ئەڤرۆ نیوز:
هەکە تە ئاریشەک د شیانێن سکسی دا هەبیت، پێدڤی ناکەت خوە گەلەک ماندی بکەی و لدووڤڤ چارەسەریان بگەری، ژبەر کو تۆ دشێی هەر د بەفرگرا مالا خوە دا خوە چارەسەر بکەی.
مالپەرێ Healthline چەند خوارن دەست نیشانکرینە، کو دبیت حەزا سکسی د رەگەرێ نێر دا زێدە بکەن، هندەک ژ وان ژ روویێ زانستیڤە باندۆرا وان هاتیە سەلماندن، هندەکێن دی ژی د جیهانێ دا ب ئاوایەکێ بەربەلاڤ خەلک بۆ زێدەکرنا حەزا سکسی دخۆن و باوەرێ پێ هەیە.
ئەو خوارن ژی ئەڤە:
گوشتێ سۆر، گوهێ ماسی، ماسیا سەلەمۆن ، چەرەزات ، سێڤ ، سیر.
ئه‌ڤرۆ نیۆز، عه‌زیز هه‌ورامی:
به‌هۆی ڕه‌شه‌بای به‌هێز زیانی گه‌وره به‌ر مۆنه‌مێنتی یادگاری شه‌هیدانی هه‌ڵه‌بجه ده‌كه‌وێت، به‌ڕێوه‌به‌ری مۆنه‌مێنتی شه‌هیدان ده‌ڵێ، پڕۆژه‌مان هه‌یه له‌پاڵ ئه‌م مۆنه‌مێنته مۆنه‌مێنتێكی تری گه‌وره دروست بكه‌ین.
سه‌رخێڵ غه‌فار به‌ڕێوه‌به‌ری مۆنه‌مێنتی یادگاری شه‌هیدانی هه‌ڵه‌بجه، به ئه‌ڤرۆ نیۆزی ڕاگه‌یاند:” 20 ساڵ له‌مه‌وبه‌ر له لایه‌ن حكوومه‌تی هه‌رێمی كوردستان مۆنه‌مێنتی یادگاری شه‌هیدانی هه‌ڵه‌بجه دروست كراوه، به‌ڵام به‌رده‌وام پێویستی به نۆژه‌نكردنه‌وه هه‌یه.
سه‌رخێڵ غه‌فار وتیشی:” ڕه‌شه‌بای به‌هێز زیانی به مۆنه‌مێنتی هه‌ڵه‌بجه گه‌یاندووه له ئێستادا ئه‌و په‌نجانه‌ی له سه‌رووی مۆنه‌مێنته‌كه دروست كراوه ته‌عبیر له چوار پارچه‌ی كوردستان ده‌كات، زیانی به‌ركه‌وتووه، شكاون به‌یه‌كجاره چونكه به شێوه‌یه‌كی باش و به موادی باش دروست نه‌كراوه، ئێمه له نوۆژه‌نكردنه‌وه‌ی جارێكی تر، ده‌بێت به سه‌ب ئه‌و په‌نجانه دروست بكرێته‌وه.
ئاماژه‌ی به‌وه‌دا، له‌به‌ر ئه‌وه‌ی 20 ساڵه مۆنه‌مێنتی هه‌ڵه‌بجه دروست كراوه، پێویستی به‌وه‌ییه به‌رده‌وام به‌گشتی نۆژه‌نبكرێته‌وه، ئێمه پڕۆژه‌كه‌یمان بۆ حكوومه‌ت به‌رز كردووه‌ته‌وه، پاش ئاسایی بونه‌وه‌ی كۆرۆنا ئه‌وه به‌دڵنیاییه‌وه ده‌ست به‌نۆژه‌نكردنه‌وه‌ی مۆنه‌مێنته‌كه ده‌كه‌ین.
ناوبراو زیاتر ده‌ڵێ، هه‌ڵه‌بجه پێویستی به‌وه‌ییه مۆنه‌مێنتێكی نوێ یادگاری هه‌ڵه‌بجه به‌شێوه‌یه‌كی مۆدێرنتر و باشتر دروست بكرێت و به ڕوبه‌رێكی زۆر گه‌وره‌تر، تاڕاده‌ی ئه‌وه‌ی ڕێگای ته‌واوی ئه‌و ئه‌رشیفانه ببێته‌وه بۆ مۆنه‌مێنتی ده‌هێندرێت، وه ڕۆژانه هه‌زاران گه‌شتیار سه‌ردانی ده‌كه‌ن.
ئەڤرۆ نیۆز، قائید میرۆ:
دوھی ئەمریکا ھێزێن خۆ ل سەربازگەھا کەیوان یا کەرکووکێ ڤەکێشان و بەری چەند رۆژانژی ل ھژمارەک دەڤەرێن عێراقێ ئەمریکا خۆ ڤەکێشا فەرماندەیەکێ پێشمەرگەیی ھۆشداریێ ددەت لدۆر سەرھەلدانا داعش پشتی نەمانا ھێزێن ئەمریکا ل عێراقێ.
نووری حەمە عەلی، بەرپرسێ میحوەرێ باشوور و رۆژڤایێ کەرکووکێ یێ ھێزێن پێشمەرگەی بۆ ئەڤرۆ نیۆز دیارکر” ڤەکێشانا ھێزێن ھەڤپەیمان بتایبەتی ئەمریکا ل کەرکووکێ و دەڤەرێن دی یێن عێراقێ ئەم ب کارەکێ باش نوزانین، ھەرچەندە ئەڤە بڕیارا ئەمریکایە، بەلێ ئەم باوەرین ھێزێن عێراقی نەشێن جھێ ھەڤپەیمانێن نێڤدەولەتی یێن دژی داعشێ بگرن و کۆنتڕۆلا رەوشا ئەمنی ناکەن، ھەگەر ددەمێ نوکەدا بەلافبوونا ڤایرۆسا کۆرۆنایێ رێگرنەبیت دێ دوژمن دربێن مەزن دانیت.
ئەڤی فەرماندێ پێشمەرگەی گۆت” ئەز باوەرم ڤەکێشانا لەشکرێ ئەمریکا تاکتیکا ئەمریکا بخۆیە رەنگە پشتی ڤەکێشانا پلانێن دی ھەبن بۆ عێراقێ و بشێوەیەکێ بچنە ناڤا باژێڕان.
نووری حەمە عەلی ئاشکرار” داعش و ھەڤشێوەیێن مینا داعش خوە بەرھەڤ دکەن بۆ ھەر دەلیڤەکێ ھەتا گورزەکێ دانن، پێشبینی دھێتەکرن پشتی ڤەکێشانا ئەمریکا داعش دەست ب لڤینان بکەت و ھێزەکا مەزن پێک بینیت، حەشدا شەعبی و ھێزێن سوپایێ عێراقێ ژی نەشێن بێی ئەمریکا بەرسینگا چەکدارێن داعش بگرن.
نووری حەمە عەلی دبێژیت” مەترسیەکا مەزن لسەر کەرکووکێ ھەیە، چونکە چۆلکرنا سەربازگەھا کەیوانا کەرکووکێ دێ بیتە پالنەرەک تیرۆرست زێدەتر خوە بەرھەڤ بکەن و ھێزێن عێراقی ژی ئەڤێ راستیێ باش دزانن.
ئەڤرۆ نیوز:
وەزیرێ ساخلەمیا هەرێما کوردستانێ راگەهاند، 11 تووشبوویێن دیتر ل لە هەرێما کوردستانێ هاتنە دەست نیشانکرن.
د. سامان بەرزنجی، وەزیرێ ساخلەمیا هەرێما کوردستانێ راگەهاند ، ل کوردستانێ 11 تووشبوویێن پۆزەتیف هەبووینە شەش ژ وان ل هەلەبجە و دەوروبەران بووینە، هەموو بەرکەفتیێن پێشیێ بوون و چار ژی ل سلێمانیێ بووینە و ئێک ژی ل دەربەندیخانە، کو سەرجەمێ وان دبنە 7 ژن و 4 زەلام.
ئەڤرۆ نیوز،عەلی حاجی :
ئەندامەکێ جڤاتا پارێزگەها دهۆکێ بۆ ئەڤرۆ نیوز دیار کر وەکو ئەندامێن جڤاتا پارێزگەهێ ل زاخۆ کار بۆ دانانا هێلا ١٢٢ ل زاخۆ دهێتە کرن ژبەر کو ئەو هێلە بتنێ ل باژێرێ دهۆکێ هەیە و ل قەزایێن دیتر نینە.
زێدەتر دێوالی محسن گۆت : مە ژ نێزیک ڤە ژی سەرەدانا رێڤەبەریا ساخلەمیا زاخۆ ژی کری یە و وان ژی ژلایێ خوە ڤە دیار کری یە کو ژ روویێ ترۆمبێلان ڤە وان چو ئاریشەیەک نینە بتنێ وان ئاریشەیا کێمیا کارمەندان هەیە بۆ دانانا وێ هێلێ ژی پێدڤی ب هندەک کارمەندان هەیە ٢٤ دەمژمێران د کاری دا بن،مە پێشنیارەک ئاراستەی رێڤەبەریا گشتی یا ساخلەمیێ ل پارێزگەها دهۆکێ کری یە دا کو شەش هەتا هەشت کارمەندان هەر چو نەبیت ب گرێبەست دانان داکو بشێن وێ هێلێ بێخینە د کاری دا ژبەر کو باژێرێ زاخۆ ب سێ سنوران ڤە گرێدایە و پێدڤی یەکا مەزنە زاخۆ ئەو هێلە هەبیت،هەر دیسان هەکە کارمەند هاتنە تەرخان کرن دێ سێ تیمەان دانین کو ئێک دێ دناڤ باژێرێ زاخۆ دا بیت و تیمەکا دیتر دێ ل سنورێ ناحیا رزگاری بیت و تیمەکا دیتر بۆ ناحیێن باتیفا و دەرکارێ بیت.
ئەڤرۆ نیۆز، قائید میرۆ
ئەندامەکا کوردا لیژنا بەرھنگاریا قەیرانان لپەرلەمانێ عێراقێ ئاماژەکر، بەنکا ناڤەندیا عێراقێ دێ گوژمەکێ پارەی بۆ بەرھنگاربوونا ڤایرۆسا کۆرۆنا بسەر پارێزگەھان بەلاف بکەت و پشکا ھەرێما کوردستانێ ژی تێدایە.
دکتۆر دالیا فەرھاد، ئەنداما لیژنا ساخلەمیێ لپەرلەمانێ عێراقێ بۆ ئەڤرۆ نیۆز دیارکر” پەرلەمانێ عێراقێ لیژنەیەک بۆ بەرھنگاریا قەیرانان پێک ئینایە و نوونەرێن ھەرێما کوردستانێ ژی تێدا ھەنە، نوکە کار دکەین ژبۆی کۆنتڕۆلکرنا ڤایرۆسا کۆرۆنایێ لسەرانسەری عێراقێ.
دکتۆر دالیا فەرھاد ئاشکراکر” بەنکا ناڤەندیا عێراقێ چەندین ھاریکاریێن مادی کۆمکرینە و بڕیار لسەر پارێزگەھێن عێراقێ بھێنە بەلافکرن، کو پشکا ھەرێما کوردستانێ ژی تێدایە و دێ ژبۆی بەرھنگاریا کۆرۆنایێ بھێنە تەرخانکرن، چونکە دەزگەھێن ساخلەمی پێتڤی ب ئامیر و کەلو پەلێن چارەسەریێ ھەنە.
ئەڤرۆ نیوز،عەلی حاجی :
قایمقامێ زاخۆ د داخویانیەکێ دا بۆ ئەڤرۆ نیوز دیار کر ماوەیێ سێ رۆژایە دەست ب بەلاڤ کرنا پارەیێ زیان ڤێکەڤتیان ل زاخۆ هاتیە کرن و بریارە د ماوەیێ رۆژەکێ هەتا دو رۆژان ب دوماهی بهێت.
زێدەتر بوتان محسن گوت : رۆژانە ئەو پارەیێ بۆ زیان ڤێکەڤتیێن لەهیێن زاخۆ دهێنە دابەش کرن ب تایبەتی ئەو مالێن توشی زیانێن مەزن بووین و هەتا نوکە ژی ژمارەیەکا باش یا هاریکاریان هاتینە بەلاڤ کرن،ئەو پارەیێ بۆ زاخۆ و دهۆکێ هاتیە دەست نیشان کرن ژ هەمی قەزایێن دیتر زێدەتر ژبەر کو ژ هەمی دەڤەران زێدەتر زیان بەر ب خەلکێ زاخۆ کەڤت بوو،ئەو لژنا هاتیە پێک ئینان ژی رێژەیەکا ژ وی پارەیی هاتیە کێم کرن ل هەمی دەڤەران ژبەر کو هەمی دەمان د دەرخستەیان دا رێژەیەک ژ پارەی زێدەتر دهێتە تومار کرن،نوکە دا لژنەیەکا دیتر دەست ب تومار کرنا زیانێن خودانێن دکانان دکەن ژبەر کو ئەو پارێ نوکە دهێنە بەلاڤ کرن بۆ زیان ڤێکەڤتیێن مالانە و ئەو هاریکاری ژی بۆ مالێن وان ب خوە دهێنە رەوانە کرن بێ کو بهێنە قایمقامیا زاخۆ.
و گوت ژی : نوکە دا ئەم مژوولی رێ پێدانا ڤەکرنا بانکێن ئەهلی و نڤێسینگەهێن پارە گهورانە ل زاخۆ ژبەر کو ل دوید نووترین بریار ژی دێ د حەفتیەکێ دا دو روژ بح وان هێنە دەست نیشان کرن و هەر دیسان دەمژمێرێن وان یێ کاری ژی و زێدەباری وێ چەندێ ڤەگوهاستنا پارەیی ژ دەڤەرەکێ بۆ دەڤەرەکا دیتر دناڤ پارێزگەهێ دا رێک دێ پێ هێتە دان ل دویف وان روژێن بۆ وان هاتینە دەست نیشان کرن.
ئه‌ڤرۆ نیوز:
هه‌ڤپه‌یمانیا نێڤ ده‌وله‌تی دژی داعشێ ژ پارێزگه‌ها نه‌ینه‌وا خۆ ڤه‌كێشا و باره‌گه‌هێن هێزێن خۆ راده‌ستی وه‌زاره‌تا به‌ره‌ڤانیا عیراقێ كرن.
فه‌رمانده‌یێ ئوپراسیونێن هه‌ڤبه‌شێن عیراقێ راگه‌هاند پشتی دانوستاندنێن حكومه‌تا عیراقێ و هه‌ڤپه‌یمانان، ئه‌ڤرۆ هێزێن هه‌ڤپه‌یمانان دژی داعشێ خۆ ژ پارێزگه‌ها نه‌ینه‌وا ڤه‌كێشان و بنگه‌هێن سه‌ربازی یێن خۆ راده‌ستی وه‌زاره‌تا به‌ره‌ڤانیا عیراقێ كرن.
فه‌رمانه‌ده‌یێ ئوپراسیونێن هه‌ڤبه‌شێن عیراقێ و هه‌ڤپه‌یمانان دیاركر ژی پرۆسه‌یا ڤه‌كێشان و جێگیركرنا هێزێن عیراقی ل ئه‌وان بنگه‌هێن سه‌ربازی پشتی ئیمزاكرنا رێكه‌تنه‌كی بوویه دناڤبه‌را هه‌ردو لایان دا.
دهی هێزێن هه‌ڤپه‌یمانێن نێڤ ده‌وله‌تی ل عیراقێ د راگه‌هاندنه‌كێ دا به‌لاڤكر بوو بنگه‌هێ سه‌ربازی یێ كه‌ین وان ل كه‌ركوكێ ب ته‌مامی راده‌ستی هێزێن عیراقێ هاتیه‌كرن و به‌رهه‌ڤكاری بۆ جێگیركرنا سیسته‌مێ دژه موشه‌كی یێ پاتریوتا ئه‌مریكی دهێته كرن.
هێزێن هه‌ڤپه‌یمانان ئه‌و چه‌نده ژی دیاركر ل چه‌ند رۆژێن بهێت دێ سیسته‌مێ به‌ره‌ڤانیا ئاسمانی و پاتریوت بۆ رێگرتن ژ هێرشان بۆ سه‌رهێزێن هه‌ڤپه‌یمانان و سوپایێ ئه‌مریكا هێنه‌جێگیركرن.
ئه‌ڤرۆ نیوز:
وه‌زیرێ بازرگانی و پیشه‌سازیێ یا حكومه‌تا هه‌رێما كوردستانێ راگه‌هاند حكومه‌ت برێكا پرۆژه‌یه‌كی دێ خوارنێ بۆ خێزانێن كێم دهرامهت دابین كه‌ت، كۆ ب ئه‌گه‌رێ قه‌ده‌غه‌یا هاتنوچونێ ژین و ژیارا وان ل سه‌ر كارێ رۆژانه بوو.
كه‌مال مسلم وه‌زیرێ بازرگانی و پیشه‌سازیێ یا حكومه‌تا هه‌رێما كوردستانێ راگه‌هاند: حكومه‌تا ب رێكا پرۆژه‌یه‌كی دێ خوارنێ بۆ خێزانێن كێم ده‌ره‌امه‌ت دابین كه‌ت، كۆ ب ئه‌گه‌رێ قه‌ده‌غه‌یا هاتنوچونێ ژیانا وان ل سه‌ر كارێ رۆژانه بوویه، دێ ئه‌وی پرۆژه‌ی ئیخنه ته‌نده‌ری دا و ل گه‌ل چه‌ند كۆمپانیه‌كان ژی مه ئاخڤتیه.
وه‌زیرێ بازرگانی و پیشه‌سازیا حكومه‌تا هه‌رێما كوردستانێ ئه‌و چه‌نده ژی راگه‌هاند: 30 هزار ته‌نێن برنج و شه‌ش ملیۆن زه‌یت چه‌ندین ته‌نین نیسك و نوكان دێ هێنه كرین و برێكا ئه‌ڤی به‌رنامه‌یی پارڤه‌كه‌ین ل سه‌ر وه‌لاتیێن كێم دهرامهت، مه‌رجێ پرۆژه‌یی ئه‌وه كو خوارن ژ ده‌ره بهێته‌كرین نه‌ك ل ناڤخۆ بكرن داكۆ بازار ل ناڤخۆ ب خوارنێ كێم نه‌بیت.
ناڤبری دیاركر پشكا هه‌یڤانه یا ئاهێن خوارنێ دێ به‌رده‌وام بیت نوكه ده‌ست ب پارڤه‌كرنا پشكا هه‌یڤه‌كا دی هاتیه‌كرن.
ئه‌ڤرۆ نیوز:
سه‌رۆك وه‌زیرێ ده‌ست ژ كارڤه‌كێشاییێ عیراقێ هوشداری دا هێزێن ئه‌مریكی ژ ئه‌نجامێ هه‌ر خه‌له‌تیه‌كێ ره‌وش دێ ئالوز بیت.
عادل عه‌بدلمه‌هدی سه‌ۆك وه‌زیرێ ده‌ست ژكارڤه‌كێشایی راگه‌هاند هه‌موو رێكاره‌ك دژی هێرشكرنا سه‌ر هێزێن بیانی و هێزێن عیراقێ هاتیه‌كرن، هه‌ر هێرشه‌كا بۆ سه‌ر هێزێن عیراقی و هێزێن بیانی ل سه‌ر ئاخا عیراقێ، بن پێكرنا سه‌روه‌ریا عیراقێ یه، زێده‌گاڤینه بۆ سه‌ر ده‌وله‌تا عیراقێ.
سه‌رۆك وه‌زیرێ ده‌ست ژكارڤه‌كێشایی ئه‌و چه‌ده ژی دیاركر حشدا شه‌عبی به‌رده‌وام هێرشێ ده‌كه‌نه سه‌ر هێزێن ئه‌مریكی و فرۆكه‌یێن ئه‌مریكا ژی ئه‌وان توپباران دكه‌ن هه‌مبه‌ر كریارێن وان.
نيشاندان