ئەڤرۆ نیۆز:
ھژمارەکا رۆژنامەیێن برێتانی دیارکری یە راھێنەرێ یانا بایرن میۆنخ پیب گواردیۆلا ل دانۆستاندنێن دەستپێکی دا یە د گەل بەرپرسێن یانا مانشێستەر سیتی بۆ وەرگرتنا ئەرکێ راھێنەریا یانا ئینگلیزی بوو وەرزێ بھێت.
ھەڤبەستا راھێنەرێ ئیسپانی گواردیۆلا بریارە ل ھاڤینا بھێت ل گەل یانا باڤاری ب دووماھی بھێت.
ھەژی گوتنێ یە راھێنەرێ ناڤبری بەری نوکە دیارکر بۆ ئەو دخوازیت ئەرکێ راھێنەریا یانا مانشێستەر یۆناید وەربگریت ھەڤرکا یانا مانشێستەر ستی.
ئەڤرۆ نیۆز:
دەستەیا کارگێریا یانا جەویە ھەڤبەستا پیشەکارێ خوە یێ بەرازیلی ھەلوەشاند ل سەر داخوازیا دەستەیا راھێنەریا تیمێ .
جاسم گاتع ئەندامێ دەستەیا کارگێریا یانا جەویە د داخویانیەکێ دا بۆ مالپەرێ ئەڤرۆ نیۆز دیارکر ھەڤبەستا یاریکەرێ وێ یێ بەرازیلی تیاگو ب رازەمەندیا ھەردوو لایانە ھاتە ھەلوەشاندن كو دەستەیا راھێنەریا تیمێ راپورتەک پێشکێشی یانێ کر بوو ل ماوێ بھێت چو مفا ژ شیانێن ئەوی ناھێتە دیتن ژبەرکو ئاستێ وی یێ ھونەری نە ل ئاستێ پێدڤی یە
ئەڤرۆ نیۆز، قائید میرۆ:
پارێزەرەکى ئیماژه ب وێ چەندێ دكه‌ت كو دەرکرنا وەزیرێن گۆڕان ژ لایێ پارتی ڤە ب قانوونێ بوویە.
بلند مستەفا، نڤیسەر و پارێزەر بۆ ئەڤرۆ نیۆز راگەھاند” دەرکرنا وەزیر و بەرپرسێن گۆڕان ل کابینا حوکمەتێ ژلایێ قانوونی ڤە چو ئاریشە نینە، چونکە پارتی لیستا ئێکێ بووینە دھەلبژارتناندا و خەلکێ دیکە ھاتینە ناڤا حوکمەتا پارتی”.
بلندی گۆتژی” گورەی پەیڕەی نافخۆیێ جڤاتا وەزیران سەرۆکێ جڤاتا وەزیران دەستھەلات ھەیە ئەگەر وەزیرەک وەکی پێدڤی نەبوو جھێ ب وەکالەت تژی بکەت و وەزیرێن دیژی دێ ھەر وەزیربت ھەتا دوماھیا کابینێ بەلێ دێ کارێن وان راگرتن”.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 3ى چريا دويێ يا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1224 |
| 1 يۆرۆيێ ئه‌ورۆپى | 1355 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، کاروان باعەدرى:
پشتی ھەلبژاتنێن پێش وەختێن تورکیا ھاتینە ئەنجام دان یێن ئێکی ھەر چەندە ھەدەپێ دەنگ و کورسێن خۆ کێم کرن، لێ دو پەرلەمانتارێن کوردێن ئێزدی گەھشتنە پەرلەمانێ تورکیا ئەو ژی عەلی ئاتالان و فەلەکناس ئوجە بوون .
بۆ زانین ئەڤە بۆ جارا دویێ یە ھەردو پەرلەمانتار دھێنە ھەلبژارتن و بۆ جارا ئێکی مەھەپێ ھەشتێ کورسی ب ەست خۆڤە ئینابوون و لێ ژبەر نەتەمامبوونا زۆرینە کورسیکێن ئاکبارتی نەکاری ب تنێ حکومەتەکا زۆرینە پێک بھینت لێ ھەلبژارتنێن پێش وەخت ھاتن کرن و ھەردو پەرلەمانتارێن کوردین ئێزدی دووبارە گەھشتنە پەرلەمانێ تورکیا.
فەلەکناس ل سالا ١٩٩٩ ژی بووە ئەندداما ئێکەتیا ئەرورپا ل سالا ١٩٩٩ ێ بۆ دووجارا ل سەر ئێک ھەتا سالا ٢٠٠٩ ێ
عەلی ئاتالان ژی ئەندمێ پەرلەمانێ ئەلمانیا بوو ل سالا ٢٠١٠ھەتا ٢٠١٢
ئەڤرۆ نیۆز:
یانا بەرشەلۆنا ب فەرمی ھەڤبەستا یاریکەرێ خوە یێ گەنج راڤینا کانتارا نووکر بۆ چار سالێن دی ھەتا ٢٠٢٠ .
سەرارای نە پشکداریا یاریکەرێ ناڤبری د یاریێن ئەڤ سالە دا ژبەر ئەو ھنگافتنا توش بوو یێ ل دەستپێکا ڤی وەرزی د یاریێن قارەمانیا یانێن ئەوروپا دا لێ کارگێریا یانا کەتەلۆنی ھەڤبەستا یاریکەرێ گەنج یێ ئیسپانی نووکر بۆ چار سالێن بھێت.
ئه‌ڤرۆ نيوز:
ئه‌ڤرۆ نيوز بۆ جارا ئێكێ ديمه‌نێن ناڤا باژێرێ شنگال به‌لاڤ دكه‌ت كو ب رێيا چاڤكێ كاميرا رۆژنامه‌ڤانێ وێنه‌گر سه‌ربه‌ست باجلۆرى ڤه هاتينه گرتن.
د ڤان گرته‌يێن وێنان دا، ب ره‌نگه‌كێ گه‌له‌ك به‌رچاڤ ئه‌و تالانكارى و رێرانكارى ديار دبيت يا د ماوێ بۆرى دا ب سه‌ر باژێرێ شنگال دا هاتى، هه‌ر تشته‌ك وێران بوويه.
ئەڤرۆ نیۆز:
ئاستانا کازاخستانی و ئەتەلتیکۆ مەدرید ئیسپانی
مانشێستەر یوناید ئینگلیزی و سسکا مۆسکۆ رۆسی
ئایندھوڤن ھولەندی و فۆلڤسبورگ ئەلمانی
ریال مەدرید ئیسپانی و پاریس سان جێرمان فەرەنسی
بەنڤیکا پرتۆگالی و گەلاتەسەرای تورکی
ئەشبیلیا ئیسپانی و مانشێستەر سیتی ئینگلیزی
شاختار دونیسک ئوکۆرانی و مالمۆ سویدی
برۆسیا موشنگلادباگ ئەلمانی و یوڤانتۆس ئیتالی
ھەژی گوتنێ یە ھەمی یاریی بریارە ٢٢:٤٥ ئەڤ شەڤە بھێنەکرن بتنێ یاریا ئاستانا و ئەتلەتیکۆ مەردید نەبیت بریارە ئەو دەمژمێر ١٨:٠٠ بھێتەکرن
ئەڤرۆ نیۆز، قائید میرۆ:
بزاڤا گۆڕان مەکۆیا سەرەکیا خوە لباژێڕێ ھەولێرێ ڤەکر، ئەڤەژی پشتی چولکرنا وێ ژلایێ بەرپرس و کادرێن گۆڕان ژبەر ئالۆزیێن دگەل پارتی.
ھەنگاو ھاشم، بەرپرسێ راگەھاندنا مەکۆیا گۆڕان ل ھەولێرێ ب ئەڤرۆ نیۆز راگەھاند” دوھی بزاڤا گۆڕان جارەکادی مەکۆیا خوە یا سەرەکی لباژێڕێ ھەولێرێ ڤەکر و نوکە کادرێن گۆڕان ب ئاسایی دەواما خوە یا حزبی دکەن.
ھەنگاوی گۆتژی” ڤەکرنا مەکۆیا گۆڕان ل ھەولێرێ پشتی ئالۆزیێن ناڤبەرا پارتی و گۆڕان دھێت، کۆ ژ بەر رەوشا ئەمنی مەکۆیا ھەولێرێ ھاتبوو چولکرن و ژ لایێ ھێزێن ئەمنی دھاتە پاراستن، بەلێ ھێشتا مەکۆیا دھۆکێ نەھاتیە ڤەکرن.
نيشاندان
