ئه‌ڤرۆ نیوز:

ئه‌میندارێ گشتی یێ نه‌ته‌وه‌یێن ئێكگرتی راگه‌هاند: به‌رده‌وامیا شه‌رۆ په‌ڤچوونان ژبلی خراپی و سه‌رگه‌ردانیا وه‌لاتیێن مه‌ده‌نی چ ئه‌نجامه‌كێ دی ژێ نه‌هاتیه‌ دیتن، نوكه‌ ده‌مێ ئه‌وێ چه‌ندێ هاتیه‌  ده‌لیڤه‌یه‌كا دیپلوماسی بۆ چاره‌كرنا قه‌یرانا ئه‌وی وه‌لاتی دروست و كاری بۆ بكه‌ین.

ئه‌نتونیو گوتێرێس ئه‌میندارێ گشتی یێ نه‌ته‌وه‌یێن ئێكگرتی راگه‌هاند: شه‌رێ سوریایێ ئه‌ڤه‌ ده‌ه سالان ڤه‌كێشا، ب به‌رده‌وامیا شه‌ری و كوشتنێ ژبلی خراپی و سه‌رگه‌ردانیا وه‌لاتیێن مه‌ده‌نی چ ئه‌نجامه‌كێ دی ژێ نه‌هاتیه‌ دیتن، چ چاره‌سه‌رێن سه‌ربازی بۆ قه‌یرانا سوریایێ بده‌ستڤه‌ نه‌هاتن دیتن.

ئه‌نتونیو گوتێرێس ئه‌میندارێ گشتی یێ نه‌ته‌وه‌یێن ئێكگرتی ئه‌و چه‌نده‌ ژی راگه‌هاند: نه‌ته‌وه‌یێن ئێكگرتی ب رێكا ئاسمانی شیاینه‌ هه‌ڤكاریێن نوژداری بگه‌هینه‌ ئاوارێن رۆژئاڤایێ، به‌لێ ب رێكا زه‌مینی چ كاروان نین تاكو هه‌ڤكاریێن ساخله‌می بگه‌هینه‌ ئاواران.

ئه‌ڤرۆ نیوز:

سه‌رۆكێ ئه‌مریكا گه‌شتكرنا وه‌لاتیێن ئه‌مریكی بۆ وه‌لاتێن ئه‌ورۆپا قه‌ده‌غه‌كر.

ئه‌ڤرۆ 12/3/2020 دونالد تره‌مپ سه‌رۆكێ ئه‌مریكا راگه‌هاند: قه‌ده‌غه‌كرن ژ رۆژا 13/3/2020 ده‌ست پێ دكه‌ت بۆ ده‌مێ ئیك هه‌یڤێ دێ یا به‌رده‌وام بیت.

ئه‌و بریارا دونالد تره‌مپ كۆ هه‌موو وه‌لاتێن ئه‌ورۆپا ژبلی بریتانیا بخوڤه‌دگریت وه‌ك پێنگاڤه‌كا ئه‌مریكا یه‌ بۆ زێده‌تر خۆ پاراستن ژ به‌لابوونا ڤایرۆسێ كورونایێ یه‌.

تانوكه‌ ل ئه‌مریكا هزار و 329 كه‌س توشی ڤایرۆسێ كورونا بووینه‌ و ژ وان ژی 38 كه‌س پێ مرینه‌.