ئەڤرۆ نیوز:
حوکمەتا رووسیا ل رۆژا دووشەمبیا بهێت بۆ خۆە پاراستن ژبەلاڤبوونا ڤایرۆسێ کۆرۆنا دێ گەشتێن ئاسمانی ل گەل وەلاتێن ئێکەتیا ئورۆپا سنۆردار کەت.
بەرپرسەکێ ساخلەمیا حکومەتا رووسیا راگەهاند، رێنمایی هاتینە دەرکرن بۆ دلنیابوون ژ پاراستنا ئاسایشا ساخلەمیێ و ساخلەمیا وەلاتیان و رێگریکرن ژ بەلاڤبوونا ڤایرۆسێ کۆرۆنا.
ئەڤرۆ نیوز:
وەزارەتا ساخلەمیا عیراقێ راگەهاند، ئەڤرۆ 10 تووشبوویێن دیتر ب کۆرۆنا یێ هاتینە تۆمار کرن، کو ئێک ژ وان ل نەجەفە و ئەڤرۆ گیانێ خوە ژ دەستدایە.
هەروەسا گۆتیە، ل بەغدا ب گشتی پێنج تووشبوو هاتینە تۆمارکرن، کو سێ ژ وان ل رەسافە نە، ئێک ژی ل شارێ نۆشداری و ئێک ژی ل کەرخە، هەروەسا ئەوێن دیتر ل کەربەلا نە، ئێک ل بابلە و دو یێن دیتر ژی ل واستن.
ئەڤرۆ نیوز، زنار:
راپورتێن روژنامەڤانی دیارکر د زیندانەکێ دا ل وەلاتێ پارگوای شەرە لسەر ستێرا بەرێ یێ بەرازیلی رونالدینهوی داکو دگەل وان دا پشکداریێ د قارەمانیا تەپا پێ یا زیندانیان بکەت.
تورا سکای میتالیست یا پاراگوای ئەڤ پەیامە ڤەگوهاستیە و دیارکریە رونالدینهو نوکە د زیندانێن دایە ل وەلاتێ پاراگوای ب تومەتا هەلگرتنا پاسپورتا سەختە دەمێ قەستا وی وەلاتی کری و نوکە ب بریارا دادگەهێ یێ راگرتیە د زیندانێ دا لێ پشتی چویە د زیندانێ دا کێشە لدووڤ خوە را پەیداکرینە ناڤبەرا زیندانیان و هەموو دخوازن رونالدینهو ستێرا بەرێ یانا بەرشەلونا یا ئسپانی و هەلبژارتیێ بەرازیل دگەل تیمێن وان پشکداریێ د قارەمانیا تەپا پێ یا زیندانیان دا بکەت.
ئەڤرۆ نیوز:
سەرۆکێ رێکخراوا ساخلەمیا جیهانى راگەهاند، نوکە ئورۆپا ژێدەرێ بەلاڤبوونا ڤایرۆسێ کۆرۆنا یە و ب دژواری و ب تایبەتى ژی وەلاتێ ئیتالیا ڤەگرتیە.
تێدرۆس ئەدهانوم سەرۆکێ رێکخراوا ساخلەمیا جیهانی د کونفرانسەکێ رۆژنامەڤانی دا راگەهاند، نوکە حالەتێن توشبوون ب ڤایرۆسێ کۆرۆنا رۆژانە ل ئورۆپا بەرەف زێدەبوونێ یە وەکی بەرى نوکە ل چینێ هەی.
دیار کر ژی، پێدڤیە هەموو وەلات پشکنینا وەلاتیان و لدووڤ هەلگرێن تووشبوویان بکەن و وەلاتیان گەرەنتین بکەن و رێکاران باش بگرنە بەر، چونکی هەتا نوکە پێنج هزار کەسان گیانێ خوە ژ دەستدایە.
هەروەسا گوت ژی، هەر وەلاتەکێ تەماشەی وەلاتێن توشبووین بکەت و وەسا هزر بکەت ژ ئالیێ وان ڤە روونادەت، ئەو شاشیەکا کوژەک دکەن.
سەرۆکێ رێکخراوا جیهانى داخواز ژ هەموو وەلاتیێن جیهانێ کر، کو تێکەلیێ و پێکڤەبوونی کێم بکەن، هەتاکو سیستەمێ ساخلەمیا وەلاتان بشێن کونترۆلێ ل سەر بەلاڤبوونا ڤی ڤایرۆسی بکەن.
ئەڤرۆ نیوز:
وەزارەتا ساخلەمیا عیراقێ راگەهاند، ب مەبەستا بەرهنگاربوون و رێگریکرنێ ژ بەلاڤبوونا ڤایرۆسێ کۆرۆنا، هاتنوچوون دێ داڤبەرا سەرجەم پارێزگەهێن عیراقێ ژ 15 ئادارێ هەتا 25 هەمان هەیڤ هێتە راگرتن.
لدووڤ راگەهاندنەکا وەزارەتا ساخلەمیا عیراقێ، ژ رۆژا ئێکشەمبی 15 ئادارێ دێ قەدەغەیا هاتنوچوونێ دناڤبەرا پارێزەهان چیتە وارێ جێبەجێکرنێ و بۆ ماوێ 10 رۆژان دێ یا بەردەوام بیت، دێ هەتا 25 ڤێ هەیڤێ بیت.
هەروەسا سەرەدانێن ئایینی هاتینە قەدەغەکرن، ئەو وەلاتیێن نە عێراقی نەشێن بهێنە سەر ئاخا عیراقێ، خوارنگەهـ ژی دشێن ب بەشێوێ گەهاندنێ خوارنێ بدەنە وەلاتیان.
هەروەسا گۆتیە، دێ رێک ب هاتنوچوونا تایبەت بۆ کارێن بازرگانی و دۆخێن نەخواستی هێتە دان.
ئەڤرۆ نیوز:
ئەڤرۆ ئەینیێ 13.3.2020 وەزارەتا ساخلەمیا تورکیا راگەهاند، هژمارا توشبوویێن کۆرۆنا یێ ل تورکیا گەهشتیە پێنج کەسان.
فه‌خره‌دین كۆجا وەزیرێ ساخلەمیا تورکیا گۆتیه ژی، پێشتر قەدەغەیا گشتی یا ئەسمانی ب سەر سێ وەلاتان دا هاتبوو سەپاندن، لێ د نوکە دا قەدەغەکرن ب سەر نەهـ وەلاتێن دیتر دا دهێتە سەپاندن.
ئەڤرۆ نیوز:
مالپەرێ (دی دەبلیو) د بابەتەکێ ساخلەمیێ دا نڤێسیە، نەخۆش دشێت بێ دەرمان باش ببیت، ھەرچەندە کۆرۆنا نەخوشیەکا مەترسیدارە، ژبەر درەنگ دەرکەفتنا نیشانێن وێ، لێ پرانیا نەخۆشان چێبووینە.
ژ 80% یا توشبوویێن ڤایرۆسێ کۆرۆنا بێ وەرگرتنا دەرمانان چێبووینە، رێژا مرنێ ژی ژ ۱٪ بۆ 5 بوویە، پرانیا وان کەسێن رزگاربووین ژ نەخوشیێ نیشانێن وان سڤکتر بووینە، وەکو شێوی نەخوشیا پەرسیڤ و سەرما یێ بوویە، نیشانێن وێ تا رادەکێ ژ ھەڤدو نێزیکن.
ژ نیشانێن ڤی ڤایرۆسی، تا، کۆخکا ھشک و دژوار، بھێن تەنگی، دەرمانێ تایبەت ب کۆرۆنا یێ نینە ھەتا کو بۆ نەخۆشان بھێتە کارئینان.
ب ڤان رێیان دێ مرۆڤ خوە پارێزیت و بێ دەرمان:
. وەرگرتنا بھێنڤەدانێ بۆ دەمەکێ درێژ .
. ڤەخوارنا ئاڤێ و شلەمەنیان ب رادەکێ زێدە.
. بکارئینانا دەرمانێن نەھێلانا ئێشانێ.
. نەخوارنا دەرمانێن ئەنتی بایۆتیک.
ڤی ڤایرۆسی کێمتر باندۆر ل سەر ساخلەمیا زارۆیان ھەیە، زێدەتر بۆ کەسێن ب تەمەن یێ مەترسیدارە ژبەرکو وان ئاریشێن ھەناسەدانێ ھەنە.
ئەگەر تۆ توشبووی و چێبووی، ئەرێ دێ دووبارە توشبی؟
ب دیتنا نۆشداران ئەڤ چەندە ب رادەکێ یا کێمە، نموونە ژی بۆ وێ ژنا ژاپۆنی، پشتی چێبوونێ دووبارە تووشی ڤایرۆسی بوویە ڤە.
ئەڤرۆ نیوز، مەحمود نهێلی:
ب بەرهەڤبوونا هژمارەکا بەرپرسێن حزبی و حکومی، هولا دادوەر عزەت تەوفیق یا تازیا ل دێرەلۆکێ هاتە ڤەکرن.
سامی ئوشانە رێڤەبەرێ ناحیا دێرەلۆک بو ئەڤرۆ نیوز دیار کر، کو ئەڤ هولە ژلایێ خێرخازەکی ڤە هاتیە چێکرن و گۆت : ئەڤرۆ ۱۳/۳/۲۰۲۰ کو یا هەلکەفتە ل گەل وەغەرکرنا خودێ ژێ رازی دادوەر عزەت تەوفیق ئەڤ هولە ژلایێ داواکارا گشتی خانم جوان محەمەد سەلیم خێزانا خودێ ژێ رازی هاتەڤەکرن.
ناڤهاتی دیار ژی کر، کو ئەڤ هولە ل سەر رووبەرێ ٤۰۰ میترێن دووجاری ژلایێ خێرخواز خێزانا دادوەر عزەت ڤە هاتیە چێکرن و پشتی ب دووماهیک هاتنا مەترسیا کورونایێ ل دەڤەرێ دێ تایبەت بو بەهیێن ژنان کەڤیتە کاری.
ناڤهاتی دیار ژی کر، کو دادوەر عزەت تەوفیق سەروکێ دەستەیا دەسپاکیێ یا ئێکەتیا عیراقێ بوو و ل سالا چووی وەکوو ئەڤرۆ دروودانەکا هاتن و چونێ دا گیانێ خوە ژ دەسەت دا بوو ، هیڤی خواستن کو جهێ ناڤهاتی ب هەشتا بەرین بیت و میناکێن وەکو خێزانا وی دناڤ مللەتێ مە دا زۆر بن و خودێ خێرا هەموو خێرخوازەکی بنڤیسیت.
نيشاندان