ئه‌ڤرۆنیۆز،ناجی به‌ده‌ل:

پشتی هاتنا ئه‌وێ زوریا ئاواران و بارگرانیا ل سه‌ر كه‌رتێ په‌روه‌رده‌یی كر‌ی و كاریگه‌ریا هاتنا په‌نابه‌ران ل سه‌ر ئه‌ڤی كه‌رتی وه‌كر جهه‌كێ تایبه‌ت هه‌بیت ل پرۆسیسا دارێتنا پلانا ستراتیژیا سێ سالی .

عومه‌ر عه‌لی تاها هاریكارێ رێڤه‌به‌رێ گشتیێ په‌روه‌ردا پارێزگه‌ها دهۆكێ بۆ ئه‌ڤرۆ نیوز راگه‌هاند:د پرۆسیسا دارێتنا پلانا ستراتیژیا سێ سالی یا رێزگه‌ها دهۆكێ بو كه‌رتێ په‌روه‌ردێ هێلێن پلانه‌كا گشتگیر یا په‌روه‌ردێ تێدا هاتنه‌ رونكرن.

هاریكارێ ریڤه‌به‌رێ گشتی دیاركر ل گه‌ل پارێزگه‌ها دهۆكێ بنكارێن كه‌رتێ په‌روه‌رده‌یێ ل پارێزگه‌هێ ب زه‌لالی هاتنه‌ ده‌ست نیشانكرن وه‌ك ستراتیژی لێ هیرده‌كارێن وێ دێ كه‌ڤیت ته‌ سه‌ر ملێن وه‌زاره‌تا په‌روه‌ردێ .

عومه‌ر عه‌لی ئه‌و چه‌نده‌ ژی دازانین ئه‌ڤا ل پلانێ داهاتی هێلین گشتگیرن لی دڤێت بو دانا بون ئه‌ڤا وه‌ك هزر لێ بو بنه‌جێهكرتا ئوێ پلانێ پیدڤی ب ڤه‌كولین و رینشتێن زێده‌تر هه‌یه‌ هه‌تا ئاوایێن رێخوشكرن و بنه‌جێهكرنێ دیار بكه‌ن و لایه‌نێ په‌یوه‌ندیدار بهێته‌ راسپاردن بو ئه‌وی كاری .

ئەڤرۆنیوز، سالار دۆسکی:

ئەندامەکێ پەرلەمانێ عیراقێ یێ بەرێ کو پێشتر ئەندامێ لیژنا ئەوقافێ بوویە ل پەرلەمانێ ناڤبری، ب رێکا مالپەرێ ئەڤرۆ نیوز پێشنیارکریە بۆ جھێن پەیوەندار کو جھێن تایبەت بۆ تازیان بۆ زەلام و ژنان بھێنە دروستکرن، گەلەک ھول دەف ئێک و پارک بۆ ترۆمبێلان بھێنە دروستکرن ب مەرەما سفکرنا کاودانێن ھاتن و چوونێ و رێ گرتنێ
د.حەمید باڤی ھێشتا ژی گۆت: وەک ئەرکەکێ ئاینی و جڤاکی و رێزلێنان و مرۆڤایەتی بھێتە ئەنجامدان و دناڤا مللەتێ مە دا و تایبەت باژێرَێ دھۆکێ، بۆ دلخۆشکرن و سڤککرنا خەم و کوڤانێن بنەمال و کەس و کار و ھەڤالێن وەغەرکریان، دا ب سەبر و ھەداربن، دوعا بۆ سەرفەرازیا وان بکەن، ل دونیایێ ل ئاخرەتێ ،پێدڤی ب کارەکێ پێشکەفتی ھەیە و ئەڤە ل وەلاتێن پێشکەفتی و موسلمان و تایبەت سعودیێ ھەیە.
ناڤبری ھێشتا گۆت: رۆژانە دناڤا باژێرێ دھۆکێ دا 10 ھەتا 12 جڤاتێن تازیان ھەنە و نەکێمتر ھۆلێن مزگەفتان دھێنەدانان، ھەکە بچیە تازیێ بتنێ تە دەم ھەیە بۆ 3 ھەتا 4 تازیان، ژبەر کورتیا رۆژێ نەخاسمە تازیی بتنێ دانێ ئێڤاریانە، نەبوونا دەمی و قەرەبالفا جادا دووراتیا تازیان ژ ئێک و دو ، دیسان نوکە تازیێن ژنان ژی کەفتینە دھۆلان دا ل مزگەڤتان.
د.عەبدولحەمید گۆتژی: تازیگەھەک بێتە ئاڤاکرن ژلایێ حوکمەتا ھەرێما کوردستانێ ڤە یان کەسانێن خێرخواز، ل جھەکێ گونجای و ب رێک وپێک ، دا ب رەنگەکێ ب ساناھیتر و جوانتر و ب شێوازەکێ ب ساناھیتر وەلاتی بشێن بڤی ئەرکێ ئاینی و جڤاکی راببن و ب جھبینن.
گۆت ژی: ھەکە بھێنە ئاڤاکرن و نێزیک بۆ ژنان ژی بھێنە دروستکرن و دیسا پارکێن ترۆبێلان بھێنە دروستکرن، دیسا پێدڤی ب ئیدارە و باغچە و مزگەڤت و ھەتا جھێن شوشتنا مریان ھەبن، ھەموو ب رەنگەکێ جوان و پێشکەفتی و سەردەمانانە.دووماھیێ ناڤبری ئاماژەکرە وێ چەندێ کو ئەڤ چەندە ل وەلاتێن پێشکەفتی ھەنە.