ئەڤرۆ نیوز:
دەستەیا هەماهەنگیا خوەنیشادانێن عیراقێ ئەڤرۆ راگەهاند کو ئەو ب تەمامی بزاڤێن محەمەد عەللاوی بۆ کابینا نوو رەت دکەن و دڤێت حوکمەت داخوازیێن وان بجه بینیت و ژ بەر هندێ ژی نها بەرهەڤیان بۆ خوەنیشادانێن ئێک ملیۆنی ل عیراقێ دکەن.
ل ئالیێ دی وەزارەتا ساخلەمیێ یا عیراقێ ژی راگەهاند کو خوەنیشادان نها دێ مەترسیا خوە بۆ وەلاتیان هەبیت، چونکو ڤایرۆسێ کۆرۆنایێ گەهشتیە عیراقێ و دشێت د ناڤ خوەنیشادەران دا بەلاڤ ببیت.
ئەڤرۆ نیوز، عەلی حاجی :
د داخویانیەکێ دا نوونەرێ قایممقامێ زاخۆ د لژنا دیفچوونا بازارێ زاخۆ دا بۆ ئەڤرۆ نیوز دیار کر پشتی ئەڤرۆ لژنا مە چاڤدێریا بازاری کری دا کو بازار ژلایێ هندەک کەسان ڤە بۆ مەرەمێن خوە بکار نەئینن و ژ بەر ڤێ چەندێ کوگەهەکا ئاهێن خوارنێ هاتە دائێخستن.
زێدەتر وەلات هەجەر گوت: (پشتی چەندین برێکارێن ئاهێن خوارنێ پەیوەندی ب کوگەهەکا کومپانیەکا ئاهێن خوارنێ کرین و بەرامبەر دا وێ کوگەهێ دخاست رەوشا نوکە بو خوە ب دەلیڤە ببینیت وبەرهەمێن خوە کوگەهـ بکەت و بەرهەمێ خوە نەکەتە دناڤ بازاری دا ژلایێ لژنا مە ڤە هاتە دائێخستن هەتا بریارەکا ئێلاکەر بهێتە دان ژلایێ لژنێ ڤە ژبەر کو خودقنێ وێ وەسا بو مە دیار کر کو وان جەردا خوە دکر و هەمی کومپانی ژی ل سەر ڤێ چەندێ هاتینە ئاگەهدار کرن و هەر کەسەک بازاری بو خوە ب دەلیڤە ببینیت و بەرهەمێ خوە نەئێخیتە دناڤ بازاری دا دێ ب توندی هێتە سزادان و هەر دیسان مە سوزنامە ب هەمی کومپانیان ژی پرکرینە داکو بەرهەمێن خوە بێخنە دناڤ بازاری دا).
و گوت ژی وەکو لژنا دیفچوونا بازارێ زاخۆ دێ بەردەوام بین ل سەر ڤێ چەندێ و نابیت چو کەس و لایەنەک بازاری د بەرژوەندیا خوە دا بکار بینیت و بەرهەمێن خوە کوگەهـ نەکەن دا کو بازاری تێک بدەن و رەوشا نوکە خراب بکەن.
ئه‌ڤرۆ نیوز:
ب بریارا مه‌سرور بارزانى، سه‌رۆكێ حوكمه‌تا هه‌رێما كوردستانێ، ل به‌رچاڤ وه‌رگرتنا پاراستنا ئاسایشا ساخله‌میا هه‌رێما كوردستانێ و د پێناڤ رێگریكرن ل به‌لاڤبوونا ڤایرۆسا كۆرۆنایێ، بریارهاته‌دان كو ده‌واما فه‌رمى یا فه‌رمانگه‌هێن حوكمه‌تا هه‌رێما كوردستانێ بهێته كێمكرن.
كێمكرنا ده‌وامێ دێ بڤى ره‌نگى بیت.
ئێك:- داخوازێ ل هه‌موو وه‌لاتیان دكه‌ین كو سه‌ره‌دانا فه‌رمانگه‌هێن حوكمه‌تا هه‌رێما كوردستانێ نه‌كه‌ن ئه‌گه‌ر د حاله‌تێ پێدڤى نه‌بیت.
دوو:- هه‌موو وه‌زاره‌ت و فه‌رمانگه‌هێن نه‌به‌ستراو ب وه‌زاره‌تێ ڤه سه‌رپشكن ژ كێمكرن و پێگیربوونا فه‌رمانبه‌ران ب ده‌واما فه‌رمى، تنێ بۆ ستافێ كو پێدڤى یه بو ئه‌نجامدانا كاروبارێن فه‌رمانگه‌هان.
سێ: كێمكرنا ده‌واما فه‌رمى یا فه‌رمانگه‌هێن حوكمه‌تێ ل ده‌مژمێر 8:00ێ سپێدێ بو 1:00ێ پشتى نیڤرۆیه.
چوار: سیسته‌مێ په‌نجه‌مورێ ل هه‌موو فه‌رمانگه‌هان دێ هێته راوستاندن و هاتن و چوونا فه‌رمانبه‌ران دێ د توماره‌كا تایبه‌ت دا هێته توماركرن، ژبلى وان فه‌رمانگه‌هێن كار ب سیسته‌مێ په‌نجه‌مورا چاڤى دكه‌ن.
پێنج: ئه‌ڤ فه‌رمانه تنێ فه‌رمانگه‌هێن شارستانى یێن حوكمه‌تا هه‌رێما كوردستانێ بخوڤه دگریت، ژبلى فه‌رمانگه‌هێن ساخله‌میێ كو پێدڤى یه به‌رده‌وامى د ئه‌ركى دا بن.
شه‌ش: كارێن ئیشگرێن فه‌رمانگه‌هانێن خزمه‌تگۆزاریێن شارستانى وه‌كو (ئاڤ، كاره‌ب، باژێرڤانى — هتد) دێ به‌رده‌وام بیت.
حه‌فت: ئه‌ڤ فه‌رمانه هه‌تا 10/3/2020 دێ كار پێ هێته‌كرن.
هه‌شت: ئه‌ڤ بریاره ئه‌ڤرۆ سپێدێ دێ كار پێ هێته‌كرن.
ئەڤرۆنیوز، سەباح زوهێر زێباری:
ئەڤرۆ مازن محەمەد سەعید قائیمقامێ ئاکرێ قەزا ئاکرێ ڕاگەهاند، ژبەر مەترسیا بەلاڤبوونا ڤایرۆسێ کۆرۆنایێ وان بڕیارا ڕاگرتنا تەڤاهیا ئاهەنگێن نەورۆزێ دا ل قەزا ئاکرێ، ژ بەر کو ئاهەنگا نەوروزێ ل ئاکرێ قەلەبالغیەکا زور دروست دبیت و هاولاتی ژ دەرڤە دهێن بۆ ئاهەنگا نەوروزێ.
قائیمقامیا قەزا ئاکرێ د کۆنفرانسەکا ڕۆژنامەڤانی دا بۆ دەزگەهێن راگەهاندنێ دیار کر کو وەک ڕێکارەک بۆ ڕێگرتن و خوە پاراستن ژ بەلاڤبوونا ڤایرۆسێ کۆرۆنایێ، وان بڕیارا دایە تەڤاهیا ئاهەنگ و چالاکیێن نەورۆزێ ل سەرانسەرێ قەزا ئاکرێ ڕابگرن.
ئەڤرۆ نیوز:
ئەنجوومەنێ نشتیمانی یێ کوردی ل سووریێ راگەهاند کو هەکە ئدلب ژ ئالیێ روسیا و سووریێ ڤە بهێتە کۆنترۆلکرن دێ قۆناغەکا نوو ل سووریێ دەستپێ کەت، چونکو پشتی ئدلبێ دێ پێگەهێ بەشاری ب هێزتر لێ هێت و دێ ل گەل روسیا بزاڤا هندێ کەن کو هەموو سووریێ بکەنە ژێر کۆنترۆلا خوە.
ئەنجوومەنێ نشتیمانی یێ کوردی دیار دکەت کو روسیا و رژێما سووریێ پشتی ئدلبێ دێ بەرێ خوە دەنە رۆژئاڤایێ کوردستانێ و دێ کوردان نەچار کەن دا داخوازیێن وان قەبوول کەن.
ئەڤرۆ نیوز، عەلی حاجی :
ئەندامەکێ ژورا بازرگانیا دهوکێ بۆ ئەڤرۆ نیوز ئاشکرا کر کوگەهێن کۆمپانیێن تورکی ل پارێزگەها دهوکێ پرن ژ بەرهەمێن تورکی و هێشتا بەرهەمێ وان یێ کەڤن ماینە د کوگەهێن وان ڤە.
زێدەیە شەریف محسن گوت: (ئەو ترسا ل دەف خەلکێ مە ل شەڤا دەربازبوویی دروست بوویی ئەڤرۆ ب شێوەیەکێ نورمالە و چو قەرەبالغیەک دروست نەبوویە و رەوش ب شێوەیەکێ ئاسایی یە لەورا من دڤێت دوپات بکەم ئەو بەرهەمێن نوکە د کوگەهێن کۆمپانیێن تورکی ڤە ل هەرێما کوردستانێ هەتا چار هەیڤێن دیتر ژی بەهرا کوردستانێ مایە و هەر دیسان دەرێی سنوریێ دناڤبەرا هەرێما کوردستانێ ب شێوەیەکێ ئاسای یە و پێدڤی ناکەت چو کەسەک ترسێ لدەف خوە پەیدا بکەت و پرانیا مارکێت و کوگەهێن کومپانیان پرن ژ بەرهەمێن تورکی و هەکە تورکیا دەرگەهان بگریت دێ زیانەکا مەزن بەر ب تورکیا و کومپانیێن وەلی وەلاتی کەڤیت ژبەر کو قەبارەیێ بازرگانی دناڤبەرا مە و تورکیا دا گەلەک بلند بویە و ئەو بەرهەمێ نوکە د کوگەهێن کومپانیێن تورکی دا هەمی یێ ژبەری نوکەیە ژبەر کو ژبەریا نوکە بازار لاواز ببوو).
و گوت ژی وەلاتێ ئیرانێ دووەم وەلاتە د جیهانێ دا کو رێژەیەکا زور یا توشبویێن ڤایروسێ کورونایێ هاتینە تومار کرن بەلێ هەتا نوکە بزاڤا بازرگانی بەردەوامە و هێشتا ژمارەیەکا زور ی ترومبێلێن بارهەلگر د دەریێ سنوریێ ئیبراهیم خەلیل دا ماینە و لەورا پێدڤی ناکەت چو کەس قەیرانان ل کوردستانێ دروست بکەت.
ئەڤرۆ نیوز، عەلی حاجی :
د داخویانیەکێ دا هاریکارێ سەروکێ زانکویا زاخۆ بۆ کاروبارێن قوتابیان بۆ ئەڤرۆ نیوز دیار کر ب فەرمانەکا کارگێری ژلایێ کارگێریا زانکویا زاخۆ ڤە دەواما فەرمی بۆ فەرمامبەرێن زانکویێ هاتە کێمکرن.
زێدەتر پروفیسورێ هاریکار دکتور کاروان فەهمی گوت: (دەمێ دەواما فەرمی یا فەرمانبەرێن زانکویا زاخۆ ژ دەمژمێر ٨:٣٠ی سپێدێ هەتا ٢:٣٠ێ نیڤرۆ بوو بەلێ ژبەر خوە پاراستن ژ ڤایروسێ کورونایێ دەواما فەەمی بۆ دەمژمێر و نیڤێ هاتە کێم کرن ئانکو دەواما فەرمی بۆ فەرمانبەرومان دێ هەتا ئێکێ نیڤرۆ بیت و ژ سوباهی پێڤە روژا دو شەمبێ ئەڤ بریارە دێ کەڤیتە د بوارێ جێبەجێ کرنێ دا و ئەڤ بریارە دێ بو دەمکی بیت هەتا کو مەترسیا بەلاڤ بونا ڤایروسێ کورونا ب دوماهی بهێت).
ئەڤرۆ نیوز:
ئەندازیار سەعدوللا موحەمەد رێڤەبەرێ پروژەی دیاركر قوناغا ئەندرپاسا نێزیك فەرماندێ ل جاددا بارزان ب ڤی رەنگی یە
كار ب گشتی د پروژەیدا یێ بەدەوامە خلاسبوونا دانانا پەنەلان د تونێلێ دا لدور پایلان. خلاسبوسن كونكرێتكرنا شوستەیان دناڤ تونێلێ دا. خلاسبوونا بەلاڤكرنا تەخەكا سیرفس ل سەر جادا سەرەكی و تەخەكا بایندەری ژ دەرڤەی تونێلێ، دەستپێكرنا نەخشەیێ جادەیان ب بویاغا فسفوری، رێژا ئەنجامدانا پروژەی ب گشتی 94% دایە جادان فرەهیا لایێ راستی یێ جادێ (12) مەترە و شوستێ وێ 2,20 مەترە , فرەهیا لایێ چەپێ (9) و نیف و شوستێ وێ 2 مەترە، درێژاهیا جادێ كیلومەترەكە و كوژمێ تەرخانكری یێ پروژەی 18 ملیار 778 ملیون 973 هزار دینارن.
ئه‌ڤرۆ نیوز:
دونالد تره‌مپ سه‌رۆكێ ئه‌مریكا پشتی ئیمزا ل سه‌ر رێكه‌تنا راوه‌ستاندنا شه‌رێ دناڤبه‌را ئه‌مریكا و بزاڤا تالیبان یا ئه‌فغانستانێ راگه‌هاند هێزێن ئه‌مریكی ل ده‌مێ 14 هه‌یڤان دێ خۆ ژ ئه‌فغانستانێ ڤه‌كێشن.
ڤه‌كێشانا هێزێن ئه‌مریكا ژ ئه‌فغانستانێ هه‌مبه‌ر دو مه‌رجانه
دوماهی ئینان ژ وێ په‌یوه‌ندیا تالیبانێ ل گه‌ل رێكخراوا تیرۆریا قاعیده هه‌ی، تالیبان دێ به‌رده‌وام شه‌ری ل دژی رێكخراوا تالیبان كه‌ت.
ل گۆری رێكه‌تنا ئه‌مریكا و تالیبان ئه‌وا رۆژا 29/2/2020 ل دوحه‌یا پایته‌ختێ قه‌ته‌ر هاتیه ئیمزاكرن، ئه‌مریكا و هه‌ڤپه‌یمانێن وێ ل ماوه‌یێ 135 رۆژان دا دێ هه‌شت هه‌زار و 600 سه‌ربازان ڤه‌كێشن.
تالیبان ل سالا 1194 دروست بوویه ل سالا 1996 ده‌ست ب سه‌ر حوكمرانیا ئه‌فغانستانێ گرت بوو و ب ئه‌گه‌رێ پشته‌ڤانیكرنا وێ بۆ رێكخراوا تیرۆریا قاعیده ، ئه‌مریكا ل سالا 2001 ئه‌و ده‌سه‌لات ژناڤبر.
ئەڤرۆ نیوز:
پشتی کو دەنگۆیێ راگرتنا جموجۆلا بازرگانی ل سنۆرێ دناڤبەرا هەرێمێ وتورکیا بەلاڤبووی، حکومەتا هەرێما کوردستانێ هەموو بزاڤێن خوە خستینە گەر بۆ هندێ داکۆ بزاڤا بازرگانی دناڤبەرا هەردو ئالیان دا یا بەردەوام بیت، هەروەسا جموجۆلا بازرگانی ل سەر سنۆران بهێته رێکخستن، ل بەر چاڤگرتنا رێکارێن خوە پاراستنێ، لەوما وەلاتیان دلنیا دکەین، کو حکومەتا هەرێما کوردستانێ درێغیێ ناکەت، ژ چارەسەرکرنا ئەڤان کێشان ب جۆرەکێ کو کاریگەری ل سەر جموجۆلا بازرگانی و بازارێ نافخوە نەکەت.
وەزارەتا نافخوە یا ھەرێما کوردستانێ
2020/3/1
نيشاندان