ئەڤرۆ نیوز:
ژێدەرێن میدیایی دیار دکەن کو دو رۆژن روسیا هێزێن سەربازی ل منبجێ و ئدلبێ بجه دکەت و هەروەسا ل هندەک دەڤەرێن رۆژئاڤایێ کوردستانێ یێن سەر سنورێ تورکیا ژی روسیا هێزێن سەربازی بجه کریە.
هەتا نها ل دۆر وی بابەتی روسیا چو داخۆیانیەک فەرمی بەلاڤ نەکریە لێ بەرپرسەکێ وەزارەتا بەرەڤانیێ یا روسیا دیار کریە کو وان دڤێت ئاگربەستا ل ئدلبێ ب باشی برێڤە بچیت و ژ بەر هندێ ژی هندەک هێزێن خوە ل سەر سنورێن تورکیا بجه کرینە دا رێ نەدەن تورکیا ئالۆزیێن نوو ل سووریێ دروست بکەت.
ئەڤرۆ نیوز:
وەزارەتا ساخلەمیێ یا هەرێما کوردستانێ راگەهاند کو د ئەنجاما پشکنینێن بەردەوام دەرکەفت کو شەش کەسێن دی ل باژێرێ هەولێرێ تووشی ڤایرۆسێ کۆرۆنایێ بووینە.
د داخۆیانیا وەزارەتا ساخلەمیێ دا ئاماژە ب هندێ هاتیە کرن کو شەش کەسێن نوو ئێک خێزانن (باب، دایک و چار ژی زارۆیێ وانن).
وەزارەتا ساخلەمیێ دبێژیت کەسێن نوو ژی بەرکەفتیێ هەر دو تازیێن تاخێ کارێزان ل هەولێرێ نە.
ئەڤرۆ نیوز:
فەیزوللا محەمەد رێڤەبەرێ کارگێری ل رێڤەبەراتیا گشتی یا ساخلەمیا هەولێرێ راگەهاند کو پشتی روودانا ل تاخێ کارێزان ل هەولێرێ ١١ تاخ ل وی باژێری هاتینە کەرەنتین کرن و پشکنین بۆ پتر ژ هزار و ٢٠٠ کەسان هاتیە کرن و ئەڤرۆ ژی پشکنین بۆ ٣٠٠ کەسێن دی هاتیە کرن.
ناڤهاتی راگەهاند کو ١٣٠ کەس ل هەولێرێ هاتینە کەرەنتین کرن کو وان تێکەلی ل گەل هەر دو تازیێن بەری نها ل تاخێ کارێزان ل هەولێرێ هەبووینە، ژ بەر هندێ ژی هاتینە کەرەنتین کرن دا مەترسی ل سەر وەلاتیێن دی دروست نەبیت.
ئەڤرۆ نیوز:
سەرۆک مەسعود بارزانی د پەیامەکێ دا دیار دکەت کو پێدڤیە ژناڤبرنا تیرۆرێ و تیرۆرستان ژ کارێ سەرەکی یێ حوکمەتا هەرێما کوردستانێ، عیراقێ و هەڤپەیمانیا نێڤدەولەتی بیت.
سەرۆک بارزانی هەروەسا دیار دکەت کو ب مخابنی ڤە دوهی تیرۆرستێن داعشێ ل سنورێ قەزا کۆلەجۆ ل گەرمیان هێرشی هێزێن پێشمەرگەی کرینە کو د ئەنجام دا دو پێشمەرگە ب ناڤێن فارس رەسول و سوورکێو حەمە رەشید شەهید بووینە.
د پەیاما خوە دا سەرۆک بارزانی سەرساخیێ بۆ مالباتا هەر دو شەهیدان دخوازیت و خوە ب شریکێ خەما وان دزانیت.
سەرۆک بارزانی هەروەسا دیار دکەت کو هێرشا شەڤێ دی نیشا ددەت کو داعشێ جارەکا دی خوە رێکخستیە و بوویە مەترسی ل سەر ژیانا هەموو وەلاتیان و ژ بەر هندێ ژی دڤێت ژناڤبرنا داعشێ ببیتە کارێ سەرەکی یێ هەرێما کوردستانێ، عیراقێ و وەلاتێن هەڤپەیمان.
ئەڤرۆ نیۆز، قائید میرۆ:
سەرۆکێ کۆمەلا کرێداران داخوازکر کرێدار ل کریا دو ھەیڤان بھێنە ئازاکرن و د ھەمبەرداژی حوکمەتێ باجا دو سالان خوەدی مولکان ئازا بکەت.
گۆران عەوێنەیی، سەرۆکێ کۆمەلا کرێداران بۆ ئەڤرۆ نیۆز دیارکر” ژ چەندین لایانڤە داخواز ل سەرۆکایەتیا جڤاتا وەزیران ھاتیەکرن، بڕیارەکێ لدۆر ئازاکرنا کرێداران دەربکەت و بابەتێ دان و نەدانا کرێ بھێتە ئێکلاکرن، چونکە پێدڤی ب بڕیارا حوکمەتێ ھەیە و ھژمارەکا زۆرا خوەدی خانی و ئاڤاھی جھێن بازرگانی کرێدار ئازاکرینە ژبەر ئەڤێ رەوشێ، بەلێ ھێشتا ھژمارەکا زۆرژی ماینە.
سەرۆکێ کۆمەلا کرێداران گۆتژی” مە پێشنیارکریە حوکمەت باجا دو سالان وەلاتیان ئازا بکەت و د ھەمبەردا خوەدی مولکژی کریا دو ھەیڤان کرێداری ئازا بکەت، ئەڤە چارەسەریەکا گونجایە بۆڤێ رەوشێ نوکە ئەم تێداینە.
گۆران عەوێنە ئاشکراکر” چو ئامارێن فەرمیی و نەفەرمی لدۆر ھژمارا مولکێن بکرێ چووین نینە، چونکە ھژمارەک وەلاتی ھەتا باجێ نەدەنە حوکمەتێ مولکێن خوە تۆمارنەکرینە ل رێڤەبەریێن دانا باجێ.
ئەڤرۆ نیۆز، قائید میرۆ:
سەرۆکێ لیژنا دەرمانان لپەرلەمانێ کوردستانێ ئاشکراکر، ژبلی کیتەکا پشکنینا ڤایرۆسا کورونا ھێشتا حوکمەتا فیدڕال چو ھاریکاریێن وەسا نەداینە ھەرێما کوردستانێ و دبێژیت، ھەرێمی داخوازکریە پاداشتێ کارمەند و نۆشداران ھەرێما کوردستانێ ژی ڤەگریت.
زانا مەلا خالد، سەرۆکێ لیژنا دەرمانان ل پەرلەمانێ کوردستانێ بۆ ئەڤرۆ نیۆز دیارکر” ل دەستپێکا بەلافبوونا ڤایرۆسا کورونا کیتەک یا پشکنینێ ژلایێ ساخلەمیا بەغدا گەھشتە ھەرێما کوردستانێ بۆ ئەنجامدانا ١٠٠ پشکنینێن ڤایرۆسا کورونا و مفا لێ ھاتە وەرگرتن.
وەزیرێ ساخلەمیا ھەرێما کوردستانێ پشکداری د کۆمبوونا وەزارەتا ساخلەمیا عێراقێ دا کربو تێدا داخواز ھاتبوکرن ئەو پاداشتێ ٥٠٠ ھزار دیناری یێ ژبۆی نۆشدار و کارمەندێن ساخلەمی دھێتە مەزاختن ھەرێما کوردستانێ ژی ڤەگریت، بەلێ ھەتا نوکە چو ھەڤکاریێن بەغدا نەگەھشتینە ھەرێما کوردستانێ تایبەت ب ڤایرۆسا کرۆنایێ.
ئه‌ڤرۆ نیۆز، عه‌زیز هه‌ورامی:
تیرۆرستانی داعش له خانه‌قین و ده‌وروبه‌ری جوڵه‌یان زیاد كردووه، هێرش ده‌كه‌نه سه‌ر هێزه عێراقییه‌كان و هێزه‌كانی پێشمه‌رگه‌ی كوردستان، به‌رپرسێكی باڵای پارتی، مه‌ترسی تیرۆرستانی داعش زیادی كردووه.
شه‌وی ڕابردوو له هێرشێكی تیرۆرستانی داعش بۆ سه‌ر سه‌نگه‌رێكی لیوای پێنجی شاره‌زووری هێزه‌كانی پێشمه‌رگه له ناحیه‌ی گوڵه‌جۆ له ئه‌نجامدا دوو شه‌هید و بریندار بونی لێكه‌وته‌وه.
اكبر حه‌یده‌ر جێگری به‌رپرسی لقی 15ی خانه‌قینی پارتی دیموكراتی كوردستان، به ئه‌ڤرۆ نیۆزی ڕاگه‌یاند:” هه‌فته‌یه‌كه تیرۆرستانی داعش له خانه‌قین و ده‌وروبه‌ری جوڵه‌ی تیرۆرستیان زیادی كردووه، له‌م هه‌فته‌یه چه‌ندین هێرشیان كردووه‌ته سه‌ر هێزه‌كانی حه‌شدی شه‌عبی كوژرا و برینداری لێكه‌وتووه‌ته‌وه.
هه‌روه‌ها گوتی، تیرۆرستانی داعش له ناوچه‌كه له‌گه‌ڵ هێرشی ڕاسته‌وخۆ بۆسه‌ر هێزه‌كانی پێشمه‌رگه و سوپاس و حه‌شدی شه‌عبی ،له ڕێگه‌ی دانانه‌وه‌ی مینی چێندراویش كرداری تیرۆرستی ئه‌نجام ده‌ده‌ن.
ئاماژه بۆ ئه‌وه‌ده‌كات، شه‌وی ڕابردوو نزیك له ناحیه‌ی گوڵه‌جۆ هێرش كراوه‌ته سه‌ر هێزی پێشمه‌رگه و هاوه‌ن بارانی ناحیه‌كه كراوه، دوو پێشمه‌رگه شه‌هید بوون، داعش له‌ناوچه‌كه كاره‌تیرۆرستییه‌كانیان زیادی كردووه.
هه‌رئه‌مڕۆ له كاتی كێوماڵ كردنی ناوچه‌كه له لایه‌ن پێشمه‌رگه و ئاسایش پاش شه‌ڕ له‌گه‌ڵ تیرۆرستانی داعش، مینێكی چێندراو ده‌ته‌قێته‌وه، به هێزه‌كانی ئاسایش خۆشبه‌ختانه هیچ زیانێكی نه‌بووه.
دهۆك، له‌زگین
رێڤه‌به‌رێ گشتی ساخله‌میا پارێزگه‌ها دهۆكێ دیاركركو پێشكێشكرنا كه‌ره‌ستین خوه پاراستنێ ژلایێ سه‌ندیكا ددانان ڤه دێ پشته‌ڤانیی بیت كو ده‌زگه‌هێن ساخله‌میێ به‌رده‌وامیێ ب كارێن خۆ بده‌ن.
د. نزار عسمه‌ت، رێڤه‌به‌رێ گشتی ساخله‌میا پارێزگه‌ها دهۆكێ دیاركركو كاری سه‌ندیكا ددانان جهێ سوپاسیا ساخله‌میێ یه ب تایبه‌تی د نوكه دا بۆ به‌رهه‌نگاریا ڤایرۆسێ كورونا ئه‌ڤ ڤایرۆس ل سه‌رانسه‌ری جیهانێ به‌لاڤ بوویه وپێدڤی ب پێداویستیێن پزیشكی ب هه‌موو شێوازان هه‌یه.
د. سه‌عید عه‌لی به‌رواری، سه‌رۆكێ لقا دهۆك یێ سه‌ندیكا نۆژدارێن ددانان گۆت: ژبلی ده‌زگه‌هێن ساخله‌میێ مه وه‌كو سه‌ندیكا پێدڤین خوه پاراستنێ بۆ هێزین ئه‌منی ژی دابینكریه ل سه‌ر هێزێن ئه‌منی هاتینه به‌لاڤكرن ئه‌م به‌رده‌وام كاردكه‌ین بۆ پاراستنا ژیانا خه‌لكێ خوه وهێڤدارین وه‌لاتی پتر هه‌ڤكار بن دمال دا بمینن هه‌تا ئه‌ڤ ره‌وش ب دووماهیێ دهێت ئه‌ڤه دوو یه‌مین جاره ئه‌م هه‌ڤكاریا ته‌ندروستیا دهۆكێ دكه‌ین.
ئاشكه‌را كركو كه‌ره‌ستێن پاراستنا كه‌سایه‌تی بتایبه‌تی ژی ستافێ ل نه‌خۆشخانه‌یان كار دكه‌ن مه بۆ ساخله‌میێ دابینكرن ڤێ جارێ ژی مه شیا بۆ وان كارمه‌ندان دابین بكه‌ین یێن دوارێ ددانان دا كاردكه‌ن ل ده‌زگه‌هێن ساخله‌میێ.
ئه‌ڤرۆنیۆز، سالاردۆسكی:
رێڤه‌به‌رێ مالا دانعه‌مراندن ل دهۆكێ خۆیاكركو چار دانعه‌مر چووینه ده‌ستیردانێ به‌ری ڤێ نه‌خوشیێ و هه‌تا نوكه نه‌زڤرینه، نوكه نه‌شێن وه‌ربگرین ژ به‌رڤێ نه‌خوشیێ و ئه‌گه‌ر بهێنه وه‌رگرتن ژی دڤێت بچنه د كه‌رنتیكرنێ دابۆماوێ (14) رۆژان.
سه‌باح محه‌مه‌د عه‌لی، رێڤه‌به‌رێ مالا دانعه‌مران ل دهۆكێ بۆ ئه‌ڤرۆ نیۆز ئاششكراكركوهه‌تانوكه(22)دانعه‌مر ژ ژنك و(13 )زه‌لام و (9) ژن ل مالا دانعه‌مران هه‌نه، ل گه‌ل تێكچوونا كاودانێن ساخله‌میێ رۆژانه ئه‌ودانعه‌مر دهێنه پاقژكرن و ده‌ست و پێن وا ب دیتولێ دهێنه شیشتن و دیسا ده‌زگورك و ماسك بۆهاتینه‌دان.
رێڤه‌به‌رێ مالا دانعه‌مران ئه‌وژیدیاركر كو ژ به‌ری هاتنا نه‌خوشیا كورونایێ چاردانعه‌مر چووینه مالێن مرۆڤێن خوه و ده‌ستیردان وه‌رگرتینه، نوكه داخاز دكه‌ن بزڤرنه مالا دانعه‌مران به‌لێ مه نوكه رێك نه‌دایێ چونكو دڤێت پشكنینێن گشتی بۆ بهێنه‌كرن به‌ری بزڤرن و دیسا دڤێت بهێنه كه‌رنتیكرن بۆماوێ 14 رۆژان.
ناڤبری گۆت: خێرخازێن باژێری ته‌خسیرینه‌كریه و گه‌له‌ك دهاریكارن ل گه‌ل مالا دانعه‌مران، هه‌تانوكه چ كێشه‌نینن و گه‌له‌ك ب سه‌ركه‌فتیانه كار برێڤه‌دچیت.
هێشتا گۆت: هه‌تا نوكه فه‌رمانبه‌رێن مالا دانعه‌مران ده‌رماله بۆ ناهێنه مه‌زاختن و ئه‌ڤه ده‌مه‌كی دا ئه‌ڤه جهه‌كێ ب مه‌ترسییه و نڤیساربۆ جهێن بلندهاتیه‌بلنكرن.
رێڤه‌به‌ری ئه‌وژی ئاشكراكركو ژ سالا ڤه‌كرنا مالا دانعه‌مران هه‌تا نوكه پێنچ دانعه‌مران وه‌غه‌ركرینه، گه‌له‌ك دانعه‌مران ژی ئاریشه ل مالێن خوه هه‌بووینه و پشتی قه‌ستا مالا دانعه‌مران كرین كێشێن وان هاتینه چاره‌سه‌كرن و جاره‌كا دی بۆ ناف خێزانێن خوه هاتینه زڤراندن.
جهێ ئاماژه‌كرنێ‌یه كو كه‌سانێن دانعه‌مر ل دووف قانووناهه‌ژماره(2) یا سالا 2013 دهێنه وه‌رگرتن كو زه‌لام دڤێت ژیێ وی(60) سال و ژن(55)سالان كێمترنه‌بیت، مالا دانعه‌مراندن ل دهۆكێ بتنێ جهێ ڤه‌حواندنا(30)كه‌سان هه‌یه.
ئه‌ڤرۆ نویز:
سه‌رۆكێ لژنا چاندنێ ل په‌رله‌مانێ كوردستانێ راگه‌هاند پێدڤیه هه‌رێما كوردستانێ زێده‌تر پشت به‌ستنێ ل سه‌ر خۆ بكه‌ت، چونكو نوكه به‌ره‌ڤ ئه‌وێ چه‌ندێ دچین كۆ لهه‌ڤگۆهارتنا بارزگانیێ دناڤبه‌را وه‌لاتان كێمتر ب بیت.
عه‌بدلستار مه‌جید سه‌رۆكێ لژنا چاندنێ ل په‌رله‌مانێ كوردستانێ د كۆنفرانسه‌كی دا راگه‌هاند دێ سه‌ره‌دانا هه‌ر چار پارێزگه‌هێن هه‌رێمێ كه‌ین، دووڤ چوونا ئه‌وان رێنمایێن هاتینه ده‌رخستن تایبه‌ت ب ئه‌وان رێنمایێن تایبه‌ت ب چاندنێ.
سه‌رۆكێ لژنا چاندنێ یا په‌رله‌مانێ كوردستانێ دیاركر نوكه وه‌رزێ چاندنێ یه و چنینا هنده‌ك به‌رهه‌می یه له‌ورا دڤێت كار هێسانی و رێنمایی یێن تایبه‌ت ب جۆتیاران بهێنه ده‌رخستن.
عه‌بدلستار مه‌جید سه‌رۆكێ لژنا چاندنێ ل په‌رله‌مانێ كوردستانێ ئه‌و چه‌نده ژی دازانین د ده‌مه‌كی دا ره‌وشا وه‌لاتێن هه‌ڤسی زۆرا خراپه، پێدڤیه هه‌رێما كوردستانێ زێده‌تر پشت به‌ستنێ ل سه‌ر خۆ بكه‌ت دبیت لهه‌ڤگوهارتنا بارزگانی یا وه‌لاتان كێمتر بیت.
نيشاندان