ئەڤرۆ نیوز:

پەیڤدارێ رێڤەبەراتیا گشتی یا کارەبا سلێمانیێ راگەهاند کو ژ بەر بەلاڤبوونا ڤایرۆسێ کۆرۆنا کارێ گرێدانا پیڤەرێن زیرەک ل ناڤ باژێرێ سلێمانیێ هاتە راگرتن.

سیران محەمەد ئەو یەک ژی دیار کر کو کارێ گرێدانا پیڤەرێن زیرەک دێ بۆ ماوەیێ چار رۆژان هێتە راگرتن، ئانکو ل رۆژا ٣ ڤێ مەهێ هەتا ٧ مەهێ.

ئەڤرۆ نیوز، عەلی حاجی :

 سەروکێ لژنا موەلیدان ل زاخۆ بۆ ئەڤرۆ نیوز دیار کر دەمێ کارکرنا موەلیدەیان ل زاخۆ گهورین ب سەر دا هات و پێدڤی یە هەمی خودانێن موەلیدەیان پێگیریێ ب وێ بریارێ بکەن.

زێدەتر ئەندازیار هشیار شاکر گو : (ل دویف وی خشتێ هاتیە دانان بۆ هەیڤا سێ یا ئەڤ سالە پێدڤی یە خودانێن موەلیدەیان ل دەمژمێر حەفتی سپێدێ هەتا نەهی سپێده موەلیدەیێن خوە بدەنە کاری و ژ دەمژمێر نەهـ هەتا ١١ی سپێدێ بهێن ڤەدان بیت و ژ دەمژمێر ١١ دێ موەلیدە هێنە هەلکرن هەتا دەمژمێر دووی شەڤ و ئەڤ بریارە ئەڤرۆ ل روژا سێ شەمبێ رێکەڤتی ٢/٣/٢٠٢٠ کەڤتە بوارێ جێبەجێ کرنێ دا،لێ هەمی خودانێن موەلیدەیان پێگری ب ڤێ بریارێ نەکرن و ل دیف وی خشتەی موەلیدەیێن خوو نەدانە کاری).

و گوت ژی لەورا هەر کەسەکێ ژ سوباهی پێڤە ل دویف وی خشتەیێ نوو کار ناکەت بلا موختارێ وان گەرەکان لژنا موەلیدەیان ل زاخۆ ئاگەهدار بکەن دا کو پێرابونێن یاسایی ل بەرامبەر وان بهێنە وەرگرتن و د وی دەمی دا خودانێن موەلیدەیان دێ بەرپرس بن ژ ڤێ چەندێ و هەر دیسان بۆ هەیڤا دو بهایێ هەر ئەمپێرەکێ ١١٢٥٠ دیناران هاتیە دانان.