ئەڤرۆ نیوز:
٦٠٠ نۆشدارێن فرەنسی دیار کرن کو ئیدوارد فیلیپ سەرۆک وەزیرێن فرەنسا بەری مەهەکێ ژ مەترسیا کۆرۆنایێ ل سەر فرەنسا ئاگەهدار بوو لێ خوە بێدەنگ کر و ژ بەر هندێ ژی پێرابوونێن پێدڤی نەهاتینە وەرگرتن.
نۆشدارێن فرەنسی سکالا ل دژی وەزیرێ ساخلەمیێ و چەندین سەرۆکێن باژێرڤانیان ل فرەنسا ژی تۆمار دکەن کو خەمساری د کارێ خوە دا کرینە و ژ بەر هندێ ژی ڤایرۆسێ کۆرۆنا زیانەکا مەزن گەهاندیە وەلاتێ فرەنسا.
ئەڤرۆ نیوز:
وەزارەتا ساخلەمیێ یا ئیسپانیا راگەهاند کو د ٢٤ دەمژمێرێن بۆری دا ل وی وەلاتی ٣٩٤ کەسان ژ بەر کۆرۆنا جانێ خوە ژ دەست داینە و هەکە رەوش نەهێتە کۆنترۆلکرن دێ ئیسپانیا ژی وەکو ئیتالیا لێ هێت.
ل ئورۆپا پشتی ئیتالیا نها ئیسپانیا وەلاتێ دویێ یە کو تێدا هەری زێدە خەلک تووشی کۆرۆنا بووینە و نها ل ئیسپانیا ٢٨ هزار و ٥٧٢ کەس تووشی کۆرۆنا بووینە و هەتا نها هزار و ٧٢٠ کەسان ژی جانێ خوە ژ دەست داینە.
ئەڤرۆ نیوز:
مایک ریان بەرپرسێ پشکا هەوارهاتنێ ل رێکخراوا ساخلەمیا جیهانی ل دۆر ڤاکیسنێ کۆرۆنا راگەهاند کو راستە هەتا نها ل چەندین وەلاتان هندەک دەرمان ل دژی کۆرۆنا هاتینە بکارئینان و ئەنجامێن خوە یێن باش ژی هەبووینە، لێ مرۆڤ نەڤێت بێژیت کو دەرمانێ کۆرۆنا هاتیە دیتن، چونکو هەتا نها دەرمانەک نەهاتیە دیتن کو بشێت ١٠٠% کۆرۆنایێ ژناڤ ببەت، ژ بەر هندێ ژی خەباتێن مە ل گەل وەلاتێن جیهانێ د بەردەوامن.
ناڤهاتی راگەهاند کو هەتا دووماهیا ڤێ سالێ دێ ڤاکیسنێ کۆرۆنا هێتە دیتن لێ دڤێت هەتا وی دەمی هەموو وەلاتەک پێگیریێ ب رێنمایێن ساخلەمیێ بکەت.
ئەڤرۆ نیوز:
ژئەنجامێ ئاڤ رابون ولەهیێن ل روژێن دەربازبوی ل سنورێ پارێزگەها دهوکێ پەیدابوین زیانێن مەزن گەهشتبونە خەلکێ پارێزگەهێ و ژبەر وان زەرەر و زیانا رێزدار نێچیرڤان بارزانی سەروکێ هەرێما کوردستانێ پەیوەندییەکا تێلەفونی دگەل بەرێز فەرهاد ئەمین ئەتروشی ئەنجامدابو وهەڤخەمی وسەرەخوشیێن خو گەهاندبونە زیانڤێکەفتیان ومالباتێن قوربانیان وکوژمێ ئێک ملیار دینارا بو زیانڤێکەفتیا تەرخانکربو و هەرئەڤرو ٢٢ـ٣ـ٢٠٢٠ بەرێز فەوزی حەریری سەروکێ دیوانا سەروکاتیا هەرێما کوردستانێ سەرەدانا پارێزگەها دهوکێ کر وژلایێ بەرێز فەرهاد ئەمین ئەتروشی پێشوازی لێ هاتە کرن و ئەو کوژمێ پارەی کو ئێک ملیار دینار بوون رادەستی پارێزگەرێ دهوکێ کرن ژ بو قەرەبوکرنا زیانڤێکەفتیێن لەهیا …هەژی گوتنێ یە بەری نوکە ژی سەروکێ حکومەتا کوردستانێ بەرێز مەسرور بارزانی ٢ملیار دینار ب رێکا وەزیرێ نافخو گەهاندبونە پارێزگەها دهوکێ ژبو قەرەبوکرنا زیانڤێکەفتیێن لەهیا ل هەموو پارێزگەهێ.
ژلایێ خوڤە پارێزگەرێ دهوکێ بناڤێ خو و خەلکێ پارێزگەهێ سوپاسیا هەردوو بەرێزان سەروکێ هەرێما کوردستانێ وسەروکێ حکومەتا هەرێما کوردستانێ کر ل دور ڤێ دەستپێشخەریا وان بو قەرەبوکرنا زیانڤێکەفتیێن لەهیا ل پارێزگەها دهوکێ.
ئه‌ڤرۆ نیوز:
سه‌رۆكێ حكومه‌تا هه‌رێما كوردستانێ په‌یامه‌ك به‌لاڤكر و تێدا هاتیه كۆ داخازا پێگیربوونێ ب رێنمایان ژلایێ وه‌لاتیێن كوردستانێ ڤه دكه‌ت.
د په‌یامه‌كێ دا سه‌رۆكێ حكومه‌تا هه‌رێما كوردستانێ مه‌سرور بارزانی راگه‌هاندیه جهێ داخێ یه ژماره‌یا توشبوویان ل هه‌رێما كوردسانێ ب تایبه‌تی ل پارێزگه‌ها سلێمانیێ د زێده‌بوونێ دایه، ئه‌گه‌ر ژی ئه‌و رێكارێن هاتینه دانان ژ لایێ وه‌لاتیانڤه پێگیری پێ ناهێته‌كرن.
ئه‌ڤه ژی ده‌قێ په‌یاما سه‌رۆكێ حكومه‌تا هه‌رێما كورستانێ یه:-
. هیڤیدارم وه‌لاتیێن خوشتڤی پێگیری رێنمایان بن.
.جهێ داخێ یه ژماره‌یا توشبوویان ل هه‌رێما كوردستانێ ب تایبه‌تی ل پارێزگه‌ها سلێمانیێ د بلند بوونێ دایه، ئه‌گه‌ر ژی ئه‌وه كۆ وه‌ك پێدڤی هه‌ڤكاریا سازیێن په‌یوه‌ندیدار ناهێته‌ركرن و رێكارێن خۆ پاراستنێ ژلایێ هنده‌ك وه‌لاتیان ڤه ناهێنه بجهكرن.
داخازێ ژ هه‌موو وه‌لاتی و ئاكنجیێن هه‌رێما كوردستانێ دكه‌م پێگیر بن ب رینمایێن هه‌ردو وه‌زاره‌تێن ساخله‌می و ناڤخۆ ژبوی رێك ل به‌لاڤبوونا زێده‌ترا ڤایرۆسێ كورونایێ بهێته‌گرتن.
زێده‌باری ئاگه‌هداركرن و بكار ئینانا هه‌موو رێكارێن پێدڤی ژلایێ سازیێن حكومه‌تێ، جهێ داخێ یه هه‌تا نوكه هنده‌ك سه‌رپێچیكرن ژلایێ هنده‌ك كه‌سان ڤه به‌رده‌وامه و ئه‌و ره‌فتارێن وان نه بتنێ ژیانا وان به‌لكو ژیانا كه‌س و كارێن خۆ و ته‌ڤایا خه‌لكێ كوردستانێ دئێخنه دمه‌ترسیێ دا.
جهێ داخێ یه ژماره‌یا توشبوویان ل هه‌رێما كوردستانێ ب تایبه‌تی ل پارێزگه‌ها سلێمانیێ ل بلند بوونێدایه، ئه‌گه‌ر ژی ئه‌و كۆ وه‌ك پێدڤی هه‌ڤكاریا سازیێن په‌یوه‌ندیدار نه‌هاته‌كرن و رێنمایی ژلایێ هنده‌ك وه‌لاتیان ڤه ناهێنه بجهكرن، سه‌رپێچیكرن ل خالێن توخیبی هه‌تا نوكه به‌رده‌وامه.
چ به‌رژوه‌ندیێن تایبه‌ت ئه‌وێ چه‌ندێ نائینن ژیانا خۆ خه‌لكی بێخیه دمه‌ترسیێ دا، دڤێرێ دا ب پێدڤی دزانم سازیێن په‌یوه‌ندیدار یێن حكومه‌تێ رێكێن توند هه‌مبه‌ر سه‌رپێچیكاران بكار بینن و ئه‌وێن یاریێ ب ژیانا خه‌لكی دكه‌ن دێ ریب ری پێرابوونێ یاسایی بن.
هیڤی دارم ژ وه‌لاتیێن خوشتڤی مه‌ترسیا ئه‌ڤی ڤایرۆسی بزانن زێده‌تر ب جدی وه‌ربگرن، ئه‌ڤا ل سه‌ر حكومه‌تێ ئه‌نجام دا دێ به‌رده‌وام ژی دبین، به‌لێ پێدڤیه ئه‌م هه‌می هه‌ڤكاریا ئیك بكه‌ین رۆلێ حكومه‌ت و وه‌لاتیان دڤێ ره‌وشێ دا ته‌مامكه‌رێن ئێكن.
شیانێن سیسته‌مێ ساخله‌میا هه‌رێمێ توخیبداره و ل ده‌مێ به‌لاڤبوونا زێده‌ترا ڤایرۆسێ كورنایی ئاریشه دێ زێده‌تربن و ئه‌وی ده‌می گازنده‌كرن ب هه‌وارا چ كه‌سان ڤه ناچیت، هه‌ر ب رژد نه‌وه‌رگرتن، كێمته‌رخه‌میه‌ك دشێت ب بیته ئه‌نجامێ كاره‌ساته‌كێ، ل سه‌ر هه‌موو كه‌س و لایه‌كی پێدڤیه ده‌ستا ژ به‌رژه‌وه‌ندیێن تایبه‌ت به‌رده‌ن و خه‌ما گشتی یا خه‌لكێ كوردستانێ بهێته خوارن، چونكو كه‌س ژ كارتێكرن و شینوارێن ئه‌ڤی ڤایرۆسی دیر نابیت.
هیڤیێ ژ هه‌موو وه‌لاتیێن كوردستانێ دكه‌م ب هه‌سته‌كێ به‌رپرسیارانه رێنمایان لبه‌رچاڤ بكه‌ن و ژیانا خو و كه‌س و كار و هه‌ڤ نیشتمانیێن خۆ بپارێزن، هیڤییێ ژ هه‌وه دكه‌م ل ئه‌ڤی ده‌مێ دیاریكری ل مالێن خودا ب مینن و كێمترین په‌یوه‌ندی و هاتنوچون هه‌بیت.
ل دوماهیی سوپاسی و خۆراگریا پرانیا خه‌لكێ كوردستانێ دكه‌م، سوپاس و پێزانینێن خۆ ئاراسته‌ی تیمێن ساخله‌میێ و ئه‌وان نوژدار و په‌رستارا دكه‌م ل هێلا پێشیا به‌رهنگاربوونا ڤایرۆسی دانه، سوپاس بۆ هێزێن ناڤخۆ و كارمه‌ندێن باژێرڤانیێ و كاره‌بێ و سازیێن خزمه‌تگۆزاری دكه‌م كۆ شه‌ڤ و رۆژ د پاراستنا خه‌لك و بجهكرنا رێنمایان دا به‌رده‌وام بوون.
خودایێ مه‌زن هه‌می لایه‌كی ب پارێزیت و كوردستانێ ژ هه‌موو نه‌خوشییان دیر بێخیت.
مه‌سرور بارزانی
سه‌رۆكێ حكومه‌تا هه‌رێما كوردستانێ.
22/3/2020
ئه‌ڤرۆ نیوز:
رێكخراوا ساخله‌میا جیهانی هوشداریێ دده‌ته گه‌نجان كۆ مه‌ترسیا ڤایرۆسێ كورنایێ ب رژدی وه‌ربگرن و پێگیری رێنمایێن نوژداری بن.
رێكخراوا ساخله‌میا جیهانی راگه‌هاند كۆ ڤایرۆسێ كورونایێ مه‌ترسی بتنێ نینه بۆ سه‌ر كه‌سێن دانعه‌مر، به‌لكو مه‌ترسیه‌كا مه‌زنه بۆ سه‌ر گه‌نجان و تانوكه گه‌نجان مه‌ترسیێن ڤایرۆسێ كورنایێ ب رژدی وه‌رنه‌گرتینه.
ریكخراوا ناڤبری ئه‌و چه‌نده ژی دیاركر ل هنده‌ك وه‌لاتێن توشبویی ب ڤایرۆسێ كورونایێ گه‌نج توشبووینه و ئه‌ڤه ژی ئه‌گه‌ره‌كه بۆ گوهدارینه‌كرنا گه‌نجان ب رێنمایێن نوژداری.
ڤه‌كۆلینێن نوژداری ده‌ر دئێخن كۆ ڤایرۆسێ كورونایێ مه‌ترسی بۆ سه‌ر هه‌موو ته‌خ و چینێن جڤاكێ و كه‌س ژ مه‌ترسیێن كورنایی ڤه‌ده‌ر نینه.
ئه‌ڤرۆ نیوز، بارزان مزوورى:
دو كه‌ساتیێن ده‌ڤه‌را شێخان بناڤێ”حازم عه‌بدى و هاشم عه‌بدى” ره‌شاندنا ده‌ڤه‌را شێخان ب ستوویێ خۆ گرت بۆ “ته‌عقیم” كرنا باژێرێ شێخان ب ده‌وروبه‌ر وه‌كۆ پشته‌ڤانى و هاریكاریه‌ك بۆ حكومه‌تا هه‌رێما كوردستانێ.
ده‌رمان سازێ شه‌هره‌زا كه‌ریم كه‌مال،رێڤه‌به‌رێ ساخله‌میا قه‌زا شێخان لبۆ ئه‌ڤرۆ نیوز گۆت:ره‌شاندنا قه‌زا شێخان ب ده‌رمانێ”ته‌عقیم” كرنێ كاره‌كێ گه‌له‌ك گرنگه بۆ خۆ پاراستن ژ ڤایرۆسێ كورونا پێتڤیه هه‌موو كه‌ساتیێن ده‌ڤه‌رێ یێن زه‌نگین چاڤ ل وان هه‌ردوو كه‌سا بكه‌ن هه‌ر ئێك ژلایێ خۆڤه لدوڤ شیانێن خۆ دا پشته‌ڤانیه‌ك بۆ حكومه‌تا هه‌رێما كوردستانێ په‌یدا بیت.
شێروان هاشم عه‌بدى،سه‌رپه‌رشتێ وێ هه‌لمه‌تا ره‌شاندنێ بۆ ئه‌ڤرۆ نیوز گۆت:پێتڤى یه سه‌ر مه‌ژى هاریكاریا ئیدارا قه‌زا شێخان بكه‌ین به‌لێ یا گرنگ ئه‌وه هه‌موو كه‌ساتیێن ده‌ڤه‌رێ هاریكاربن دگه‌ل حكومه‌تێ.
ناڤهاتى خویاكر دڤێ هه‌لمه‌تێ دا وه‌كۆ هاریكارى زێده‌ترى 15 ئامیرێن ره‌شاندنێ دگه‌ل تراكتورا به‌شدار بون هه‌موو یێن هه‌ردوو كه‌ساتیان بۆن شێخان بتمامى هات ره‌شاندن دیسان پشتى چه‌ند رۆژێن دى دوباره دێ هه‌لمه‌ته‌كا دى ده‌ست پێ كه‌ین كۆ دوباره ڤێ هه‌لمه‌تێ ده‌ست پێ بكه‌ین.
ئەڤرۆ نیوز:
پشکەک ژ کۆمپانیێن جیهانی و خەلکێ ژی، پشتی بەلاڤبوونا ڤایرۆسێ کۆرۆنایێ کارێن خۆ ب وەرگرتنا پارێن کاغەزێ راوەستاندینە، ژ ترسا هندێ کو ڤایرۆس نەگەهیتە وان.
مالپەرێ سۆمەریە نیوز بابەتەک بەلاڤکریە، کو شارەزایێن وارێ ساخلەمیێ دبێژن، مەترسیا ڤەگوهاستنا کۆرۆنا یێ ب رێیا پارێ کاغەزی ژ کەسەکێ بۆ کەسەکێ دی یا کێمە، لێ بکارئینانا پارەی ب تایبەت د جهێن کۆ ڤایرۆس گەلەک تێدا بەلاڤبووی یا مەترسیدارە.
ئۆبن بوکس، کو نڤێسینگەها وی ل ویلایەتا شیکاگۆیە ل ئەمریکا د نامەکا ئەلکترۆنی دا داخواز ژ کارمەندێن خوە کریە کو پاران وەرنەگرن، بەلکو ب رێیا کرێدی کارتێ کار پێ بکەن، چەندین خوارنگەهێن وی ل شیکاگۆ پارێ کاغەزی راگرتیە و وەرناگرن.
هەر چەنده هەتا نوکە نۆشداران ڤەگوهاستنا ڤایرۆسێ کۆرۆنایێ ب رێیا پارەی دەرنەخستیە، ب تنێ گۆتیە، ئەگەرەکێ کێمە کو ب رێیا پارەی ڤایرۆس بۆ کەسێن دی بهێتە ڤەگوهاستن.
ئەڤرۆ نیوز:
لۆرێنزۆ سانز، سه‌رۆکێ بەرێ یێ یانا ریال مه‌درید د ژیێ 76 سالیێ دا ب ئەگەرێ ڤایرۆسێ کۆرۆنا گیانێ خوە ژ ده‌ستدا.
یانا ریال مه‌درید د به‌یاننامه‌کا فه‌رمیدا هەڤخه‌میا خوە بۆ وەغەرکرنا وی سه‌رۆکێ بەرێ یێ یانێ و خزمه‌تا وی بۆ ریالێ راگه‌هاند و گۆتیە، سانز که‌سەکێ گرنگه د مێژوویا ریال مه‌درید دا.
سانز ل 1995 هەتا 2000 سه‌رۆکێ یانا ریال مه‌درید بوو، د وی دەمی دا وی دو ناسناڤێن چامپیۆنزلیگێ و ناسناڤەکێ لالیگا یێ و ناسناڤەکێ جاما سوپه‌را ئیسپانیا ل گه‌ل وێ یانێ ب ده‌ستڤە ئینایه.
نيشاندان