ئەڤرۆ نیوز:
بایرام یوکسەل چاڤدێرێ سیاسی یێ باکورێ کوردستانێ راگەهاند کو دەمەکە ل تورکیا بەحسێ قانوونەکێ بۆ لێبۆرینا گشتی دهێتە کرن و نها کارێ ئامادەکرنا وێ قانوونێ بەر ب دووماهیێ ڤە دچیت لێ مخابن ئەز دشێم بێژم کو د وێ قانوونێ دا چو بۆ کوردان نینە.
ناڤهاتی راگەهاند کو پرانیا گرتیێن کورد یێن ل تورکیا ژ بەر کارێن سیاسی هاتینە گرتن و د قانوونێ دا هاتیە دیار کرن کو کەسێن دژبەریا دەولەتا تورکیا کرینە و وەکو تیرۆرست هاتینە گرتن ب چو رەنگەکێ ژ قانوونا نوو یا لێبۆرینا گشتی نەشێن مفادار بن، ئەو یەک ژی نیشا ددەت کو د قانوونا نوو دا چو بۆ کوردان نینە.
ئەڤرۆ نیوز:
هونەرمەندەکا باکورێ کوردستانێ راگەهاند کو وێ نها ل باژێرێ ئستەنبولێ خوە ل مال کەرەنتین کریە و داخواز ژ هەموو وەلاتیێن کورد ل هەر چار پارچێن کوردستانێ ژی کر کو بۆ پاراستنا خوە و کەسوکارێن خوە پێگیریێ ب رێنمایێن ساخلەمیێ بکەن.
مەلەک رۆژهات راگەهاند کو دڤێت هەموو کوردەک ل هەر جهەکێ پێگیریێ ب رێنمایێن ساخلەمیێ بکەت دا بشێن ڤێ رەوشا ئالۆز دەرباز بکەن و هێڤی خواست هەموو کوردەک یێ پاراستی بیت ژ ڤایرۆسێ کۆرۆنایێ.
ئەڤرۆ نیوز:
بەرپرسەکێ رێڤەبەریا خوەسەر یا رۆژئاڤایێ کوردستانێ بۆ دەزگەهێن راگەهاندنێ دیار کر کو وان دەست ب پێرابوونێن پێدڤی بۆ پاراستنا وەلاتیان کرینە و بریارا قەدەغەیا هاتنوچوونێ ژی ل رۆژئاڤایێ کوردستانێ بۆ هندێ بوویە.
هەمان بەرپرسی ئەو یەک ژی دیار کر کو هەتا نها چو حالەتێن کۆرۆنایێ ل رۆژئاڤایێ کوردستانێ نەهاتینە تۆمار کرن لێ ئەو وەک رێڤەبەریا خوەسەر خوە بۆ هەر رەوشەکێ ئامادە دکەن.
ئەڤرۆ نیوز:
رێبەر ئەحمەد وەزیرێ ناڤخوە یێ حوکمەتا هەرێما کوردستانێ دیار کر کو بریارا قەدەغەیا هاتنوچوونێ یا کو هەتا ئێکێ نیسانێ ل هەرێما کوردستانێ هاتیە دان بۆ سلامەتیا هەموو وەلاتیانە و گۆت: (بریارا قەدەغەیا هاتنوچوونێ ل گەل وەزارەتا ساخلەمیێ هاتیە دان و هەکە پێدڤی بیت پشتی ئێکێ نیسانێ دێ دیسان قەدەغەیا هاتنوچوونێ درێژ کەین).
ناڤهاتێ ئەو یەک ژی دیار کر کو هەتا نها وەکو وەزارەتا ناڤخوە وان یا پێدڤی بۆ پارێزگەها سلێمانیێ کرینە و گۆت: (ژ بۆ پاراستنا وەلاتیان دێ یا پێدڤی کەین و درێژکرنا قەدەغەیا هاتنوچوونێ ژی بێگومان بۆ پاراستنا جانێ وەلاتیێن هەرێما کوردستانێ یە).
ئه‌ڤرۆ نیوز:
ریڤه‌به‌راتیا كارگێری ژێده‌رێن مرۆڤاتیێ سه‌ر ب وه‌زاره‌تا ناڤخۆ یا حكومه‌تا هه‌رێما كوردستانێ، هنارتنا هیكان بۆ ده‌رڤه‌ی هه‌ریمێ هاته قه‌ده‌غه‌كرن.
ئه‌ڤرۆ 26/3/2020 رێڤه‌به‌راتیا كارگێریی و ژێده‌رێن مرۆڤی سه‌ر ب وه‌زاره‌تا ناڤخۆ ب نڤیساره‌كا فه‌رمی، ئاراسته‌ی ژوورێن ئوپراسیونێن پارێزگه‌ه و ئیداریێن سه‌ربه‌خو و رێڤه‌به‌راتیێن گومركان و ده‌زگه‌هێ ئاسایشا هه‌رێما كوردستانێ كریه.
د نڤیسارێ دا هاتیه ل سه‌ر داخوازیا وه‌زاره‌تا پیشه‌سازی و بازرگانیا حكومه‌تا هه‌ریما كوردستانێ و ره‌زامه‌ندیا وه‌زیرێ ناڤخۆ، كۆ كارێ پێدڤی بهێته ئه‌نجام دان بۆ قه‌ده‌غه‌كرنا هنارتنا هێكان بۆ ده‌رڤه‌ی هه‌ریما كوردستانێ.
ئه‌ڤرۆ نیوز:
په‌یڤدارێ حكومه‌تا هه‌رێما كوردستانێ د روونكرنه‌كێ دا به‌لاڤكر، كۆ چاڤه‌ریێ هاتنا ته‌مویلا به‌غداین، هه‌رده‌مێ گه‌هشت راسته‌وخو دێ ده‌ست ب پارڤه‌كرنا موچه‌یێ هه‌می وه‌زاره‌تان كه‌ین.
ئه‌ڤرۆ 26/3/2020 د.جوتیار عادل په‌یڤداری حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه، ب به‌لاڤبوونا ڤایرۆسێ كورونایێ ل پرانیا وه‌لاتێن جیهانێ و جڤاكا نێڤ ده‌وله‌تی ریب ری ره‌وشه‌كا گران یا ساخله‌میێ و ئابووری بوویه و هه‌رێما كوردستانێ ژی دوور نه‌بووه ژ ئه‌وێ ره‌وشا گران، حكومه‌تا هه‌رێما كوردستانێ د پێخه‌مه‌تا سه‌لامه‌تیا ساخله‌میا وه‌لاتیان دا هه‌موو شیانێن خۆ ئێخستنه كاری بۆ پاراستنا گیانێ وه‌لاتیان و دابینكرنا خوشگوزه‌رانییێ ل پاشه‌رۆژێ كۆ ئێكه ژ ئه‌ركێن حكومه‌تێ.
ده‌ربارێ پارڤه‌كرنا موچه‌یی په‌یڤدارێ حكومه‌تا هه‌رێما كوردستانێ ئه‌و چه‌نده ژی به‌لاڤكر وه‌زاره‌تێن پێشمه‌رگه و ساخله‌می و دارای و ئابووری و ناڤخۆ موچه وه‌رگرتینه، پاره‌یێ پێدڤی هاتیه دابینكرن و چاڤه‌ریێ هاتنا ته‌مامكه‌را وی پاره‌یێ به‌غداینه، هه‌ر ده‌مێ گه‌هشت دێ راسته‌وخو ده‌ست ب پارڤه‌كرنا موچه‌یێ ته‌ڤایا وه‌زاره‌تان كه‌ین ب میكانزمه‌كێ كۆ بگۆنجیت ل گه‌ل رێنمایێن ساخله‌میێ .
په‌یڤدارێ حكومه‌تا هه‌رێما كوردستانێ ئه‌و چه‌نده ژی دیاركر ته‌ڤایا پاره‌یێ بۆ موچه‌یێ هه‌ر هه‌یڤه‌كێ ل هه‌رێما كوردستانێ 894 ملیار دینارن ژ وی پاره‌یی 453 ملیار دینار ژ به‌غدا وه‌ك ته‌مامكه‌ر دهێت كۆ دبیته نێزیكی 51% یا پاره‌یێ پێدڤی بۆ پارڤه‌كرنا موچه‌ی، به‌لێ ب ئه‌گه‌رێ هاتنا ڤایرۆسی راوه‌ستاندنا دوامان ل به‌غدا، هاتنا ئه‌وێ ته‌مامكه‌ریێ پاش كه‌ت، بۆ ئه‌وێ مه‌به‌ستێ وه‌زیرێ دارای و ئابووری یێ حكومه‌تا هه‌رێما كوردستانێ د په‌یوه‌ندیه‌كێ ل گه‌ل وه‌زاره‌تا دارایی یا حكومه‌تا فیدرال بۆ چاره‌كرنا ئه‌وان گرفتان، چاڤه‌ریێ نه ل چه‌ند رۆژێن بهێت ئه‌و پاره بگه‌هیت و بۆ ته‌مامكرن و پارڤه‌كرنا موچه‌یێ خشته‌یێ ته‌ڤایا وه‌زاره‌تان.
ئه‌ڤرۆ نیوز:
وه‌زاره‌تا ده‌رڤه‌یا عیراقێ ئاشكراكر تانوكه 19 وه‌لاتی یێن عیراقی ژ ده‌رڤه تووشی ڤایرۆسێ كورنا بووینه.
د راگه‌هاندنه‌كا وه‌زاره‌تا ده‌رڤه‌یا حكومه‌تا عیراقی دا هاته به‌لاڤكرن، 10 حاله‌ت ل ئوردنی شه‌ش حاله‌ت ل ئیتالیا و دو حاله‌ت ل لبنانێ و حاله‌ته‌ك ژی ل كه‌نه‌دا هاتیه توماركرن.
وه‌زاره‌تا ده‌رڤیا عیراقی ئه‌و چه‌نده راگه‌هاندیه كۆ ب رێكا وه‌زاره‌تا ده‌رڤه به‌رهه‌ڤی هاتیه نیشان دان بۆ هه‌ڤكاریكرنا پێدڤی بۆ ئه‌وان عیراقیان بكه‌ت هه‌كه ئه‌و وه‌لاتیێن عیراقێ ل ئه‌وان وه‌لاتێن لی ئاكنجی ره‌زامه‌ندیێ نیشان بده‌ن.
ئه‌ڤرۆ نیوز:
رێڤه‌به‌راتیا گشتی یا سه‌قاناسیێ و بیڤه‌له‌رزان یا حكومه‌تا هه‌رٍێما كوردستانێ پێشبینیێن سه‌قایی به‌لاڤكرن.
ئه‌ڤرۆ 26/3/2020 رێڤه‌به‌راتیا گشتی یا سه‌قاناسی و بیڤه‌له‌رزان یا حكومه‌تا هه‌رێما كوردستانێ، پێشبینیێن سه‌قایی ل 48 ده‌مژمێرێن بهێت به‌لاڤكرن و تێدا ئاماژه ب وێ چه‌ندێ دایه كۆ ئه‌ڤرۆ ل ته‌ڤایا پاریزگه‌هێن هه‌رێمێ ئاسمانێ وان دێ عه‌ور بیت و باران باران بارین ژی هه‌یه.
سه‌قاناسیا هه‌رێما كوردستا كورستانێ ئه‌و چه‌نده ژی دا دیاركرن، رۆژا هه‌ینیێ كۆ 27/3/2020 ل هه‌ولێرێ و سلێمانێ و كه‌ركوكێ نیڤ عه‌ور دبیت و ل دهۆكێ ژی ئاسمانێ وێ عه‌وره ئه‌گه‌ر هه‌یه باران بارین ژی هه‌بیت.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ راگه‌هاند: كه‌سێ توشبوویێ نوو یێ ل هه‌ولێرێ، كه‌س و كارێن ئه‌وی توشبووی نه ئه‌وێ رۆژا 25 ئادارێ هاتیه راگه‌هاندن.
به‌ریا ده‌مه‌كێ كێم د پرێس كۆنفرانسه‌كی دا د. سامان به‌رزنجی وه‌زیڕی ساخله‌میا حكومه‌تا هه‌رێما كوردستانێ راگه‌هاند: ئه‌و سێ كه‌سێن ئه‌ڤرۆ ده‌ركه‌تی توشبوویێن ڤایرۆسێ كورونایێ نه، هه‌ر سێ خه‌لكێ گۆندێ گاینجن ل توخیبێ باژێركێ قه‌زا خه‌بات ل رۆژ هه‌لاتا باژێرێ هه‌ولێرێ.
وه‌زیرێ ساخله‌مێ ئه‌و چه‌نده ژی دیاركر كۆ ئیك ژ توشبوویان هه‌ڤژینا وی كه‌سی یه یێ دهێ هاتیه راگه‌هاندن، ئه‌ڤێن دی ژی پسمام و مرۆڤێن ئیكن ژ ئه‌نجامێ تێكه‌لێ توشبووینه.
نيشاندان