ئه‌ڤرۆ نیوز، بیستر دهوكى:
رۆژا پێنجشه‌مبى یاریێن حه‌فتیا 21 یێن خولا نایابا كوردستانێ ب ئه‌نجامدانا شه‌ش یاریان هاته ئه‌نجامدان و ئه‌نجام ب ڤى ره‌نگى بوون:
نەورۆز ١ – ١ سلێمانی
زاخۆ ٠ – ١ برایەتی
پێشمەرگەی سلێمانی ١ – ٥ هەندرێن
پێشمەرگەی هەولێر ١ – ٠ دهۆک
زێرەڤانی ٣ – ١ شێروانە
ئارارات ٢ – ١ هەولێر
ئه‌ڤرۆ نیوز:
پشتى ب دووماهى هاتنا قوناغا هه‌شتێ یا خولا چامپیۆنزلیگ، پێگه‌هێ ویفا، پێكهاتێ باشترینێن ڤێ قوناغێ دیاركر:
گۆلچی : ئۆبلاک (ئاتلەتیکۆمەدرید)
به‌ره‌ڤانی: بواتێنگ ( بایرن میونشن ) ,بۆنۆچی ( یوڤێنتوس) بێرنارد ( بایرن میونشن ) ئالبا (بارسێلۆنا )
ناڤەڕاست : تیاگۆئالکانترا ( بایرن میونشن ) جەیمز (ڕیال مەدرید) کۆندۆگبیا (مۆناکۆ)
ھێرشبەر: نیمار ( بارسێلۆنا) چیچاریتۆ ( رَیال مەدرید ) مولەر (بایرن میونشن)
ئه‌ڤرۆ نیوز:
رێوره‌سمه‌كا مه‌زن ل كوچكا نوو یا ئه‌ردوگان بۆ پێشوازیكرنێ ل د.فوئاد مه‌عسووم هاتبوو رێكخستن، به‌لێ ل شوونا فه‌رشێ سوور، فه‌رشى شین بۆ هاتبوو رائێخستن.
میدیایێن توركیا ئه‌گه‌رێ ڤێ گوهۆرینێ ئانكو رائێخستنا فه‌رشێ شین ل شوونا یێ سوور ڤه‌دگه‌رینن بۆ هه‌ستیارا ره‌جه‌ب ته‌یب ئه‌ردوگان كو وى ده‌مى سه‌رۆك وه‌زیر بوو، ئه‌ردوگان ژبه‌ر كو سوور ره‌نگێ ئالایێ توركیا بوویه، له‌وما رازى نه‌بوویه فه‌رشێ سوور بهێته رائێخستن د پێشوازیكرن ل هه‌ر سه‌ركرده و مێهڤانه‌كێ قه‌ستا كوچكا وى بكه‌ت.
میدیایێن توركیا ئاماژه ب وێ یه‌كێ دكه‌ن كو ل 19-11-2013 ئه‌نجومه‌نێ وه‌زیرێن توركیا بریاره‌ك ل سه‌ر فه‌رشێ پێشوازییێ ده‌ركر كو ره‌نگێ سوور بهێته گوهۆرین بۆ ره‌نگه‌كێ شينى ئه‌سمانى.
ئه‌ڤرۆ نیوز:
مالپه‌ره‌كێ ب ناڤ و ده‌نگ یێ ئسپانى بومبه‌كا مه‌زن په‌قاند و دبێژیت: ئێكه‌تیا ته‌پا پێ ئا ئوروپا ب ره‌نگه‌كێ ئه‌نقه‌ست دێ ریال و به‌رشه‌لونه د قوناغا به‌رى دووماهیێ یا چامپیۆنسلیگدا روى ب روى ئێك كه‌ت.
ماڵپه‌ڕێ دیفینسا سێنترالى یێ وه‌رزشی دیاركریه كو ئێكه‌تیا ته‌پا پێ یا ئوروپا دخوازیت یاریا دووماهیێ د ناڤبه‌را بایرین میونشن یا ئه‌لمانى و ئێك ژ یانێن ئسپانى دا بیت، دا زورترین داهات ژ وێ یاریێ بۆ بده‌ستكه‌ڤیت.
ئه‌ڤرۆ نیوز:
توركیا بالیوزێ وه‌لاتێ خوه ل نه‌مسا داخواز دكه‌ت پشتى كو حزبێن وى وه‌لاتى كو نوونه‌راتى ل په‌رله‌مانى هه‌یه، به‌یاننامه‌ك ئیمزاكرى كو تێدا كوشتارا چه‌رخه‌كێ به‌رى نوكه ل دژى ئه‌رمه‌نان ل توركیا هاتیه ئه‌نجام دان، ب جینوساید دایه نیاسین.
وه‌زاره‌تا ده‌رڤه‌یا توركیا حه‌سه‌ن گوێژ بالیوزێ توركیا ل نه‌مسا داخوازى وه‌لاتى كریه و هه‌روه‌سا بالیوزێ نه‌مسا ل توركیا داخواز كریه هه‌تا كو نه‌رازیبوونا توركیا بگه‌هینیتێ.
وه‌زاره‌تا ده‌رڤه‌یا توركیا دیاركریه: په‌رله‌مانێ نه‌مسا مافێ وێ یه‌كێ نینه، گه‌لێ تورك تومه‌تبار دكه‌ت كو به‌روڤاژى قانوون و راستیێن دیرۆكى یه.
ئەڤرۆ:
سترانبێژا ناڤدارا لوبنانی (نانسی عەجرەم) ل سەرێ ڤێ حەفتیێ دەست ب پرۆژێ خوە یێ خێرخوازی کر ود وێستگەھا ئێکێ دا کونسێرتەکا خێرخوازی ل وەلاتێ (کۆێت) گێرا و داھاتێ وێ بۆ وان زارۆیان تەرخانکر ئەوێن تووشی نەخوشیا پەنجەشێرێ بووین.
ناڤھاتیێ ئەڤ چەندە د پەیجێ خوە یێ تایبەتدا دیارکریە و دبێژیت: وەکو ئەم ھەموو دزانیین نەخوشیا ناڤبری ھەتا رادەیەکێ یا کوژەکە چنکو چارەسەریا وێ گەلەکا ب زەحمەتە و ھەکە ھەبیت ژی گەلەک پارە پێ دڤێن و ئەڤ چەندە بۆ کەسێن کێم دەرامەت دێ یا ب زەحمەت بیت، لەورا وەکو مرۆڤەک من ئەڤ چەندە ب ئەرک زانی و مە ژوەلاتێ کۆێتێ دەستپێکر و ھەموو داھاتێ وێ ئاھەنگێ بۆ وان نەخوشێن پێدڤی ھاتە رەوانەکرن.
ھێشتا گۆت: من دوێ ئاھەنگێ ژی دا راگەھاند و نوکە ژی دبێژم: ئەز دێ ل سەر ڤان ئاھەنگان بەردەوام بم و سۆزێ ددەم ل دەم و دەلیڤێن دی ل گەلەک وەلاتێن دی ڤان ئاھەنگان بگێرم.
ئه‌ڤرۆ نيوز:
ئاسايشا پارتى ديموكراتى كوردستان ل كه‌ركووك د به‌يانامه‌كێ دا كو دانه‌ك ب ده‌ست ئه‌ڤرۆ نيوز كه‌فتيه راگه‌هاند كو ئه‌و شيان ده‌ستى ب سه‌ر تيرۆرسته‌كێ ب مه‌ترسى دا بگرن كو ل داقوق پشكدارى د چه‌ندين كرياريێن تيرۆرستى دا كريه.
“ب گۆره‌يى چه‌ند زانياريه‌كان كو پشتى چاڤدێريه‌كا هوور هێزێن مه شياينه ل ناڤ باژێرێ داقوق تيرۆرسته‌كێ سه‌ر ب گرۆپێ تيرۆرستيێ داعش ده‌سگير بكه‌ن ب ناڤێ “ر. ا.ا” كو خه‌لكێ باژێرێ “سلێمان به‌گ”ه و چه‌ندين كرياريێن تيرۆرستى يێن جودا ل سنورێ باژێرێ داقوق ئه‌نجام داينه”
راگه‌هاندنا ئاسايشا كه‌ركووك
23ى نيسانا 2015ێ
ئه‌ڤرۆ نيوز:
عاسم جيهاد، ئاخفتنكه‌رێ ب ناڤێ وه‌زاره‌تا په‌ترۆلا عيراقێ راگه‌هاند د هه‌يڤا ئادارا بۆرى دا رێژا هنارتنا په‌ترۆلا عيراقێ باشترين ئاست تۆماركريه و گه‌هشتيه 92 مليۆن و 400 هزار به‌رميلان.
عاسم جيهاد، د راگه‌هاندنه‌كا رۆژنامه‌ڤانى دا راگه‌هاند: ئه‌و رێژا په‌ترۆلێ د هه‌يڤا ئادارا بۆرى دا د رێيا كۆمپانيا سۆمۆ ڤه ره‌وانه‌يى بازارێن جيهانێ كرى، د ماوێ چارێكا ئه‌ڤ ساله دا بلندترين ئاست ب خوه ڤه گرتيه.
گۆتژى: “رێژا هنارتنا په‌ترۆلێ ل به‌سرا بوويه 84 مليۆن و 100 هزار به‌رميلێن په‌ترۆلێ و داهاتێ وێ چار مليار و 60 هزار دۆرلا بووينه”.
ده‌رباره‌يى په‌ترۆلا كه‌ركووك ژى ئه‌وا د رێيا كۆمپانيا سۆمۆ ڤه هاتيه فرۆتن، جيهاد گۆتى: “فرۆتيێ په‌ترۆلا كه‌ركووك گه‌هشتيه هه‌شت مليۆن و 300 هزار به‌رميلان و داهاتێ وێ ژى 417 مليۆن دۆلاره”.
ئاخفتنكه‌رێ ب ناڤێ وه‌زاره‌تا په‌ترۆلێ ئاماژه ب وێ چه‌ندێ كريه كو هه‌ر به‌رميله‌كا په‌ترۆلا عيراقێ ل بازارێن جيهانێ ب 48 دۆلار و 45 سه‌نتێن ئه‌مريكى هاتيه فرۆتن.
پێشتر وه‌زاره‌تا په‌ترۆلا عيراقێ سه‌باره‌ت ب قه‌بارێ په‌ترۆلا خاڤ يا هاتيه هنارتن يا عيراقێ و كه‌ركووك د هه‌يڤا شواتا بۆرى دا راگه‌هاندبوو په‌ترۆلا خاڤا هنارتيا عيراق و كه‌ركووك گه‌هشتيه زێده‌تر ژ 72 مليۆن به‌رميلێن په‌ترۆلێ و داهاتێ وێ سێ مليار و 449 و 355 هزار دۆلار بوو.
نيشاندان