NO IORG
Twitter

ئه‌ڤرۆ نيوز:

بڕياره‌ ئه‌ڤرۆ په‌رله‌مانێ كوردستانێ دانوستاندنێ ل سه‌ر دو پرۆژێن قانوونان كه‌ت و خواندنا ئێكێ ژى بۆ حه‌فت پرۆژێن قانوونا كه‌ت و رۆژا جينوسايدا شنگال دێ هێته‌ دياركرن.

په‌رله‌مانێ كوردستانێ د راگه‌هاندنه‌كێ دا ئاماژه‌ ب وێ چه‌ندێ كريه‌ كو سوبه‌هى په‌رله‌مانێ كوردستانێ دێ كۆمبوونا خوه‌ يا ئاسايى يا نه‌هێ ژ وه‌رزێ بهايێ ئه‌نجام ده‌ت و ب گۆره‌يى به‌رنامێ كارى، كۆمبوون ژ سێ ته‌وه‌ران پێك دهێت؛ دانوستاندن ل سه‌ر پرۆژێ قانوونا پێكهاتێن ئاينى و نه‌ته‌وى وتيرێن ئياينى و دانوستاندن ل سه‌ر بڕگا راستڤه‌كرنا قانوونا ده‌سته‌يا ده‌سپاكيێ ژ به‌ر كو سه‌رۆكێ هه‌رێمێ ڤه‌گه‌رانديه‌ په‌رله‌مانى و په‌سه‌ند نه‌كريه‌.

د ته‌وه‌رێ سيێ ژى دا، خواندنا ئێكێ دێ بۆ چه‌ند پرۆژێن قانوونان و بڕيارهكێ بيت ژ وان ژى پرۆژێ قانوونا به‌ركاربرنێ و راستڤه‌كرنا قانوونا هژماره‌ 9 يا سالا 2006ێ و ئينان و فرۆتنا به‌رهه‌مێن په‌ترۆلێ ل گه‌ل پرۆژێ قانوونا كۆمپانيا كوردستانێ بۆ پارزنينا په‌ترۆلێ و به‌رهه‌مێن وێ و پرۆژێ بڕيارا دياركرنا 8ى ته‌باخا 2014ێ وه‌كو رۆژا جينوسايدا شنگال.

ئه‌ڤرۆ نيوز:

ب گۆره‌يى راگه‌هاندنا رێڤه‌به‌ريا په‌يوه‌ندى و راگه‌هاندێ ل وه‌زاره‌تا دارايى و ئابوورى ل حوكمه‌تا هه‌رێما كوردستانێ ئه‌ڤرۆ رۆژا سێشه‌مبى 21ى نيسانا 2015ێ دێ ئه‌ڤ جهێن ل خوارێ مووچه‌يى وه‌رگرن:

1- وه‌زاره‌تا شه‌هيد و ئه‌نفالكريان ل گه‌ل خێزانێن شه‌هيدان و ئه‌نفالكريان و زيندانيێن سياسى.

2- وه‌زارتا ئه‌وقاف و كاروبارێن ئاينى

3- وه‌زاره‌تا خواندنا بلند و ڤه‌كۆلينێن زانستى

4- وه‌زاره‌تا چاندنێ

182

ئه‌ڤرۆ نیوز:

ب ره‌نگه‌كێ فه‌رمى هه‌ردو یاریكه‌ران گاریس به‌یل و كه‌ریم بنزیمه‌ نه‌شێن به‌رامبه‌ر یانا ئەتلەتیکۆ مەدرید د خولا یانێن قاره‌مانان یاریێ بكه‌ن.
سه‌باره‌ت مۆدریچ ژى ب فه‌رمى یانا ریال مه‌درید ژ به‌ر هنگاڤتنا وى، دوركه‌فتنا وى راگه‌هاندیه‌.
ب ڤێ چه‌ندێ هه‌ر ئێك ژ کەریم بنزیمە و گاریس بەیل و مۆدریچ و مارسیلیۆ ژبه‌ر هه‌بوونا زێده‌ وه‌رگرتنا كارتێن زه‌ر نه‌شێن رۆژا چوارشه‌مبى به‌رامبه‌ر ئەتلەتیکۆمەدرید ل قاره‌مانیا چامپیۆنز لیگ یاریێ بكه‌ن.

ئه‌ڤرۆ نیۆز، قائید میرۆ

په‌یڤدارێ حوكمه‌تا هه‌رێما كوردستانێ دیاركر، پارێ ل توركیا هاتیه‌ قه‌ركرن گه‌هشتیه‌ هه‌رێما كوردستانێ و كار بۆ پارێ وه‌به‌رهینانێ دهێته‌كرن و ب پارێ ل توركیا گه‌هشى دێ مووچێ فه‌رمانبه‌ران پێ هێته‌ دان.
سه‌فین دزه‌یی، په‌یڤدارێ حوكمه‌تا هه‌رێما كوردستانێ دداخویانیه‌كێ بۆ ده‌زگه‌هێن راگه‌هاندنێ كو رۆژناما ئه‌ڤرۆ تێدا به‌رهه‌ڤبوو گۆت” نوكه‌ حومه‌تا هه‌رێما كوردستانی یا كار دكه‌ت بۆ په‌یداكرنا پاره‌یێ وه‌به‌رهێنانێ و به‌لێنده‌را و ئه‌وله‌ویه‌تا كارێ حوكمه‌تێ د ده‌مێ نوكه‌دا، تنێ مه‌زاختنا موچێ فه‌رمانبه‌رانه‌ و بزاڤێن تێنه‌كرن پاره‌ بۆ پڕۆژه‌یێن دیژی بهێته‌ په‌یداكرن.
سه‌فینی گۆتژی” حوكمه‌ت هه‌موو بزاڤێن خوه‌ یا كار بۆ موچێ فه‌رمانبه‌ران دكه‌ت و ئه‌و 500 ملیۆن دۆلارێن توركیا ب قه‌ڕ داینه‌ هه‌رێمێ یێ گه‌هشتیه‌ هه‌رێما كوردستانێ.

ئه‌ڤرۆ نيوز:

چه‌كدارێن داعش، ئه‌ڤرۆ 3 بيرێن نه‌فتێ ل سنوورێ گه‌ياره‌ باشورێ رۆژهه‌لاتا مووسل سوتن.

ميديايێن عيراقىبه‌حسێ وێ يه‌كێ دكه‌ن كو ئه‌ڤ ره‌فتارا داعش و سووتنا ڤان بيرێن نه‌فتێ ڤه‌دگه‌ريت بۆ ترسا وان ژ هێرشێن هێزێن پێشمه‌رگه‌ى.

 

 

 

ئه‌ڤرۆ نيوز:

ده‌ستهه‌لاتدارێن ئوكرانيا رادگه‌هينن كو ئه‌بوبه‌كر به‌غدادى، خه‌ليفێ رێكخراوا داعش يێ ل ئوكرانيا و نوكه‌ يێ ل دووڤ دگه‌رن.

د به‌ياننامه‌كێ دا وه‌زاره‌تا نافخو يا ئوكرانيا ئه‌ڤرۆ راگه‌هاند: نوكه‌ ده‌ستهه‌لاتدارێن ئوكرانيا يێ ل دووڤ جهێ ئه‌بوبه‌كربه‌غدادى دگه‌رن، پشتى به‌لاڤبوونا ده‌نگويێ چوونا وى بۆ پارێزگه‌ها ئوديسا ل باشوورێ ئوكرانيا.

 

 

ئه‌ڤرۆ نیوز:

سه‌باره‌ت كومبوونا ئه‌ڤرۆ یا سه‌رۆك بارزانى ل گه‌ل لایه‌نێن سیاسیێن كوردستانێ، فازل میرانى سكرتێرێ مه‌كته‌با سیاسى یا پارتى دیموكراتى كوردستان بۆ knn گۆت: سه‌رۆك بارزانى گوتیه‌ لایه‌نان، ئه‌گه‌ر ماوێ من ب دووماهى هات، دێ نامه‌یه‌كێ بۆ په‌رله‌مان و لایه‌نێن سیاسى هنێرم و دێ بێژم، ئه‌گه‌ر وه‌ پێدڤى بمن نه‌بیت، ئه‌وه هوون و په‌رله‌مان بگه‌هنه‌ رێككه‌فتنێ.

 

ئه‌ڤرۆ نیوز:

د. ڕێكەوت حەمە ڕەشید وه‌زیرێ ساخله‌میێ یێ حوكمه‌تا هه‌رێما كوردستانێ مزگینیێ دده‌ته‌ كارمه‌ندێن ب گرێبه‌ست.
د. ڕێكەوت حەمە ڕەشید وه‌زیرێ ساخله‌میێ یێ حوكمه‌تا هه‌رێما كوردستانێ د په‌یجێ خوه‌ یێ فێسبوكێ دا مزگینیه‌كێ دده‌ته‌ كارمه‌ندێن گرێبه‌ست یێن سه‌ر ب رێكخراوا ساخله‌میا جیهانى كو بریاره‌ ل نێزیك مووچێ سێ هه‌یڤا وه‌رگرن.

ئه‌ڤرۆ نیوز:

ئه‌ڤرۆ ب سه‌رپه‌رشتیا سه‌رۆك بارزانى كومبوونا ل گه‌ل پشكه‌كا نوونه‌ر و سه‌رۆكێن لایه‌نێن سیاسى یێن كوردستانى هاته‌ ئه‌نجامدان و ل دووڤ راگه‌هاندنا سه‌رۆكایه‌تیا هه‌رێمێ د كومبوونێ دا به‌حسێ پرسێن نوكه‌ یێن كوردستانێ و ده‌ڤه‌رێ هاتيه‌ كرن.

لایه‌نێن پشكدارێن كومبوونێ گه‌هشتنه‌ ڤان ئه‌نجامان:

1- پشته‌ڤانیكرنا به‌دره‌وان یا هێزێن پێشمه‌رگه‌ى و یه‌كخستن و بهێزكرنا شیانێن وان یێن سه‌ربازى.
2-پاراستنا ئێكرێزیا هێزێن لایه‌نێن سیاسى ل كوردستانێ و ل پال ڤێ چه‌ندێ بزاڤێن خوه‌ رژتر لێ بكه‌ن بۆ چاكسازى و نه‌هێلانا كێماسیان.
3-به‌رده‌وامبوونا دانوستاندنان و باشتركرنا په‌یوه‌ندیان و بجهئینانا رێككه‌فتنا د ناڤبه‌را هه‌رێم و به‌غدا.

4- پشته‌ڤانیكرنا سه‌رۆكێ هه‌رێمێ و شاندێ ل گه‌ل دا بۆ ئه‌مریكا
5-پاراستنا سیاده‌ و ئێكپارچه‌ییا هه‌رێما كوردستانێ و كاركرن بۆ سه‌رخستنا پرۆسا ئێكخستنا هێزێن چه‌كدار ل بن سیبه‌را وه‌زاره‌تا پێشمه‌رگه‌ى
6-سه‌باره‌ت ب پرسا دستورى و سه‌رۆكایه‌تیا هه‌رێمێ، هه‌موو لایه‌نان رژدى ل سه‌ر وێ یه‌كێ كرن كو دستوور و سه‌رۆكایه‌تیا هه‌رێمێ پرسه‌كا نیشتمانى یه‌ و پێدڤیه‌ هه‌موو لایه‌ن ب نه‌فه‌سه‌كا نیشتمانى و دوور ژ ئالوزى و موزایدێن سیاسى و ئیعلامى ره‌فتارێ ل گه‌ل بكه‌ن.

لایه‌نێن پشكدار د كومبوونێ دا ئه‌ڤه‌ بوون:
پارتی دیموكراتی كوردستان
یەكێتیی نیشتیمانیی كوردستان
بزووتنەوەی گۆڕان
یەكگرتووی ئیسلامیی كوردستان
كۆمەڵی ئیسلامی
حزبی سوسیالیستی كوردستان
بزووتنەوەیئیسلامییكوردستان
حزبی شیوعی كوردستان
حزبی زەحمەتكێشان
نوێنەری كوتلە توركمانییەكانی پارلەمانی كوردستان
نوێنەری كوتلە مەسیحییەكانی كوردستان

website security
WP Facebook Auto Publish Powered By : XYZScripts.com