NO IORG
نووترين نووچه
Twitter

ئه‌ڤرۆنيوز:

كۆمسيۆنا بلند يا هه‌لبژارتنان ل عيراقێ وتۆرا خه‌لك بۆ ماف وئازاديان، پێشيلكاريێن بانگه‌شا هه‌لبژارتنان به‌لاڤ دكه‌ن وهوشداريا به‌ربژار وليستان دهێته‌ كرن.

تۆرا خه‌لك بۆ ماف وئازاديان ل گه‌ل كۆمسيۆنا بلند يا هه‌لبژارتنان ل عيراقێ، ئه‌ڤرۆ سێشه‌مبى 24/2/2018  دكۆنگره‌كێ رۆژنامه‌ڤانى دا، پێشيلكاريێن قانوونى ئاشكراكرن.

دوى كۆنگرێ رۆژنامه‌ڤانى دا، به‌ربژارێن پێشيلكارى ئه‌نجامداين هاتنه‌ ئاگه‌هداركرن، كو ل قۆناغا ئێكێ ناڤێن وان ناهێنه‌ به‌لاڤكرن وهه‌كه‌ پێشيلكارى دوباره‌ كرن، دێ ناڤێن وان هێنه‌ به‌لاڤكرن.

ل دۆر جۆرێ وان پێشيلكاريێن دبانگه‌شا هه‌لبژارتنان دا هاتينه‌ تۆماركرن، ب ڤى شێوه‌ى دانه‌ دياركرن:

  • دانانا پۆسته‌ر ووێنێن به‌ربژاران ل سه‌ر هێمايێن هاتنوچونێ ونيشانێن ئاگه‌هداركرنێ.
  • دانانا لافيتان ل جهێن هاتنوچونا وه‌لاتيان ل سه‌ر شۆستان.
  • دانانا وێنان ل سه‌ر دار ودره‌ختێن دناڤ جادێن سه‌ره‌كى وگشتى دا.
  • دانانا وێنه‌ وپۆسته‌رێن به‌ربژاران ل سه‌ر وێنه‌ وپۆسته‌رێن به‌ربژارێن دى.
  • دانانا وێنه‌ وپۆسته‌ران ل سه‌ر ديوارێن جهێن گشتى وفه‌رمانگه‌هان.

ئه‌ڤرۆنيوز:

په‌يمانگه‌ها كوردستان بۆ راپرسيان ل پارێزگه‌هێن هه‌ولێرێ وسلێمانيێ ودهۆكێ پرسيار ژ 2986 كه‌سان كريه‌ ول دووڤ ئه‌نجامێ راپرسيێ، پارتى ب جوداهيه‌كا مه‌زن ل رێزا ئێكێ دهێت وئێكه‌تى ل رێزا دويێ وگۆان ل رێزا سيێ.

ژ وێ هژمارا پشكدارى دراپرسيێ دا كرى، زێده‌تر ژ 58% دياركريه‌ كو دێ پشكداريێ دهه‌لبژارتنێن جڤاتا  نوونه‌رێن عيراقێ دا كه‌ن، 27.9% گوتيه‌ كو پشكداريێ ناكه‌ن.

 ل دووڤ ئه‌نجامێ وێ راپرسيێ، پارتى ديموكراتى كوردستان ب جوداهيه‌كا مه‌زن ل رێزا ئێكێ يه‌ وئێكه‌تى ل رێزا دويێ وگۆران ل رێزا سيێ.

بەپێی ئەنجامی پەیمانگای کوردستان بۆ راپرسی، پارتی بەجیاوازیێکی زۆر لە ریزبەندی یەکەمە و یەکێتی دووەم و گۆڕانیش لە ریزی سێیەمدایە.

پارتی:       41.85%
گۆڕان:       13.78%
ئێکه‌تی:      7.92%
هه‌ڤپه‌يمانى: 4.65%
ئێکگرتوو:    4.48%
نەوەی نوێ: 4.42%
کۆمەل:      1.95%

هه‌ر ل دووڤ وێ راپرسيێ، پێشبينى بۆ كورسيێن حزبان ل هه‌رێما كوردستان وده‌ڤه‌رێن ناكۆكى ل سه‌ر ب ڤى شێوه‌يه‌:

پارتی:    21 – 22
ئێکه‌تی:  7 – 8
گۆڕان:    6 – 7
هه‌ڤپەیمانی: 5 – 6
ئێکگرتوو: 4- 5
نەوەی نوێ: 3 – 4
کۆمەل:  2 – 3

ئه‌ڤرۆ نيوز:

ئه‌ڤرو سپێدێ‌ 23/4/2018 فه‌رهاد ئه‌مین ئه‌تروشی پارێزگه‌رێ‌ دهوكێ‌ پێشوازیا به‌رێز( گێرد موله‌ر) وه‌زیرێ‌ هاریكاری و گه‌شه‌پێدانا ئه‌لمانیا ل نه‌خوشخانا ئازادی ل باژێرێ‌ دهوكێ‌ كر دیڤدا ب ئاماده‌بونا رێڤه‌به‌رێ‌ گشتی یێ‌ ساخله‌میا پارێزگه‌ها دهوكێ‌ وچه‌ند په‌رله‌مانته‌رێن ئه‌لمانی به‌رێ‌ بنیاتی بو پشكا ته‌نگاڤیا ل نه‌خوشخانا ئازادی ل باژێرێ‌ دهوكێ‌ دانا كو ژلایێ‌ رێكخراوا ( giz ) یا ئه‌لمانی ڤه‌ پارێ‌ پێدڤی بو هاتیه‌ دابین كرن درێ‌ و ره‌سمێن دانانا به‌رێ‌ بنیاتی دا (به‌رێز فه‌رهاد ئه‌مین ئه‌تروشی) دپه‌یڤه‌كێ‌ دا به‌راهیێ‌ بخێرهاتنا وه‌زیرێ‌ ئه‌لمانی و شاندێ‌ دگه‌لدا كر و سوپاسیا حكومه‌ت و خه‌لكێ‌ ئه‌لمانیا كر بو هاریكاری و پشته‌ڤانیا وان یا به‌رده‌وام دگه‌له‌ك بوارا دا بو كوردستانێ‌ و تایبه‌ت بو دهوكێ‌ ب رێكا رێكخراوێن ئه‌لمانی و تایبه‌ت رێكخراوا giz كو روله‌كێ‌ به‌رچاڤ دگه‌له‌ك بوارا ل سنورێ‌ پارێزگه‌ها دهوكێ‌ دا دبینیت و تایبه‌ت بیاڤێ‌ ساخله‌میێ‌ دا و دیاركر ئاڤاكرنا پشكا ته‌نگاڤیا ل نه‌خوشخانا ئازادی یا دهوكێ‌ دێ‌ باشتر خزمه‌تا ساخله‌میێ‌ هێته‌ پێشكێشكرن , هه‌روه‌سا دیار كر كو 60% یا ئاوارێن ئێراقی ل سنورێ‌ پارێزگه‌ها دهوكێ‌ هاتینه‌ ئاكنجیكرن ژ سه‌رجه‌مێ‌ 39 كه‌مپا 21 كه‌مپێن ئاوارا ل سنورێ‌ پارێزگه‌ها دهوكێ‌ نه‌ .و داخاز كر كو حكومه‌تا ئه‌لمانیا باشتر و زێدجه‌تر هاریكاریێ‌ بو كوردێن ئێزدی بكه‌ت چونكی ده‌ڤه‌رێن وان هێشتا نه‌هاتینه‌ رزگار كرن و پێدڤی ب هاریكاریێ‌ نه‌ .

دیڤدا ( گێرد موله‌ر) وه‌زیرێ‌ هاریكاری و گه‌شه‌پێدانا ئه‌لمانی دپه‌یڤه‌كێ‌ دا دیار كر كو ژ ئه‌گه‌رێ‌ شه‌رێ‌ ده‌ڤه‌رێ‌ و گه‌ڤێن به‌رده‌وام یێن تیرورستا گه‌له‌ك خه‌لك ژ جهێن دی یێن ئێراقێ‌ ئاواره‌ی پارێزگه‌ها دهوكێ‌ بوینه‌ و زێده‌بارێ‌ خه‌لكه‌كێ‌ دی ژ وه‌لاتێ‌ سوریێ‌ هاتیه‌ پارێزگه‌ها دهوكێ‌ و دیار كو ل دیف ئامارێن وان زێدجه‌تر ژ 700 هزار ئاوارێن نافخویی ل دهوك هه‌نه‌ و باره‌كێ‌ گران كه‌تیه‌ سه‌ر ملێت دهوكێ‌ ,
هه‌روه‌سا سوپاسیا خه‌لكێ‌ دهوكێ‌ و حكومه‌تا خوجهیا دهوكێ‌ كر بو وی كاری مروڤایه‌تی یێ‌ مه‌زن كو ئه‌ف هه‌می ئاواره‌ و په‌نابه‌را حه‌واندین و خزمه‌ته‌كا مه‌زن بو كری ,
دلایه‌كی دیێ‌ په‌یڤا خودا دیار كر كو حكومه‌ت و وه‌لاتێ‌ ئه‌لمانیا به‌رده‌وام بویه‌ ل سه‌ر هاریكاریا حكومه‌تا كوردستانێ‌ دگه‌له‌ك بیاڤا دا و دێ‌ به‌رده‌وام بیت و گوت ئه‌ڤرو روژه‌كا مه‌زنه‌ بو من چونكی ئه‌ف پروژێ‌ ئه‌ڤرو به‌رێ‌ بنیاتی بو هاتیه‌ دانان گه‌له‌ك یێ‌ گرنگ و مه‌زنه‌ و دێ‌ خزمه‌تا مروڤایه‌تیێ‌ كه‌ت و خه‌لكه‌ك ب رێكا ڤی پروژه‌ی ژ مرنێ‌ هێته‌ رزگار كرن ,, و هه‌ر كه‌سی بڤێت بزانیت كا هاریكاریێن خه‌لكێ‌ ئ‌وه‌لمانیا و باجا وان ل ژ دهێته‌ خه‌رج كرن بلا بهێت سه‌حكه‌ته‌ ڤان پروژا دێ‌ زانیت .
دیڤدا پارێزگه‌رێ‌ دهوكێ‌ و وه‌زیرێ‌ هاریكاریا ئه‌لمانی سه‌ره‌دانا سه‌نته‌رێ‌ تایبه‌تمه‌ندێ‌ نه‌خوشیێن گه‌ها و شیاندانا نوژدار ری كر و گه‌ریانه‌ك دناڤ پشكێن وێدا كر و سه‌حكره‌ كاری دهێته‌ كرن و گوهداریا پێدڤی و كێم و كاسیان كر ل دیماهیێ‌ هژماره‌كا ئامیره‌ و كوره‌ستێن پێدڤه‌ وه‌ك دیاری پێشكێشی سه‌نته‌رێ‌ نافبری كرن ,
پاشی پێكڤه‌ سه‌ره‌دانا كه‌مپا كه‌به‌رتو كر و ل ناف كه‌مپێ‌ پروژێ‌ چاره‌سه‌ركرنا ئاڤا ئاڤ رێژا و سولینا هاته‌ ڤه‌كرن كو ژلایێ‌ رێكخراوا giz یا ئه‌لمانی ڤه‌ هاتیه‌ بجهئینان ب كوژمێ‌ 300 هزار دولارا ,
ل دیماهیێ‌ سه‌نته‌رێ‌ تایبه‌ت یێ‌ ئافره‌تا هاته‌ ڤه‌كرن كو ب پشته‌ڤانیا رێكخراوا giz هاتیه‌ ئاڤا كرن هاته‌ ڤه‌كرن و گه‌ریانه‌ك دناف پشكێن وێدا هاته‌ كرن .

ئه‌ڤرۆنيوز:

جێگرێ سه‌رۆكێ كۆمسيۆنا بلند يا هه‌لبژارتنان ل عيراقێ راگه‌هاند، 600 هزار ناڤێن دوباره‌ ومرى يان ژ تۆمارا ده‌نگده‌ران هاتينه‌ لادان، وه‌لاتيان ژى پشت راست دكه‌ت كو ئه‌و ئاميرێ ڤێ جارێ بۆ هه‌لبژارتنان دهێته‌ بكارئينان رێگريێ ل سه‌خته‌كاريێ دكه‌ت.

رزگار حه‌مه‌، جێگرێ سه‌رۆكێ كۆمسيۆنا هه‌لبژارتنان ل عيراقێ ئه‌ڤرۆ  دوشه‌مبى 23/4/2018  دكۆنگره‌كێ رۆژنامه‌ڤانى دا راگه‌هاند” هه‌موو كه‌لوپه‌ل وپێدڤيێن ده‌نگدانێ يێن گه‌هشتينه‌ كوگه‌هێن كۆمسيۆنێ ل هه‌رێما كوردستانێ وبه‌رهه‌ڤى ژى يێن ب دووماهى هاتين”.

گۆت ژى” ئاواره‌ دشێن ل بنگه‌هێ تايبه‌ت يێ وان ده‌نگى بده‌ن، كو ل هه‌ولێرێ 15 بنگه‌هێن ده‌نگدانێ نه‌ ول سلێمانيێ 20 “.

ل دۆر ئه‌گه‌رێ سه‌خته‌كاريكرنێ دهه‌لبژارتنان دا، گۆت” ئاميرێن ده‌نگدانێ رێگريێ ل سه‌خته‌كاريێ دگريت، ئه‌و قه‌له‌مێن دهێنه‌ بكارئينان ژى بۆ ده‌نگدانێ حبرێ وێ ناهێته‌ ژێ برن، ئه‌و ده‌نگوباسێن هاتينه‌ به‌لاڤكرن ژى كو سه‌خته‌كارى دێ تێدا هێته‌ كرن، ژبلى ساركرنا خه‌لكى، چو بنه‌مايه‌كێ دى نينه‌”.

دياركر ژى”ل سه‌رانسه‌رى عيراقێ هه‌تا نوكه‌ 11 مليۆن كه‌سان بايۆمه‌تريا كۆمسيۆنێ ئه‌نجامدايه‌ و9 مليۆن كارتێن ده‌نگدانێ ژى يێن هاتينه‌ به‌لاڤكرن”.

سه‌باره‌ت ده‌نگدانێ ل ده‌رڤه‌ى وه‌لاتى ژى، گۆت” ل 19 وه‌لاتان دێ ده‌نگدان بۆ هه‌لبژارتنێن جڤاتا نوونه‌رێن عيراقێ هێته‌ كرن”.

خوياكر” 100 به‌ربژار وقه‌واره‌ يێن هاتينه‌ سزادان كو ل ده‌مێ بانگه‌شا هه‌لبژارتنان دا، سه‌رپێچى كريه‌ ب جۆره‌كى به‌ربژار ب كۆژمێ دو مليۆن ديناران وليست ژى ب كوژمێ پێنج مليۆن ديناران هاتينه‌ سزادان”.

995

ئەڤرۆ، ژیمان سەعید:

ژینێ، ئەو کچا کوردا ب ستێرا سۆشیال میدیایێ ھاتییە ب ناڤکرن کو شیایە د ماوەیەکێ کورت دا ناڤو دەنگیەکا باش ل کوردستانێ و دەرڤە ب دەست خوەڤە بینیت، د دیدارەکێ دا بۆ ئەڤرۆ گۆت: ھونەر ب ژ مارە ئێک دھێت د ژیانا من دا مۆزیک و سترانگۆتن و ئەکتەری و وێنەگرتن و ھەر تشتەکێ ب ھونەری ڤە گرێدای بیت من کەیف پێ دھێت،ب تایبەت مۆزیک و فلم، و ژ زارۆکینیا خوە من حەزژ مۆزیکێ و ئەکتەریێ کریە، و ژ شەش سالیا خوە ھەتا 18 سالیێ من ئەکتەری د شانۆگەریان دا دکر ل وی باژێرێ ئەز لێ مەزن بوویم ل وەلاتێ نەرویج، ل گەل ھندێ زۆر ب مۆزیک و سترانگوتنێ ڤە ھاتمە گرێدان کو د شانۆگەریاندا من ھەردەم ستران د گوتن.

ژینێ گۆت: د ژیێ چاردە سالیێ ڤە ل رادیۆیا powerwave ل وەکو پێکێشکار من کار کریە د ھەمان دەم دا خەلکێ وێرێ ب چاڤەکێ مەزن بەرێ خوە ددانە من و کارێ من کو دژیەکێ بچوویک دا شیام ڤی کاری ب باشترین شێوە ئەنجام بدەم و ل وێرێ ئەز فێری گەلەک تشتێن نوو بەوم و ل گەل ھاتنا داعش من دەست ژ وی کاری بەردان و دەست ب خوپیشاندانان کر ل دژی داعش و سەرپەرشتا ھەموو خوپیشاندانا بووم ل وی وەلاتی و گەلەک کەس بوونە پشتەڤان بۆمن و ئێکەم کەسێن پشتەڤانیا من کرین بو ڤی کاری مالباتا من بووینە ل وی دەمی ئەز بۆ ئێکەم جار ل سۆشیال میدیا ھاتمە نیاسین ژبەر کو زۆر رۆژنامە و تیڤی ل سەر وێرەکیا من دئاخفتن و ژبلی خوپێشاندانا من کارێن خێرخوازی ژی دکرن ، ل سالا 2014 و 2015 ڤە ل گەل مالباتا خوە ھاتمە کوردستانێ و ھندەک دیاری بۆ ئاوارەیێن ئێزدی و مەسیحی ئینان و گەلەک کارێن دی یێن خێرخوازی ل وی دەمی من ئەنجام دان. ھەروەسا ئەز ئێک ژوان کچێن کورد بووم کو داعش گەفێن کوشتنێ ل من کرین و گەلەک جاران ژی گەف ل ئەندامێن خێزانا من کرینە.

ل دووماھیێ گۆت: ئەو تشتێ ئەز زۆر پێ بەرنیاس بوویم دسۆشیا میدیایێ دا ژ لایێ کوردان ڤە دەمێ من شەھیانا خوە کری من سترانەک دناڤ دا گۆت و سەماکر کو ل کوردستانێ بو ئێکەم جار بوو بووک تشتەکێ وەسا بکەت و تشتەکێ نوو بوو دناڤ جڤاکێ مەدا لێ بۆ من ب خو تشتەکێ نۆرمال بوو، چونکە شەھیان یا من و ھەڤژینێ من بو و مافێ مەیە ئەم دڤێ روژێ دا کەیفێ ببەین و ببیتە جوانترین و خۆشترین رۆژا ژیانامەیا ھەڤژینیێ، لێ خەلکێ مە بەرۆڤاژی تێ دگەھن و ھوسا ھزردکەن کو بووک و زاڤا ل سەر کورسیکێ د روینشتی بن و دشەرمین بن جوانترە و زۆربەیا خەلکی ھوسا ھزردکرن و دگۆتن کو مەسیحی یە گەلەک من جاران ھەولدان ئەو کەسێن شاش تێگەھشتین بۆ وان شرۆڤەبکەم لێ ھەر ئەو وەکی خوە تێ دگەھشتن لەورا من گوھداریا چو کەسان نەکر و دەست ژ شرۆڤەکرنێ ژی بەردان چونکو یا ب زەحمەتە تۆ ھەموو کەسان تێ بگەھینی و دھەمان دەم دا من حەزژێکرو پشتەڤان ژی ھەبووینە و ھەکە ھەڤژینێ من پشتەڤانێ من و ھەموو کارێن من نەبا ئەز نەدشیام ھەتا ڤی رادەی یا بھێز و ژ خوە پشت راست و بەردەوام بم.

31225500_1829291773801235_5590120950466084864_n

ئه‌ڤرۆنيوز:

سوپاسالارێ وه‌زاره‌تا پێشمه‌رگه‌ راگه‌هاند، به‌غدا دخوازيت پێشمه‌رگه‌ بێ ده‌ستهه‌لات بۆ ده‌ڤه‌رێن ناكۆكى ل سه‌ر ڤه‌گه‌ريت.

فه‌ريق (جه‌مال ئێمينكى) سوپاسالارێ وه‌زاره‌تا پێشمه‌رگه‌ دداخۆيانيه‌كا رۆژنامه‌ڤانى دا ئه‌ڤرۆ دوشه‌مبى 24/4/2018 گۆت” چو دانوستاندنێن فه‌رمى دناڤبه‌را هه‌ولێرێ وبه‌غدا نينن، به‌لێ ل دۆر لڤينێن گرۆپا داعشێ ل ده‌ڤه‌رێن مادا 140، دانوستاندن ل گه‌ل هه‌ڤپه‌يمانان هاتيه‌ كرن”.

فه‌ريق جه‌مالى زێده‌تر بۆ دوارۆژ گۆت” حوكمه‌تا عيراقێ داخوازكريه‌ ناڤه‌ندا هه‌ماهه‌نگيا هه‌ڤپشك بهێته‌ پێكئينان ل ده‌ڤه‌رێن ناكۆكى ل سه‌ر، به‌لێ وه‌كو وه‌زاره‌تا پێشمه‌رگه‌ مه‌ ئه‌ڤ چه‌نده‌ يا ره‌تكرى، چونكى به‌غدا دخوازيت پێشمه‌رگه‌ بێ ده‌ستهه‌لات بۆ ده‌ڤه‌رێن ناكۆكى ل سه‌ر ڤه‌گه‌ريت”.

خوياكر” وه‌زاره‌تا پێشمه‌رگه‌ ناخوازيت چه‌ند ئه‌فسه‌رێن كورد بێ ده‌ستهه‌لات بچن وپشكداريێ دوێ ناڤه‌ندێ دا بكه‌ن”.

435

سترانبێژا گەنج حەیات سەعید شنگالی، د دیدارەکێ دا بۆ ئەڤرۆ دیارکر، بەری چەند رۆژان وێ سترانەکا نوو بۆ حەزژێکەرێن دەنگێ خوە ل باژێرێ دھۆکێ تۆمارکریە و نوکە یا بەرھەڤیا دکەت دا وێ سترانێ کلیپ بکەت.

حەیاتێ گۆت: سترانا منا نوو ب ناڤێ (رابە دەم ھات) من ب شێوی دوقۆلی ل گەل بەرزان ئۆسمان گۆتیە، پەیڤێن سترانێ یێن ھەلبەستڤان (خۆدێدا کرتۆ) نە، دەنگ ل ستودیۆیا ستێر ل دھۆکێ ل گەل کومەکا کوڕ و کچان وەک کۆرس ھاتیە تۆمارکرن، وێنەکرنا وێ ژێ دێ ل دھۆکێ و دەوروبەران بیت و دەھێنەر فارس مشکۆ دێ ب وێنەکرن و کلیپکرنا وێ رابیت.

 

ئەڤرۆ نيوز:
گەنجەکێ باژێرێ زاخۆ کو ئەڤە بۆ دەمێ حەفت سالایە ل سەر کومپیۆتەری کاردکەت و ھەتا نوکە دۆرێن نەە پرۆگرامان چێکرینە یێن ئەندروید و ویندۆزی و ل ڤێ دووماھیێ دەست ب چێکرنا پرۆگرامەکێ ھاوشێوەیێ فەیسبووکی بوویە ب ناڤێ (پێشگرام) و نوکە دھێتە ب کارئینان.

ئەیمەن سەبری، د دیدارەکێ دا بۆ ئەڤرۆ گۆت: ئەڤ پرۆگرامە دماوێ حەفتیەکێ دا نێزیکی ھزار کەسان بۆ خوە چێکرینە و کار پێ دکەن، بەلێ ل نک من دیارە ب شێوەیێ داتا بەیس و دشێم گوھۆرینێ ب وان دادتا بەیسا بکەم و یێ من بڤێت و دژی قانونێن مالپەری بن و ھزرا ڤی بەرنامەی ھەر ژدەستپێکا ب کار ئینانا کومپیۆتەری ئەڤ ھزرە بۆ من چێ بوویە کو مە کوردان ژی خالەک دناڤ جیھانا تەکنەلۆژیایێ ھەبیت و مالا من گەلەک ھاریکاریا من دکەن، بەلێ تێچوو ھەموو ل سەر کیستێ من بووینە، چونکو پتریا کارێ من ل سەر ئەنترنێتێ یە و ب پارێ ئون لاین.

31235063_1829286587135087_6761048233583050752_n

526

ئەڤرۆ نيوز:
کچەکا کورد ب ناڤێ (ئایرین عەباس) د دیدارەکێ دا بۆ ئەڤرۆ دبێژیت: ل سالا بۆری ب حەزا خوە من دەست ب کارێ نیشادانا مۆدێلان چێکرنا رێکلامان کریە، لێ ھەتا نوکە ل کوردستانێ کارێ مۆدیل نەبوویە پیشە، لێ ئەز ل وێ باوەریێ مە ل سالێن بھێن دێ پتر گرنگی پێ ھێتە دان. و گۆت: ھەتا نوکە چەندین جاران پشکداری من پشکداری دنیشادا جلکان بوویمە، ب تایبەت جلکێن کوردی، و گەلەک حەزژ کارێ خوە دکەم و دخوازم پتر گرنگی پێ بھێتە دان، ژبەرکو ھەمەر وەلاتەک ب جلک و کلتۆرێ خوە دھێتە نیاسین و دخوازم ل کوردستانێ زێدەتر گرنگی ب کارێ جلک و مۆدێلان بھێتە دان، ژبەرکو کێمترین جلک دھێنە دیتن یێن کوردی نە، و ھەکە گرنگی ب مودێلێن جلکا بھێتە دان دێ گەلەک باشتر بیت، ژبەرکو کورد خودان کلتۆر و جلکێن خوە یێن تایبەتن، بەلێ مخابن وەک پێدڤی ل بەرخوە ناکەن، ب تایبەت ژلایێ گەنجان ڤە، بەلێ ھەکە کارێ مۆدێلان زێدە بوو دێ حەزا گەنجان بۆ جلکێن کوردی زێدەتر لێ ھێت و ل وی دەمی دێ کلتۆرێ کوردی پاراستی مینیت.

ئارين ئارين ئارين ئارين

ئه‌ڤرۆنيوز:

وه‌زاره‌تا خواندنا بلند وڤه‌كۆلينێن زانستى ل هه‌رێما كوردستانێ رۆهنكرنه‌كێ ئاراسته‌ى هه‌موو به‌ربژارێن هه‌لبژارتنێن جڤاتا نوونه‌رێن عيراقێ ژ قه‌واره‌ وئاليێن سياسى دكه‌ت.

وه‌زاره‌تا خواندنا بلند درۆهنكرنا خوه‌ دا دبێژيت”نابيت زانكۆ وپه‌يمانگه‌ وجهێن دناڤ كوليژ ژ هۆل وكافيتيريا ووێبسايت وپه‌يچێن فه‌رمى يێن كوليژان بۆ بانگه‌شا هه‌لبژارتنان بهێنه‌ بكارئينان”.

وه‌زاره‌تا ناڤبرى دياركر كو “نابيت به‌ربژارێن هه‌لبژارتنان سه‌ره‌دانا ناڤه‌ندێن زانكۆ وپه‌يمانگه‌هان بكه‌ن بۆ مه‌ره‌ما بانگه‌شا هه‌لبژارتنان وژئه‌گه‌رێ نه‌ بجهئينانا ڤێ داخوازيا مه‌ ژئاليێ وان ڤه‌، دێ پێرابوونێن تايبه‌ت وقانوونى دژى وان گرينه‌ به‌ر”.

website security
WP Facebook Auto Publish Powered By : XYZScripts.com