ئەڤرۆ نیوز:
د. یاد نەقشبەندی پەیڤدارێ رێڤەبەراتیا ساخلەمیا سلێمانیێ راگەهاند کو ساخلەمیا وان ٩ کەسێن کو بەری نها تووشی نەخوشیا کۆرۆنایێ ببوون جێگرە.
ناڤهاتی راگەهاند کو چو مەترسی ل سەر ژیانا وان ٩ کەسان نینە لێ ب باشی دووڤچوونا وان دهێتە کرن و هەر دەمێ ب تەمامی ژ ڤایرۆسێ قورتال بوون دێ ڤەگەرنە ڤە ناڤ کەسوکارێن خوە.
ئه‌ڤرۆ نیۆز، عه‌زیز هه‌ورامی:
حكوومه‌تی هه‌رێمی كوردستان ڕێوشێنه‌كانی ڕێگاقاچاخچییه‌كانی توندكردووه بۆ ئه‌وه‌ی هیچ كاڵایه‌كی قاچاخ نه‌هێندرێته هه‌رێمی كوردستان له ڕوی ئێرانه‌وه،ئاسایشی شاره‌زوور له پارێزگای هه‌ڵه‌بجه له ڕونكردنه‌وه‌یه‌كدا ده‌ست به‌سه‌رداگرتنی ئاژه‌ڵ و ده‌رمانی زه‌راعی قاچاخ ڕاگه‌یاند.
له ڕونكردنه‌وه‌یكدا ئاسایشی شاره‌زوور بڵاوی كردووه‌ته‌وه كۆپێكی بۆ ئه‌ڤرۆ نیۆز نێردراوه تێداهاتووه، بۆ پاراستنی سنوره‌كان و ڕوبه‌ڕوبونه‌وه‌ی هه‌ر ئه‌گه‌رێك كه مه‌ترسی بڵاو بونه‌وه‌ی په‌تایی كۆرۆنایی لێبكه‌وێته‌وه یان دزه كردنی هه‌ر هاوڵاتیه‌ك كه بیه‌وێت به‌قاچاخ یان كه‌ل و په‌لی قاچاخ به‌ده‌ر له ڕینمایه ته‌ندروستیه‌كان بهێنێته ناو هه‌رێمی كوردستان، بۆ ئه‌و مه‌به‌سته له چه‌ند هه‌ڵمه‌تێكی چڕدا هێزه‌كانی ئاسایش، ده‌ست به‌سه‌ر ده‌رمانی زه‌راعی و ته‌ندروستی و ئاژه‌ڵ كه‌ویستراوه به قاچاخ بهێندرێنه ناوخاكی كوردستان له دیوی ئێرانه‌وه.
هه‌روه‌ها به‌ڕێوه‌به‌رایه‌تی گشتی ئاسایشی شاره‌زوور، له ڕونكردنه‌وه‌كه‌یداهاتوه، چوار بار ده‌رمانی ته‌ندروستی كه پێك هاتوون له نۆ جۆر كه هه‌ر جۆره‌ی به‌بڕی جیاوازه، چل و دوو كارتۆن ده‌رمانی زراعی جۆراو جۆر،ده مه‌زاخه‌ی ڕشتنی ده‌رمان ، په‌ننجاو یه‌ك سه‌ر ئاژه‌ڵ له جۆری مه‌ڕ و بزن، ناردنی نزیكه‌ی 140 هاوڵاتی بۆ كه‌ره‌نتینه‌كان كه به ڕێگه‌ی قاچاخ هاتونه‌ته‌وه هه‌رێمی كوردستان.
ئاماژه‌ش به‌وه‌دراوه، به‌فه‌رمانی به‌ریز دادوه‌ری لێكۆڵینه‌وه‌ی ئاسایشی شاره‌زوور دۆسییه‌ی لێكۆلینه‌وه كراوه‌ته‌وه و هێزه‌كانمان به‌رده‌وامن له لێكۆڵینه‌وه.
ئەڤرۆ نیوز:
دهێتە گوتن کو ڤایرۆسێ کۆرۆنا پتر کەسێن دانعەمر ڤەدگریت، لێ ل ولاتێ چینێ کەسەکێ د ژیێ ١٠٠ سالیێ دا، پشتى توشی ڤایرۆسێ کۆرۆنایێ دبیت پشتى ١٣ رۆژان ل ژێر چاڤدێریا نۆشداران دا دمینیت و چێدبیتە ڤە.
ئاژانسێن نووچەیان، چێبوونا وى کەسێ ژیێ ١٠٠ سالیێ دا ل ولاتێ چینێ بەلاڤکر، ئەو کەسە پشتى تووشی ڤایرۆسێ کۆرۆنا دبیت بۆ دەمێ ١٣ رۆژان ل نەخۆشخانا هوبی د مینیت و لدووڤ دا نووچێ چێبوونا وى ب مالپەر و ئاژانسێن نووچەگەهان دا بەلاڤ دبیت و ب تەمەنترین تووشبوویێ کۆرۆنایێ کو چێبوویە ڤە هاتیە هژمارتن.
دیار کریە ژی، ئەو کەسێ چینی سەد سال دەربازکرینە و ژ دایکبوویێ سالا ١٩٢٠ یە، هەڤدەم چەند نەخوشیێن وەکو بلندبوونا فشارا خوینێ و ئەلزەهایمەر و ئاریشێن دلی ژی هەبووینە.
ئەڤرۆ نیوز، مەحمود نهێلی:
ژ بەر نەپێگریکرن ب رێنمایان، لیژنا دووڤچونا بازاری ل دێرەلۆکێ جهێ برین پێچەکی ل دێرەلۆکی گرت و نانپێژیەک ژی ب کوژمەکێ پارەی سزادا.
سامی ئوشانە رێڤەبەرێ ناحیا دێرەلۆک بو ئەڤرۆ نیوز دیارکر، پشتی لیژنا دووڤچونا بازاری ل دێرەلۆکی سەرا چەند جهێن ساخلەمیێ و ناپێژی و کافیێن سنورێ ناحیا دێرەلۆک دای جهی برین پێچەکی دایخستن و نانپێژیەک ژی ب کوژمەکی پارەی سزادا و گۆت : ڤی برین پێچی ل دووڤ رێنمایانیێن ساخلەمیێ کارنەدکر و مولەتا وی ژی ب سەر ڤە چوبوو ژ بەر وێ یەکی ژی بریارا گرتنێ بۆ وی هاتە دەرکرن و هاتە دایخستن.
ناڤهاتی تەکەز ژی کر، هەتا کو هەموو رێنمایان ب جهنەئینیت و مولەتا خوە نە دروست کەت، ئەڤ جهە دێ ب داخستی مینت. و دیار ژی کر، هەر جهەکی ل دووڤ رێنمایێن ساخلەمیێ کار نەکەت دێ ب توندی هێتە سزادان.
ئەڤرۆ نیۆز، قائید میرۆ:
پشتی کو پەرلەمانێ عێراقێ بڕیارا ھەلوەشاندنا ئەنجوومەنێن پارێزگەھان دەرکری بڕیارە ئەڤرۆ دادگەھا بلندا فیدڕالی بڕیارا دوماھیێ لدۆر ئەنجوومەنێن پارێزگەھێن عێراقێ بدەت.
خالیدە خەلیل، پەرلەمانتارا فڕاکسیۆنا پارتی لپەرلەمانێ عێراقێ بۆ ئەڤرۆ نیۆز دیارکر ” راستە بەری نوکە پەرلەمانێ عێراقێ بڕیاردایە کارێن ئەنجوومەنێن پارێزگەھان بھێنە راگرتن ل عێراقێ، بەلێ نوکە ئەو پرس ل دادگەھا فیدڕالە و بڕیارە ئەڤرۆ دادگەھا بلندا فیدڕالی ئێکلا بکەت و دێ بڕیارا خوە بدەت.
پەرلەمانتارا کورد گۆتژی” گورەی مادێ ٩٤ یێ دستوورێ عێراقێ ھەر بڕیارەکا ژلایێ دادگەھا فیدڕال بھێتە دەرکرن دێ ھێتە بجە ئینان، واتە ئەگەر بھێت و دادگەھا فیدڕال بڕیارێ بدەت ئەنجوومەنێن پارێزگەھان بمینن دێ بەردەوامبن لسەر ئەرکێ خوە ل عێراقێ.
خالیدە خەلیل ئاماژەکر” بدیتنامە ھەبوونا ئەنجوومەنێن پارێزگەھان پێدڤینە بۆ عێراقێ بتایبەتی بۆ ھندەک پارێزگەھێن وەکی نەینەوا، چونکە ھاریکاربووینە بۆ رێڤەبرنا کارێن حوکمەتێ.
ئه‌ڤرۆ نیوز:
وه‌زاره‌تا كاره‌با حكومه‌تا هه‌رێما كوردستانێ د راگه‌هاندنه‌كێ دا كۆ ئاماژه ب وێ چه‌ندێ هاتیه‌كرن ل بن چاڤدێریا سه‌رۆكێ حكومه‌تا هه‌ریما كوردستانێ به‌رێ بنیاتی بۆ دو پرۆژه‌یێن به‌رهه‌مئینان و ڤه‌گۆهاستنا كاره‌بێ هێنه‌دانان.
ئه‌ڤرۆ وه‌زاره‌تا كاره‌بێ د راگه‌هاندنه‌كێ دا د په‌یجێ فه‌رمیێ خۆدا ل تورا جڤاكی فیسبوكی به‌لاڤكریه، رۆژا سێ شه‌مبێ ل بن چاڤدێریا مه‌سرور بارزانی سه‌رۆكێ حكومه‌تا هه‌رێما كوردستانێ به‌رێ بنیاتی بۆ دو پرۆژه‌یێن بیاڤێ به‌رهه‌مئینان و ڤه‌گۆهاستنا كاره‌بی دا هێنه‌دانان، ده‌ستپێكێ، ئیسگه‌هێ 132 كه‌یڤی یێ سوران ل سه‌ر ریكا سوران ره‌واندز یێ دوێ به‌رێ بنیاتی بۆ پرۆژه‌یێ هێلا 132 كه‌یڤی و گوهورینا تێلێن ناڤبه‌را شه‌قلاوا و سوران و به‌رفه‌رهكرنا ئیسگه‌هێ سوران ب بهایێ شه‌ش ملیۆن و 700 هه‌زار و 50 دۆلاران هێته بجهكرن.
هه‌ر د رۆژا سێ شه‌مبی دا به‌ری بنیاتی بۆ پرۆژه‌یێ وه‌به‌رهێنانێ بۆ به‌رهه‌مئینانا 100 مێگاواتین كاره‌بێ ژ ئاڤێ(HIDRO +) ب شیوه‌یێ وه‌به‌رهێنان ژلایێ هه‌ردو كۆمپانیین ئاریان ئینده‌ستریت – ئوسترالی و strog oil ب بهایێ 250ه ملیۆن دۆلاران هێته بجهكرن.
ئه‌ڤرۆ نیوز:
وه‌زاره‌تا ناڤخویا حكومه‌تا هه‌رێما كوردستانێ د نفیساره‌كێ دا كۆ ئاراسته‌ی پارێزگه‌هان و ئیداره‌یا گه‌رمیان و راپه‌رین كریه كو داخازا كارێن پێدڤی بهێنه ئه‌نجام دان ژبوی راوه‌ستاندنا هاتنو چونا ئاواره و په‌نابه‌رێن ل هه‌رێما كوردستانێ بۆ ده‌رڤه‌ی هه‌رێمێ ڤه‌گه‌ریانا وان.
دنفیسارا وه‌زاره‌تا نافخویا حكومه‌تا هه‌رێما كوردستانێ كۆ ب ژماره 35 یا 8/3/2020 ده‌ركه‌تیه و تێدا هاتیه كاری پێدڤی بهێته ئه‌نجامدان ژبوی راوه‌ستاندنا هاتنوچونا ئاواره و په‌نابه‌رێن ده‌رڤه و ناڤخویا كه‌مپان بۆ ده‌رڤه‌ی توخیبێ هه‌رێما كوردستانێ و هاتنا وان بۆ هه‌رێمێ بجهكرنا ته‌ڤایا رێكارین خۆ پاراستنێ ل سه‌ر وان كه‌سان.
لگۆری نفیسارێ مه‌به‌ست ژ بریارێ خۆپارێزی ژ به‌لاڤبوونا ڤایرۆسێ كورونایێ و پشتگیریكرن دپێخه‌مه‌تا پاراستن و سلامه‌تی و ساخله‌میا ئاواره و په‌نابه‌رانه و وه‌لاتێن هه‌رێما كوردستانێ یه.
دنفیسارێ دا ئاماژه ب وێ چه‌ندێ هاتیه دان كۆ ئه‌ڤ فه‌رمانه بهێته بجهكرن و هه‌تا كۆ ب شیوه‌یه‌كێ فه‌رمی هه‌وه ئاگه‌هدار دكه‌ین.
ئەڤرۆ نیوز، عەلی حاجی :
نوونەرێ قایمقامیا زاخۆ د داخویانیەکێ دا بۆ ئەڤرۆ نیوز دیار کر هەموو جهێن ( گوشت فروشا،نانپێژ،سەرتراشێن زەلام و ئاڤرەتان،چایخانە)هاتینە ئاگەهدار کرن ل زاخۆ هەر دەمێ پێگیر نەبن ب رێنمایان دێ ئێکسەر هێنە داخستن.
زێدەتر وەلات هەجەر گوت : ئەڤ چەندە ل دووڤ فەرمانا قایمقامێ زاخۆ بوتان محسن ب پشکداریا ئاسایش و پولیسێن زاخۆ و لژنا دووڤچوونا قایمقامیا زاخۆ و لژنا چاڤدێریا بازرگانی و ساخلەمیا زاخۆ هەمی جهێن ( چایخانە و گوشت فروشان و نانپێژ و سەرتراشێن ئافرەت و زەلامان ) هاتینە ئاگەهدار کرن و رێنما ل سەر وان هاتینە بەلاڤ کرن کو پێدڤی یە هەموو جهـ دەستگورکان و کەمامان ب کار بینن، سوباهی دوشەمبی ژی هەموو پێگیر نەبن ب وان رێنمایێن ب وان جهان هاتینە دان دێ ئێکسەر هێنە داخستن و پێدڤی یە ل سەر وان هەموو پێگیر بن ب وان رێنمایان و ئارمانجا سەرەکی ژی ئەوە خوە پاراستنا ژ ڤایروسێ کورونا یە.
ئەڤرۆ نیوز:
وه‌زاره‌تا ساخلەمیا هه‌رێما كوردستانێ به‌یاننامه‌کا دیتر دەر‌باره‌ی ڤایرۆسێ كۆرۆنا بەلاڤ كریه و هەبوونا سێ حاله‌تێن دیتر ل هه‌رێما كوردستانێ راگه‌هاند.
ئه‌ڤ شەڤە 8 ئادارا 2020، وه‌زاره‌تا ساخلەمیا حوکمه‌تا هه‌رێما كوردستانێ راگه‌هاند، هژمارا وان وەلاتیێن ل 31 جهێن جۆدا نوکە ل گە‌ره‌نتیێ نە هزار و 128 وەلاتینە و هزار و 790 وەلاتی ده‌رچووینە.
گۆتیه ژی د دەمێ 24 دەمژمێرێن بوری دا پشكنین بۆ 56 گومانلێكریان هاتیە كرن ل هه‌ولێرێ، 37 گومانلێكری ل سلێمانیێ 18 و ل دهۆكێ ژی ئێك، دناڤا وان دا سێ كه‌س ئه‌نجامیێ پشكنینا وان پۆزه‌تیڤ بوویه و هه‌ڵگرێ ڤایرۆسیێ كۆرۆنا یێ نە، ئێک ژ وان ژنەکە د ژیێ 52 سالیێ دایه و دوهی ژ ئیرانێ هاتیه و ئاکنجیا هه‌ولێرێ یه و خوشکا تووشبوویێ دوهی یە، و دوو تووشبوویێن دیتر زەلامن و ئێک به‌ركه‌فتیێ وی مه‌لای بوویە یێ كو گیانێ خوە ژ ده‌ست دای.
ئەڤرۆ نیوز:
رێڤەبەرێ ساخلەمیا سلێمانیێ راگەهاند، کەسەک ژ توشبوویێن کۆرۆنایێ ل سلێمانیێ چێبوویە و د دەمێ چەند دەمژمێر یان رۆژێن داهاتی دا دێ نەخۆشخانێ بجهـ هێلیت.
سەباح هەورامی رێڤەبەرێ ساخلەمیا سلێمانیێ، د پرێس کۆنفرانسەکێ دا دیار کر، ئێک ژ توشبوویان ل نەخۆشخانێ چێبوویە و پشکنینا دویێ بۆ هاتیە ئەنجامدان کو نێگەتیڤ دەرچوویە، د چەند دەمژمێر یان ڕۆژێن داهاتی دا دێ ژ ناخۆشخانێ دەرکەڤیت و چیتە مالا خوە.
نيشاندان