریان، سێ توشبوویێن دی یێن کۆرۆنا یێ ل پارێزگەها سلێمانیێ هاتنە دەست نیشانکرن.

دیار کر ژی، ژنەکا د ژیێ ٢٦ سالیێ و کچەکا د ژیێ ١٤ سالیێ و زارۆیەکێ د ژیێ ٨ سالیێ دا تووشی کۆرۆنا یێ بووینە، کو ئاکنجیێن شارباژێر بووینە ل سلێمانیێ و تێکەلی توشبوویێن بەرى نوکە بووینە.

 

 

ئەڤرۆ نیوز:

 

 

ئەڤرۆ 27.4.2020 ژوورا ئۆپەراسیۆنا ل پارێزگەها دهوکێ روونکرنەک بەلاڤکریە و تێدا هاتیە:

 

ژ بۆ پاراستنا ساخلەمیا خەلکێ پارێزگەها دهوکێ و ژ پێخەمەت جێبەجێکرنا بریارا قەدەغەكرنا هاتنوچوونێ دناڤبەرا پارێزگەهان و ب تايبەت پارێزگەها دهۆكێ و نەینەوا، هندەك وەلاتیێن خۆجهێن پارێزگەها دهوكێ ل زالگەها خەتارێ ماینە.

 

وەکو ئەرکەکێ نيشتيمانى و مرۆڤایەتی مە ب فەر دیت کو رێک بهێتە دان بۆ هاتنا وان بو پارێزگەها دهوکێ و لپەی پێرابوونێن ساخلەمیێ، ئاگەهداریا وان وەلاتیان دکەین یێن کو دڤێن بهێنە دناڤ پارێزگەها دهۆکێ ب رێیا زالگەها ئاماژەپێکری کو ئەڤ زالگەهە دێ هێتە گرتن بەرامبەر هاتنێ بو ناڤ پارێزگەهێ هەر ژ رێکەفتی 28-4-2020 هەتاکو 5-5-2020 و ب تنێ رێک دێ هێتە دان بۆ چوونێ بەرەف پاریزگەها نەینەوا بۆ کارێن بازرگانی و حالەتێن فەر یێن دەستووردایی ژ لایێ ژوورا ئوپەراسیونا ل پارێزگەها دهوکێ.
کارێ ئاماژە پێکری دێ هێتە ئەنجامدان لدووڤ داخوازیا رێڤەبەریا گشتی یا ساخلەمیا پارێزگەها دهۆکێ بۆ مەرەما زێدەتر لێگەریان و دووفچوون و کونترولکرنا تیمێن ساخلەمیێ پێخەمەت زانینا ژێدەرێن پەیدابوونا توشبوویێن نوو ب ڤایروسێ کۆرۆنا ل پارێزگەها دهوکێ.

 

گۆتیە ژی، سوپاس بۆ ئاسايشا دهۆكێ ب تايبه ت و تیمێن زالگەها خەتارێ بۆ ئەنجامدانا کارێ رۆژانە ب رەنگەکێ رێکوپێک بۆ خزمەتکرنا وەلاتیان.

ئه‌ڤرۆ نیوز، ره‌مه‌زان هه‌رنی:

سه‌رۆكێ‌ رێكخراوا رەوشەنبیری و سه‌لامه‌تیا رێ و بانا ل كوردستانێ‌ دیاركر د هه‌یڤا ره‌مه‌زانێ‌ دا ل ده‌مێ‌ ب روژی بوونێ‌ مرۆڤ پتر هه‌ست ب ماندیبوونێ و تووره‌بوونێ‌ دكه‌ت و پتریا جارا له‌زێ‌ دكه‌ت بگه‌هیتە وی جهێ‌ وی دڤێت له‌ورا روودانێن هاتنوچوونێ دروست دبن.

یوسف بازیانی سه‌رۆكێ‌ رێكخراوا رەوشنبیری و سلامه‌تیا رێ و بانا ل كوردستانێ‌ بۆ ئه‌ڤرۆ نیوز گوت: (ل هه‌یڤا ره‌مه‌زانێ‌ دا شوفێر تووشی هنده‌ك ره‌فتارا دبن تایبه‌ت روژی گر كو دبیته‌ سه‌ده‌مێ‌ تووره‌بوونێ و ل ده‌ستدانا ئارامیێ)‌ .

ناڤهاتی دیار ژی کر کو دڤێت ل هه‌یڤا ره‌مه‌زانێ‌ شوفێر پتر ئاگه‌هداری نیشانێن ترافیكا بیت و لێ‌ ده‌رنه‌كه‌ڤیت، ب تایبه‌ت زڤرینێ‌، پێدڤیه‌ شوفێر ئاگه‌هداری هێلێن ده‌ربازبوونا وەلاتیان بن، ل هه‌موویێ‌ باشتره‌ هەکە شوفێر یێ‌ ماندی بیت ب ترومبێلێن گشتی هاتنوچوونێ‌ بكه‌ت.

ئەڤرۆ نیوز:

وەزارەتا ساخلەمیێ یا هەرێما کوردستانێ راگەهاند کو ٥ کەسێن دی ل باژێرێ هەولێرێ تووشی ڤایرۆسێ کۆرۆنایێ بووینە.

وەزارەتا ساخلەمیێ دیار دکەت کو ئافرەتەکا ٣٦ سالی ل گەل سێ زارۆیێن خوە یێن د ژیێ ١١،١٥ و ١٦ سالی ل گەل زەلامەکێ دی ئەو ژی د ژیێ ٣٣ سالیێ دایە، ل باژێرێ هەولێرێ تووشی ڤایرۆسێ کۆرۆنایێ بووینە.

ل گۆر وەزارەتا ساخلەمیێ هەر ٥ تووشبوویێن نوو هەموو ژی بەرکەفتیێن تووشبوویێن بەرێ نە.

website security
WP Facebook Auto Publish Powered By : XYZScripts.com