ئەڤرۆ نیوز:
وەزارەتا ساخلەمیێ یا هەرێما کوردستانێ بەری دەمەکێ راگەهاند کو ئەو نوشدارێ بەری دەمەکێ ل هەولێرێ تووشی ڤایرۆسێ کۆرۆنا یێ ببوو ب تەمامی باش بوویە و دێ ڤەگەریتە ڤە مالا خوە.
وەزارەتا ساخلەمیێ ئاماژە ب هندێ ژی دکەت کو ل هەولێرێ ژ بلی وی نوشداری دو نەخوشێن دی یێن کۆرۆنا یێ ژی باش بووینە و دێ ڤەگەرنە ڤە مالێن خوە.
ئه‌ڤرۆ نیوز:
وه‌زاره‌تا ساخله‌میا ئیسپانیا ئاماره‌كا نوو یا توشبو و مریان ب ڤایرۆسێ كوروناێ به‌لاڤكر و تێدا هاتیه ژماره‌یا ئه‌و كه‌سێن ب ئه‌گه‌ری ڤایرۆسێ كورونایێ مرین بوونه شه‌ش هزار و 528 كه‌س.
لگۆری ئه‌وێ راگه‌هاندنا وه‌زاره‌تا ساخله‌میا حكومه‌تا ئیسپانیا، توشبوویێن ل ئیسپانیا گه‌هشته 74 هزار و 235 حاله‌ت و 12 هزار و 285 توشبووی ژی ساخ بووینه، چار هزار و 165 حاله‌تێن مه‌ترسیدار ژی هه‌نه و ل بن چاڤدێریا چردانه.
وه‌زاره‌تا ساخله‌میا ئیسپانیا ئه‌و چه‌نده ژی راگه‌هاند كۆ دبیت ل پاشه‌رۆژێ ریب ری هنده‌ك گرفتان بیت به‌لێ به‌رهه‌ڤیێن باش هاتینه كرن داكۆ ب شیێن زال بین ل سه‌ر هه‌ر گرفته‌كا دروست دبیت.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ راگه‌هاند: درێژكرنا قه‌ده‌غه‌یا هاتنوچونێ ژلایێ وه‌زاره‌تێن په‌یوه‌ندیدار ڤه دهێته هه‌لسه‌نگاندن ئه‌ڤرۆدێ بریارا پێدڤی ل سه‌ر هێته‌دان.
د. سامان به‌رزنجی وه‌زیرێ ساخله‌میا حكومه‌تا هه‌رێما كوردسانێ د پرێس كۆنفرانسه‌كی دا راگه‌هاند بریارا درێژكرنا بهێنڤه‌دانێ بۆ فه‌رمانگه‌ه و سازیێن حكومه‌تا هه‌رێما كوردستانێ بریاره‌كه كۆ هه‌لسه‌نگاندن ل سه‌ر هاتیه‌كرن و ژلایێ وه‌زاره‌تێن په‌یوه‌ندیدار ڤه ب تایبه‌تی وه‌زاره‌تا په‌روه‌ردێ و خاندنا بلند و ساخله‌میێ ڤه ل كۆمبوونا دهی یا جڤاتا وه‌زیران دانوستاندن ل سه‌ر هاتیه‌كرن.
وه‌زیرێ ساخله‌میا حكومه‌تا هه‌رێما كوردسانێ ئه‌و چه‌نده ژی دیاركر بۆ درێژكرنا قه‌ده‌غه‌یا هاتنوچونێ هه‌لسه‌نگاندن ل به‌رده‌ستن و ل گه‌ل وه‌زاره‌تێن په‌یوه‌ندیدار د دانوستاندنێ داینه ئه‌ڤرۆ دێ بریارا پێدڤی ل سه‌ر هێته دان.
د. سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ گۆت قه‌ده‌غه‌یا هاتنوچونێ رێگرتنه ژ به‌ربه‌لاڤبوونا ڤایرۆسێ كورونایێ و ب شیوه‌یه‌كی قه‌ده‌غه‌یا هاتنوچونێ و كه‌ره‌نتینه‌كرنا ئه‌وێن ژ ده‌رڤه هاتین رێگرتنه‌كا باش بۆ نه به‌لاڤبوونا ڤایرۆسێ كورونایێ.
ئه‌ڤرۆ نیوز:
ناڤدارترین پەژیكێن جیهان ڤەگرتی:
– دناڤبەرا سالێن 165-180ز دا كولا رەش (تاعون)یا ئەنتونی ل ئیمبراتۆریا رۆمانی دا و ژ وێرێ گەهشتە سەرانسەری جیهانی و نێزیكی 5 ملیۆن كەس كوشتن.
– د ناڤبەرا سالێن 541-542ێ دا كولا رەش یا جاستنیانی ئیمبراتۆریا بیزەنتی ڤەگرت و گەهشتە هەمی جیهانی و نێزیكی 30 ملیۆن كەس كوشتن.
– ل سالا 735ێ پەژیكا خوریكان (الجدری)ا ژاپونی ل تۆكیۆ بەلاڤ بوو و ژ وێرێ گەهشتە وەلاتێن دەوروبەر و نێزیكی ملیۆن كەس كوشتن.
– د ناڤبەرا سالێن 1347-1351ێ دا كولا رەش یا دمەلی (الطاعون الدملي) ژ نێزیكی چینێ دیار بوو و گەهشتە ئیتالیا و چوو هەمی جیهانێ، هنگی ناڤێ مرنا رەش (كو دبیت ناڤێ كولا رەش یا كوردی ژ وێ هاتبیت) ل سەر هاتە دانان و پتر ژ 200 ملیۆن كەس كوشتن.
– ل سالا 1520ێ خورێكێ جیهان ڤەگرت و 56 ملیۆن كه‌س كوشتن.
– ل سالا 1817 كۆلێرێ نێزیكی ملیۆن كەسان ل سەرانسەری جیهانێ كوشتن.
– ل سالا 1855 جورەكێ كولا رەش پەیدا بوو دگۆتنێ پەژیكا سیێ، ژ هەرێما یونان یا چینی دەركەفتن و سەرانسەری جیهانێ ڤەگرت و نێزیكی 12 ملیۆن كەس كوشتن.
– د ناڤبەرا سالێن 1889-1890ێ پەرسیڤا رۆسی بەڵاڤ بوو و ملیۆن كەس كوشتن.
– ل سالا 1918ێ پەرسیڤا ئیسپانی د سالەكێ دا 50 ملیۆن كەس كوشتن و چوارێكا مرۆڤێن جیهانێ ڤەگرتبوو.
– ل سالا 1923 كۆلێرێ نێزیكی ملیۆن كەسان ل سەرانسەری جیهانێ كوشتن.
– ل سالا 1956 پەرسیڤا ئاسیایی ل چینێ دەركەفت و ملیۆن كەس كوشتن.
– ژ سالا 1981ێ تا نوكە ئایدزێ پتر ژ 35 ملیۆن كەس كوشتینە.
– د ناڤبەرا سالێن 2009-2010ێ دا پەرسیڤا بەرازان ژ ئەمریكا و مەكسیك دەركەفت و جیهان ڤەگرت و پتر ژ 200 هزار كەسان بوونە قوربانی.
– د ناڤبەرا سالێن 2014 و 2016ێ دا ئیبۆلایێ 11 هزار كەس كوشتن و پشتی هنگی سارس و مێرسێ ژی سەدان مرۆڤ بوونە قوربانی.
– ژ دویماهیا 2019ێ تا نوكە پەژیكا كورونایێ یا بەردەوامە.
ئەڤجا ل مالا خۆ روینە و خۆ و خێزانا خۆ بپارێزە، هه‌كه نە، ب تنێ دێ ژمارە هێتە گوهۆڕین.
پێزانین ژ هژمارا فیسبوكی یا سه‌عید عوسمان هاتینه وه‌رگرتن
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ راگه‌هاند د به‌رده‌وامیا پشكنین و لێگه‌ریان و دووڤچوونا گۆمانلێكریان، ئه‌ڤرۆ سێ وه‌لاتیێن دی توشبویی ب ڤایرۆسێ كورونایێ كوڤید 19 ل باژێرێ هه‌ولێرهاتنه ده‌ست نیشانكرن.
وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده ژی دیاركر كۆ ئه‌و سێ كه‌س زه‌لامن و ژیێن وان د 54 و 35 و 34 سالێ دانه كۆ دو ژ وان د كه‌ره‌نتینه‌كرنێ دا بوون و وه‌لاتیین بیانی نه و ئه‌ڤێ دی ژی ژ بریتانیا ڤه‌گه‌ریایه هه‌رێمێ.
وه‌زاره‌تا ساخله‌میا حكومه‌تا هه‌رێمێ دیاركر نوكه ئه‌و ل بن چاڤدێریا نوژداری دانه و بۆ چاره‌كرنێ .
ئه‌ڤرۆ نیوز:
سوپایێ ئه‌مریكا دێ خۆ ژ بنگه‌هێ سه‌ربازی یێ كه‌یوان ل كه‌ركووكێ ڤه‌كێشیت و راده‌ستی هێزێن سوپایێ عیراقێ كه‌ت.
بریاره ئه‌ڤرۆ سوپایێ ئه‌مریكا ب فه‌رمی بنگه‌هێ سه‌ربازی یێ كه‌یوان ل كه‌ركووكێ راده‌ستی سوپایێ عیراقێ بكه‌ت.
لگۆری ئه‌وان زانیاریێن هاتینه راگه‌هاندن سوپایێ ئه‌مریكا بتنێ برێیا فرۆكه‌یێن شه‌ركه‌ر چاڤدێریا ره‌وشا كه‌ركووكێ و لڤینێن رێكخراوا داعشێ كه‌ن.
به‌ریا نوكه سوپایێ ئه‌مریكا راگه‌هاند بوو دێ خۆ ژ سه‌ربازگه‌هێ قائیم و گه‌یاره و كه‌یوان ڤه‌كێشین.
ب نێرێنێن چاڤدێران ڤه‌كێشانا سوپایێ ئه‌مریكا ژ وان بنگه‌هێن سه‌ربازی ب ئه‌گه‌رێ گه‌فان و هێرشێن موشه‌كان به‌رده‌وامیا میلیشیا حشدا شه‌عبی بۆ سه‌ر هێز و به‌رژه‌وه‌ندیێن ئه‌مریكا ل عیراقێ.
ئه‌ڤرۆ نیوز:
هژمارا توشبوویێن ڤایرۆسێ كورونایێ ل جیهانێ گه‌هشتیه 665 هزار كه‌سان پرانیا حاله‌تان ژی ل ئه‌مریكایه.
لگۆری نووترین ئاماران 664 هزار و 731 كه‌س ل ته‌ڤایا جیهانێ توشی ڤایرۆسێ كورونایی بووینه و به‌رده‌وام حاله‌تێن نوو دهێنه توماركرن.
ژ وێ ژماره‌یێ ژی 30 هزار و 892 كه‌س ژی ب ئه‌گه‌رێ ڤایرۆسێ كورونایێ مرینه و 142 هزار و 427 كه‌س ژی باش بووینه.
پرانیا توشبوویێن ب ڤایرۆسێ كورونایێ ل سه‌ر ئاستێ جیهانێ ل ئه‌مریكا هاتیه توماركرن كۆ 123 هزار و 776 كه‌سن و 2229 كه‌س ژی ب ئه‌گه‌رێ ڤایرۆسێ كورونایێ مرینه.
چین ژێده‌رێ به‌لاڤبوونا ڤایرۆسێ كورونایی بوو ژ روویێ توماركرنا حاله‌تێن توشبوویێن ڤایرۆسێ كورونایێ داكه‌تیه و بۆ پله‌یا سیێ و ئیتالیا ل پله‌یا دوێ و كۆ 94 هزار و 472 توشبوویی هه‌نه و 10 هزار و 23 كه‌س ژی ل وی لاوه‌تی ب ئه‌گه‌رێ ڤایرۆسیی كورونایێ مرینه.
ئەڤرۆ نیوز:
قایمقامێ ناڤەندا سلێمانیێ گۆتیە، پێدڤیە وەلاتی پابەند بن ب رێنمایان و دیار کریە، قۆناغا مەترسیێ یا بەلاڤبوونا کۆرۆنا یێ بەرەف دووماهیێ دچیت، ل چەند حەفتیێن بهێت دێ نێزیک بین ل سەرکەفتنێ ب سەر کۆرۆنا یێ دا، ئەڤە دەمەکێ تەمام یێ مێژوویی یە بۆ ھەرێما کوردستانێ، داخوازێ ژ هەوە دکەین ل گەل مە د هاریکار بن و مە گەلەک ژ دژواریان تێپەراندیە، ل چەند رۆژێن داھاتیدا بمیننە ل مالێن خوە، هەتا وی دەمێ مەترسیا کۆرۆنا یێ کێم دبیت و ل دووماهیێ ب بزاڤێن ھەموویان دێ ب سەر کۆرۆنا یێ دا سەرکەڤین.
ئەڤرۆ نیوز ، مەحمود نهێلی:
رێڤەبەرێ ساخلەمیا قەزا ئامێدیێ بۆ ئەڤرۆ نیوز دیار کر، پشتی ئەو گومانلێکریێن ل کومەلگەها قەدشێ یا سەر ب قەزا ئامێدیێ ڤە پشکنین بۆ هاتینە کرن، د ئەنجامدا پشکنینێنا ئێک ژ وان پوزەتیف دەرچوویە و ئیک ژ وێ خێزانێ هەلگرێ ڤایروسێ کۆرۆنایێ بوویە.
د. شاکر عەبدولعەزیز رێڤەبەرێ ساخلەمیا قەزا ئامێدیێ گۆت : ئەڤی کەسی تێکەلی ل گەل کەسێ بەری دو رۆژان کۆرۆنا لێ دیاربووین هەبوویە.
ناڤهاتی داخواز ژ خەلکی ژی کر، کو خوراگر بن و پتر خوە بپارێزن و دهشیاربن ل سەر رێنمایێت وەزارەتا ساخلەمیێ.
دیار ژی کر، دێ هەر حالەت هێنە تۆمارکرن، لێ ئەگەر ئەم د پێگیر و خوراگر بین دێ کونترولێ ل سەر بەلاڤبوونا نەخۆشیێ کەین و دێ ب کێمترین زیان ڤێ قوناغێ دەرباز کەین.
رێڤەبەرێ ساخلەمیا ئامێدیێ داخوازێ ژ وەلاتیێن دەڤەرێ کر، هەکە د هەیاما بوری دا کەسەکێ تێکەلی ل گەل کەسێ تووشبووی کربیت بلا پەیونەدیێ ب دەزگەهێن ساخلەمیێ بکەت ژ بۆ پاراستنا ساخلەمیا وی و کەسوکار و خەلکێ دەڤەرێ ب گشتی.
ئەڤرۆ نیوز:
وەزیری نافخۆ، دێ کۆمبوونەکێ ل گەل سەرجەم پارێزگار و سەرپەرشتیارێن ئیدارێن سەربەخو ئەنجامدەت و دێ بریارا درێژکرنێ یان دووماهی ئینانا قەدەغەیا هاتنوچوونێ دەن.
وەسا بریارە سوبەهی ئێکشەمبی وەزیرێ نافخۆ یێ حوکمەتا ھەرێما کوردستانێ، کۆمبوونەکا ئۆنلاین ل گەل پارێزگارێن دهۆک و ھەولێر و سلێمانیێ و ھەلەبجە و سەرپەرشتیارێن ئیدارێن گەرمیان و راپەرین بکەت، ب مەبەستا درێژکرنێ و ماوێ قەدەغەیا ھاتنوچوونێ.
هەروەسا هه‌ر سوبەهی دێ ژوورێن ئۆپه‌راسیۆنێن پارێزگەهون هەر ئێک جۆدا کۆم بیت و دێ هەلسەنگاندنێ بۆ رەوشا باژێرێن خوە کەن و دێ پێشنیارێن خوە بۆ کۆمبوونا ل گەل وەزیرێ نافخۆ ئامادە کەن.
نيشاندان