ئەڤرۆ نیوز:
وەزارەتا ساخلەمیێ یا ئیرانێ راگەهاند کو هەتا نها ژ بەر ڤایرۆسێ کۆرۆنا ل وی وەلاتی ٣ هزار و ٨٧٢ کەسان جانێ خوە ژ دەست داینە.
وەزارەتا ساخلەمیێ یا ئیرانێ دیار ژی کریە کو د ماوەیێ ٢٤ دەمژمێرێن بۆری دا ل ئیرانێ ١٣٣ کەسان ژ بەر کۆرۆنایێ جانێ خوە ژ دەست داینە و ٢ هزار و ٨٩ کەسێن دی ژی تووشی کۆرۆنایێ بووینە کو ب گشتی هەتا نها ل ئیرانێ ٦٢ هزار و ٥٨٩ کەس تووشی ڤایرۆسێ کۆرۆنایێ بووینە.
ئەڤرۆ نیوز:
وەزارەتا ناڤخوە یا حوکمەتا هەرێما کوردستانێ راگەهاند کو ئەو خێزانێن بەری نها ب رێیا فۆرمەکێ داخواز کربوون کو ڤەگەرنە ڤە دەف خێزانێن خوە و بەرسڤا وان ب رێیا کورتەنامەکێ هاتیە دان ئەو دشێن د ماوەیێ ٢٤ دەمژمێرێن بهێت دا ڤەگەرنە ڤە دەف کەسوکارێن خوە.
وەزارەتا ناڤخوە دیار دکەت کو ژ بەر قەدەغەیا ٤٨ دەمژمێران یا بەری نها هاتنوچوونا وەلاتیان ب تەمامی هاتبوو راگرتن، لێ نها ٢٤ دەمژمێر دەلیڤە بۆ وان کەسان هاتیە دان یێن کو دەستووری ب وان هاتیە دان دا بشێن ڤەگەرنە ڤە دەف کەسوکارێن خوە.
ئەڤرۆ نیوز:
جەمیل هەورامی بەرپرسێ مەلبەندێ هەلەبجە و شارەزوور یێ ئێکەتیێ راگەهاند کو وی ئەڤرۆ ب فەرمی دەست ژ کارکێشانا خوە رادەستی سەرکردایەتیا ئێکەتیێ کریە و ئێدی دێ ل مالا خوە بیت و چو کارێن حزبی ناکەت.
جەمیل هەورامی ئەندامێ بەرێ یێ سەرکردایەتیا ئێکەتیێ یە و ئێکە ژ پێشمەرگێن دێرین یێ ئێکەتیێ و دەمەک درێژ بوو وەکو بەرپرسێ مەلبەندێ هەلەبجە و شارەزوور یێ ئێکەتیێ کار دکر و ئەڤرۆ ژی ب فەرمی دەست ژ کارێ خوە کێشا.
ئەڤرۆ نیوز:
ئاژانسا سپوتینگ یا روسیا د راپۆرتەکێ دا ئاماژە ب هندێ کریە کو تورکیا پتر ژ دەه خالێن نوو یێن چاڤدێریێ ل ئدلبێ ئاڤا کرینە و گەلەک چەکێن گران ژی ل هندەک جهێن ستراتیژی بجه کرینە و ئەو یەک ژی بوویە جهێ دلگرانیا روسیا، چونکو روسیا بەری نها ل دۆر ئدلبێ هۆشداری دابوو تورکیا.
وەزارەتا دەرڤە یا روسیا ژی راگەهاند کو بزاڤێن ڤێ دووماهیێ یێن تورکیا ل ئدلبێ دێ رەوشا هەی ئالۆزتر کەت و وان ب فەرمی داخواز ژ تورکیا کرینە کو دەست ب چو بزاڤێن نوو نەکەت دا رەوش ئالۆزتر لێ نەهێت.
ئەڤرۆ نیوز:
بولەنت ئارنج سەرۆکێ بەرێ یێ پەرلەمانێ تورکیا راگەهاند کو دڤێت ل تورکیا لێبورینەکا گشتی بۆ گرتیان بهێتە دەرخستن، راستە هندەک کەس تاوانێن مەزن ئەنجام داینە و نابیت بهێنە ئازادکرن لێ نابیت ئێدی ل تورکیا هندەک کەس ژ بەر هزرێن خوە یێن سیاسی بهێنە زیندانیکرن.
سەرۆکێ بەرێ یێ پەرلەمانێ تورکیا داخواز ژ سەرۆک کۆمارێ تورکیا کر کو قانوونا نوو یا لێبورینا گشتی ل تورکیا بەرفرەهتر بکەت، چونکو قانوونا نها گەلەک کێماسیێن خوە هەنە و نەشێن پرسێن نها یێن تورکیا چارەسەر بکەت.
ئەڤرۆ نیوز:
د. سامان بەرزنجی وەزیرێ ساخلەمیێ راگەهاند کو وان داخوازا ژ داواکارێ گشتی ل هەرێما کوردستانێ کرینە کو کەنالێ NRT یێ شاشوار عەبدولواحدی دائێخینن، چونکو زانیاریێن شاش بەلاڤ دکەن و کارتێکرنەکا خراب ل جڤاکێ کوردستانێ دکەت.
وەزارەتا ساخلەمیێ دیار دکەت کو چەندین جاران کەنالێ ناڤبری دیار کریە کو وەزارەتا ساخلەمیێ ئامارێن شاش بەلاڤ دکەت ئەو یەک د دەمەکێ دایە کو هەتا نها وێ کەنالێ چو بەلگە ژی د دەستان دا نینن و ئارمانجا وێ کەنالێ ژی دروستکرنا ئاژاوەگەریێ یە و ژ بەر هندێ ژی داخوازا داخستنا کەنالێ NRT یێ شاشوار عەبدولواحدی هاتیە کرن.
ئه‌ڤرۆ نیوز:
وه‌زیرێ ساخله‌میا هه‌رێمێ داخازێ ژ نه‌ته‌وه‌یین ئێكگرتی و رێكخراوێن جڤاكێ مه‌ده‌نی و تایبه‌ت رێكخراوا ساخله‌میا جیهانێ كه‌ین كۆ ده‌ستێ هه‌ڤكاری و پشته‌ڤانی و پێدڤیێن نوژداری بۆ هه‌رێمێ درێژ بكه‌ن.
د. سامان به‌رزنجی وه‌زیرێ ساخله‌میا حكومه‌تا هه‌رێمێ راگه‌هاند حه‌فتێ نیسانێ یا هه‌ر سال، ژلایێ رێكخراوا ساخله‌میا جیهانێ ب رۆژا جیهانێ یا ساخله‌میێ هاتیه نیاسین، د ده‌مه‌كی دا هه‌رێما كوردستانێ و جیهان ئه‌ڤێ هه‌لكه‌فتێ دكه‌ت د قوناغه‌كا مه‌ترسیدار دا ده‌رباز دبیت، ئه‌ڤه ژی ب ئه‌گه‌رێ به‌لاڤ بوونا ڤایرۆسێ كورونایێ كۆڤید 19.
وه‌زیرێ ساخله‌میا حكومه‌تا هه‌رێما كوردستانێ هه‌موو بزاڤ هاتینه رژدكرن بۆ پاراستنا گیانێ وه‌لاتیان و دیربوون ژ نه‌خوشیان، به‌رده‌وام ته‌ئكیدێ ژ خۆپارێزیێ و داخازێ ژ وه‌لاتیان دكه‌ین بۆ پێگیر بوون ب رێنمایێن ساخله‌میێ.
ئه‌ڤرۆ نیوز:
سه‌رۆكاتیا ئیرانێ راگه‌هاند: عه‌لی خامنه‌یی رێبه‌رێ بلندێ كۆمارا ئیسلامی رازیبوو ب سه‌ر مه‌زاختنا ئێك ملیار یورو ژ سندۆقا گه‌شه‌پێدانا نیشتمانی بۆ ریب ری بوونا ڤایرۆسێ كورونایێ، ئاماژه ب وێ چه‌ندێ ژی هاتیه‌كرن كۆ ئه‌و رێژه‌یا پاره‌یی ل سه‌ر داخوازیا حه‌سه‌ن روحانی سه‌رۆك كۆمارێ ئیرانێ بوویه.
حه‌سه‌ن روحانی سه‌رۆك كۆمارێ ئیرانێ سوپاسیا خو گه‌هانده خامنه‌یی بۆ په‌سندكرنا داخوازیا مه ب دابینكرنا كه‌ل و په‌لێن پێدڤی تایبه‌ت ب ریب ری بوونا كورونایێ فه‌رمانێن پێدڤی ده‌رخستینه.
حه‌سه‌ن روحانی راگه‌هاند بریاره ل ده‌مه‌كێ نێزیك هه‌ڤكاریا تایبه‌ت ئاراسته‌یی سندوقا گرنتینكرنێ دژی بێكاریێ بهیته‌كرن و هه‌ڤكاری ژی هه‌ر ژ وی پاره‌یی بیت یێ خامنه‌یی ته‌رخانكرین.
په‌یڤدارێ وه‌زاره‌تا ساخله‌میا ئیرانێ راگه‌هاند تانوكه ته‌ڤایا توشبوویێن ڤایرۆسێ كورونایێ گه‌هشتیه 62 هزار و 589 كه‌س و 872 حاله‌تێن مرنێ ژی ب ڤایرۆسێ كورونایێ بوویه.
ئه‌ڤرۆ نیوز:
رێڤه‌به‌راتیا گشتی یا سه‌قا ناسی و بیڤه‌له‌رزان یا هه‌رێما كوردستانێ رێژه‌یا باران بارینێ ل 24 ده‌مژمێرێن بوری دا ل باژێرێن هه‌رێمێ به‌لاڤكر.
رێڤه‌به‌راتیا گشتی یا سه‌قاناسیێ و بیڤه‌له‌رزان یا هه‌رێما كوردستانێ د راگه‌هاندنه‌كێ دا دیاركر ل 24 ده‌مژمێرێن بوری دا دڤی خشته‌یێ دا هاتیه‌دیاركرن.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا دیاركر سێ توشبوویێن ڤایرۆسێ كورونایێ كوڤید 19 ل باژێرێ دهۆكێ هاتینه توماركرن.
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر و تێدا هاتیه كۆ ل به‌رده‌وامیا پشكنین و لێگه‌ریان دووڤچوونا گۆمانلێكریان، سێ توشبوویێن ڤایرۆسێ كورونا كۆڤید 19 ل باژێرێ دهۆكێ هاتنه ده‌ست نیشانكرن، كۆ خێزانه‌ك، ده‌یك و باب كۆ ژیێ وان 31 سالن و ل گه‌ل زارۆكا وان یا ژی 10 سالی ژ وه‌لاتێ بریتانیا ڤه‌گه‌ریا بوون و ل كه‌ره‌نتینه‌كرنێدا بوون.
نيشاندان