ئەڤرۆ نیوز:
پشتی کو سەرۆکێ رژێما سووریێ راگەهاند ل سووریێ پرسا کوردی خەیالە و چو پرسێن وەسا ل سووریێ نینن هەموو پارت و هێزێن سیاسی یێن کوردی ل سووریێ ب توندی بەرسڤا بەشاری دان.
ئەڤرۆ رێڤەبەریا خوەسەر ژی راگەهاند کو پرسا کوردی پرسا سەرەکی یا سووریێ یە و هەتا رژێما سووریێ پرسا کوردی قەبوول نەکەت و کار بۆ چارەسەرکرنا وێ نەهێتە کرن قەیرانا سووریێ ژی ناهێتە چارەسەرکرن و دێ رەوشا ئالۆز یا سووریێ بەردەوام بیت.
ئه‌ڤرۆ نیوز، زنار:
رۆژناما ماركا ئسپانى ئاشكرا كر كو ستێرا به‌رێ یا یانا ریال مه‌درید و نوكه یێ یانا یوڤانتوس یا ئیتالى په‌یوه‌ندى ب سه‌رۆكێ یانا مه‌له‌كى فلرونتینو پێرێز كریه و ئاگه‌هداریا وى كریه كو ئه‌و دێ ل یاریا كلاسیكویێ ئاماده بیت.
هه‌مان ژێده‌ر ئاشكرا كر ژ ئه‌گه‌رێ پاشخستنا یاریێن خولا ئیتالیا كرستیانو رونالدو به‌ر ب مه‌درید یا پایته‌ختێ ئسپانیا ڤه هاتبوو و بریاردابوو ل یاریا كلاسیكو ناڤبه‌را هه‌ردو یانێن ریال مه‌درید و به‌رشه‌لونا به‌رهه‌ڤ بیت و بۆ ڤێ مه‌ره‌مێ په‌یوه‌ندى ب سه‌روكێ یانا ریال مه‌درید كربوو كو دێ ئاماده بیت له‌ورا سه‌رۆكێ یانا مه‌له‌كى فلرونتینو پێرێز ب دلخوشى ڤه جهه‌كێ تایبهت د كابینه‌یا گرتى دا بۆ ئاماده كربوو تێدا به‌رهه‌ڤ بیت بۆ دیتنا یاریا كلاسیكویێ، ژ به‌ركو رونالدو هێشتا یاریزانێ یانا یوڤانتوس یا ئیتالى یه نه‌شیایه ل جهێ تایبهت لده‌ف سه‌ركێ یانێ برینت.
هه‌ژى گۆتنێ یه ئه‌ڤه جارا ئێكێ یه رونالدۆ ئاماده‌ى یاریگه‌ها سانتیاگو برێرنابیو دبیت پشتى ل سالا 2018 ئه‌ڤ یانه بجه هێلاى.
ئه‌ڤرۆ نیوز، زنار:
ئێكه‌تیا ته‌پا پێ یا هه‌رێما كوردستانێ د كومبوونا خوه دا دگه‌ل نوونه‌رێن یانێن پشكدار د هه‌ڤركیێن خولا هه‌رێما كوردستانێ یا فوتسالا كچان دا بۆ یانێن نایاب كومبوو تێدا شێواز و ژڤانێ ده‌سپێكرنا هه‌ڤركیێن خولا فوتسالا كچان ده‌ستنیشان كر.
د ڤێ كومبوونێ دا دگه‌ل یانێن پشكدار كو حه‌فت یانه دێ پشكداریێ كه‌ن رۆژا 27 ڤێ هه‌یڤا ئادارێ ده‌ستنیشان كر بۆ ده‌سپێكرنا هه‌ڤركیێن خولێ ب شێوازێ ئێك قوناغ و هه‌ر چار یانێن ئێكێ دێ ده‌ربازى چارگوشا زێرین بن.
یاریێن ده‌سپێكا خولێ دێ ب ڤى شێوه‌ى بن:
چۆمان vs زێره‌ڤانى
ئافره‌تێن هه‌ولێر vs دوكان
سیروانا نوێ vs ئه‌فرودێت
حه‌له‌بچه دێ یا چاڤه‌رێ كرى بیت د حه‌فتیا ئێكێ دا.
ئەڤرۆ نیوز:
مالپەرێ تەسنیم یا سەر ب سوپایێ پاسداران راگەهاند کو فاتمە رەهبەر کو ژ تەهرانێ ژ نوو وەکو ئەنداما پەرلەمانێ ئیرانێ هاتبوو هەلبژارتن ئەڤرۆ ژ بەر ڤایرۆسێ کۆرۆنایێ جانێ خوە ژ دەست دایە.
هەمان مالپەری دیار کریە کو سێ رۆژ بوون فاتمە رەهبەر بێهوش بوو و د نەخوەشخانێ دا بوو لێ ئەڤرۆ جانێ خوە ژ دەست دایە.
ئەو یەک د دەمەکێ دایە کو بەری نها ئەندامەکێ دی یێ پەرلەمانێ ئیرانێ ژی ژ بەر ڤایرۆسێ کۆرۆنا جانێ خوە ژ دەست دابوو و ٢٣ ئەندامێن پەرلەمانێ ئیرانێ ژی تووشی ڤایرۆسێ کۆرۆنایێ بووینە.
ئه‌ڤرۆ نیۆز، عه‌زیز هه‌ورامی:
له پارێزگای سلێمانی له‌لایه‌ن خێرخوازانه‌وه نه‌خۆشخانه‌یه‌كی 65 قه‌ره‌وێڵه‌ی تایبهت به نه‌خۆشی كۆرۆنا دروستكرا و له سه‌ر ڕوبه‌ری 5000 هه‌زار زه‌وی.
دكتۆر شه‌ماڵ جه‌بار یاوه‌ر به‌رێوه‌به‌ری ده‌زگای ته‌ندروستی پێشمه‌رگه له سلێمانی، به ئیڤرۆ نیۆزی ڕاگه‌یاند:” بڕیاربوو له ماوه‌ی 15 ڕۆژ نه‌خۆشخانه‌ی تایبهت به ڕوبه‌ڕوبونه‌وه‌ی نه‌خۆشی كۆرۆنا ته‌واوببێت به‌ڵام تواندرا له‌و ماوه‌ی خۆی 4 ڕۆژ زوتر ته‌واوی بكه‌ین له ڕوی بیناوه كۆتایی هاتووه ئه‌مڕۆ ئه‌جیزه ته‌ندروستییه‌كانی بۆ داده‌ندرێت.
شه‌ماڵ جه‌بار یاوه‌ر گوتیشی:” ته‌واوی بودجه‌ی تێچوی نه‌خۆشخانه‌كه به‌ته‌واوه‌تی له سه‌ر خه‌ڵكی خێرخواز بووه، له دروستكردنی بیناكه‌وه بۆ دابینكردنی ته‌واوی پێداویستییه‌كانی ناو نه‌خۆشخاكه‌كه‌یان دابینكردووه. ناوبراو ئاماژه‌ی بۆ ئه‌وه‌كرد، له سبه‌ینێوه ڕاهێنان به‌و پزیشك و كارمه‌ندانه‌ده‌كرێت دابینده‌كرێن بۆ نه‌خۆشخانه‌كه‌و و تێستی ته‌واوی ئامێره ته‌ندروستییه‌كان ده‌كرێت و ئاماده‌ده‌كرێت بۆ بوونی هه‌رحاڵه‌تێكی نه‌خوازراوی توشبووی كۆرۆنا.
سلێمانی سێ نه‌خۆشخانه‌ی تایبهت كراون به ڤایرۆسی كۆرۆنا، له نه‌خۆشخانه‌ی سه‌رچنار 50 قه‌ره‌وێڵه و نه‌خۆشخانه‌ی شه‌هید ئاسۆ 100 قه‌ره‌وێڵه و له نه‌خۆشخانه‌ی نوێ كراوه‌ته‌وه تایبهت به كۆرۆنا 50 قه‌ره‌وێڵه‌ییه.
ئه‌ڤرۆ نیوز:
بهایێ پترۆلێ داكه‌تنه‌كا مه‌زن توماركر، كۆ ب مه‌زنترین داكه‌تنه دهێته توماركرن، ل 11 سالێن بوری درۆژه‌كا وه‌ك ئه‌ڤرۆ داكه‌تن بخوڤه تومار نه‌كریه.
لگۆری ئاژانسا رویته‌رز، دوماهی كرین و فرۆتن پێڤه هاتیه‌كرن، بهاێ پترۆلا برێنت 4.72 دۆلاران ب رێژا 9.4% داكه‌ت كۆ هه‌ر بهایێ هه‌ر به‌رمیله‌كا پترۆلێ 45.27 دۆلاران كرین و فرۆتن پێڤه هاتیه‌كرن كۆ ل حوزه‌یرانا سالا 2017 ئه‌ڤ بهایێ نوكه توماركر بوو.
هه‌ر لگۆری ئاژانسا رویته‌رز، بهایێ پترۆلا ته‌كساس كۆ 4.62 دۆلار ب رێژا 10.1% داكه‌ت و هه‌ر به‌رمیله‌كا پترۆلێ ب 41.28 دۆلاران كرین و فرۆتن پیڤه هاتیه كرن كۆ ل هه‌یڤا ئابا 2016 ئه‌و بها هاتبوو توماركرن.
داكه‌تنا بهایێ پترۆلێ په‌یوه‌ندی ب وێ چه‌ندێ ڤه هه‌یه كۆ هنده‌ك ژ وه‌لاتێن ئوپێكێ نه‌گه‌هشتنه رێكه‌تنێ بۆ كێمكرنا به‌رهه‌مێ پترۆلێ ل سه‌ر ئاستێ جیهانێ.
ئه‌ڤرۆ نیوز:
بهایێ پترۆلێ داكه‌تنه‌كا مه‌زن توماركر، كۆ ب مه‌زنترین داكه‌تنه دهێته توماركرن، ل 11 سالێن بوری درۆژه‌كا وه‌ك ئه‌ڤرۆ داكه‌تن بخوڤه تومار نه‌كریه.
لگۆری ئاژانسا رویته‌رز، دوماهی كرین و فرۆتن پێڤه هاتیه‌كرن، بهاێ پترۆلا برێنت 4.72 دۆلاران ب رێژا 9.4% داكه‌ت كۆ هه‌ر بهایێ هه‌ر به‌رمیله‌كا پترۆلێ 45.27 دۆلاران كرین و فرۆتن پێڤه هاتیه‌كرن كۆ ل حوزه‌یرانا سالا 2017 ئه‌ڤ بهایێ نوكه توماركر بوو.
هه‌ر لگۆری ئاژانسا رویته‌رز، بهایێ پترۆلا ته‌كساس كۆ 4.62 دۆلار ب رێژا 10.1% داكه‌ت و هه‌ر به‌رمیله‌كا پترۆلێ ب 41.28 دۆلاران كرین و فرۆتن پیڤه هاتیه كرن كۆ ل هه‌یڤا ئابا 2016 ئه‌و بها هاتبوو توماركرن.
داكه‌تنا بهایێ پترۆلێ په‌یوه‌ندی ب وێ چه‌ندێ ڤه هه‌یه كۆ هنده‌ك ژ وه‌لاتێن ئوپێكێ نه‌گه‌هشتنه رێكه‌تنێ بۆ كێمكرنا به‌رهه‌مێ پترۆلێ ل سه‌ر ئاستێ جیهانێ.
ئه‌ڤرۆ نیوز:
شه‌ڤا بوری ل دیمه‌شقێ سه‌ركرده‌یه‌كێ بلندێ سوپایێ پاسدارێن ئیرانێ بناڤێ فه‌رهاد دبیریان هاته كوشتن و به‌رپرسێن ئیرانێ ئیسرائیلێ تومه‌تبار دكه‌ن.
فه‌رهاد دبیریان شه‌ڤا بوری ل ده‌ڤه‌را سه‌یده‌ت زه‌ینه‌ب ریب ری كوشتنێ بوو و ژێده‌رێن نوچه‌یێن ئیرانێ به‌حسێ چه‌وانیا كوشتنا وی نه‌كریه، به‌لێ به‌حسێ ئه‌وی چه‌ندێ دكه‌ن كۆ ئیسرائیل پشت ئه‌ڤێ كوشتنێ رایه.
دبیریان ئێكه ژ سه‌ركرده‌یێن بلندێن سوپایێ پاسداران رۆله‌كێ چالاك هه‌بوویه ل شه‌رێ سوریا و به‌رپرسێ پشكه‌كا به‌رۆكێن شه‌ری بوو ل وی وه‌لاتی.
ئه‌ڤرۆ نیوز:
جێگرێ سه‌رۆكێ په‌رله‌مانی كوردستانێ راگه‌هاند: هه‌رێما كوردستانێ ل سه‌ر بنه‌مایێ رێزلێنان بۆسازیان و دستورێ عیراقا فیدرال پێداگیریێ ل سه‌ر ده‌سه‌لاتێن خو دكه‌ت، هه‌ر ب وی شێوه‌یێ كۆ ل دستوری دا هاتیه جیگیركرن.
هێمن هه‌ورامی جێگرێ سه‌رۆكێ په‌رله‌مانێ كوردستانێ راگه‌هاند: هه‌رێما كوردستانێ ل دانوستاندنێن خودا ل گه‌ل به‌غدا به‌رده‌وام دبیت بۆ گه‌هشتنه سازانه‌كێ ل سه‌ر هه‌موئاریشه‌یێن هه‌لاویستی.
شانده‌كێ په‌رله‌مانێ كوردستانی ب سه‌رۆكاتیا هێمن هه‌ورامی و ئه‌ندامه‌تیا هه‌ر ئیك ژ رێبوار بابكه‌ی سه‌رۆكێ لژنا په‌یوه‌ندی و ره‌وه‌ندا كوردی و كاروان گه‌زنه‌یی جێگرێ سه‌رۆكێ لژنا په‌یوه‌ندیان و ئاشنا عه‌بدللا و كلارا عودیشو ئه‌ندامێن په‌رله‌مانی پشكداربوون ل كۆنفرانسه‌كێ تایبهت ب پرسا كورد ل رۆژهه‌لاتا ناڤین.
نيشاندان