ئەڤرۆ نیوز:
ئەڤرۆ وەزارەتا ساخلەمیا هەرێما کوردستانێ راگەهاند، شەش حالەتێن نوویێن توشبوون ب کۆرۆنا یێ ل سلێمانیێ هاتینە تۆمارکرن، کو پێنج ژ وان زەلامن و ئێک ژ وان ژنەکا 24 سالیە.
ل سلێمانیێ شەش حالەتێن نوو یێن کۆرۆنایێ هاتنە تۆمار کرن
نووترين نووچه
- هەلبژارتن تنێ بۆ ب دەستڤەئینانا كورسییان نینە، بەلكو پراكتیزەكرنا دیموكراسیەتێ یە
- ژ بۆ ئاشتیێ یا ژ دەستێ مە بهێت دێ ئەنجام دەین
- درووشمێ ئێك هەرێم، ئێك پەرلەمان، ئێك حوكمەت، ئێك هێزا پێشمەرگەی، كاك مەسعود بارزانی ئاماژە یا بۆ كری.
- بەرپرسەكێ پارتی: پارتی دێ سۆزێن خوە ب جهئینیت
- ب سەركەفتنا پارتی د هەلبژارتناندا دێ هەرێم زێدەتر ب هێز و ئارام و ئاڤەدان بیت
- تێکچوونا قۆناغا ئاشتیێ دێ بیتە ئەگەرێ شکەستنا ئاکپارتیێ
- سەرۆك بارزانی و رۆمانۆڤسكی پێنگاڤێن پێكئینانا حوكمەتا نوو یا هەرێما كوردستانێ گەنگەشەكرن
- پێدڤییە پێكئینانا حوكمەتێ ل سەر بنەمایێ دەنگێن ئالیێن سیاسی بیت د هەلبژارتناندا
- هێمن هەورامی: دانوستاندنێن پێكئینانا حوكمەتا نوو یا هەرێمێ دێ ل گەل هەموو ئالییان كەین
- هەبوونا بنەمایێ ئێك ئیدارە و ئێك حوكمەت و ئێک هێزا پێشمەرگەی باشترین بژاردەیە
سهرهكى Twitter
ژ ئەنجامێ تەقەکرنێ ل بەردەرەش گەنجەک بریندار بوو
ئەڤرۆ نیوز، ڕەزوان ڕۆژبەیانی:
ژ ئەگەرێ تەقەکرنا خۆشیێ بۆ جەژنا نەورۆزێ بەری دەمەکێ کێم ل ناڤ سەنتەرێ قەزا بەردەڕەش گەنجەک ب گولە هاتە بریندار کرن.
عەمید سەعدی شێخ ئەحمەد رێڤەبەرێ پۆلیسێن قەزا بەردەڕەش بۆ ئەڤرۆنیوز خۆیاکر پشتی مەغرەبا ئەڤرۆ ژ ئەگەرێ تەقەکرنەکا هەرەمەکی ب ناف تەقەیێ خۆشیێ جەژنا نەورۆزێ گەنجەکێ 20سالی ب ناڤێ موحەمەد یونس ل بەر دەری مالا خوە ب گولەیەکێ هەرەمەکی کو کەس نزانیت کی هاڤێتیە هاتە بریندار کرن ،
گوت ژی پشتی روودانی هاتە رەوانەکرن بۆ نەخۆشخانا بەردەڕەش سوپاس بۆ خودێ کو ب سفکی ئەو گەنج هاتبوو بریندارکرن و پشتی وەرگرتنا چارەسەریێ هاتە رەوانەکرن بۆ مالا خوە.
دیار ژی کر کو دۆسیە ل سەر ڤێ بابەتێ ل پۆلیسێن قەزا بەردەڕەش هاتیە ڤەکرن بەلێ ئاریشە ئەوە کو گەلەک کەسان پێکڤە تەقە کرینە زەحمەتە کو ئەنجامدەر وی بێتە دەستنیشان کرن.
ل رۆژهەلاتێ کوردستانێ گەلەک لیژنە بۆ پاراستنا وەلاتیان هاتینە ئاڤاکرن
ئەڤرۆ نیوز، هۆشەنگ تاجر:
ئەفشین تاهری چالاکڤانێ کورد ل رۆژهەلاتێ کوردستانێ بۆ ئەڤرۆ نیوز دیار کر کو مخابن ڤایرۆسێ کۆرۆنا ل گەلەک دەڤەرێن رۆژهەلاتێ کوردستانێ بەلاڤ بوویە و هەتا نها ژی حوکمەتێ بۆ پاراستنا وەلاتیان چو نەکریە و گۆت: (گەلەک بریارێن دەولەتێ ژی درەنگ هاتنە دان و پێدڤی بوو بەری نها ل پرانیا ئیرانێ و رۆژهەلاتێ کوردستانێ قەدەغەیا هاتنوچوونێ هاتبا راگەهاندن لێ مخابن ئەو یەک نەهاتە کرن، ژ بەر هندێ ژی مە وەکو چالاکڤانێن رۆژهەلاتێ کوردستانێ دەست ب ئاڤاکرنا لیژنێن باژێران کرن و نها گەلەک لیژنە هەنە و کار بۆ پاراستنا وەلاتیان ژ کۆرۆنایێ دکەن).
ناڤهاتی ئەو یەک ژی دیار کر کو گەلەک کەسێن خێرخواز ل رۆژهەلاتێ کوردستانێ هاریکاریا وان دکەن و دەرمانان بۆ خەلکێ هەژار دابین دکەن و گۆت: ( مە وەکو لیژنا مەریوان گەلەک کارێن باش کرینە و ل هەموو دەڤەرێن رۆژهەلاتێ کوردستانێ ژی کار دهێتە کرن و مە داخواز ژ هەموو وەلاتیان ژی کریە کو ل مالێن خوە بن و نەچنە دەرڤە، چونکو براستی ژی کۆرۆنا ل هەموو ئیرانێ بەلاڤ بوویە و رۆژانە ب دەهان کەس جانێ خوە ژ دەست ددەن).
زانایێن بریتانی دەست ب تاقیکرنا دەرمانێ کۆرۆنایێ کرن
ئەڤرۆ نیوز:
رۆژناما گاردیەن یا بریتانی د راپۆرتەکێ دا دیار کریە کو زانایێن بریتانی ل ژێر سەرپەرشتیا پرۆفیسور سەراح گێلبێرت ل زانکۆیا ئۆکسفۆرد دەست ب تاقیکرنا دەرمانێ کۆرۆنایێ ل سەر ئاژەلان کرینە و بریارە پشتی هندێ ژی ل سەر مرۆڤان تاقی بکەن.
هەمان رۆژنامێ دیار کریە کو زانایێن بریتانی ب هەموو رەنگەکێ کار دکەن دا بشێن هەتا مەها ٧ یا ئەڤسالە دەرمانێ کۆرۆنایێ پەیدا بکەن.
سەرۆک وەزیرێن کەنەدا جەژنا نەورۆزێ پیرۆز دکەت
ئەڤرۆ نیوز:
جاستن ترودو سەرۆک وەزیرێن کەنەدا د پەیامەکێ دا راگەهاند کو ئەڤرۆ ئێکەم رۆژا بهارێ یە و جەژنا نەورۆزێ یا گەلێن کورد، فارس، ئەفغان و گەلێن دی یین ئاسیا ناڤین پیرۆز دکەت.
سەرۆک وەزیرێن کەنەدا هێڤی ژی خواست کو سالا نوو ببیتە سالا خێر، خوەشی و ئاشتیێ و ئاریشێن نها ل جیهانێ و رۆژهەلاتا ناڤین هەنە دوور ژ شەری و ب رێیێن ئاشتیانە بهێنە چارەسەرکرن دا سالا نوو ببیتە سالا خێر و بەرەکەتێ بۆ هەموو گەلێن جیهانێ.
وەلاتیەکێ ل سۆران جانێ خوە ژ دەست دا
ئەڤرۆ نیوز:
موقەدم شەمال دێواری پەیڤدارێ پۆلیسێن سۆران راگەهاند کو ئەڤرۆ وەلاتەک ل دەڤەران سۆران ژ بۆ کۆمکرنا گیاهێ بهاری سەرەدانا دەڤەرەکا چیانی کریە لێ مخابن پێل مینێ کریە و ژ بەر هندێ ژی جانێ خوە ژ دەست دایە.
ناڤهاتی راگەهاند کو تەرمی وی وەلاتی رەوانەی نوشداریا دادێ ل سۆران هاتیە کرن و نها ل دۆر روودانێ ژی دەست ب ڤەکۆلینێ هاتیە کرن.
سەرۆکێ هەرێما کوردستانێ پەیامەکێ بەلاڤ دکەت
ئەڤرۆ نیوز:
سەرۆکێ هەرێما کوردستانێ نێچیرڤان بارزانی د پەیامەکێ دا ژ بەر جەژنا نەورۆزێ دیار دکەت کو نەورۆزا هەموو گەلێ کوردستانێ ب تایبەتی ژی پێشمەرگێن قارەمانێ و هێزێن ئاسایشێ و تیمێن ساخلەمیێ کو نها ژ بەر ڤایرۆسێ کۆرۆنایێ شەڤ و رۆژ د ئەرکێن خوە دانە، پیرۆز دکەم.
سەرۆکێ هەرێما کوردستانێ دیار ژی دکەت کو نها هەموو جیهان و کوردستان ژ بەر ڤایرۆسێ کۆرۆنا د رەوشەکا دژوار دانە و داخواز ژ هەموو وەلاتیێن هەرێما کوردستانێ دکەت کو د مالێن خوە دا بن و پێگیریێ ب رێنمایان بکەن.
سەرۆکێ هەرێما کوردستانێ دیار ژی دکەت کو هەر کەسەک دشێت ل مالا خوە ب هەلکرنا شەمالکەکێ ژی جەژنا نەورۆزێ پیرۆز بکەت.
سه‌رۆكێ حكومه‌تا هه‌رێمێ په‌یامه‌ك ل سه‌ر نه‌وروزێ به‌لاڤكر
ئه‌ڤرۆ نیوز:
سه‌رۆكێ حكومه‌تا هه‌رێما كوردستانێ په‌یامه‌ك ب هه‌لكه‌فتا جه‌ژنا نه‌وروزێ به‌لاڤكریه.
د په‌یامه‌كێ دا كۆ ئه‌ڤرۆ هه‌ینی 20/3/2020 مه‌سرور بارزانی سه‌رۆكێ حكومه‌تا هه‌رێما كوردستانێ زێده‌باری پیرۆزباهیا نه‌وروزێ، سوپاسیا پێگیربوونا وه‌لاتیان ب رێنماییان تایبه‌ت ب كورونایێ كر.
ده‌قێ په‌یاما سه‌رۆكێ حكومه‌تا هه‌رێما كوردستانێ:
ب هه‌لكه‌فتا جه‌ژنا نه‌وروزێ و سه‌رێ سالا نوو یا كوردی، پیرۆزباهیه‌كا گه‌رم ئاراسته‌ی گه‌لێ كوردستانێ و تایبه‌ت پێشمه‌رگێن قاره‌مان و بنه‌ماله‌یێن سه‌ربلندێن شه‌هیدان دكه‌م، هیڤی دارم ئه‌ڤ نه‌وروزه ب بیته خێر و خوشیێ بۆ خه‌لكێ كوردستانێ.
وه‌ك دزانین ئیسال ب ئه‌گه‌رێ به‌ڤلابوونا ڤایرۆسێ كورونایێ و زیانێن ئابووری، د ره‌وشه‌كا دژوار دا ئه‌ڤێ جه‌ژنا نیشتمانی دكه‌ین.
سوپاسیا هه‌وه دكه‌م، كو پێگیرن ب رێنمایێن ساخله‌میێ و ئه‌و رێكارێن بۆ سلامه‌تی و پاراستنا هه‌وه هاتینه بكار ئینان ژ وان ژی توخیبداركرنا هاتنوچونێ، پشت راستین دێ هه‌ڤكاریا ئیك كه‌ین كۆ ئه‌ڤێ قه‌یرانێ ده‌رباز بكه‌ین، كۆ چه‌وا ل به‌ری نوكه ب خوراگریێ سه‌ركه‌تین ب سه‌ر ره‌وشین دژوار دا.
هیڤی دارم ئه‌ڤ ئاسته‌نگیا هاتیه هه‌مبه‌ری مه، ب بیته ده‌لیڤه‌یه‌ك بۆ ئه‌وێ چه‌ندی چاڤه‌كی د خودا بگێرین و خوپاریزیا زێده تر ل ده‌مێن بهێت بكه‌ین، ل ئاستێ ئابووری ژی زێده‌تر مه پالد دده‌ت بۆ به‌رده‌وام بوون ل سه‌ر بجهكرنا یاسایا چاكسازیێ و دارای و كارگێریێ كۆ ئێكه ژ كارێن ئێكێ یێن حكومه‌تا هه‌رێما كوردستانێ، ب تایبه‌ت كۆ هه‌ر ل ده‌ستپیكا ده‌ستبكار بوونێ مه ته‌ئكید ل سه‌ر سیاسه‌تا زێده‌كرنا ژیده‌رین ئابووری یێن هه‌رێما كوردستانێ كریه نه بتنێ پشت به‌ستنێ ب ئێك ژیده‌ریا داهاتی بكه‌ین، ئه‌و ره‌وشا نوكه مه رژدتر دكه‌ت كۆ ل سه‌ر چاكسازیێ به‌رده‌وام بین.
نه‌وروزا وه پیرۆز بیت و هیڤیدارم كوردستان ژی بهێز و ئاڤه‌دانتر بیت
مه‌سرور بازرانی
سه‌رۆكی حكومه‌تا هه‌ریما كوردستانێ.
20/3/2020
وه‌زیرێ پلان دانانێ: ب چ شێوه‌یه‌كی ده‌رماله‌یێن فه‌رمانبه‌ران ناهێنه‌كێمكرن
ئه‌ڤرۆ نیوز:
د. دارا ره‌شید وه‌زیرێ پلان دانانا حكومه‌تا هه‌رێما كوردستانێ د به‌رنامه‌یه‌كێ كه‌نالێ رووداو دا راگه‌هاند حكومه‌تا هه‌رێمێ رێكارێن پێدڤی به‌ری داكه‌تنا بهایێ پترۆلێ و كێم بوونا داهاتی بكار ئیناینه و دانوستاندن ل سه‌ر ئه‌ڤێ چه‌ندێ ل گه‌ل جڤاتا وه‌زیران هاتیه‌كرن.
وه‌زیرێ پلان دانانا حكومه‌تا هه‌رێما كوردستانێ ئه‌و چه‌نده ژی راگه‌هاند حكومه‌تا هه‌رێمێ دێ یاسایا چاكسازیێ بجهـ كه‌ت ژبوی ڤه‌گه‌راندنا داهاتی بۆ خه‌زینه‌یا حكومه‌تێ، ئه‌ڤه ژی برێكا برینا دو موچه‌ی و موچه‌یێ نه یاسایی و كێمكرنا مه‌زاختیان و رێكخستنا كه‌رتێ گشتی.
د. دارا ره‌شید ئه‌و چه‌نده ژی گۆت: ب چ شێوه‌یه‌كی حكومه‌تا هه‌رێمێ ده‌ست ب پاشه‌كه‌وتێ موچه‌ی ناكه‌ته‌ڤه ب چ شێوه‌یه‌كی ده‌رماله‌یێن فه‌رمانبه‌ران كێم ناكه‌ت و بۆ ئه‌ڤێ چه‌ندێ بلا فه‌رمانبه‌ر پشت راست بن.
سه‌رۆكێ فه‌ره‌نسا 5 ملیار یورویا بۆ ڤه‌دیتنا ڤاكسینا كورونایی ته‌رخان دكه‌ت
ئه‌ڤرۆ نیوز:
سه‌رۆكێ فه‌ره‌نسا 5 ملیار یورو بۆ ڤه‌كۆلینكرنێ تایبه‌ت ب ڤه‌دیتنا چاره‌سه‌ریا ڤایرۆسێ كرونایێ ته‌رخانكرن.
ئیمانوێل ماكرۆن سه‌رۆكێ فه‌ره‌نسا راگه‌هاند قه‌یرانا كورونایێ پێدڤی ب ڤه‌كۆلینێن زانیستی یه، له‌ورا 5 ملیار یورویان دێ ته‌رخان كه‌ین بۆ ڤه‌كۆلینكرنێن تایبه‌ت بۆ ڤه‌دیتنا چاره‌سه‌ریا ڤایرۆسێ كورونایێ.
لگۆری ئاماران: تانوكه 11 هه‌زار و 10 كه‌س ل فه‌ره‌نسا توشی ڤایرۆسێ كورونایێ بوون، 295 كه‌س ساخ بووینه و 372 كه‌س ژی ب ڤایرۆسی مرینه.
نيشاندان
WP Facebook Auto Publish Powered By : XYZScripts.com