ئەڤرۆ نیوز:
ل گۆر راپۆرتەکا ئاژانسا فرانس پرێس ل ئیسرائیلێ هەتا نها ٢١ کەسان ژ بەر ڤایرۆسێ کۆرۆنایێ جانێ خوە ژ دەست داینە و ٥٥٩١ کەس ژی ل وی وەلاتی تووشی کۆرۆنایێ بووینە.
ئامارا تووشبوویێن ڤایرۆسێ کۆرۆنا ل ئیسرائیلێ هاتە راگەهاندن
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سهرهكى Twitter
وەلاتی دشێن ب پڕکرنا فۆرمەکێ ڤەگەرنە ڤە دەف کەسوکارێن خوە
ئەڤرۆ نیوز:
وەزارەتا ناڤخوە راگەهاند کو وان سێ رۆژ دەلیڤە داینە وان کەسان ل هەرێما کوردستانێ یێن کو ژ بەر قەدەغەیا هاتنوچوونێ ژ خێزانێن خوە دوور کەفتینە و دشێن ڤەگەرنە ڤە دەف خێزانێن خوە.
وەزارەتا ناڤخوە هۆشداریا هندێ ژی ددەت کو نابیت پێشمەرگە و کارمەندێن وەزارەتا ناڤخوە ڤێ فۆرمێ پر بکەن.
ئەڤە ژی لینکێ پر کرنا فۆرمێ یە:
د ماوەیێ دو حەفتیان دا ل ئورۆپا ئێک ملیۆن کەس بێکار ماینە
ئەڤرۆ نیوز:
سەندیکا کرێکارێن ئورۆپا راگەهاند کو ژ بەر ڤایرۆسێ کۆرۆنا ل وەلاتێن ئێکەتیا ئورۆپا د ماوەیێ ١٤ رۆژێن بۆری دا پتر ژ ئێک ملیۆن کەسان کارێ خوە ژ دەست داینە و بێکار ماینە، ژ بەر هندێ ژی رەوشا ئابووری یا پرانیا وەلاتێن ئێکەتیا ئورۆپا خراب بوویە و هەکە رەوش وەسا بەردوام بکەت دێ ئەو یەک کارتێکرنەکا گەلەک خراب ل ئابووریا هەموو وەلاتێن ئورۆپا کەت.
ژ بەر ڤایرۆسێ کۆرۆنا هەموو جهێن گەشتیاری، کارگەه و جهێن کاری، خوارنگەه هاتینە داخستن و ژ بەر هندێ ژی پتر ژ ئێک ملیۆن کەس بێکار ماینە.
لیرێ تورکی بلەز بهایێ خوە ژ دەست ددەت
ئەڤرۆ نیوز:
بسپۆرێن ئابووری ل تورکیا دیار دکەن کو ڤایرۆسێ کۆرۆنا گورزەکێ مەزن ل ئابووریێ تورکیا دایە، چونکو نها دەمێ گەشتوگوزارێ یە و ژ بەر کۆرۆنایێ کەس سەرەدانا تورکیا ناکەت و ژ بەر هندێ ژی بارێ ئابووری یێ تورکیا ب گشتی خراب بوویە. ئەو یەک ژی بوویە ئەگەرێ هندێ کو بهایێ لیرێ تورکیا ل هەمبەر دۆلاری و پارێن دی بهێتە خوارێ.
ئەڤرۆ هەر سەد دۆلارێن ئەمریکی بەرامبەر ٦٦٥ لیرێن تورکیا بوو، ئەو یەک د دەمەکێ دایە کو حەفتیا بۆری هەر سەد دۆلارێن ئەمریکی بەرامبەر ٦٥٠ لیرێن تورکیا بوو.
رێڤەبەریا گشتی یا رەوشەنبیری و هونەری داخۆیانیەکێ بەلاڤ دکەت
ئەڤرۆ نیوز:
بەرێز: دەزگەها پێشمەرگە یێ نیڤدەولەتی بۆ کارێ مروڤی.
ل دەستپێکێ خزمەتا دەزگەها هەوە بۆ گەهاندنا پەیاما مروڤاتی یا پێشمەرگێ کوردستانێ ل سەرانسەری جیهانێ جهێ دەستخوشیێ یە و کارێ هەوە بلند دنرخینین.
پشتی کو هندەک ماسک ب شێوێ ئالایێ کوردستانێ ژلایێ دەزگەهێ هەوە ڤە هاتینە دورستکرن و بوویە جهێ رەخنێ دتورێن جڤاکی دا مە ب فەر دیت وەکو ”وەزارەتا رەوشەنبیری و لاوان”رێڤەبەریا گشتی یا رەوشەنبیری و هونەری ل دهۆکێ کو لایەنێ فەرمی یێ دەستیردای ژ بۆ چاڤدێریکرن و بجهکرنا یاسایا ئالایێ کوردستانێ داخویانیەکێ بەلاڤ کەین و ئەوی کاری ب کارەکێ شاش بدەینە زانین چونکە ژ رومەتا ئالایێ کوردستانێ دهێتە کێمکرن ئەو ئالایێ ئەفسانەیا داعش شکاندی نە جوانە ب شێوێ بەردەفک بهێتە دورستکرن ئەگەر خو بو یادگاری ژی بیت.
راستە دبیت هەوە ژ دلسوزی وە کربیت و هەوە وەکی ڤیان ئەو کارە ئەنجام دابیت بەلێ ل گور یاسا ئالایێ کوردستانێ ژمارە ١٤ یا سالا ١٩٩٩ لـ مادەیێ چارێ: دروستکرن یان چاپکرنا ئالایێ کوردستانێ و دان و فرۆتنا وی دکەڤیت بن دەستوریا وەزارەتا رەوشەنبیری و لاون ڤە.
زێدەتر ل سیستەمێ ئالایێ کوردستانێ ئەڤ خالە روهن کریە و ل مادە پێنج یا سیستەمی دبێژیت: دەستهەلاتا دەستویردانێ بۆ چاپکرنێ و دروستکرنا ئالایێ کوردستانێ یان بازرگانیکرن ب هەمی جۆر و شێوەیێن ئالایی ژ پەرۆکی و کاغەزی و هەر کانزایەکێ دی بیت وەزارەتا رەوشەنبیری ددەتن.
دیسان بژاندنا ژمارە ٩١٧٥ یا حکۆمەتا هەرێما کوردستانێ ب ئاشکرایی گوهورینا هەمی تابلویان یێن هەر وەزارەتەکێ و سازیەکێ دکەت ژبەرکو بەگرەوەند ئالایە و نابیت لسەر بهێتە نڤیسین.
و ب ئەتەکیتێن ئالای ئەو تشتێ زۆی پویچ دبیت وەکی بتلێ ئاڤێ و قابکا کلێنسا و زەرفێ چپسا و پاکیتا جگارا و ئەو ماسك نابیت ب ئالایی بهێنە دروستکرن ژبەرکو دێ سەتلێن کلێشی پری ئالایێ کوردستانێ بن و ئەڤە بێ رێزی یە ب ئالایێ کوردستانێ.
و دەستخۆش بۆ کارێ هەوە و بەلاڤکرنا ماسکا بەلکێ ماسێکێن ئالایێ کوردستانێ نابن و ژ بەر کو زۆی دهێنە هاڤێتن و ئەم وەکی ”وەزارەتا رەوشەنبیری و لاوان” رێڤەبەریا گشتی یا رەوشەنبیری و هونەری ل دهۆکێ کو دەستهەلاتا مەیە مافی ب کەسێ نادەین دروست بکەن.
دگەل رێزگرتنێ.
ئیرانێ دڤێت کۆرۆنایێ ژ بۆ بەرژەوەندیا خوە بکار بینیت
ئەڤرۆ نیوز:
پشتی کو ڤایرۆسێ کۆرۆنا ل ئیرانێ بەلاڤبوویی و هەتا نها گەلەک کەسان جانێ خوە ژ دەست داینە، هندەک بسپۆرێن سیاسی ل ئیرانێ دیار دکەن کو هەتا نها پتر ژ ١٠ هزار کەسان ل ئیرانێ ژ بەر کۆرۆنایێ جانێ خوە ژ دەست داینە و بەرپرسێن ئیرانێ ئامارا دروست بەلاڤ ناکەن، نها ژی بەرپرسێن ئیرانێ بزاڤا هندێ دکەن کو ئەمریکا سزایێن ئابووری یێن ل سەر ئیرانێ راکەت.
ئەڤرۆ ٣٤ کۆنگرێسمانێن ئەمریکا دیار کرن کو دڤێت ئەمریکا هندەک سزایێن ئابووری یێن ل سەر ئیرانێ راکەت دا تەهران بشێت هاریکاریێن مرۆڤی ژ دەرڤە وەربگریت و هاریکاریا خەلکێ خوە بکەت.
چاڤدێرێن سیاسی ژی دیار دکەن کو بەرپرسێن ئیرانێ دخوازن بابەتێ کۆرۆنایێ د بەرژەوەندیا دەستهەلاتا خوە دا بکار بینن و هەکە رێ ب ئیرانێ بهێتە دان دێ دیسان بزاڤا هندێ کەت دا ئالۆزیێن نوو ل دەڤەرێ دروست بکەت.
ژ بەر کۆرۆنایێ هاتە ئازاد کرن
ئەڤرۆ نیوز:
ئالان ئوزئایدن هەڤسەرۆکا باژێرڤانیا قەزا مازیداغ یا سەر ب پارێزگەها مێردینێ کو بەری نها ب تومەتا هەبوونا پەیوەندیان ل گەل پەکەکێ ژ کاری هاتبوو دوورخستن ئەڤرۆ هاتە ئازادکرن.
دەزگەهێن راگەهاندنا تورکیا دیار کرن کو پشتی چەندین پشکنینان دەرکەفت ئالان ل زیندانێ تووشی کۆرۆنایێ بوویە و ب فەرمان دادوەری و ب مەرج ژ زیندانێ هاتیە ئازادکرن.
ل گۆر رۆژناما جمهوریەت یا تورکیا نابیت ئالان ژ تورکیا دەرکەڤیت و دڤێت ل مالا خوە و ل ژێر چاڤدێریێ دابیت کو هەتا ب تەمامی باش دبیت.
وه‌زیرێ ساخله‌میا هه‌رێمێ: هوشداریا نیشانده‌ره‌كێ مه‌ترسیدار دا
ئه‌ڤرۆ نیوز:
وه‌زیرێ ساخله‌میا حكومه‌تا هه‌ریما كوردستانێ هوشداریا نیشانده‌ره‌كێ مه‌ترسیدار دا و داخاز ژی ژ وه‌لاتیێن هه‌رێما كوردستانێ كركۆ پێگیری ب رێنمایێن ساخله‌میێ بن.
د.سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ راكه‌هاند: ئه‌گه‌ری توشبوونا 139 حاله‌تێن ڤایرۆسێ كورونایێ ل هه‌رێما كوردستانێ كۆ دگه‌هته 79% یا حاله‌تێن توشبوویی، پێگیرنه‌بوون ب رێنمایێن ساخله‌میێ و تێكه‌لیكرنێ توشبووینه.
د. سامان به‌رزنجی ئه‌و چه‌نده ژی راگه‌هاند: ژماره نیشانده‌رێن مه‌ترسیدارن و هیڤی دكه‌ین خو ب پارێزن، ژ مالێن خۆ نه‌ده‌ركه‌ڤن و تێكه‌لیێ نه‌كه‌ن، داكۆ كاره‌ساتا به‌ربه‌لاڤبوونا كورونایێ روونه‌ده‌ت.
ته‌ڤایا توشبوویێن ڤایرۆسێ كورونایێ ل هه‌رێما كوردستانێ 176حاله‌تان بلند بوویه و تانوكه ژی دو كه‌سان بتنێ ب ڤی ڤایرۆسی گیانێ خو ژ ده‌ست دایه.
چه‌ندین وه‌لاتان سزا بۆ ئێكێ نیسانێ دانان
ئه‌ڤرۆ نیوز:
چه‌ندین وه‌لاتان هوشداریا ئه‌وێ چه‌ندێ دایه وه‌لاتیێن خۆ هه‌كه بڤێن زانیاریێن خه‌له‌ت ب دره‌وا نیسانی به‌لاڤ بكه‌ن دێ ب توندترین سزا هێنه سزادان.
حكومه‌تا تایلاندێ هوشداریا ئه‌وێ چه‌ندێ دا كۆ به‌لاڤكرنا پێزانینێن نه راست، ل سه‌ر ڤایرۆسێ كورونایی ل رۆژا نیسانێ به‌لاڤ بكه‌ت، هه‌ر كه‌سه‌ك ئه‌وی كاری بكه‌ت دێ هێته سز دان.
تسای ئینك ون سه‌رۆكێ تایوان راگه‌هاند هه‌كه وه‌لاتیه‌ك دره‌وا نیسانێ ب ڤایرۆسێ كورونایێ به‌لاڤ بكه‌ت دێ سێ سالان هێته زیندانیكرن.
حكومه‌تا هندێ ژی ئه‌و چه‌نده به‌لاڤكر چه‌ندین رێكار بكار ئیناینه بۆ رێگرتن ژ دره‌وا نیسانی و یێ ئه‌ڤێ رۆژێ ب پێزانینێن نه راست به‌لاڤ بكه‌ت دێ هێته سزا دان.
وه‌زاره‌تا ساخله‌میا ئه‌لمانیا هوشداریا ئه‌وێ چه‌ندێ دا هه‌ر كه‌سه‌ك دره‌وا نیسانێ ب ڤایرۆسێ كورونایێ بكه‌ت دێ هێته سزادان و ئه‌ڤه نه یاریه بكه‌ت.
ئیكه‌مین رۆژا هه‌یڤا نیسانێ ب رۆژا جیهانیا دره‌وی ناڤداره و تێدا خه‌لك یاریان ل گه ئیك دكه‌ن و ئاخڤتنێن نه راست دبێژنه ، به‌لێ د ئه‌ڤێ ره‌وشی دا و رۆژه‌كا هوسا جیهان ب ڤایرۆسێ كوروناێ ڤه دنالیت سزا بۆ هاته دانان.
وه‌زیری پترۆلا عیراقێ: كورونایێ چ كارتێكرن د به‌رهه‌م ئینانا پترۆلێ دا نه‌كریه
ئه‌ڤرۆ نیوز:
وه‌زیرێ پترۆلا عیراقێ راگه‌هاند ڤایرۆسێ كورونایێ كۆڤید 19 چ كارتێكرن نه كریه سه‌ر به‌رهه‌م ئینانا پترۆلێ، ته‌ئكید كر ژی هنارتنا پترۆلێ ب شیوه‌یه‌كی باش برێڤه دچیت و به‌رده‌وامه.
سامر غه‌زبان وه‌زیری پترۆلا عیراقێ راگه‌هاند زێده‌باری به‌ربه‌لاڤبوونا ڤایرۆسێ كورونایێ، به‌لێ ده‌رئینانا پترۆلێ ل ته‌ڤایا زه‌ڤیێن پترۆلی به‌رده‌وامه و كار تێدا نه هاتیه راوه‌ستاندن.
وه‌زیرێ پترۆلا عیراقێ ئه‌و چه‌نده ژی دیاركر هنارتنا پترۆلێ ب شیوه‌یه‌كێ باش ل به‌نده‌رێن باشوورێ عیراقی به‌رده‌وامه، ژبلی ئه‌وێ چه‌ندێ ژی عومبارێن مه‌زنێن سوته‌مه‌نیێ ژی مه هه‌نه.
نوكه عیراق سێ ملیۆن و 600 هزار به‌رمیلێن پترۆلێ رۆژی به‌رهه‌م دئینیت و ره‌وانه‌ی بازارێن جیهانێ دكه‌ت.
نيشاندان
WP Facebook Auto Publish Powered By : XYZScripts.com