ئەڤرۆ نیوز:
عەبدوللا تاهیر بەرپرسێ لیژنا مەخمور یا پارتی دیار کر کو ئەڤرۆ بۆمبەک ل سەر رێیا ترۆمبێلەکا سەربازی یا سەربازێن عیراقێ ل نێزیکی مەخمورێ پەقی کو د ئەنجام دا چەندین سەربازێن عیراقێ هاتینە کوشتن و گەلەک ژی بریندار بووینە.
ل گۆر زانیاریان ئەو بۆمب بەری نها رێکخرارا تیرۆرستی یا داعشێ دانایە و ئەڤرۆ ژی ب سەربازێن عیراقێ ڤە پەقیە کو ب ترۆمبێلەکێ دخواستن ڤەگەرنە ڤە مالێن خوە.
ئەڤرۆ نیوز:
پەیڤدارێ هەڤپەیمانیا نێڤدەولەتی یا ل دژی داعشێ دیار کر کو د چارچۆڤێ شەرێ ل دژی داعشێ گەلەک سەربازێن وان ل عیراقێ هەبوون، لێ پشتی هندەک گوهۆرینان وان دەست ب ڤەکێشانا هێزێن خوە ژ عیراقێ کرینە و هەتا نها وان پتر ژ هزار سەربازێن خوە ژ عیراقێ ڤەکێشاینە.
هەڤپەیمانیا نێڤدەولەتی ئاماژە ب هندێ ژی کریە کو ژ بنگەهێن سەربازی یێن کەرکووک، قایم و ئەنبار پتر ژ هزار سەرباز چووینە وەلاتێن خوە، لێ ئەو یەک رامانا هندێ نادەت کو دێ هێزێن هەڤپەیمانیا نێڤدەولەتی ب تەمامی ژ عیراقێ دەرکەڤن.
ئه‌ڤرۆ نیوز:
ب ئه‌گه‌رێ نه‌بوونا جهێن پێدڤی بۆ كه‌ره‌نتینه‌كرنا وان ده‌سه‌لاتا فرۆكه‌ڤانیا عیراقێ، ڤه‌گه‌راندنا وه‌لاتیێن ژ ده‌رڤه‌یی وه‌لاتی بۆ عیراقێ هاته راوه‌ستاندن، تا جهێن پێدڤی بۆ كه‌ره‌نتینه‌كرنێ دهێنه دابینكرن بریارێ بجه بكه‌ن.
دوره‌ید جاسم رێڤه‌به‌رێ گشتی یێ ده‌سه‌لاتا فرۆكه‌ڤانیا مه‌ده‌نیا عیراقێ راگه‌هاند شه‌ڤا بوری بریار هاتیه دان ب راوه‌ستاندنا گه‌شتێن ئاسمانی بۆ ڤه‌گه‌راندنا وه‌لاتیێن عیراقی ژ ده‌رڤه‌ی وه‌لاتی، تا ئه‌وی ده‌می جهێن پێدڤی بۆ كه‌ره‌نتینه‌كرنێ بهێنه‌كرن، ب ئارمانجا پاراستنا سه‌لامه‌تیا ساخله‌میا وه‌لاتیان.
لگۆری وێ راگه‌هاندنێ، بریار پشت به‌ستن ب راسپارده‌یێن لژنه‌یا راوێژكاری تایبه‌ت ب ڤایرۆسێ كورونایێ ل وه‌زاره‌تا ساخله‌میا عیراقێ كریه، كۆ داخاز ژ ده‌سه‌لاتا فرۆكه‌ڤانیا مه‌ده‌نیا عیراقی كر بوو، ڤه‌گه‌راندنا وه‌لاتێن عیراقی ژ وه‌لاتێن ده‌رڤه بۆ عیراقێ رابوه‌ستینن تا جهێن پێدڤی بۆ كه‌ره‌نتینه‌كرنێ دهێنه به‌رهه‌ڤكرن.
ئه‌ڤه دده‌مه‌كیدایه لگۆری رێنمایێن رێكخراوا ساخله‌میا جیهانی، هه‌ر وه‌لاتیه‌كێ عیراقی كۆ ژ ده‌رڤه‌ی وه‌لاتی بڤێت ڤه‌گه‌ریت، وه‌ك پێنگاڤا خۆ پارێزی و رێگرتن ژ به‌لاڤ بوونا كورونایێ بۆ ماوه‌یێ 14 رۆژان دێ دكه‌ره‌نتینه‌كرنێ دا مینن.
ئەڤرۆ نیوز:
سەزگین تانریکولو ئەندامێ پەرلەمانێ تورکیا سەر ب فراکسیۆنا پارتا کۆماریا گەل دیار کر کو ڤایرۆسێ کۆرۆنا ل زیندانێن تورکیا بەلاڤ بوویە و هەتا نها چەندین گرتی ژی تووشی ڤایرۆسێ کۆرۆنایێ بووینە، لێ مخابن هەتا نها دەستهەلاتا ئاکپارتیێ ئەو یەک ب فەرمی بەلاڤ نەکریە، نها مەترسیەکا مەزن ل سەر ژیانا گرتیان هەیە و دڤێت پێرابوونێن پێدڤی بهێنە وەرگرتن.
ناڤهاتی هۆشداری دا سەرۆک کۆمارێ تورکیا و دیار کر کو هەکە ڤایرۆسێ کۆرۆنا ل زیندانێن تورکیا زێدەتر بەلاڤ ببیت ئەو یەک دێ بیتە ئەگەرێ مرنا ب هزاران گرتیان، ژ بەر هندێ ژی دڤێت یا پێدڤی بۆ پاراستنا گرتیان ل تورکیا بهێتە کرن.
ئەڤرۆ نیوز:
پارێزەرێن سەلاحەدین دەمیرتاش هەڤسەرۆکێ بەرێ یێ هەدەپێ دیار کرن کو رەوشا ساخلەمیێ یا دەمیرتاشی ل زیندانێ باش نینە و ژ بەر مەرجێن زیندانێ پێدڤیاتێن نوشداری ژی بۆ ناهێتە دابینکرن و نها مەترسیا کۆرۆنایێ ژی ل زیندانێن تورکیا هەیە، ژ بەر هندێ ژی پێدڤیە دەمیرتاش بهێتە ئازادکرن.
جاهید کرکازاد پارێزەرێ دەمیرتاشی دیار کر کو وان داخواز ژ دادگەها بلند یا تورکیا کرینە کو بریارا ئازادکرنا دەمیرتاشی بدەت و هەروەسا دڤێت دادگەها بلند یا مافێن مرۆڤی یا ئورۆپا ژی فشارێن خوە ل سەر تورکیا زێدەتر لێ بکەت دا بریارا ئازادکرنا دەمیرتاشی بهێتە دان.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر ل هه‌رێما كوردستانێ سێ توشبوویێن دی ب ڤایرۆسێ كورونایێ هاتنه توماركرن.
وه‌زاره‌تا ساخله‌میا حكومه‌تا هه‌رێما كوردستانێ د به‌یاننامه‌یه‌كێ دا به‌لاڤكر و تیدا هاتیه كۆ ل به‌رده‌وامیا پشكنین و لێگه‌ریانا گۆمانلێكریان، سێ توشبوویێن ب ڤایرۆسێ كورونا نو كۆڤید 19 ل باژێرێ هه‌ولێرێ هاتنه ده‌ست نیشانكرن، كۆ ئافره‌ته‌كه و زارۆكه‌كن و زه‌لامه‌ك ژی دهی ژ ده‌رڤه‌ی وه‌لاتی ڤه‌گه‌ریا بوو .
ئه‌ڤرۆ نيوز:
حوكمه‌تا هه‌رێما كوردستانى ب ليسته‌يه‌كێ ئه‌و كۆژمێ پاره‌ى ئاشكرا كر كو هه‌تا نوكه ژ ئاليێ وه‌به‌رهێنه‌رێن و ده‌وله‌مه‌ند و خێرخوازێن كوردستانێ ڤه بۆ روى ب روى بوونا ڤايرۆسێ كۆرۆنا پێشكێش كرين كو سه‌رجه‌مێ وێ ( ۱٨،۱٨۳،۱۷٥ $ ). ل سه‌ر ئاستێ پارێزگه‌ها دهۆكێ ژ به‌لێنده‌ر و وه‌به‌رهێنه‌ران، پترترين كۆژمێ هاتيه دان ژ ئاليێ كۆمپانيا كاڤين گرۆپه بوويه يا خودانێ وێ زكرى به‌شير شنى كو 400 مليون دينارن.
ناڤێن ل خوارێ يێن وان وه‌به‌رهێنه‌ر و ده‌وله‌مه‌ندێن كوردستانێ نه يێن پشكدارى د هاريكاريا روى ب روى بوونا كۆرۆنا دا كرى.
ئەڤرۆ نیوز:
لدووڤ داتایێن فەرمی، نوکە پتر ژ ئێک ملیۆن تووشبوویێن کۆرۆنا ل جیهانێ دا هاتینە تۆمارکرن، بەلێ نۆشدارەکێ مەزن یێ ئوسترالی دبێژیت، هژمارا راستەقینە گەلەک زێدەترە و ب 5 بۆ 10 ملیۆن تووشبوویان خەملاندینە.
برێندان مورفی، مەزنە نۆشدارەکێ ئوسترالی یە دبێژیت ، نوکە ل جیهانێ دا زێدەتر ژ ئێک ملیۆن تووشبوویێن کۆرۆنا یێ هاتینە تۆمارکرن، مە باوەری هەیە کو هژمارا راستەقینە پێنج یان ژی دەهـ جاران هندی وێ هژمارێ بیت.
ئه‌ڤرۆ نيوز:
حوكمه‌تا هه‌رێما كوردستانى ب ليسته‌يه‌كێ ئه‌و كۆژمێ پاره‌ى ئاشكرا كر كو هه‌تا نوكه ژ ئاليێ وه‌به‌رهێنه‌رێن و ده‌وله‌مه‌ند و خێرخوازێن كوردستانێ ڤه بۆ روو ب روو بوونا ڤايرۆسێ كۆرۆنا پێشكێش كرين كو سه‌رجه‌مێ وێ ( ۱٨،۱٨۳،۱۷٥ ) دۆلارێن ئەمریکی نە.
ل سه‌ر ئاستێ پارێزگه‌ها دهۆكێ ژ به‌لێنده‌ر و وه‌به‌رهێنه‌ران، پترترين كۆژمێ هاتيه دان ژ ئاليێ كۆمپانيا كاڤين گرۆپه يا خودانێ وێ زكرى به‌شير شنى يه كو 400 مليون دينارن.
ئه‌ڤرۆ نیوز:
ئه‌میندارێ گشتی یێ ناتۆ پشتی كۆمبوونێ ل گه‌ل وه‌زیرێن ده‌رڤه‌یێن ئه‌ندامێن ناتۆیێ ئاماژه ب وێ چه‌ندێ دا كۆ دێ ئه‌ركێن مه به‌رفره‌هـتر و زۆرتر دبن ل عیراقێ.
یه‌نس ستولنبێرگ ئه‌میندارێ گشتی یێ ناتۆ د كۆنفرانسێ رۆژنامه‌ڤانیێ دا راگه‌هاند:به‌رفره‌هكرنا ئه‌ركێن ناتۆیێ ژ روویێ مه‌شق ب ئه‌فسه‌رێن عیراقێ و شاره‌زاییێن ئه‌مین و كادرێن پولیسی ل عیراقی دێ زێده كه‌ین ژبوی پتر پشته‌ڤانی و هه‌ڤكاریا جكومه‌تا عیراقێ بكه‌ین ژبوی ب شێن كۆنترولا ره‌وشا ئه‌منی یا خۆ بكه‌ت.
نيشاندان