ئه‌ڤرۆ نیوز، بارزان مزووری:

سه‌ردار یه‌حیا عبدالعزیز قایمقامێ‌ قه‌زا شێخان بۆ ئه‌ڤرۆ نیوز گۆت: (بۆ جێبه‌جێكرنا بریارێن هه‌ردوو وه‌زاره‌تێن نافخۆ و ساخله‌می یێن حكومه‌تا هه‌رێما كوردستانێ‌ ژلایێ‌ وه‌زاره‌تا نافخۆ رێگه‌ هاتیه‌ دان كۆ ئه‌و كه‌سێن ل هنده‌ك پارێزگه‌هێن دی یێن عێراقێ‌ ماین یێن ئاكنجیێن قه‌زا شێخان وان كه‌مپێن ئاوارا یێن شێخان ژبه‌ر قه‌ده‌غه‌یا هاتن و چونێ‌ به‌شه‌ك ژوان كه‌سا له‌شكه‌رێ‌ عێراقێ‌ و پولیس و فه‌رمانبه‌ر و كرێكارو كه‌سێن هه‌ژار و كێم ده‌رامه‌ت بون بۆ ده‌ست ڤه‌ ئینانا نانێ‌ ژیانێ‌ ل وان پارێزگه‌ها كرێكاری دكر پتریا وان كه‌سان كوردێن ئێزدی بون لدوڤ بریارا وه‌زارتا نافخۆ ئه‌و كه‌س هه‌موو هاتینه‌ گرنتیكرن ل دوو جهێن تایبه‌ت دا ئێك ژوان جها كومه‌لگه‌هه‌كا ئاكنجی بونێ‌ هات بۆ دروست كرن بۆ وان كه‌سێن ده‌ستێ‌ داعش رزگاربوین ل په‌رستگه‌ها لالش لدوڤ بریارا میرێ‌ ئێزدیان 258 كه‌س تێدا هاتینه‌ گرنتیكرن جهێ‌ دووێ‌ دوهی ئیڤاری 13/4/2020 ل كه‌مپا بلان ب پشته‌ڤانی و هاریكاریا كومپانیا كار ئه‌و جهه‌ هاتیه‌ دابین كرن 53 كه‌س تێدا هاتینه‌ گرنتیكرن).

ل ئالیێ دی د.كه‌ریم كه‌مال رێڤه‌به‌رێ‌ ساخله‌میا قه‌زا شێخان بۆ ئه‌ڤرۆ دیار کر کو هه‌ر رێنمایه‌كا وه‌زاره‌تا ساخله‌میا حكومه‌تا هه‌رێما كوردستانێ‌ پێشكێشی مه‌ دكه‌ت ئه‌م ل دووڤ وان رێنمایا دچین تیمێن مه‌ به‌رده‌وام یێ د ئاماده‌باشیێ‌ دا بۆ پشكنین كرنا وان كه‌سا ئه‌وێن دناڤ هه‌ردوو جهان دا هاتینه‌ گرنتیكرن بۆ ماوێ‌ 14 رۆژا هه‌ر كه‌سێ‌ چ نیشانێن ڤی ڤایرۆسی لێ‌ دیار نه‌بن دێ‌ بۆ مالا وی هێته‌ ره‌وانه‌كرن، لدوڤ بریارا وه‌زاره‌تێ‌ كۆ رۆژنامه‌ڤانێن مه‌یدانی بهێن پشكنین كرن ئه‌و ژی هاتینه‌ پشكنین كرن.

ناڤهاتی خویاكر هه‌رچه‌نده‌ نه‌خوشخانا شێخان یا گشتی سه‌ر ب مووسل ڤه ‌یه‌ به‌لێ‌ مه‌ 100% ئه‌و نه‌خوشخانه‌ به‌رهه‌ڤكریه‌ بۆ هه‌ر حاله‌ته‌كێ‌ ڤایرۆسێ‌ كورونایێ‌ هه‌موو نوژدارێن وان هاتینه‌ راهێنان كرن د به‌رهه‌ڤن،ژبه‌ركۆ ژماره‌كا مه‌زن یا د گرنتیكرنێ‌ دا به‌لێ‌ ئه‌م یێن چاڤه‌رێ‌ ژماره‌كا دی یا وان كه‌سانین یێن ل ده‌رڤه‌ی كوردستانێ‌ دهێن ئه‌وێن ل پارێزگه‌هێن عێراقێ‌ دهێن.

ئه‌ڤرۆ نیۆز، عه‌زیز هه‌ورامی:

ئه‌مڕۆ 32 ساڵ به‌سه‌ر تاوانی ئه‌نفال تێده‌په‌ڕێت له‌لایه‌ن ڕژێمی دكتاتۆری سه‌ددام حوسێن، به‌هۆی بڵاو بونه‌وه‌ی ڤایرۆسی یاده‌كه‌نه‌كرایه‌وه‌، نه‌تواندرا 171 ڕوفاتی ئه‌نفال كراوان بهێندرێنه‌وه‌ گه‌رمیان و له‌ باوشی نیشتیمان به‌ خاكیان بسپێرن.

فواد ته‌ها وته‌بێژی وه‌زاره‌تی شه‌هیدان و ئه‌نفال كراوان، به‌ ئه‌ڤرۆ نیۆزی ڕاگه‌یاند:” پاش ڕوخانی ڕژێمی سه‌دام حوسێن، حكوومه‌تی هه‌رێم به‌ هاوكاری  ده‌زگای شه‌هیدانی عێراق تواندرا 60 گۆڕی به‌كۆمه‌ڵی ئه‌نفال كراوان له‌ سه‌رتاسه‌ری عێراق هه‌ڵبدرێته‌وه‌، 3737 ڕوفاتی ئه‌نفال كراوی كوردی تێدا دۆزراونه‌ته‌وه‌ هێندراوه‌نه‌ته‌وه‌.

هه‌روه‌ها ده‌ڵێ،له‌ ساڵی 2018 سێ گۆڕی به‌كۆمه‌ڵی تر دۆزراونه‌وه‌ له‌ بیابانی سه‌ماوه‌ یه‌ك له‌ گۆڕه‌كان هه‌ڵدرایه‌وه‌ ،171 ڕوفاتی تێدا دۆزراوه‌ته‌وه‌، ڕوفاته‌كان بردراون بۆ پزیشكی دادی به‌غدا سه‌مپڵی ئێسك لێ وه‌رگیراوه‌، چه‌ند ڕۆژێك پێش بڵاو بونه‌وه‌ی ڤایرۆسی كۆرۆنا ئاگاداركراینه‌وه‌ ته‌واوی ڕێكاره‌كان، ته‌واو بوه‌ ،به‌ڕاسپارده‌ی وه‌زیری كاروباری شه‌هیدان و ئه‌نفال كراوان ڕێوشوێنی هێنانه‌وه‌ی ،ڕوفاته‌كان كاری بۆ كرا به‌ڵام بڵاو بونه‌وه‌ی ڤایرۆسی كۆرۆنا ڕێگربو له‌به‌رده‌م كاره‌كانمان.

 ئاماژه‌ی به‌وه‌كرد، پاش ئاسایی بونه‌وه‌ و هه‌ڵگرتنی قه‌ده‌خه‌ی هاتوچۆ و نه‌مانی ڤایرۆسی كۆرۆنا كار ده‌كرێت له‌ سه‌ر هێنانه‌وه‌ی ڕوفاتی ئه‌نفاڵ كراوان، و هه‌ڵدانه‌وه‌ی دوو گۆڕی تری به‌كۆمه‌ڵ له‌ بیابانه‌كانی سه‌ماوه‌.

ئه‌ڤرۆ نیوز، بارزان مزووری:

جه‌هوه‌ر عه‌لی به‌گ بریكارێ‌ میرێ‌ ئێزدیان بۆ كارۆبارێن په‌یوه‌ندیان بۆ ئه‌ڤرۆ نیوز گۆت: (ل دووڤ بریارا ئه‌نجوومه‌نێ‌ روحانیا ئێزدیان ئه‌ڤسالە رێوره‌سمێن جه‌ژنا سه‌رسالێ‌ ب شێوه‌یه‌كێ‌ گشتی ناهێنە گێران ژ به‌ر ره‌وشا نها یا كوردستان تێدا ده‌رباز دبیت و پێگیركرنا رێنمایێن وه‌زاره‌تا ساخله‌میا حكومه‌تا هه‌رێما كوردستانێ‌ ژ بۆ پاراستنا ژیانا وه‌لاتیان ژ ڤایرۆسێ‌ كورون).

ناڤهاتی خویاكر ئه‌ڤ جه‌ژنه‌ دكه‌ڤیته‌ چارشه‌مبیا بهێت 15/4/2020 خه‌لكێ‌ مه‌ یێ‌ خوشتڤی دشێت ب شێوه‌یه‌كێ‌ ئونلاین د مالێ‌ خودا جه‌ژنا ئێك دو پرۆزبكه‌ن.

ناڤهاتی گۆت: (د ڤێ‌ جه‌ژنێ‌ دا داخاز ژ هه‌موو ئێزدیان دكه‌ین سه‌ره‌دانا گورستانێن خوە نه‌كه‌ن و وی كۆژمێ‌ پاره‌ی بۆ هه‌ژارا دابین بكه‌ن).

ئەڤرۆ نیۆز، قائید میرۆ:

بڕیارە بەری ھاتنا ھەیڤا رەمەزانێ کابینا نوویا عێراقێ پێشکەشی پەرلەمانی بھێتەکرن و پەرلەمانتارەکا پارتی ژی ئاشکراکر” بەری مستەفا کازمی بھێتە بەربژێرکرن بۆ سەرۆک وەزیرێن عێراقێ دانوستان دگەل ھەرێما کوردستانێ ھاتینە کرن.

دکتۆر مەیادە نەجار، پەرلەمانتارا فڕاکسیۆنا پارتی لپەرلەمانَی عێراقێ بۆ ئەڤرۆ نیۆز دیارکر” بەری مستەفا کازمی بۆ پۆستێ سەرۆک وەزیرێن عێراقێ بھێتە بەربژێرکرن دانوستان دگەل لایەنێن سیاسیێن ھەرێما کوردستانێ ھاتینەکرن و بێی پرسا کوردان نافبری نەھاتیە بەبژێرکرن.

ئەڤێ پەرلەمانتارا پارتی گۆت” ڤێجارێ مالا شیعە ھەتا رادەیەکی یا ئێکگرتی بوویە ل دۆر دیارکرنا سەرۆک وەزیرێن عێراقێ.

دکتۆر مەیادە نەجار ئاماژەکر” کوردان چو مەرجێن بەروەخت نینە بۆ ھەر کەسەکێ دبیتە سەرۆک وەزیرێ عێراقێ، بەرۆڤاژی مەرجێ سەرەکی و بەردەوامێ کوردان بۆ ھەر حوکمەتەکا ل عێراقێ ئەڤە پێگیری ب دستووری بھێتەکرن و رێکەفتنا دگەل ھەرێما کوردستانێ بھێتە بجە ئینان.