ئەڤرۆ نیوز:
ئەڤرۆ سێشەمبی 17.3.2020 وەزارەتا ساخلەمیا عیراقێ راگەهاند، پشتی ئەنجامدانا پشکنینێ بۆ هژمارەکا گۆمانلێکریان هاتیە کرن، دەرکەفتیە کو ٢١ کەس ژ وان توشی کۆرۆنایێ بووینە.
٢١ حالەتێن دی یێن کۆرۆنایێ ل عیراقێ هاتنە راگەهاندن
نووترين نووچه
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
سهرهكى Twitter
ئولومپیادێن توكیو دێ ل ده‌مێ خوه هێنه كرن
ئه‌ڤرۆ نیوز، زنار:
سه‌رۆك وه‌زیرێن ژاپونێ شینزو ئابى دیاركر ژڤانێ كرنا یاریێن ئولومپیادێن توكیو 2020 دێ ل هاڤینا ئه‌ڤ ساله هێنه كرن و چو ده‌نگویێن پاشخستنا وێ نینن ژ ئه‌گه‌رێ ڤایروسێ كورونا.
باژێرێ توكیو پایته‌ختێ ژاپونێ بریاره مێڤانداریا ئولومپیادێن هاڤینێ بكه‌ت ژ 24 هه‌یڤا تیرمه‌ها ئه‌ڤ ساله هه‌تا نه‌هى ته‌باخێ 2020.
لێ ژ ئه‌گه‌رێ به‌لاڤبونا ڤایروسێ كورونا ل هه‌موو جیهانێ و كارتێكرنا وێ یا ئێكسه‌ر ل سه‌ر ژیانا وه‌رزشى هوسا دهێته پێشبینى كرن وه‌لاتێ ژاپونێ دێ داخوازا پاشخستنا ئولومپیادا كه‌ت لێ به‌رۆڤاژى بوچونان سه‌رۆك وه‌زیرێن وى وه‌لاتى بۆ رۆژنامه‌یا ده‌یلى مێل یا برێتانى ئاشكرا كر دێ شێن سه‌ركه‌فتنێ ل سه‌ر ڤى ڤایروسى ئینن و دێ یاریێن ئولومپیادێن هاڤینێ هێنه كرن ل ده‌مێ خوه یێ ده‌ستنیشان كرى وه‌ك پلان بۆ هاتیه دراشتن و دێ ڤێ چه‌ندێ ژى دگه‌ل لایه‌نێن نێڤده‌وله‌تى یێن ئولومپى گه‌نگه‌شه كه‌ین.
هه‌ژى گۆتنێ یه وه‌لاتێ ژاپونێ هه‌تا نوكه 1535 كه‌س تووشى ڤایروسێ كورونا بوویه و ژ وانا 35 كه‌س مرینه.
ئه‌مریكا دێ چه‌ند بنگه‌هێن سه‌ربازی راده‌ستی هێزێن عیراقێ كه‌ت
ئه‌ڤرۆ نیوز:
هێزێن ئه‌مریكا ل چه‌ند هه‌فتیێن بهێت سێ بنگه‌هێن سه‌ربازی ل عیراقێ راده‌ستی هێزێن عیراقی كه‌ت.
به‌رپرسێن سه‌ربازی یێن ئه‌مریكا راگه‌هاندن ل چه‌ند هه‌فته‌یێن بهێت هێزێن وان ل عیراقێ دێ ژ سێ بنگه‌هێن سه‌ربازی ڤه‌كێشن و ل بنگه‌هێن سه‌ره‌كی هێنه كۆمكرن.
ئه‌مریكا پێنج هزار و 200 سه‌رباز ل عیراقێ نه و هه‌شت بنگه‌هێن سه‌ربازی ل بن كۆنترولا هێزێن وێ دانه.
سالا 2014 هێزێن ئه‌مریكا ل سه‌ر داخوازیا حكومه‌تا عیراقێ هاتن، ئه‌ركێ وان مه‌شق و راهێنانێن سه‌ربازی بۆ ب هیزێن عیراقێ.
عەدنان زەرفی بۆ پێکئینانا کابینا نوو یا حوکمەتێ هاتە راسپاردن
ئەڤرۆ نیوز:
بەرهەم سالحی، سەرۆک کۆمارێ عێراقێ، عەدنان زەرفی بۆ پێکئینانا کابینا نوو یا حکومەتێ راسپارد.
عەدنان عەبد خزەیر عەباس مەتر زەرفی
ل سالا 1966 ل نەجەف ژ دایکبوویە
ل 1983 پەیوەندی ب حیزبا دەعوە یا ئیسلامی کریە،
بەکالۆریۆس ل کۆلیژا فقه ل زانکۆیا کوفە تەمام کریە
ماستەر ل زانکۆیا کوفە، پارێزگارێ نەجەف 2004-2005 بوویە
ئەندامێ جڤاتا پارێزگەها نەجەف 2006 بوویە،
بریکارێ یاریدەر بوویە بۆ کاروبارێن هەوالگیریێ ل وەزارەتا نافخۆ 2006-2009
پارێزگارێ نەجەف 2009-2015
ئەمیندارێ گشتی یێ بزافا وەفا یا عێراقی
سەرۆکێ هەڤپەیمانیا نەسرە ل پەرلەمانێ عێراقێ.
بنگه‌هه‌كێ دی یێ سه‌ربازێن ئه‌مریكا ل عیراقێ بۆ ئارمانجا موشه‌كان
ئه‌ڤرۆ نیوز:
بنگه‌هێ سه‌ربازی یێ بسمایه ریب ری هێرشه‌كا موشه‌كان بوو و تانوكه زیانێن ئه‌وێ موشه‌ك بارانكرنێ نه‌هاتینه زانین.
میدیایێن عیراقی به‌لاڤكرینه، هێرش ب رێكا موشه‌كان بوویه بۆ سه‌ر بنگه‌هێ سه‌ربازی یێ بسمایه و ئارمانج ژ وێ هێرشێ كۆ هێزێن ئه‌مریكا ئه‌وی بنگه‌هی بكار دئینن.
ئه‌مریكا هه‌شت بنگه‌هین سه‌ربازی ل عیراقێ هه‌نه ل ده‌مێ بوری دو جارا هێرش بۆ سه‌ر بنگه‌هی سه‌ربازی یێ تاجی هاته‌كرن، كۆ هێزێن ئه‌مریكا ئه‌وی بنگه‌هی بكار دئینن.
روسیا داخازا هه‌لگرتنا سزایان ل سه‌ر ئیرانێ دكه‌ت
ئه‌ڤرۆ نیوز:
روسیا داخازێ ژ ئه‌مریكا دكه‌ت لبه‌رچاڤگرتنا ره‌وشا نوكه‌یا جیهانێ و نالاندنا حكومه‌تا تارانی ب ده‌ست كوڤید 19، سزایێن سه‌پاندی ل سه‌ر بهێنه هه‌لاویستن.
وه‌زاره‌تا ده‌رڤه‌یا روسیا د به‌یاننامه‌یه‌كێ دا كۆ ئاراسته‌یی واشنتونێ كریه و داخازا هه‌لگرتنا سزایێن سه‌ر تارانێ دكه‌ت، سزایان رێگریه‌كا مه‌زنه بۆ ئیرانێ هه‌مبه‌ر به‌رهنگاربوونا ڤایرۆسێ كورونایێ دروست كریه.
وه‌زاره‌تا ده‌رڤه‌یا روسیا دیاركریه ئه‌گه‌رێ زۆر بوونا توشبوون و مرنا وه‌لاتیێن ئیرانێ ب ڤایرۆسێ كورونایێ یه، بتنێ نه نه‌خوشی یه به‌لكۆ ئه‌و ئاسته‌نگن یێن ئه‌مریكا ل هه‌مبه‌ر ئیرانێ دروستكرین و ل ده‌ست پیگه‌هشتنا وێ ب هه‌ڤكاریێن جیهانێ.
وه‌زاره‌تا ده‌رڤه‌یا روسیا ئیدانه‌یا ئه‌وێ چه‌ندێ دكه‌ت كۆ واشنتون رێگره ژ گه‌هاندنا هه‌ڤكاریێن ساخله‌میێ، ملیۆن ئیرانی هاتینه بێ به‌شكرن ژ پێگه‌هاندنا پێدڤیێن نوژداری بۆ وان، هه‌ر چه‌نده واشنتون بزاڤا شه‌رعیه‌تدان ب وێ دژمنكاریا هه‌مبه‌ر ئیرانێ دژوار كریه، هێشتا رێكارێن نه‌مرۆڤاتیێ جهێ دلته‌نگیێ یه دناڤا جڤاكا نێڤ ده‌وله‌تی دا.
حكومه‌تا روسیا هه‌لگرتنا پشكه‌كا سزایان دكه‌ت و ده‌مێ دژمناتیێ نینه ل گه‌ل تارانێ ئه‌و وه‌لات توشی ڤایرۆسێ كورونا بوویه پێڤه دنالیت و دڤێت رێگری ژ گه‌هاندنا هه‌ڤكاریان نه‌هێته‌كرن.
جی 7 بریارا قه‌ده‌غه‌كرنا هاتنوچونا وه‌لاتیان و ده‌ربازبون ژ توخیبان دا
ئه‌ڤرۆ نیوز:
كۆمبوونا سه‌ركرده‌یێن بلندێن وه‌لاتێن گرۆپێ جی 7 ناڤداره كۆ حه‌فت وه‌لاتێن زلهیزێن پیشه‌سازیێ ل جیهانێ ب رێكا ڤیدیویی كۆنفرانسه‌ك ئه‌نجام دا.
هه‌ر ئێك ژ دونالد تره‌مپ سه‌رۆكێ ئه‌مریكا و جه‌ستن تروید سه‌رۆك وه‌زیری كه‌نه‌دا و بوریس جونسن سه‌رۆك وه‌زیرێ بریتانیا و ئیمانویل ماكرۆن سه‌رۆك كۆمارێ فه‌ره‌نسا و ئه‌نگیلا مێركل راوێژكارا ئه‌لمانیا و جوزیپی مونتێ سه‌رۆك وه‌زیرێ ئیتالیا و شینزو ئابێ سه‌رۆك وه‌زیرێ ژاپونێ د ڤیدیویا كۆنفرانسی دا بریار دان، بۆ ده‌مێ 30 رۆژان هاتنوچونا وه‌لاتیان و ده‌ربازبون ژ توخیبان بهێته قه‌ده‌غه‌كرن.
بریار ته‌ڤایا توخیبێن وه‌لاتێن ئه‌ورۆپا و توخیبێ شنگن و وه‌لاتێن ده‌رڤه‌ی ئه‌ورۆپا ژی بخوڤه‌دگریت ئه‌ڤرۆ دێ چیته بیاڤێ بجهكرنێ دا.
گرۆپێ جی 7 بریار ژی دا هه‌ماهه‌نگی دناڤبه‌را ئه‌ندامێن ئه‌ڤی گرۆپی دبیاڤێ كه‌رتێ ساخله‌میێ وه‌ك لهه‌ڤگوهارتنا زانیاری و بسپوری و پێدڤێن نوژداری و ڤه‌دیتنا ڤاكسینا كورونایێ بهێته‌كرن.
تره‌مپ: شه‌رێ ل گه‌ل كورونایێ دێ چه‌ند هه‌یڤه‌كان ڤه‌كێشیت
ئه‌ڤرۆ نیوز:
سه‌رۆكێ ئه‌مریكا پێشبینیا خۆ بۆ ده‌مێ دوماهی هاتنا كورونایێ ل وه‌لاتێ خۆ دیاركر.
دونالد تره‌مپ سه‌رۆكێ ئه‌مریكا راگه‌هاند: داخازێ ژ وه‌لاتیێن ئه‌مریكا دكه‌ین، چ خرڤه‌بونێن زێده‌تری 10 كه‌سی نه‌كه‌ن و رێكارێن ساخله‌میێ بكار بینن و خۆ به‌رهه‌ڤ كه‌ن بۆ شه‌ره‌كێ درێژخایه‌ن ل گه‌ل كورونایێ كۆ دبیت چه‌ند هه‌یڤه‌كان ڤه‌كێشیت.
سه‌رۆكێ ئه‌مریكا ئه‌و چه‌نده ژی راگه‌هاند: دێ ل هه‌یڤا 7 یان هه‌یڤا 8 یا ئیسال ڤایرۆسێ كورونایێ ل ئه‌مریكا ژناڤ به‌ین.
ئه‌ڤ گوتنه پشتی ئه‌وێ چه‌ندێ هاتن كۆ چه‌ند زانایه‌كێن ئه‌مریكا ڤاكسیندانه‌ك ل دژی كورونایێ ل سه‌ر ژنه‌كا نوژدار و توشبوویی ب كورونایێ تاقیكرن و هێشتا ئه‌نجامێن وی ده‌رنه‌كه‌تینه.
وەزارەتا چاندنێ: قەدەغەیا هاتنوچوونێ خودانێن کێلگەهێن مریشکان ڤەناگریت
ئەڤرۆ نیوز:
وەزارەتا چاندنێ یا حوکمەتا هەرێما کوردستانێ دیار کر، ژ پێخەمەت بلند نەبوونا بهایێ هێک و مریشکان خودانێن وان دشێن پێدڤیێن خوە د ناڤبەرا قەزا و پارێزگەهان دا ڤەگوهێزن.
بێگەرد تالەبانی، وەزیرا چاندنێ یا حوکمەتا هەرێما کوردستانێ د راگەهاندنەکێ دا بەلاڤکریە، پشتی وان ل گەل وەزیرێ ناڤخوە دەربارەی ڤی بابەتی ئاخفتی، بریارا قەدەغەکرنا هاتنوچوونێ بۆ خودانێن کێلگەهێن مریشکان ڤەناگریت و دێ رێ پێ هێتەدان پێدڤیێن کێلگەهـ و بەرهەمێن خوە د ناڤبەرا ناحیە و قەزا و پارێزگەهان دا ڤەگوهێزن.
هەروەسا گۆتیە، نوکە خودانێن کێلگەهێن مریشکان ژ پارێزگەهان، ئیدارێن سەربەخۆ، قەزایان، دێ هاریکاریێن تەمام بۆ وان هێنەکرن، داکو بشێن بەرهەمێن خوە ڤەگۆهێزن.
وەزیرا چاندنێ گۆتیه ژی، گرنگیا ڤێ بریارێ ئەوە، کو بهایێ هێک و مریشکان ل دەمێ قەدەغەیا هاتنوچوونێ لسەر ملێن وەلاتیێن هەرێمێ گران نەبیت.
ل شێخان چەندین جهـ هاتینە گرتن و سزادان
ئه‌ڤرۆ نیوز، بارزان مزوورى:
سه‌ردار یه‌حیا عەبدولعەزیز، قائیمقامێ قه‌زا شێخان بۆ ئه‌ڤرۆ نیوز گۆت:ئه‌ڤرۆ پشتى نیڤرۆ 16/3/2020 كۆمبوونا شه‌شێ یا ژوورا ئوپراسیونێ یا روو ب رووبوونا ڤایرۆسێ كورونا ل قه‌زا شێخان ب پشکداریا رێڤه‌به‌رێن ناحیا و ئاسایش و پولیس و ساخله‌مى و رێڤه‌به‌رێن قه‌زا شێخان هات ئه‌نجامدان، د وێ كومبوونێ دا چه‌ند بریار هاتن دان ژ وان بریارا داخستنا مه‌یدانكێن فرۆتنا په‌زى و ئه‌و جهێن فرۆتنا كه‌ل و په‌لان ئه‌و جهێن زێده‌تر دبنه قه‌له‌بالغ وه‌لاتى لێ كوم دبن بۆ كرینا كه‌ل و په‌لا دیسان بریار هات دان پیشانگه‌هێن فرۆتنا ترۆمبێلان بهێن داخستن بۆ ماوێ 24 ده‌مژمێرێن بهێت دا، دگه‌ل داخستنا كه‌مپێن ئاواران یێن قه‌زایێ كۆ هاتن و چوون لێ بهێتە قه‌ده‌غه‌كرن ژبه‌ركو زێده‌ترى 60 هزار كه‌سا لێ دژین دا ژیانا وان بهێت پاراستن، دیسان ئه‌و كه‌سێن به‌روڤاژى په‌یامێ دگه‌هینن بۆ دروست كرنا ئالوزیێ دێ بۆ دادگه‌هێ هێنه ره‌وانه‌كرن مه ده‌ستهه‌لات دایه هه‌موو ئیدارێن ناحیان ژى كۆ هه‌ر كه‌سێ رابیت ب گه‌هاندنا په‌یاما نه دروست ب رێكا سوشیال میدیا و تورێن كومه‌لایه‌تى ئه‌و دشێن وان كه‌سا بۆ دادگه‌هێ ره‌وانه‌بكه‌ن و بهێن سزادان،
ناڤهاتى خویاكر، هه‌تا نوکە 127 جهێن بازرگانى ئه‌و جهێن قه‌له‌بالغى لێ دروست دبیت ژلایێ پولیس و ئاسایشێ ڤه هاتینه داخستن ،دگه‌ل سزادانا 11 جها ژبه‌ركۆ سه‌رپێچى كرینه خودانێن وان جهان بۆ دادگه‌هێ هاتینه ره‌وانه‌كرن كۆ بهێنە سزادان.
ناڤهاتى گۆت: داخاز ژ وه‌لاتیان دكه‌ین زێده‌تر هاریكاربن ل گه‌ل مه دا بشێین ژیانا وان پارێزین ژ ڤایرۆسێ كورونایێ .
نيشاندان
WP Facebook Auto Publish Powered By : XYZScripts.com