ئه‌ڤرۆ نیوز:
جڤاتا پیرێن ئه‌مریكا نێزیكی 500 ملیار دۆلار بۆ به‌رهنگاربوونا كورونایێ و ڤه‌ژاندنا ئابوورێ وه‌لاتی په‌سندكر، پرۆژه هاته ره‌وانه‌كرن بۆ جڤاتا نوونه‌ران، دڤێ هه‌فتیێ جڤاتا نوونه‌ران ژی ده‌نگی ل سه‌ر ده‌ت.
ئه‌و بودجه‌یا جڤاتا پیران یا ئه‌مریكا ده‌نگ ل سه‌ر دایی 484 ملیار دۆلارن كۆ ب ته‌ڤایا ده‌نگان هاته په‌سندكرن، پرۆژه هاته ره‌وانه‌كرن بۆ جڤاتا نوونه‌رێن ئه‌مریكا، بریاره جڤاتا نوونه‌ران ژی رۆژا پێنج شه‌مبێ كۆم بیت و ده‌نگی ل سه‌ر بده‌ت، پێش بینی دهێته‌كرن پرۆژه ل جڤاتا نوونه‌ران ژی بهێته په‌سندكرن.
په‌سندكرنا ئه‌وێ بۆدجێ وه‌ك هه‌ڤكاریه‌كا دارایی بۆ به‌رهنگاربوونا كورونایێ و ڤه‌ژاندنا ئابوورێ ئه‌مریكایه د ده‌مه‌كی دا نوكه ئه‌مریكا 819 هزار و 164 كه‌س تووشی ڤایرۆسێ كورونایێ بوون، 82 هزار و 973 كه‌س ژ وێ ژمارێ باش بووینه و 45 هزار و 340 كه‌س ژی بڤێ ڤایرۆسی مرینه.
نيشاندان