ئەڤرۆ نیوز:
ئیبراهیم کالین پەیڤدارێ سەرۆک کۆمارێ تورکیا راگەهاند کو قەدەغەیا هاتنوچوونێ بۆ پاراستنا وەلاتیان ژ ڤایرۆسێ کۆرۆنا بریارەکا د جهێ خوە دا بوویە و گۆت: (رۆژانە دووڤچوونا رەوشێ دکەین، رەوشا نها نیشا ددەت کو مەترسیەکا مەزن یا هەی و هەکە رەوش بەر ب باشیێ ڤە نەچیت بێگومان دێ قەدەغەیا هاتنوچوونێ درێژ کەین).
ئەڤرۆ نیوز:
نەعیم روبەیعی وەزیرێ ڤەگوهاستنێ یێ عیراقێ بۆ دەزگەهێن راگەهاندنێ دیار کر کو ژ بەر قەدەغەیا هاتنوچوونێ بارێ ژیانا وەلاتیان گەلەک گران بوویە و ژ بەر هندێ ژی وان دڤێت بهایێ ئینتێرنێتێ کێم بکەن و نها بەرنامەک بۆ هندێ هاتیە ئامادەکرن و دێ رادەستی لیژنا بلند یا بەرهنگاریا کۆرۆنایێ کەن دا بریارا دووماهیێ بهێتە دان.
ناڤهاتی دیار ژی کریە کو وان دڤێت بهایێ ئینتێرنێتێ ل عیراقێ بهێتە کێمکرن دا د ڤێ رەوشا ئالۆز دا نەبیتە بارگرانی بۆ وەلاتیان.
ئەڤرۆ نیوز:
وەزارەتا ئەوقافێ و کاروبارێن ئایینی ل حوکمەتا هەرێما کوردستانێ راگەهاند کو ل هندەک پەیج و مالپەران دا ئاماژە ب هندێ هاتیە کرن کو دێ ل مەها رەمەزانا پیرۆز دا دەرگەهێن مزگەفتان هێنە ڤەکرن، لێ چو راستی بۆ هندێ نینن و هەتا نها ژ ئالیێ حوکمەتا هەرێما کوردستانێ و وەزارەتا ئەوقافێ ڤە چو داخۆیانیەک فەرمی د ڤێ دەربارێ دا نەهاتیە بەلاڤکرن.
وەزارەتا ئەوقافێ و کاروبارێن ئایینی دیار ژی دکەت کو ئارمانجا سەرەکی یا حوکمەتا هەرێما کوردستانێ پاراستنا جانێ وەلاتیانە ژ ڤایرۆسێ کۆرۆنا و هەر دەمێ رەوش ئاسایی بوو بێگومان دێ دەرگەهێ مزگەفتان هێنە ڤەکرن، لێ نها چو تشتەک وەسا نینە.
ئه‌ڤرۆ نیوز:
مه‌زلوم عه‌بدی فه‌رمانده‌یێ گشتی یێن هێزێن سوریا دیموكرات هه‌سه‌ده سوپاسیا نێچیرڤان بارزانی سه‌رۆكێ هه‌رێما كوردستانێ دكه‌ت كۆ هه‌ڤكاریێن نوژداری بۆ رۆژئاڤا هنارتینه.
مه‌زلوم عه‌بدی فه‌رمانده‌یێ گشتی یێن هێزێن سوریا دیموكرات هه‌سه‌ده د هژمارا خویا تویته‌ری راگه‌هاند زۆر سوپاسیا نێچیرڤان بارزانی سه‌رۆكێ حكومه‌تا هه‌رێما كوردستانێ دكه‌م، زۆر بله‌ز ب هه‌وارا داخازیێن مه هات و تاقیگه‌هێن نوژداری بۆ رۆژئاڤا ره‌وانه‌كرن.
سوپاسیا فه‌رمانده‌یێ گشتی یێن هێزێن سوریا دیموكرا بۆ سه‌رۆكێ حكومه‌تا هه‌رێما كوردستانێ د ده‌مه‌كی دایه،پشتی هاریكاریێن نوژداری پێشكێشی رۆژئاڤا كرین.
ئه‌ڤرۆ نیۆز، عه‌زیز هه‌ورامی:
له پاش ئه‌وه‌ی پارێزگای سلێمانی ڕای گه‌یاند، دۆخی سلێمانی ئاسایی ده‌كه‌نه‌وه ، جێگری به‌ڕێوه‌به‌ری گشتی ته‌ندروستی سلێمانی ده‌ڵێ، هیچ شوێنێك مه‌ترسی كۆرۆنای تێنه‌په‌ڕاندووه، به‌پێ ڕێنمایی و قۆناخ به‌قۆناخ كار له‌سه‌ر ئاسایی كردنه‌وه‌ی سلێمانی ده‌كه‌ین.
هێرش سه‌ید سه‌لیم، جێگری به‌ڕێوه‌به‌ری گشتی ته‌ندروستی سلێمانی بۆ ئه‌ڤرۆ نیۆز ده‌ڵێ:” پارێزگای سلێمانی مه‌ترسییه‌كانی كۆرۆنای تێنه‌په‌ڕاندووه، ئه‌وه‌ی هه‌ییه ڕه‌وشه‌كه له سه‌ره‌تا ئێستا باشتره، ئێمه ده‌ڵێن، به‌سێ قۆناخ دۆخی سلێمانی ده‌تواندرێت ئاسایی بكرێته‌وه هه‌نگاوی یه‌كه‌م، ئه‌و شوێنانه‌ی زۆر پێویست بۆ هاوڵاتی ده‌كرێنه‌وه له سلێمانی.
ئاماژه‌ی به‌وه‌كرد بازاڕ و مزگه‌وت و قوتابخانه‌كان كردنه‌وه‌یان ده‌كه‌وێته پاش 15ی 5ی مانگی داهاتوو ئه‌گه‌ر هاتوو ڕه‌وشه‌كه به‌ره‌و باشتر ڕۆشت، ئێمه پێشنیارمانكردووه بۆ پارێزگای سلێمانی به سێ قۆناخ ڕه‌وشی ئاسایی بكرێته‌وه.
ناوبراو ده‌ڵێ، ده‌بێت هاوڵاتیان له قۆناخی سه‌ره‌تای ئاسایی كردنه‌وه‌ی سلێمانی پابه‌ندی ڕێنماییه‌كانبن نابێت هیچ هاوڵاتێك به بێ ماسك و ده‌ستكێش بێته ده‌ره‌وه.
ئه‌ڤرۆ نیۆز، سالاردۆسكی:
عه‌بدوللا تاهر بێسفكی، ئه‌وكه‌سێ به‌رنیاس ل ده‌ف خه‌لكێ دهۆكێ كو كه‌سه‌كه مێشكێ خوه ژ ده‌ست دایه، برایێ‌عه‌بدوبلایی چیرۆكابرایێ خوه بڤیره‌نگی بووم ڤه‌دگێریت.
د.جه‌لال تاهر بێسفكی، برایێ عه‌بدوللای بۆ مالپه‌رێ ئه‌ڤرۆ نیۆز گۆت: دشیانێن مه‌دانه‌بووعه‌بدوللایێ برایێ من هه‌ڤژینێ پێك بینیت له‌وما ما زگورد، ل ده‌سپێكا سالێن نوتان بوو كوتووشی نه‌خوشیه‌كا ده‌روونیبوو، جاره‌كێ ب مه‌ره‌ما چاره‌سه‌ریێ ل گه‌ل بابێ من چوو لژنا پزیشكی لێ نێزیكی فه‌رمانگه‌ها(استخبارات) دهێته خوار ودووفدا (ئه‌منا) به‌عس ده‌سته سه‌ردكه‌ت و پشتی ماوێ چه‌ند هه‌یڤان و گه‌له‌ك هاتیه ئه‌شكه‌نجه‌دان ل ده‌سپێكا سالا 1991 برایێ من هاته ئازادكرن، مه‌هه‌ستپێكر كومێشكێ خوه ژ ده‌ستدا و مه قه‌ستا گه‌له‌ك نوشداران كر لێ هه‌موو دبێ مفابوون هوسا ما لێ خوش به‌ختانه زیان ژێ دروستنابن، خوارن و نڤستن و ڤه‌خوارنێن وی د سرۆشتینه، بتنێ نه‌شێـت وه‌ك مرۆڤه‌كێ دروست هزرا بكه‌ت، نوكه روژانه دچیته بازاری و ئێڤاری دزڤریته‌ڤه
عه‌بدوللا تاهر ده‌رچوویێ ئاماده‌یا پیشه‌سازییه ل دهۆكێ، ژ گه‌نجاتیا خوه هه‌سته‌كا ره‌وشه‌نبیری ل ده‌ف هه‌بوو و به‌رده‌وام كونتاك ل گه‌ل ئێزگێ كوردی ل به‌غدا و ته‌له‌ڤزیونا كه‌ركووكێ و ئێزگێ رومانیا پشكا زمانێ عه‌ره‌بی هه‌بوو به‌رده‌وام نامه بۆ دهنارتن.
ل دور ئه‌گه‌رێن ده‌سته‌سه‌ركرنا وی ژی ژلایێ (ئه‌منابه‌عس)ڤه، برایێ وی گۆت: هاته تاوانباركرن كو هێَرش كریه سه‌ر (صدام)ی ئه‌ڤه هه‌مووژی هوسا نه‌بوو، ئه‌گه‌ر ئه‌و بوویه پشكداریه‌كا كارا هه‌بوو ل دروستكرنا هوزان و گوتاران دا ل گوڤار و رۆژنامێن كوردی دا وه‌ك گوڤارا(به‌یان، هه‌وكاری) هه‌تا نوكه ئه‌رشیفێ وی یێ به‌رهه‌ڤه و دیسا كامیره‌ك هه‌بوو گه‌له‌ك وێنێن دهۆكێ گرتینه و هه‌تا نوكه ئه‌و وێنه ماینه و كامیرا وی ژیمایه.
عبدوللا ژ دایكبوویێ سالا 1957 یه كه‌سه‌كێ به‌رنیاس و خوشتڤییه ل ده‌ف پتریا خه‌لكێ دهۆكێ و رۆژانه ل جاده‌یێن دهۆكێ دا دگه‌ریت، به‌ری سالێن نوتان فه‌رمانبه‌ربوویه ل (معمل تعلیب) پشتی نه‌خوشكه‌فتی هاتیه خانه‌نشینكرن.
ل دووماهیێ د.جه‌لال برایێ عه‌بدوللا گۆت: مامه‌لێن برایێ من عه‌بدوللا وه‌ك زیندانیه‌كێ سیاسی ب دووماهی هاتینه و هه‌تانوكه چ مووچه وه‌ك زیندانیێن سیاسی نه‌وه‌رگرتینه، به‌رامبه‌ر ره‌نگه كه‌سان هه‌بن ئێك رۆژ ژی زیندان نه‌دیت بیت و خودان مووچه بن، به‌رامبه‌ر برایێ من مێشكێ خوه ژ ده‌ست دایه و هه‌تانوكه چ بوونه‌هاتینه‌كرن.
ئه‌ڤرۆ نیوز:
شاهێ سعودیێ هاتنوچون ل وه‌لاتی بۆ ده‌مه‌كێ نه‌دیاركر قه‌ده‌غه‌كره‌ڤه.
به‌ری نوكه ب فه‌رمی شاهـ سه‌لمان بن عه‌بدلعه‌زیز شاهێ سعودیی بۆ رێگرتن ژ به‌لاڤبوونا ڤایرۆسێ كورونایێ، ل رۆژا 23/3/2020 هه‌تا 12/4/2020 هاتنوچون ل هه‌موو باژێرێن سعودیێ قه‌ده‌غه‌كر بوو.
لگۆری میدایێن سعودیێ، شاهـ سه‌لمان بن عه‌بدلعه‌زیز بریاره‌كا شاهانه دایه‌ڤه و تێدا هاتیه هه‌ر بۆ رێگرتن ژ به‌لاڤ بوونا كورونایێ، قه‌ده‌غه‌یا هاتنوچونێ بۆ ده‌مه‌كێ نه دیار راگه‌هاند.
هه‌تا نوكه چار هزار و 33 كه‌س ل سعودیێ تووشی ڤایرۆسێ كورونایی بوون ژ وان ژی 52 كه‌س مرینه.
ئه‌ڤرۆ نیوز:
مه‌زهه‌ر محه‌مه‌د راوێژكار ل سه‌ۆكاتیا وه‌زیرێن عیراقێ راگه‌هاند حكومه‌تا فیدرال بزا ئه‌وێ چه‌ندێ دكه‌ت، كۆ هه‌رێما كوردستانێ ب رێكه‌تنا رێكخراوا ئوپێكێ بۆ كێمكرنا به‌رهه‌م ئینانا پترۆلێ پێگیر بكه‌ت.
ناڤبری ئه‌و چه‌نده ژی راگه‌هاند: حوكمه‌تا فیدرال دڤێت دچارچوڤه‌یێ رێكه‌تنا رێكخراوا ئوپێكێ بۆ كێمكرنا به‌رهه‌م ئینانا پترۆلێ، هه‌رێما كوردستانێ ژی پێگیر بكه‌ت، گرنگه ژی عیراق ب شێت هه‌رێمێ پێگیر بكه‌ت، به‌لێ ئه‌ڤه بابه‌ته‌كێ ناڤخۆیی یه و چ په‌یوه‌ندی ب رێكخراوا ئوپێكێ ڤه نینه.
مه‌زهه‌ر محه‌مه‌د ئه‌و چه‌نده ژی دازانین سیاسه‌تێن په‌یوه‌ندیدار ب پترۆلێ دێ هێنه ریكخستن، له‌ورا هه‌كه عیراق پێگیر نه‌بیت ب رێكه‌تنا رێكخراوا ئوپێكێ بۆ كێمكرنا پترۆلێ ئه‌ڤه مه‌ترسی ل سه‌ر عیراقێ دروست دبن.
ئەڤرۆ نیوز:
ئەڤرۆ 11 نیسانا 2020 وەزارەتا ساخلەمیا هەرێما کوردستانێ راگەهاند: پێنج تووشبوویێن دیتر ب کۆرۆنا یێ ل هەولێرێ و سلێمانیێ هاتنە تۆمار کرن.
هەروەسا گۆتیە، د بەردەوامیا پشکنینان و لێگەریانێ لدووڤ گومانلێکریان، پێنج تووشبوویێن نوو یێن ڤایرۆسێ کۆرۆنا یێ هاتنە دەست نیشانکرن، سێ ژن و زەلامەک ل پارێزگەها سلێمانیێ نە، کو خۆجهێن ناڤا باژێرێ سلێمانیێ و چەمچەمال و بازیانن، تووشبوویێ پێنجێ خەلکێ پارێزگەها هەولێرێ یە و زەلامە، خۆجهێ ناڤا باژێرێ هەولێرێ یە، هەموو تووشبوویی بەرکەفتیێن تووشبوویێن بەری نوکە نە.
ئەڤرۆ نیوز:
وەزارەتا ساخلەمیا بریتانیا ئامارێن 24 دەمژمێرێن بوری راگەهاندن و دیارکر کریە، کو هژمارا وان کەسێن هەتا نوکە ب کۆرۆنا یێ گیانێ خوە ژ دەستداین نێزیکی 10 ھزار کەسانە.
هەروەسا گۆتیە، د 24 دەمژمێرێن بوری دا 5 ھزار 234 حاله‌تێن نوو یێن تووشبوونێ ب كۆرۆنا یێ ل بریتانیا هاتینە تۆمار كرن، نوکە هژمارا تووشبوویێن کۆرۆنا یێ ل بریتانیا گەهشتە 78 ھزار و 991 کەسان، دیسان د شەڤەک و رۆژەکێ دا 917 کەسان گیانێ خوە ژ دەستدایە.
نيشاندان