وەزارەتا ساخلەمیێ داخوازا داخستنا کەنالەکێ دکەت

07/04/2020 15:03

3512

ئەڤرۆ نیوز:

د. سامان بەرزنجی وەزیرێ ساخلەمیێ راگەهاند کو وان داخوازا ژ داواکارێ گشتی ل هەرێما کوردستانێ کرینە کو کەنالێ NRT یێ شاشوار عەبدولواحدی دائێخینن، چونکو زانیاریێن شاش بەلاڤ دکەن و کارتێکرنەکا خراب ل جڤاکێ کوردستانێ دکەت.

وەزارەتا ساخلەمیێ دیار دکەت کو چەندین جاران کەنالێ ناڤبری دیار کریە کو وەزارەتا ساخلەمیێ ئامارێن شاش بەلاڤ دکەت ئەو یەک د دەمەکێ دایە کو هەتا نها وێ کەنالێ چو بەلگە ژی د دەستان دا نینن و ئارمانجا وێ کەنالێ ژی دروستکرنا ئاژاوەگەریێ یە و ژ بەر هندێ ژی داخوازا داخستنا کەنالێ NRT یێ شاشوار عەبدولواحدی هاتیە کرن.

وه‌زیرێ ساخله‌میا حكومه‌تێ داخازا هه‌ڤكاریێ ژ جڤاكا نێڤ ده‌وله‌تی دكه‌ت

07/04/2020 14:47

160

ئه‌ڤرۆ نیوز:

وه‌زیرێ ساخله‌میا هه‌رێمێ داخازێ ژ نه‌ته‌وه‌یین ئێكگرتی و رێكخراوێن جڤاكێ مه‌ده‌نی و تایبه‌ت رێكخراوا ساخله‌میا جیهانێ كه‌ین كۆ ده‌ستێ هه‌ڤكاری و پشته‌ڤانی و پێدڤیێن نوژداری بۆ هه‌رێمێ درێژ بكه‌ن.

د. سامان به‌رزنجی وه‌زیرێ ساخله‌میا حكومه‌تا هه‌رێمێ راگه‌هاند حه‌فتێ نیسانێ یا هه‌ر سال، ژلایێ رێكخراوا ساخله‌میا جیهانێ ب رۆژا جیهانێ یا ساخله‌میێ هاتیه‌ نیاسین، د ده‌مه‌كی دا هه‌رێما كوردستانێ و جیهان ئه‌ڤێ هه‌لكه‌فتێ دكه‌ت د قوناغه‌كا مه‌ترسیدار دا ده‌رباز دبیت، ئه‌ڤه‌ ژی ب ئه‌گه‌رێ به‌لاڤ بوونا ڤایرۆسێ كورونایێ كۆڤید 19.

وه‌زیرێ ساخله‌میا حكومه‌تا هه‌رێما كوردستانێ هه‌موو بزاڤ هاتینه‌ رژدكرن بۆ پاراستنا گیانێ وه‌لاتیان و دیربوون ژ نه‌خوشیان، به‌رده‌وام ته‌ئكیدێ ژ خۆپارێزیێ و داخازێ ژ وه‌لاتیان دكه‌ین بۆ پێگیر بوون ب رێنمایێن ساخله‌میێ.

رابه‌رێ ئیرانێ ئێك ملیار یورو بۆ به‌رهنگاربوونا كورونایێ ته‌رخانكرن

07/04/2020 14:31

ئه‌ڤرۆ نیوز:

سه‌رۆكاتیا ئیرانێ راگه‌هاند: عه‌لی خامنه‌یی رێبه‌رێ بلندێ كۆمارا ئیسلامی رازیبوو ب سه‌ر مه‌زاختنا ئێك ملیار یورو ژ سندۆقا گه‌شه‌پێدانا نیشتمانی بۆ ریب ری بوونا ڤایرۆسێ كورونایێ، ئاماژه‌ ب وێ چه‌ندێ ژی هاتیه‌كرن كۆ ئه‌و رێژه‌یا پاره‌یی ل سه‌ر داخوازیا حه‌سه‌ن روحانی سه‌رۆك كۆمارێ ئیرانێ بوویه‌.

حه‌سه‌ن روحانی سه‌رۆك كۆمارێ ئیرانێ سوپاسیا خو گه‌هانده‌ خامنه‌یی بۆ په‌سندكرنا داخوازیا مه‌ ب دابینكرنا كه‌ل و په‌لێن پێدڤی تایبه‌ت ب ریب ری بوونا كورونایێ فه‌رمانێن پێدڤی ده‌رخستینه‌.

حه‌سه‌ن روحانی راگه‌هاند بریاره‌ ل ده‌مه‌كێ نێزیك هه‌ڤكاریا تایبه‌ت ئاراسته‌یی سندوقا گرنتینكرنێ دژی بێكاریێ بهیته‌كرن و هه‌ڤكاری ژی هه‌ر ژ وی پاره‌یی بیت یێ خامنه‌یی ته‌رخانكرین.

په‌یڤدارێ وه‌زاره‌تا ساخله‌میا ئیرانێ راگه‌هاند تانوكه‌ ته‌ڤایا توشبوویێن ڤایرۆسێ كورونایێ گه‌هشتیه‌ 62 هزار و 589 كه‌س و 872 حاله‌تێن مرنێ ژی ب ڤایرۆسێ كورونایێ بوویه‌.

رێڤه‌به‌راتیا سه‌قاناسیێ رێژا باران بارینێ ل 24 ده‌مژمێرێن بوری راگه‌هاند

07/04/2020 14:03

352

ئه‌ڤرۆ نیوز:

رێڤه‌به‌راتیا گشتی یا سه‌قا ناسی و بیڤه‌له‌رزان یا هه‌رێما كوردستانێ رێژه‌یا باران بارینێ ل 24 ده‌مژمێرێن بوری دا ل باژێرێن هه‌رێمێ به‌لاڤكر.

رێڤه‌به‌راتیا گشتی یا سه‌قاناسیێ و بیڤه‌له‌رزان یا هه‌رێما كوردستانێ د راگه‌هاندنه‌كێ دا دیاركر ل 24 ده‌مژمێرێن بوری دا دڤی خشته‌یێ دا هاتیه‌دیاركرن.

وه‌زاره‌تا ساخله‌میێ سێ توشبوویێن دی ب ڤایرۆسێ كورونا ل دهۆكێ ‌ راگه‌هاند

07/04/2020 12:57

386

ئه‌ڤرۆ نیوز:

وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا دیاركر سێ توشبوویێن ڤایرۆسێ كورونایێ كوڤید 19 ل باژێرێ دهۆكێ هاتینه‌ توماركرن.

وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر و تێدا هاتیه‌ كۆ ل به‌رده‌وامیا پشكنین و لێگه‌ریان دووڤچوونا گۆمانلێكریان، سێ توشبوویێن ڤایرۆسێ كورونا كۆڤید 19 ل باژێرێ دهۆكێ هاتنه‌ ده‌ست نیشانكرن، كۆ خێزانه‌ك، ده‌یك و باب كۆ ژیێ وان 31 سالن و ل گه‌ل زارۆكا وان یا ژی 10 سالی ژ وه‌لاتێ بریتانیا ڤه‌گه‌ریا بوون و ل كه‌ره‌نتینه‌كرنێدا بوون.

پەرلەمانتارەک: زەحمەتە ئەڤسالە ھەلبژاتن ل عێراقێ بھێنە ئەنجامدان

07/04/2020 12:39

ئەڤرۆ نیۆز، قائید میرۆ:

ژبەر نەبوونا چ رێکەفتنان بۆ پێک ئینانا کابینا نوویا حوکمەتا عێراقێ پێشبینی دھێتەکرن ڤێجارێ کۆمبوونا پەرلەمانی بۆ دانا باوەریێ ب کابینا حوکمەتێ سەرنەگریت چاڤه‌رێن رەوشا عێراقێ و ھەلبژارتنا بەروەخت ب چارەسەر دزانین بۆ رەوشا عێراقێ پەرلەمانتارەک ژی دبێژیت، چەندین ئاستەنگ ھەنە ل پێشیا ھەلبژارتنان.

خالیدە خەلیل، پەرلەمانتارا فڕاکسیۆنا پارتی ل پەرلەمانێ عێراقێ بۆ ئەڤرۆ نیۆز دیارکر” ھێشتا پارتی چ بڕیارێن فەرمی لدۆر رێڤەچوونا ھەلبژارتنێن بەروەخت ل عێراقێ نەدایە، بەلێ ھەكه‌ کار بگەھیتە ڤێ چەندێ ھەلبژارتنێن بەروەخت ل عێراقێ بھێنە رێڤەبرن و رێکەفتنا ھەموو لایەنێن سیاسی لسەر ھەبیت ئەڤە ئەمژی دێ پشکداربین.

ئەڤێ پەرلەمانتارا پارتی گۆت” ئاستەنگێن مەزن ل پێشیا ھەلبژارتنان ھەیە، ژوان ژی تەمام نەبوونا قانوونا ھەلبژارتنان و نەبوونا چو رێکەفتنان دناڤبەرا کۆتلەیێن پەرلەمانی دا، ھەروەسا رێڤەچوونا ھەلبژارتنان پێدڤی ب پارەیەکێ زۆر ھەیە و رەنگە دڤێ قۆناغێ د شیانێن حوکمەتا عێراقێ دا نەبیت ئەڤی پارەی بمەزێخیت.

خالیدە خەلیل ئاماژەکر” ئەڤسالە بڕیارە سەرژمێریا گشتی ژی بھێتە ئەنجامدان و ئەگەر رەوش یا ھوسابیت زەحمەتە دەلیڤە ھەبیت بۆ ئەنجامدانا ھەلبژارتنێن بەروەخت بڕێڤە بچن.

رازیبوون ل سه‌ر دروستكرنا نه‌خۆشخانان بۆ به‌رهه‌نگاریا كورونا ل شنگال نه‌هاته‌ كرن

07/04/2020 12:34

ئه‌ڤرۆ نیوز، له‌زگین جوقی

قایمقامێ‌ قه‌زا شنگال دیاركركو هه‌ولدان هاتنه‌ كرن سێ قوتابخانه‌یێن قه‌زا شنگال ببنه‌ نه‌خۆشخانه‌یێن 60 ته‌ختێ‌ بۆ به‌رهه‌نگاریا ڤایرۆسێ‌ كورونایێ، لێ‌ رازیبوون لسه‌ر نه‌هاتیه‌ كرن.

مه‌حما خه‌لیل، قایمقامێ‌ قه‌زا شنگال ئاشكه‌را كركو راسته‌ هه‌تا نوكه‌ چ حاله‌تێن نه‌خۆشیا كورونا ل شنگال نه‌هاتینه‌ ده‌ستنێشانكرن وهه‌تا ئه‌ڤرۆكه‌ شنگال یا ڤالایه‌ ژ ڤێ‌ نه‌خۆشیێ، لێ‌ به‌رێ‌ نه‌خۆشی په‌یدابیت مه‌ هه‌ولدان كرن ب فه‌رمێ‌ مه‌ داخواز كر سێ قوتابخانه‌یێن قه‌زا شنگال ئه‌وژی ئێك ل شنگال وئیك ل سنوونی و ئێك ژی ل قه‌یره‌وان بهێنه‌ ده‌ستنیشانكرن هه‌ر سێ قوتابخانه‌ ببنه‌ نه‌خۆشخانه‌ بۆ به‌رهه‌نگاریا كورونا لێ‌ هه‌ڤكاریا مه‌ نه‌هاته‌ كرن و رازیبوون ل سه‌ر داخوازیا مه‌ ژلایێ‌ مووسل ڤه‌ نه‌هاته‌ كرن .

زێده‌تر گۆت ره‌وشا ئاواران ژی ل ناڤ كه‌مپان یا كۆنترول كریه‌ وچ حاله‌ت ل كه‌مپان ژی نه‌هاتینه‌ ده‌ست نیشانكرن ئه‌وژی ب هه‌ماهه‌نگیی و پشته‌ڤانیا حكومه‌تا هه‌رێما كوردستانێ‌ هه‌موو رێنمایێن حكومه‌تا هه‌رێمێ‌ ل كه‌مپان هاتینه‌ بجه ئێنان هه‌تا نوكه‌ ره‌وش دبن كۆنترول دایه‌.

مه‌حما خه‌لیل ته‌كه‌ز كركو بۆ دروستكرنا سێ نه‌خۆشخانه‌یان ل شنگال مه‌ پێدڤی كوژمێ‌ 100 ملیۆن دیناران هه‌بوو لێ‌ هه‌ڤكاریا مه‌ نه‌هاتیه‌ كرن وئێدارا مووسل نه‌شیا ڤێ‌ كوژمێ‌ پاره‌یی بۆ شنگال دابین بكه‌ت داكو نه‌خۆشخانه‌یێن 60 ته‌ختێ‌ ل قه‌زا و ناحێن شنگال بهێنه‌ دروستكرن بۆ به‌رهه‌نگاریا ڤایرۆسی كۆرۆنا.

وەزارەتا ساخلەمیێ: ل دهۆکێ سێ تووشبوویێن دیتر یێن کۆرۆنا یێ هاتنە تۆمار کرن

07/04/2020 11:46

979

ئەڤرۆ نیوز:
وەزارەتا ساخلەمیا هەرێما کوردستانێ راگەهاند، ل دهۆکێ سێ تووشبوویێن نوو یێن کۆرۆنا یێ هاتنە تۆمارکرن.
وەزارەتا ساخلەمیێ گۆتیە، د بەردەوامیا پشکنینان و گەریان لدووڤ گومانلێکریان، سێ تووشبوویێن ڤایرۆسێ کۆڕۆنا ل دهۆکێ هاتنە دەست نیشانکرن، کو خێزانەکە ژ دایک و بابێن د ژیێ 31 سالیێ ل گەل زارۆیەکێ د ژیێ 10 هەیڤیێ دانە، ژ وەلاتێ بریتانیا ڤەگەریاینە و د کەرەنتینێ دابوون.

وه‌زاره‌تا ساخله‌میێ پێنج توشبوویێن دی ب ڤایرۆسێ كورونایێ راگه‌هاند

07/04/2020 10:55

816

ئه‌ڤرۆ نیوز:

وه‌زاره‌تا ساخله‌میا حكوه‌تا هه‌رێما كوردستانێ د راگه‌هاندنه‌كێ دا دیاركر پێنج توشبوویێن دی ب ڤایرۆسێ كورونایێ كۆڤید 19 ل هه‌ولێریێ هاتینه‌ توماركرن.

وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر و تیدا هاتیه‌ ل به‌رده‌وامیا پشكنین و لێگه‌ریان و دوووڤچوونا گۆمانلێكریان، پێنج توشبووێن ب ڤایرۆسێ كورونایێ كوڤید 19 ل باژێرێ هه‌ولێرێ هاتنه‌ ده‌ست نیشانكرن، كۆ زه‌لامه‌ك و سێ ئافره‌ت و زارۆكه‌كن.

ئێك ژ توشبویان ئاكنجیێ كانی گه‌لی یه‌ و هه‌ر چار توشبوویێن دی ئاكنجیێن تاخی 94 باداوه‌نه‌، هه‌موو ژ ئه‌گه‌رێ تێكه‌لیكرنێ توشبووینه‌ ژ تازیێن تاخێ كارێزان ل باژێرێ هه‌ولێرێ.

ساخلەمیا سلێمانیێ: 16 تووشبوویێن کۆرۆنا یێ چێبوون

06/04/2020 23:31

ئەڤرۆ نیوز:
د. سەباح هەورامی، رێڤەبەرێ گشتی یێ ساخلەمیا سلێمانیێ راگەهاند، کو 16 تووشبوویێن کۆرۆنا یێ ل سلێمانیێ ساخبوون و بۆ مال هاتنە رەوانەکرن.

نيشاندان 1...1,000 356357358 1,350 2,350 3,350...4,170 زێده‌تر

لاپه‌ر 357 ژ 4,170