ئەڤرۆ نیوز:
ئالان ئوزئایدن هەڤسەرۆکا باژێرڤانیا قەزا مازیداغ یا سەر ب پارێزگەها مێردینێ کو بەری نها ب تومەتا هەبوونا پەیوەندیان ل گەل پەکەکێ ژ کاری هاتبوو دوورخستن ئەڤرۆ هاتە ئازادکرن.
دەزگەهێن راگەهاندنا تورکیا دیار کرن کو پشتی چەندین پشکنینان دەرکەفت ئالان ل زیندانێ تووشی کۆرۆنایێ بوویە و ب فەرمان دادوەری و ب مەرج ژ زیندانێ هاتیە ئازادکرن.
ل گۆر رۆژناما جمهوریەت یا تورکیا نابیت ئالان ژ تورکیا دەرکەڤیت و دڤێت ل مالا خوە و ل ژێر چاڤدێریێ دابیت کو هەتا ب تەمامی باش دبیت.
ئه‌ڤرۆ نیوز:
وه‌زیرێ ساخله‌میا حكومه‌تا هه‌ریما كوردستانێ هوشداریا نیشانده‌ره‌كێ مه‌ترسیدار دا و داخاز ژی ژ وه‌لاتیێن هه‌رێما كوردستانێ كركۆ پێگیری ب رێنمایێن ساخله‌میێ بن.
د.سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ راكه‌هاند: ئه‌گه‌ری توشبوونا 139 حاله‌تێن ڤایرۆسێ كورونایێ ل هه‌رێما كوردستانێ كۆ دگه‌هته 79% یا حاله‌تێن توشبوویی، پێگیرنه‌بوون ب رێنمایێن ساخله‌میێ و تێكه‌لیكرنێ توشبووینه.
د. سامان به‌رزنجی ئه‌و چه‌نده ژی راگه‌هاند: ژماره نیشانده‌رێن مه‌ترسیدارن و هیڤی دكه‌ین خو ب پارێزن، ژ مالێن خۆ نه‌ده‌ركه‌ڤن و تێكه‌لیێ نه‌كه‌ن، داكۆ كاره‌ساتا به‌ربه‌لاڤبوونا كورونایێ روونه‌ده‌ت.
ته‌ڤایا توشبوویێن ڤایرۆسێ كورونایێ ل هه‌رێما كوردستانێ 176حاله‌تان بلند بوویه و تانوكه ژی دو كه‌سان بتنێ ب ڤی ڤایرۆسی گیانێ خو ژ ده‌ست دایه.
ئه‌ڤرۆ نیوز:
چه‌ندین وه‌لاتان هوشداریا ئه‌وێ چه‌ندێ دایه وه‌لاتیێن خۆ هه‌كه بڤێن زانیاریێن خه‌له‌ت ب دره‌وا نیسانی به‌لاڤ بكه‌ن دێ ب توندترین سزا هێنه سزادان.
حكومه‌تا تایلاندێ هوشداریا ئه‌وێ چه‌ندێ دا كۆ به‌لاڤكرنا پێزانینێن نه راست، ل سه‌ر ڤایرۆسێ كورونایی ل رۆژا نیسانێ به‌لاڤ بكه‌ت، هه‌ر كه‌سه‌ك ئه‌وی كاری بكه‌ت دێ هێته سز دان.
تسای ئینك ون سه‌رۆكێ تایوان راگه‌هاند هه‌كه وه‌لاتیه‌ك دره‌وا نیسانێ ب ڤایرۆسێ كورونایێ به‌لاڤ بكه‌ت دێ سێ سالان هێته زیندانیكرن.
حكومه‌تا هندێ ژی ئه‌و چه‌نده به‌لاڤكر چه‌ندین رێكار بكار ئیناینه بۆ رێگرتن ژ دره‌وا نیسانی و یێ ئه‌ڤێ رۆژێ ب پێزانینێن نه راست به‌لاڤ بكه‌ت دێ هێته سزا دان.
وه‌زاره‌تا ساخله‌میا ئه‌لمانیا هوشداریا ئه‌وێ چه‌ندێ دا هه‌ر كه‌سه‌ك دره‌وا نیسانێ ب ڤایرۆسێ كورونایێ بكه‌ت دێ هێته سزادان و ئه‌ڤه نه یاریه بكه‌ت.
ئیكه‌مین رۆژا هه‌یڤا نیسانێ ب رۆژا جیهانیا دره‌وی ناڤداره و تێدا خه‌لك یاریان ل گه ئیك دكه‌ن و ئاخڤتنێن نه راست دبێژنه ، به‌لێ د ئه‌ڤێ ره‌وشی دا و رۆژه‌كا هوسا جیهان ب ڤایرۆسێ كوروناێ ڤه دنالیت سزا بۆ هاته دانان.
ئه‌ڤرۆ نیوز:
وه‌زیرێ پترۆلا عیراقێ راگه‌هاند ڤایرۆسێ كورونایێ كۆڤید 19 چ كارتێكرن نه كریه سه‌ر به‌رهه‌م ئینانا پترۆلێ، ته‌ئكید كر ژی هنارتنا پترۆلێ ب شیوه‌یه‌كی باش برێڤه دچیت و به‌رده‌وامه.
سامر غه‌زبان وه‌زیری پترۆلا عیراقێ راگه‌هاند زێده‌باری به‌ربه‌لاڤبوونا ڤایرۆسێ كورونایێ، به‌لێ ده‌رئینانا پترۆلێ ل ته‌ڤایا زه‌ڤیێن پترۆلی به‌رده‌وامه و كار تێدا نه هاتیه راوه‌ستاندن.
وه‌زیرێ پترۆلا عیراقێ ئه‌و چه‌نده ژی دیاركر هنارتنا پترۆلێ ب شیوه‌یه‌كێ باش ل به‌نده‌رێن باشوورێ عیراقی به‌رده‌وامه، ژبلی ئه‌وێ چه‌ندێ ژی عومبارێن مه‌زنێن سوته‌مه‌نیێ ژی مه هه‌نه.
نوكه عیراق سێ ملیۆن و 600 هزار به‌رمیلێن پترۆلێ رۆژی به‌رهه‌م دئینیت و ره‌وانه‌ی بازارێن جیهانێ دكه‌ت.
ئه‌ڤرۆ نیوز:
كه‌یلی جینه‌ر ژنه‌كا ملیاردێرا مودێلێ یه ل ئه‌مریكا بۆ به‌رهنگاربوونا ڤایرۆسێ كورونایێ ملیۆنه‌كا دۆلاران پێشكێشی نه‌خوشخانه‌یا لوس ئه‌نجلوس كر.
د.تایس عه‌لی ئاباد راگه‌هاند ده‌مێ دبینم ئیك ژ سه‌ره‌دانكریێن مه بۆ به‌رهنگاربوونا ڤایرۆسێ كورونایێ ملیۆنه‌كا دۆلاری پێشكێشی نه‌خوشخانه‌یێ كر ئه‌وی ده‌می رۆندكێن خوشیێ ژ چاڤێن من هاتنه خوارێ.
ناڤبری ئه‌و چه‌نده ژی دیاركر ئه‌وه كه‌سا ملیۆنه‌ك پێشكێشكری ستێرا مودێلێ یه كۆ جینه‌ر بوو كۆ ب وێ ملیۆنێ دشیێن هزاران ماسك و ئامێرین هه‌ناسه‌دانێ بۆ ئه‌وان كه‌سان بكرین كو تووشی كورونایێ دبن ل توخیبێ لوس ئه‌نجلوسێ.
جینه‌ر بچوكترین ملیاردێرا جیهانێ یه ژ ریێ ژیێ خۆڤه.
ئه‌ڤرۆ نیوز:
به‌رپرسه‌كێ به‌رێ یێ ئه‌مریكا راگه‌هاند هه‌كه ب هزرا وه روشا ئه‌مریكا ئاریشه‌یه، چاڤه‌رێ بن هه‌تا دگه‌هته ده‌ڤه‌رێن دی.
ئاده‌م ئێرێل بالیوزێ به‌رێ یێ ئه‌مریكا ل به‌حره‌ینێ ل سه‌ر ژماره‌یاخویا تویته‌رێ به‌لاڤكریه كۆ هه‌كه دوێ هزرێ دا بن نیویورك د ئاریشه‌یێ دایه، بتنێ چاڤه‌رێ بن تاكۆ كورونا چه‌ندین ملیۆن ژ ئاواره‌یێن سوریا ، لبنان ، عیراقێ ، یه‌مه‌نێ و دكه‌ته قوربانی.
ئه‌ڤ تویتا ئه‌وی به‌رپرسێ ئه‌مریكی به‌رسڤا رێكخراوا خاچا سورا نێڤ ده‌وله‌تیه كۆ ل نیویورك ئاماژه ب وێ چه‌ندێ هاتیه‌كرن بۆ ژماره‌یا قوربانیێن ڤایرۆسێ كورونا ل ئه‌مریكا گه‌هشته بلند ترین ئاست.
ئه‌ڤرۆ نیوز:
ئیسماعیل قائانی فه‌رمانده‌یێ فه‌یله‌قا قودس یا سوپایێ ئیرانێ ب سه‌ره‌دانه‌كا نهێنی گه‌هشته به‌غدا و ل گه‌ل سه‌ركرده‌یێن شیعی كۆمبوو.
چه‌ند میدایه‌كێن عیراقی به‌لاڤكر، ئیسماعیل قائانی فه‌رمانده‌یێ فه‌یله‌قا قودس ب سه‌ره‌دانه‌كا نهێنی گه‌هشته به‌غدا و ل گه‌ل سه‌ركرده‌یێن شیعه كۆمبوو كو دناڤا وان دا هادی عامری سه‌رۆكێ هه‌ڤپه‌یمانیا فه‌تح و نوری مالكی سه‌رۆكێ هه‌ڤپه‌یمانایاسا و عه‌مار حه‌كیم سه‌رۆكێ هه‌ڤپه‌یمانیا حیكمه و ل باژیرێ نه‌جه‌ف ل گه‌ل موقته‌دا سه‌دری ژی سه‌رۆكێ ره‌وتی سه‌در كۆم بیت.
مه‌به‌ستا هاتنا قائانی بۆ دانوستاندن ل سه‌ر ره‌وشا پێكئینانا حكومه‌تێ، رێكخستنا هیزێن شیعه ل سه‌ر كاندیده‌كی بۆ سه‌رۆك وه‌زیرێ عیراقێ و هه‌بوونا هێزێن ئه‌مریكا سه‌ره‌دانا به‌غدا كریه.
پشتی كۆشتنا قاسم سلێمانی، ئیسماعیل قائانی جێگرێ وی پۆستێ فه‌رمانده‌یێ فیه‌له‌قا قودس وه‌رگرتی ئه‌ڤه ئیكه‌م سه‌ره‌دانا وی یه بۆ عیراقێ.
ئەڤرۆ نیوز ، مەحمود نهێلی:
د. شاکر عەبدولعەزیز، رێڤەبەرێ ساخلەمیا قەزا ئامێدیێ بۆ ئەڤرۆ نیوز دیار کر، ژ ئەنجامێ وان پشکنینێن بو بەرگومان و بەرکەفتیێن سنورێ قەز ئامێدیێ هاتینە کرن ، ئێک ژ وان پشکنینان پوزەتیڤ بوویە، و دیار بوویە کو توشی ڤایروسێ کورونایێ بوویە.
ناڤهاتی دیار کر، کو توشبوویێ نوو بەرکەفتیێ توش بوویێ بەری نوکە بوویە ئەوێ ل کومەلگەها قەدشێ توش بووی و گۆت : نوکە کومەلگەها قەدشێ بتمامی هاتیە کەرەنتین کرن وهەژمارەکا بەرگومان و بەرکەفتیان پشکنین بو هاتیەکرن ژ بو پتر پشت راستبوونێ ژ ساخلەمیا وان و تانوکە ۷۱ پکشنین هاتیە ئەنجامان و بەردەوام ئەڤ کومەلگەهە یا د بن چاڤدێریێ دا، و داخاز ژ خەلکێ کومەلگەهێ کر کو خوەراگر و پێگیربن ب رێنمایان دا کونترولا بەلافبوونا نەخوەشیێ بهێتە کرن.
ئەڤرۆ نیوز، زنار تۆڤی:
د. ڤیان سەبری سەرۆکا فراکسیۆنا پارتی ل پەرلەمانێ عیراقێ و ئەنداما شانا قەیرانان یا کۆرۆنا یێ ل پەرلەمانێ عیراقێ، بۆ ئەڤرۆ نیوز دیار کر: کو بالیۆزخانا ئه‌مریكا ل عیراقێ راگه‌هاندیە، ئه‌و دێ ئامیرێن پشكنینا ڤایرۆسێ كۆرۆنا یێ (كوڤید 19) بۆ حوكمه‌تا عیراقێ و هه‌رێما كوردستانێ هنێرن، كو چار ئامیرێن پشكنینان بۆ ده‌زگه‌هێن ساخله‌میێ ل به‌غدا و هه‌ولێرێ نوكه دێ به‌رهه‌ڤ كه‌ن، پاشى حه‌فت ئامیرێن دیتر ژى دێ هێنه به‌رهه‌ڤكرن.
هەروەسا گۆتیە: ب ده‌ستكه‌فتنا ڤى ئامیرەی دێ عیراقێ شیانێن پشكنینكرنا ب سه‌ده‌هان وەلاتیان و ئه‌و كه‌سێن ب ڤایرۆسا كورونایێ تووش بووى هه‌بن، بۆ هندێ راستیا هه‌بوونا وى ڤایرۆسێ لنك وان كه‌سان بهێته زانین، کو حوكمه‌تا ئه‌مریكا ب ده‌لیڤه دزانیت ل ده‌ستپێكێ هاریكاریا هه‌ڤالێن خوه ل عیراقێ بۆ به‌رهنگاریا ڤێ قه‌یرانا ساخله‌میا جیهانى یا ب مه‌ترسى بكه‌ت.
ئەڤرۆ نیوز:
وه‌زاره‌تا ساخلەمیا حكومه‌تا هه‌رێما كوردستانێ نووترین ئامارێن کۆرۆنایێ بەلاڤ کرن و گۆتیە، د بەردەوامیا پشکنینان و لێگەریان لدووڤ گومانلێکریان، سێ تووشبوویێن ڤایرۆسێ کۆرۆنا یێ هاتینە دەست نیشانکرن و کو هەرسێ ژ تووشبوویان خەلکێ دهۆكێ نە و دو زەلام و ژنەکن، کو دو ژ وان خۆجهێن قەزا زاخۆ نە و ئێک ژی خۆجها قەزا ئامێدیێ یە.
نيشاندان