ئەڤرۆ نیوز:
ئەڤرۆ وەزارەتا ساخلەمی و ژینگەها عیراقێ راگەھاند، کو 26 حالەتێن نوو یێن توشبوون ب کۆرۆنا یێ و ۳۲ حالەتێن چێبوونێ ھاتنە تۆمار کرن.
ساخلەمیا عیراقێ: 26 حالەتێن نوو یێن کۆرۆنا یێ ھاتنە تۆمار کرن
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
45 ته‌رش و كه‌وال بوونه قوربانى
ئه‌ڤرۆ نیۆز، سالار دۆسكى:
رێڤه‌به‌رێ ناحیا چه‌مانكێ ل سنورێ قه‌زا ئامێدیێ، ئاشكرا كر، كو ژ ئه‌نجامێ بریسیه‌كێ 45 سه‌رێن ته‌رش و كه‌والى ل گونده‌كى ل سنورێ ناحیێ بوونه قوربانى.
ئه‌لند ئه‌میر، رێڤه‌به‌رێ ناحیا چه‌مانكێ زێده‌تر بۆ ئه‌ڤرۆ نیۆز ئاشكرا كر، كو ئه‌ڤرۆ رۆژا ئێك شه‌مبى 19 نیسانێ ل ده‌مژمێر 30 و 12 خوله‌كى نیڤرۆ ل گوندێ گێركێ ل سنورێ ناحیا چه‌مانكێ ژ ئه‌نجامێ لێدانا بریسیه‌كێ ل ته‌رش و كه‌والێ وه‌لاتیێ گوندێ 45 سه‌رێن ته‌رشى و كه‌والى بوونه قوربانى.
رێڤه‌به‌رێ ناحیێ ئه‌و ژى ئاشكرا كر، پشتى چێبوونا روودانێ هێزێن په‌یوه‌ندار ژ پولیس و ناحیێ سه‌رەدانا جهێ روودانێ كرینه و ب راپورت زیانێن به‌ر ب ته‌رشێ وه‌لاتی كه‌فتین هاتینه هژمارتن و بۆ جهێن په‌یوه‌ندار دهێنه بلندكرن ب مه‌ره‌ما قه‌ره‌بووكرنێ.
ب مەعیدێ ڤالا ئەڤان خوارن و ڤەخوارنان نەخۆ
ئەڤرۆ نیوز:
دەمێ مەعیدە یێ ڤالا بیت و مرۆڤ هندەک خوارنان دخۆت، ئەو خوارنە دبنە ئەگەرێ توشبوونا لەشی ب ئاریشێن ساخلەمیێ یێن جۆدا ب تایبەتى ئەو خوارنێن هاریکاریا کریارا هێرانێ نادەن.
ڤەکولینەکا ئیتالی لیستەکا خوارنان بەلاڤکریە، کو باشترە د دەمێ مەعیدە یێ ڤالا بیت خوە ژێ پارێزیت و ئەو خوارن و ڤەخوارنە ژى ئەڤەنە:
ئاڤا سار:
ئێکە ژ ئەگەرێن تێکچوونا کریارا هەرسکرنێ.
قەهوە:
دەمێ مەعیدە یێ ڤالا بیت ڤەخوارنا قەهوێ دبیتە ئەگەرێ ئینتهابا دیوارێ مەعیدەى.
شیر:
هەرسکرنا پێدڤی ب بەکتریا زێدە هەنە، ئەو ژى دبیتە ئەگەر کو هەرسکرنێ بزەحمەت بکەت.
موز:
هەر چەندە موز ئێکە ژ خوارنێن ب مفا بۆ ساخلەمیێ، لێ خوارنا وان د دەمێ مەعیدە یێ ڤالا دا، زیانێن ساخلەمیێ هەنە و دبیتە ئەگەرێ ئینتهابا مەعیدەى و قۆلۆنێ.
شرینی:
کارتێکرنەکا خراب ل سەر ساخلەمیێ هەیە و دبیتە ئەگەرێ بلندبوونا رێژا شەکرێ د لەشی دا بۆ ئاستەکێ نە ئاسایی، ئەو ژى دێ بیتە ئەگەرێ نەخوشیا شەکرێ.
٧ نەخوشێن دی یێن کۆرۆنایێ ل هەولێرێ باش بوون
ئەڤرۆ نیوز:
رێڤەبەریا گشتی یا ساخلەمیێ ل هەولێرێ راگەهاند کو ٧ نەخوشێن دی یێن کۆرۆنایێ ل هەولێرێ ب تەمامی باش بوون و پشتی پشکنینێن بەردەوام دیار بوو کو ب تەمامی ژ کۆرۆنایێ باش بووینە و بریار هاتە دان کو ڤەگەرنە ڤە مالێن خوە.
رێڤەبەریا ساخلەمیا هەولێرێ ئاماژە ب هندێ ژی دکەت رەوشا نەخوشێن دی هەموویان جێگرە و یا پێدڤی بۆ وان دهێتە کرن.
دەستەیا مافێ مرۆڤی دخوازیت زۆرترین زیندانی بھێنە ئازادکرن
ئەڤرۆ نیۆز، قائید میرۆ:
بڕیارە لێبۆرین بۆ زیندانیان بھێتە دەرکرن و دەستەیا مافێ مرۆڤی ژی بڕیاردایە چاڤدێریا رەوشا ئازادکرنا زیندانیان بکەت و دخوازیت زۆرترین زیندانی مفاداربن.
محەمەد گومەشینی، پەیڤدارێ دەستەیا مافێ مرۆڤی بۆ ئەڤرۆ نیۆز دیارکر” لیژنەیەکا بلند ل دەستەیا مافێ مرۆڤی پێداچوون ب بڕیارا ئازادکرنا زیندانیان کریە و ھژمارەک پێشنیارژی داینە حوکمەتێ و لایەنێن پەیوەندیدار، ھەتا ددەمێ ئازادکرنا زیندانیان بەرچاف بھێنە وەرگرتن، چونکە دەستەیا مافێ مرۆڤی دگەل بڕیارا لێبۆرینا زیندانیانە، بەلێ پێدڤیە بمەرج بیت.
پەیڤدارێ دەستەیا مافێ ئاماژەکر” ئەم دخوازین زۆرترین زیندانی مفاداربن ل بڕیارا لێبۆرینا حوکمەتێ، چونکە ھژمارەکا زۆرا زیندانیان دناڤا چاکسازیێن ھەرێما کوردستانێ یە و دڤێت پێداچوون بھێتەکرن ژبەر ڤایرۆسا کۆرۆنایێ.
محەمەد گومەشینی گۆتژی” دەستەیا مافێ مرۆڤی دێ چاڤدێریا بجە ئینانا بڕیارا لێبۆرینا زیندانیان بکەت و نابیت ئەڤێن بەر لێبۆرینێ دکەڤن ببنە گەف لسەر جڤاکی و دوبارە تاوانان ئەنجامبدەن.
وەزارەتا ئەوقافێ داخۆیانیەکێ بەلاڤ دکەت
ئەڤرۆ نیوز:
وەزارەتا ئەوقافێ و کاروبارێن ئایینی ل حوکمەتا هەرێما کوردستانێ سەبارەت ب رۆژا ئێکێ یا هەیڤا رەمەزانا پیرۆز داخۆیانیەک بەلاڤ کر و د داخۆیانیا خوە دا ئاماژە ب هندێ کریە کو رۆژا ٢٢ نیسانێ دێ لیژنا بلند یا دیتنا هەیڤێ ل وەزارەتێ کۆمبیت و دێ بریار ل دۆر رۆژا ئێکێ یا هەیڤا رەمەزان پیرۆز هێتە دان.
وەزیرێ دارایی: ل گەل بەغدا رێککەفتین
ئەڤرۆ نیوز:
وەزیرێ دارایی و ئابووری یێ حوکمەتا هەرێما کوردستانێ پشتی کۆمبوونا ل گەل وەزیرێ پەترۆلێ یێ عیراقێ راگەهاند کو هەرێم و بەغدا ل دۆر بابەتێ کێمکرنا پەترۆلێ رێککەفتینە و هەروەسا دێ پەیوەندیێن هەر دو ئالیان باشتر لێ هێت.
ئاوات شێخ جەناب ئەو یەک ژی دیار کر کو هەرێما کوردستانێ دێ پتر گرنگیێ دەتە پێشخستنا کەرتێ غازێ چونکو ئەو یەک د بەرژەوەندیا هەرێمێ و بەغدا دایە و رێککەفتن ژی ل دۆر هندێ هاتیە کرن.
ناڤهاتی راگەهاند کو هەرێما کوردستانێ دێ ل سەر سیاسەتا خوە یا نها بەردەوام بیت و دێ هەر دو ئالی بۆ چارەسەرکرنا قەیرانا ئابووری و بابەتێن دی هاریکاریا هەڤدو کەن.
ره‌نگه هەرێم کێمتر ژ 250 هزار به‌رمیلان پەترۆلێ راده‌ستی به‌غدا بكه‌ت
ئه‌ڤرۆ، سالار دۆسكی:
ئه‌ندامه‌كێ په‌رله‌مانێ كوردستانێ ئاشكراكر كو چوونا شاندێ هه‌رێما كوردستانێ بۆ به‌غدا بۆ پرسا راده‌ستكرنا رێیا په‌ترۆلا هه‌رێمێ یه بۆ كومپانیا سومو و رێكه‌فتنه‌كا نوو ل گه‌ل سه‌رۆك وه‌زیرێ داهاتیێ عیراقێ.
ئسماعیل سگێری ئه‌ندامێ په‌رله‌مانێ كورستانێ ژ فراكسیوونا ئێكگرتوویا ئیسلامی یا كوردستانێ، ل دور چوونا شاندنێ هه‌رێمێ بۆ به‌غدا، ئه‌ڤرۆ رۆژا ئێك شه‌مبی 19ی نیسانێ بۆ ئه‌ڤرۆ نیۆز گۆت: (چوونا شاندی بۆ وه‌زیرێ په‌ترۆلا عیراقێ ب وێ مه‌به‌ستێ یه كا ب چ رێكار دێ 250 هزار به‌رمیل هێنه راده‌ستكرن بۆ كومپانیا سومو، رێكه‌فتنا كوپێك كا به‌هرا هه‌رێمێ دێ چه‌ند بیت كو بهێته‌كێمكرن، شاندێ هه‌رێمێ دێ هه‌ر ئێك ژ (فوئاد حسێن، عادل مه‌هدی) بین بۆچوون دهێنه وه‌رگرتن، ل دووماهیێ دێ كومبوون ل گه‌ل سه‌میر كازمی هێـته‌كرن).
سگێری ئه‌و ژی ئاشكراكر كو هه‌رێما كوردستانێ شیانێن راده‌ستكرنا په‌ترۆلێ هه‌یه و ره‌نگه ئه‌و 250 هزار كێمتر لێ بهێن، ژ به‌ر رێكه‌فتنا هه‌ر دو وه‌لاتێن سعودی و رۆسیا ل سه‌ر په‌ترۆلێ.
دکتۆر محەمەد قادر: ڤایرۆسا کۆرۆنا بەرەف نەمانێ دچیت
ئەڤرۆ نیۆز، قائید میرۆ:
پەیڤدارێ وەزارەتا ساخلەمیێ ھوشداریێ ددەت وەلاتیان و دبێژیت، سەرەڕای نەبوونا چو حالەتان ل ڕۆژێن بۆری و ئاسایی کرنا رەوشێ ب چەند قۆناغان پێدڤیە وەلاتی پێگیریێ ب رێنمایێن خۆپارێزیێ بکەن.
دکتۆر محەمەد قادر، پەیڤدارێ وەزارەتا ساخلەمیێ بۆ ئەڤرۆ نیۆز دیارکر” وەزارەتاساخلەمیێ چاڤدێریا رەوشا ھەرێما کوردستانێ دکەت و ئەف پشکنین ل چەند رۆژێن بۆری ھاتینە ئەنجامدان جھێ رازیبوونا مە نە وەک وەزارەت، چونکە ھەموو حالەتێن نیگەتیڤ بووینە و کێمترین حالەت لڕۆژێن بۆری دا ھاتینە تۆمارکرن ئەوژی ل سنورێ پارێزگەھا سلێمانیێ بووینە.
دکتۆر محەمەد قادر گۆتژی” ئەم نابێژین ڤایرۆسا کۆرۆنا نەمایە ب ئێکجاری و دوماھی ھاتیە، چونکە پێشبینی دکەین حالەتێن کێم دناڤا وەلاتیاندا ھەبن، سوپاس بۆ خودێ حالەتێن بەرێ ژی ھەموو ب سەرکەفتی ھاتینە چارەسەرکرن و یێن ماینژی ل نەخۆشخانا رەوشا وانا ساخلەمیێ نۆرمالە، بەلێ ئەم نەشێین ب ئێکجاری بڕیارا قەدەغەیا ھاتن وچوونێ راکەین.
پشکا کوردان ل کابینا نوو یا عیراقێ دا ئێکلا نەبوویە
ئەڤرۆ نیوز:
عەرەفان کەرەم بەرپرسێ دۆسیا عیراقێ ل بارەگایێ بارزانی راگەهاند کو هەتا نها دیار نینە کا دێ سەرۆک وەزیرێن راسپاردی بۆ ئاڤاکرنا کابینا نوو یا عیراقێ سەرەدانا هەرێما کوردستانێ کەت یان نە؟
ناڤهاتی دیار کر کو هەتا نها دیار نینە کا دێ پشکا کوردان د کابینا نوو یا عیراقێ دا چاوا بیت، ئانکۆ نەهاتیە ئێکلا کرن. چونکو جارێ مستەفا کازی ل گەل هەرێما کوردستانێ دەست ب کۆمبوونان نەکریە، ژ بەر هندێ ژی گەلەک تشت ماینە و نەهاتینە ئێکلا کرن.
نيشاندان
WP Facebook Auto Publish Powered By : XYZScripts.com