ئەڤرۆ نیوز:
وەزارەتا ساخلەمیێ یا ئیسپانیا راگەهاند کو د ماوەیێ ٢٤ دەمژمێرێن بۆری دا ٥١٤ کەسان ژ بەر ڤایرۆسێ کۆرۆنا ل وی وەلاتی جانێ خوە ژ دەست داینە و هەروەسا شەش هزار و ٦٦٠ کەسێن دی ژی تووشی کۆرۆنا بووینە.
وەزارەتا ساخلەمیێ یا ئیسپانیا دیار ژی دکەت کو هەتا نها دو هزار و ٦٩٦ کەسان ژ بەر ڤایرۆسێ کۆرۆنا جانێ خوە ژ دەست داینە و ب گشتی هەتا نها ٣٩ هزار و ٦٧٣ کەس تووشی ڤایرۆسێ کۆرۆنا بووینە.
ئەڤرۆ نیوز:
ناگەهان ئالچی رۆژنامەڤان و نڤیسەرا ناڤدار یا تورکیا راگەهاند کو فەخرەدین کۆجا وەزیرێ ساخلەمیێ یێ تورکیا بەحسێ هژمارا کەسێن کو تووشی ڤایرۆسێ کۆرۆنا بووینە، دکەت لێ هەتا نها ناهێتە زانین کو ئەو کەسە خەلکێ کیژ دەڤەرەکێ نە و بەحسێ هندێ ژی ناهێتە کرن کا چاوا تووش بووینە.
ناڤهاتیێ راگەهاند ژی دڤێت زانیاریێن پتر بۆ رایا گشتی ل تورکیا بهێنە ئاشکرا کرن دا خەلک بزانن دێ چاوا شێن خوە پارێزن، هەکە رەوش وەسا بەردەوام بیت دڤێت قەدەغەیا هاتنوچوونێ ژی بهێتە راگەهاندن.
ئەڤرۆ نیوز:
بەرپرسەکێ رێڤەبەریا هاتنوچوونا هەولێرێ راگەهاند کو د ماوەیێ ١١ رۆژێن بۆری دا کو قەدەغەیا هاتنوچوونێ ل هەولێرێ هاتیە راگەهاندن هەتا نها پتر ژ دو هزار شوفێر کو سەرپێچی کرینە هاتینە سزادان و گەلەک ترۆمبێل ژی هاتینە دەستەسەر کرن.
هەمان بەرپرسی راگەهاند کو ل چاڤ رۆژێن بۆری نها باشتر خەلک پێگیریێ ب هاتنوچوونێ دکەن و داخواز ژ هەموو وەلاتیان ژی کر کو بۆ پاراستنا خوە و کەسوکارێن خوە پێگیریێ ب رێنمایان بکەن.
ئەڤرۆ نیوز:
دەزگەهێن راگەهاندنا ئیرانێ دیار کرن کو زارۆیەکێ شەش سالی ل پارێزگەها خوراسان ل ئیرانێ کو بەری نها تووشی ڤایرۆسێ کۆرۆنا ببوو دوهی جانێ خوە ژ دەست دا.
نوشدارێن پارێزگەها خوراسانێ دیار دکەن کو هەتا نها ل وێ پارێزگەهێ ١٨٩ کەس تووشی کۆرۆنا بووینە و ژ وان ٩١ کەس باش بووینە و ١٩ کەسان ژی جانێ خوە ژ دەست داینە.
ئەڤرۆ نیوز:
کرمانج عزەت قایمقامێ سۆران دیار کر کو ب مخابنی ڤە ئێکەم حالەتێ کۆرۆنا ل سۆران هاتە تۆمار کرن و راگەهاند کو کەسێ تووشبوویی بەری ١٤ رۆژان ژ ئیرانێ ڤەگەریابوو و ل گەرەنتینێ دابوو و چو کەس ل گەل خوە تووش نەکرینە و ئەو یەک ژی نیشا ددەت کو رێکارێن حوکمەتا هەرێما کوردستانێ بۆ پاراستنا وەلاتیان چەند گرنگ و د جهێ خوە دانە.
ئەڤرۆ نیوز، عەلی حاجی :
د داخویانیەکێ دا نوونەرێ قایمقامێ زاخۆ د لژنەیا رێپێدانا هاتن وچوونا ترومبێلان ل زاخۆ بۆ ئەڤرۆ نیوز ئاشکەرا کر ل دویف نووترین بریارا وەزارەتا نافخو یا حکومەتا هەرێما کوردستانێ ب رێیا هندەک فورمان دێ رێک ب ترومبێلێن بازرگانی هێتە دان هاتن وچوونێ دناڤ باژێری دا بکەن.
زێدەتر خەلات ئوسمان گوت: (پشتی رێکارێن هاتنوچوونا وەلاتیان دناڤ سەنتەر و دەوربەرێن باژێران هاتیە توندکرن،لدویف دوماهی بریارا وەزارەتا نافخو ب رێیا هندەک فورمان دێ رێک ب هاتن وچوونا ترومبێلێن بازرگانی هێتە دان هاتن وچوونێ بکەن دناڤ باژێری دا و نوکە دا لژنەیەک ل باژێرێ زاخۆ ژنوونەرێن قایمقامی و ئاسایش و پولیسێن زاخۆ هاتیە پێک ئینان دا کو لدویف رێنمایێن وەزارەتێ فورمە بۆ کومپانیان بهێتە پرکرن دا کو بشێن هاتن وچوونێ بکەن د دەمەکێ دەست نیشان کری دا کو ئەو ژی چەند دەمژمیێرەک بۆ هاتن و چوونا وان هاتیە دەست نیشان کرن،زێدەباری وێ چەندێ ژی نوکە فورمە بۆ وان جوتیاران ژی دهێتە پر کرن یێ کو داخاز دکەن کار دناڤ ئەردێ خوەیێ چاندنێ دا دکەن بەلێ ب وی مەرجی رێڤەبەریا چاندنێ پشتەڤانیێ لێ بکەت و کو پشتی رێڤەبەریا چاندنێ پشتگیرییەکێ دەتە وی کەسی ئەم ژی ژلایێ خوە ڤە فورمەکێ بۆ پر دکەین).
و گوت ژی لیژنا مە روژانە کارێ خوە ئەنجام دەت دا کو بشێن رێکخستنەکێ بێخینە د کاری دا و هیڤی خازین ژی خەلک یێ هاریکار بیت دگەل مە دا و ژ مالێن خوە دەرنەکەڤن دا کو ساخلەمیا وان یا پاراستی بیت.
ئەڤرۆ نیوز، عەلی حاجی :
راگرێ کولیژا پزیشکی د کونگرەیەکێ روژنامەڤانی دا ل بۆ دەزگایێن راگەهاندنێ دیار کر ئاڤاهیەکێ وان یێ نیڤەروو مایە دناڤ زانکویا زاخۆ دا و پێدڤی ب تەمام کرنا وی ئاڤاهی هەیە بۆ دروست کرنا ژێرخانەیەکا باش یا نوشداری .
زێدەتر دکتور نەوفەل رەشید گوت: (ژبەر هەتا نوکە کولیژا پزیشکی ل زانکویا زاخۆ ئاڤاهیەکێ تایبەت ب خوەڤە نینە و ل نەخوشخانەیا زاخۆ یا گشتی دەواما فەرمی ب رێڤە دبەین هەر چەندە ئاڤاهیەکێ نیڤەروو ژی مایە دناڤ زانکویا زاخۆ دا هەکە حکومەت و سەرمایەدار وی ئاڤاهی تەمام بکەت دێ شێن ژێرخانەیەکا باش یا نوشداران ل زاخۆ دانین و پارەیەکێ مەزن ژی ل وی ئاڤاهی ناچیت ژبەر کو ئەو ئاڤاهی گەهشتی یە قوناغێن دوماهیێ و بتنێ پێدڤی ب هندێ هەیە ئەو ئاڤاهی بهێتە تەمام کرن دا کو بشێن دەواما خوە یا فەرمی دناڤ وی ئاڤاهی دا بکەن و ب ئاڤاکرنا وی ئاڤاهی دێ خزمەتەکا باش یا کەرتێ تەندروستی و پشکا کولیژا پزیشکی ل زاخۆ هێتە کرن و بۆ دەمێن بەر تەنگاڤی ژی دا دێ شێن هەژمارەکا نوشداران ژی بەر دەست بکەین و لەورا هێڤی خازین حکومەت یان ژی سەرمایەدارێن دەڤەرێ خوە ل مە بکەنە خودان دا کو ئەو ئاڤاهی بهێتە تەمام کرن).
ئەو چەندە ژی گوت : کەرتێ ساخلەمیێ ل باژێرێ زاخۆ پێدڤیەکا زور ب نوشداران هەیە ژبەر کو روژ بۆ روژێ ژی باژێر یێ مەزن دبیت و ب ڤەکرنا کولیژا مە ژی هەتا رادەیەکێ پشتی دەرچوونا گەرا ئێکێ یا قوتابیان دێ بوشایێ پر کەین بەلێ ئاریشەیا مەزن د رێیا مە دا نەبونا ئاڤاهیەکێ تایبەتە ب پشکا مەڤە.
ئه‌ڤرۆ نیوز:
پشتی دو هه‌فتیێن بهێت دێ قه‌ده‌غه‌یا هاتنوچونێ ل باژێرێ ئوهان ئه‌و جهێ كۆ ڤایرۆسێ كورونایێ لێ سه‌رهلدایی ب دوماهی هێت و هاتنوچون ل گه‌ل باژێرێن دی ده‌ست پێ كه‌ته‌ڤه.
ئه‌و پێنگاڤا حكومه‌تا چینێ دای پشتی دو هه‌یڤان ژ گرتنا ته‌ڤایا رێكێن بۆ چونا ئه‌ڤی باژێرێ 11 ملیۆن كه‌سی كۆ ب ئه‌گه‌رێ كورونایێ زێده‌تری سێ هزار كه‌سان تێدا مرن گرتین.
ل 23 كانوونا دوی یا ئیسال چینێ رێ و ئاوایێن توند ل پارێزگه‌ها هوبی بكار ئینان كۆ باژێرێ ئوهان داخست، ل ته‌ڤایا باژێری لڤین و هاتنوچونا 60 ملیۆن كه‌سان توخیبداركر.
پشتی كێم بوونا توشبوویان ب كورونایێ، ل 10 ئادارێ چی جینگ پینگ سه‌رۆكێ چینێ سه‌ره‌دانا باژێرێ ئوهانێ كر.
ل چینێ 81 هزار و 171 كه‌س تووشی كورونایێ بوون و 3 هزار و 277 كه‌س ژی مرن و تاكو نها 73 هزار و 159كه‌س ساخ بووینه.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ سوپاسیا وه‌لاتێ چینێ كر و ئاماژه ب وێ چه‌ندێ دا كۆ دێ مفایی ژ سه‌ربوورا وه‌لاتێ چینێ ل سه‌ر كورنایێ وه‌رگرین.
د كۆنگره‌یه‌كێ رۆژنامه‌ڤانی دا ل گه‌ل قونسلێ گشتی ێ چینێ ل هه‌رێما كوردستانێ، د.سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ راگه‌هاند: سه‌ربوورا چینێ بۆ مه گرنگه چونكو وان د به‌رهنگاربوونا ڤایرۆسێ كورونایێ داشیان سه‌ركه‌فتنێ ده‌ستڤه بینن.
وه‌زیرێ ساخله‌میا حكومه‌تا هه‌رێما كوردستانێ ئه‌و چه‌نده‌ی راگه‌هاند كۆ سوپاسیا حكومه‌تا چینێ دكه‌ین بۆ ئه‌وان هه‌ڤكاریێن پێشكێشی هه‌رێمێ كرین و بریاره ل رۆژا 7/4/2020 تیمه‌كا بسپورێن وه‌لاتێ چینێ ژی بگه‌هته هه‌رێما كوردستانێ و رێنمایێن نوو بده‌نه مه بۆ زێده‌تر به‌رهنگاربوونا ڤایرۆسێ كورونایێ، ئه‌ڤه جارا دوێ یه چین هاریكاریا حكومه‌تا هه‌رێما كوردستانێ دكه‌ت و د وی چارچوڤه‌یی دا زێده‌تری 1000 ئامێرێن پشكنینا ڤایرۆسی پێشكێشی هه‌رێمێ كرینه.
هه‌ر دوی كۆنگرێ رۆژنامه‌ڤانی دا نی روچی قونسلێ چینێ ل هه‌رێما كوردستانێ راگه‌هاند: ل چه‌ند رۆژێن بهێت دا هاریكاریێن حكومه‌تا چینێ دێ گه‌هنه هه‌رێمێ و خه‌لكێ كوردستانێ هه‌رێمێ پشت راست دكه‌ین كۆ هین بتنێ نینن و حكومه‌تا چینێ ل پشتاوه‌یه و ل گه‌ل هه‌وه دبیت، دێ به‌رده‌وام بین ژی د هه‌ڤكاریكرنا هه‌رێمێ بۆ به‌رهنگاربوونا ڤایرۆسێ كورونایێ.
نيشاندان