NO IORG
نووترين نووچه
Twitter

ئه‌ڤرۆ نیوز:

پشتی شكه‌ستنا به‌ربژارێ ئێكێ و دوێ، سه‌رۆك كۆمارێ عیراقێ به‌ربژارێ سیێ بۆ پێك ئینانا حكومه‌تا نوو یا عیراقێ راسپارد.

ئه‌ڤرۆ عه‌دنان زورفی راسپاردیێ دوێ بۆ پێك ئینانا كابینا نوو یا حكومه‌تا عیراقێ ڤه‌كیشانا خۆ راگه‌هاند.

پشتی خۆ ڤه‌كێشانا زورفی، به‌رهه‌م سالح سه‌رۆك كۆمارێ عیراقێ ل كۆشكا سه‌لام ل به‌غدا، مسته‌فا كازمی سه‌رۆكێ ده‌زگه‌هێ هه‌والگریا عیراقێ بۆ پێك ئینانا كابینا نوو یا حكومه‌تێ راسپارد.

د رێ و رسمێن راسپاردنا كازمی دا، هه‌ر ئێك ژ عمار حه‌كیم و هادی عامری سه‌رۆكێ هه‌ڤپه‌یمانیا فه‌تح و محه‌مه‌د حه‌لبوسی سه‌رۆكێ په‌رله‌مانی به‌رهه‌ڤ بوون.

پشتی ده‌ست ژ كارڤه‌كێشانا عادل عه‌بدلمه‌هدی و شكه‌ستنا محه‌مه‌د عه‌لاوی و ژ پێك ئینانا حكومه‌تێ و پاشی سه‌رۆك كۆماری عه‌دنان زورفی راسپارد ل دوماهیێ ئه‌وی ژی خۆڤه‌كێشا ژ پێك ئینانا حكومه‌تێ پشتی لایه‌نێن سیاسی پشته‌ڤانی لی نه‌كری.

ئه‌ڤرۆ نیوز:

وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر كۆ توشبویه‌كا دی ل باژێرێ هه‌ولێری هاته‌ ده‌ست نیشانكرن.

وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر و تێدا هاتیه‌ ل به‌رده‌وامیا پشكنین و لێگه‌ریان و دووڤچوونا گۆمانلێكریان، توشبوویه‌ك ل باژێرێ هه‌ولێرێ ب ڤایرۆسێ كورونا كوڤید 19 هاته‌ ده‌ست نیشانكرن، كۆ ئافره‌ته‌كا ژیێ وێ 38 ساله‌ و ئاكنجیا گۆندێ كانی گه‌نیه‌ و توشبوونا وێ ژی بۆ تازیا كارێزان ڤه‌دگه‌ریت.

ئه‌ڤرۆ نیوز:

لژنا په‌روه‌رده‌ و خاندنا بلند ل په‌رله‌مانێ كوردستانێ دانوستاندنێ ل سه‌ر چار بژارده‌یان دكه‌ت، كۆ هه‌مبه‌ر لایه‌نێن په‌یوه‌ندیدار دایه‌ بۆ ده‌ستپێكرنا خاندنێ ل زانكۆ و په‌یمانگه‌هان و خاندنا ئونلاین ره‌ت دكه‌ین و خاندن ل هه‌یڤا ئایارێ و حوزه‌یرانێ باشترین بژارده‌یه‌.

عه‌بدلسه‌لام دوله‌مه‌ری سه‌رۆكێ لژنا په‌روه‌رده‌ و خاندنا بلندن ل په‌رله‌مانێ كوردستانێ راگه‌هاند: ل كۆمبوونا لژنێ دانوستاندن ل سه‌ر چه‌ند بژارده‌یه‌كان هاتیه‌كرن، كۆ هه‌مبه‌ر وه‌زاره‌تا خاندنا بلند‌ بۆ ده‌ستپێكرنا خاندنێ ل زانكۆ و په‌یمانگه‌هان، سیسته‌مێ ئونلاین ره‌ت دكه‌ین، زۆر زه‌حمه‌ته سه‌ركه‌فتنێ بده‌ستڤه‌ بینین، ب ئه‌گه‌رێ خرابیا ئه‌نته‌رنێتێ ل كوردستانێ و نه‌بوونا كاره‌با به‌رده‌وام و نه‌بوونا كۆمپیوه‌ته‌ر و سمارتفونان د هه‌ر ماله‌كێ دا، ئه‌ڤه‌ ژبلی ئه‌وێ چه‌ندێ خرابیا ره‌وشا ده‌روونی یا قوتابیان و ماموستایان ب ئه‌گه‌رێ ڤایرۆسێ كورونایێ.

سه‌رۆكێ لژنا په‌روه‌ردی و خاندنا بلند ل په‌رله‌مانێ كوردستانێ ئه‌و چه‌نده‌ ژی دیاركر چاڤه‌ریێ نه‌ ل ده‌ستپێكا هه‌یڤا ئایارێ ڤایرۆسێ كورونا ل هه‌رێما كوردستانێ ب دوماهی بێت و باشترین بژارده‌ ئه‌وه‌ هه‌یڤا ئایارێ و حوزه‌یرانێ هۆلێن خاندنێ بهێنه‌ڤه‌كرن دشیاندایه‌ هه‌یڤا 5 و 6 قه‌ره‌بوویا ئه‌وی ده‌می پێ بكه‌ین كۆ ب ئه‌گه‌رێ ڤایرۆسی مه‌ ژ ده‌ست دایه‌.

عه‌بدلسه‌لاك دوله‌مه‌ری سه‌رۆكێ لژنا په‌روه‌رده‌ و خاندنا بلندن ل په‌رله‌مانێ كوردستانێ راگه‌هاند هه‌موو ئه‌و قوتابیێن كۆ ئیمه‌یل یان مه‌سنجه‌ر یان سناپ یان ڤایبه‌ر یان تیلیگرام یان هه‌ر ئامرازه‌كێ دی هه‌یه‌ دشێن وانه‌یێن خۆ ب هێسانی بده‌ستڤه‌ بینن و ژ زانست و زانیاریان دیر نه‌كه‌ڤن، به‌لێ په‌یره‌وكرنا ئه‌ڤی سیسته‌می ئیلزامی نینه‌.

ئه‌ڤرۆ نیوز:

رۆژنامه‌یا نیویورك تایمز یا ئه‌مریكی به‌لاڤكر چه‌ندین كه‌سێن خێزانا پاشایێ سعودیێ تووشی ڤایرۆسێ كورونایێ بوون و داخاز ژ نه‌خوشخانه‌یه‌كا تایبه‌ت یا ئه‌وی وه‌لاتی هاتیه‌كرن كۆ جهه‌كێ تایبه‌ت بۆ ئه‌وان بهێته‌دابینكرن.

نیویورك تایمزێ ئه‌و چه‌نده‌ ژی دیاركر  كۆ ژماره‌یكا ئه‌ندامێن خێزانا پادشایێ سعودیێ تووشی ڤایرۆسێ كورونایێ بوون و ره‌وشه‌كا نه‌ ئاسایی دناڤا خێزانا وان دا دروست بوویه‌، نه‌خوشخانه‌یێن تایبه‌تی 500 ته‌خت به‌رهه‌ڤكرینه‌ وه‌ك پێنگاڤه‌ك بۆ ئه‌گه‌رێ به‌لاڤبوونا ڤایرۆسێ كورونایێ دناڤ خیزانا پادشایێ سعودیێ دا.

د ئه‌ڤی چارچوڤه‌یی دا نه‌خوشخانه‌یا مه‌لك فه‌یسه‌ل یا تایبه‌ت نوژدارێن مه‌زنێن ئاگه‌هداركرینه‌ كۆ د به‌رهه‌ڤیێ دابن.

رۆژنامه‌یا نیویورك تایمز ژ ژێده‌ره‌كێ نێزیك ژ خێزانا پادشایێ سعودیێ به‌لاڤكریه‌، ئه‌گه‌ر هه‌یه‌ نێزیكی 150 كه‌سێن مالباتا وان تووشی ڤایرۆسێ كورونایێ بووینه‌، هه‌روه‌سا سه‌لمان بن عه‌بدلعه‌زیز پادشایێ سعودیێ كۆ ته‌مه‌نێ وی 48 ساله‌ ژ مالباتێ هاتیه‌ جوداكرن وبۆ پاراستنا وی.

ئه‌ڤرۆ نیوز:

مایك پومپیو وه‌زیڕێ ده‌رڤه‌یی ئه‌مریكا راگه‌هاند هێرشكرنا سه‌ر چینێ ژلایێ به‌رپرسێن ئه‌مركی تایبه‌ت ل سه‌ر به‌ربه‌لاڤكرنا كورونایێ هێشتا زوویه‌، ئه‌مریكا تانوكه‌ 50 هزار وه‌لاتیێن خۆ ژ ته‌ڤایا جیهانێ ڤه‌كشاندینه‌ ب ئه‌گه‌رێ به‌ربه‌لاڤبوونا كورونایێ هزارێن دی ژی چاڤه‌ریێ ڤه‌گه‌راندنێ نه‌.

 

وه‌زیرێ ده‌رڤه‌یێ ئه‌مریكا ئه‌و چه‌نده‌ ژی دیاركر نوكه‌ ده‌مێ سزا نینه‌، به‌لێ ره‌وش روون و شه‌فافه‌ ل به‌ر چاڤێن مه‌.

ئه‌ڤرۆ نیوز:

بریاره‌ ئه‌ڤرۆ عه‌دنان زورفی ژ پێك ئینانا حكومه‌تا نوویا عیراقێ خۆ ڤه‌كێشیت و پاشی سه‌رۆكێ ده‌زگه‌هێ هه‌والگرییێ بۆ ئه‌وی ئه‌ركی بهێته‌ سپاردن.

میدیایێن عیراقی به‌لاڤكرن، ئه‌ڤرۆ عه‌دنان زۆرفی دێ ڤه‌كێشانا خۆ ژ پێك ئینانا حكومه‌تا نوویا عیراقی راگه‌هینیت.

ئه‌گه‌رێ ئه‌وێ پێنگاڤێ بۆ ئه‌وێ چه‌ندێ ڤه‌دگریا كۆ زۆرفی نه‌شیا پشته‌ڤانیا ته‌ڤایا هێزێن عیراقی ده‌‌ستڤه‌ بینیت ب تایبه‌ت كورد و سونه‌یان.

بریاره‌ ئه‌ڤرۆ پشتی خۆ ڤه‌كێشانا عه‌دنان زۆرفی، مسته‌فا كازمی سه‌رۆكێ ده‌زگه‌هێ هه‌والگرییێ بۆ پێك ئینانا حكومه‌تێ بهێته‌ راسپاردن.

دهی سه‌رۆكێ هه‌رێما كوردستانا پشته‌ڤانیا هه‌رێمێ بۆ به‌ربژاركرنا كازمی راگه‌هاند.

 

 

ئەڤرۆ نیوز، زنار تۆڤی:

 

 

محسن دوسکی ئەندامێ فراکسیۆنا پارتی ل پەرلەمانێ کوردستانێ، بۆ ئەڤرۆ نیوز دیار کر: کو فراکسیۆنا پارتی ل پەرلەمانێ کوردستانێ، هەر ژ دەستپێکا هاتنا نەخۆشیا کۆرۆنا یێ، مە داخواز ژ هەموو هەڤالێن خوە کریە، کو ل دەڤەرێن خوە هەڤکاریا خەلکێ بکەن بێی جۆداهی، هەر تشتێ ژ دەستێ وان بهێت بۆ بکەن، ل گەل دەزگەهێ خێرخوازیێ بارزانی خۆبەخشانە د هەڤکار بن.

 

ناڤهاتی گۆت ژی: سوبەهی پێنجشەمبی 9.4.2020 ل گەل هاتنا مووچێ پەرلەمانی د بریارەکا دەستە جەمعیدا فراکسیۆنا پارتی، هەر 45 هەڤال و شیرەتکاران، مە بریاردایە مووچێن خوە بدەینە دەزگەهێ خێرخوازی یێ بارزانی، داکو هەڤکاریا هەژاران پێ بکەن.

 

 

محسنی ئەو ژی گوت: ئەم هەموو پێکڤە دەست ب دەست ب پشتەڤانیا خودێ دێ ڤێ قەیرانێ دەربازکەین، سۆپاس بۆ حوکمەتێ هەموو وان ئالیێن د ئەرکی دا، کو ل دژی نەخۆشیا کۆرۆنا یێ شەڤ و رۆژ خستینە سەر ئێک، پێکڤە دێ ڤێ رەوشێ دەرباز کەین.

 

 
ئەڤرۆ نیوز:

 

 

 

چێدبیت د هندەک دەمان دا، کەسەک بۆ تە ب ئاخڤیت و تۆ یێ پشت راست نەبی ژ راستیا گوتنێن وى، لەوما خواندنا ئاماژە و لڤینێن لەشێ وى راستیا گۆتنێن کەسێ هەمبەری مرۆڤی دیار دکەت.

 

مالپەرێ برایتساید، د بابەتەکێ دا ئاماژە ب چەند خالان دایە بۆ دەرخستنا درەوێن کەسێ هەمبەری مرۆڤی، ئەو ژى ئەڤە نە:

 

 

. دەمێ د ئاخڤیت گوتنێن خۆ دئینیت و دبەت.
. تەماشەی هەستێن وى بکە، د دەمەکێ کورت دا دێ ئاخفتنێن ژ هەڤ جۆدا بێژیت، بۆ نموونە دێ بێژیت خوشحالبووم ب دیتنا تە، پشتى چەند چرکا ژ ڤێ ئاخفتنێ دێمێ ئاخفتنکەرى دهێتە گوهۆرین.
. ئاماژە زۆر ژ د دێمێ وی دیار دبن و چاڤێن وی زێدە د لڤن.
. هایداری دەستپێک و دووماهیا گوتنێن وی و دووبارەکرنا پەیڤێن وی بە.
. بەرسڤا پرسیارێن مرۆڤی ب رستێن کورت د دەت.
. گەلەک جاران دەمێ درەوێ دکەت، ب دەستێ خوە دەڤ و دێمێ خوە دگریت.

 
ئەڤرۆ نیوز:

 

 

وەزارەتا ساخلەمیا هەرێما کوردستانێ راگەهاند، کو زارۆیەکێ نەهـ سالی تووشی ڤایرۆسێ کۆرۆنا یێ بوویە کو بەرکەفتیێ تووشبوویەکێ بەری نەکە یە.
هەروەسا گۆتیە، د بەردەوامیا پشکنیان و لێگەریانێ لدووڤ گومانلێکریان، تووشبوویەکێ دیتر یێ ڤایرۆسێ کۆرۆنا یێ هاتە دەستنیشانکرن، کو زاڕۆیەکێ کورە و د ژیێ 9 سالان دایە، خۆجهێ پارێزگەها هەلەبجەیە و بەرکەفتیێ تووشبوویێن بەری نوکە یە.

 
ئەڤرۆ نیوز:

 

پەیڤدارێ رێڤەبەریا گشتی یا ساخلەمیا هەولێرێ راگەهاند، کو شەش تووشبوویێن دیتر یێن کۆرۆنا یێ ل هەولێرێ چێبووینە و بریارە بهێنە رەوانە کرن بۆ مال و ب ڤێ چەندێ سەرجەمێ گشتی یێ وان تووشبوویێن کۆرۆنا یێن کو ل هەولێرێ چێبووین گەهشتنە 28 کەسان.

د. بژار موسا عەلی، پەیڤدارێ رێڤەبەریا گشتی یا ساخلەمیا هەولێرێ گۆت، کو شەش نەخۆشێن تووشبوویی ب ڤایرۆسێ کۆرۆنا، پشتی وەرگرتنا چارەسەریێن نۆشداری ب تەمامی چێبووینە و بارێ ساخلەمیا وان تەمام یا جهگیرە.

هەتا نوکە ل هەرێما کوردستانێ 309 کەس تووشی ڤایرۆسێ کۆرۆنا یێ بووینە، ژ وان ژی 125 کەس چێبووینە و 3 کەسان ژی گیانێ خوە ژ دەستدایە.

website security
WP Facebook Auto Publish Powered By : XYZScripts.com