ئەڤرۆ نیوز:
فەرسەت سۆفی پارێزگارێ هەولێرێ راگەهاند کو د چارچۆڤێ کۆمبوونا دوهی یا ئەنجوومەنێ وەزیران دا وان بریار داینە کو بۆ پاراستنا گشتی یا وەلاتیان ئەڤسالە ئاهەنگێن نەوروزێ بهێنە راگرتن.
ناڤهاتی راگەهاند ژی کو هەتا نها چو حالەتێن کۆرۆنا ل هەولێرێ نەهاتینە تۆمارکرن و هەموو بەرهەڤی ژی بۆ هەر حالەتەکێ هاتینە کرن. پارێزگارێ هەولێرێ هۆشداری ژی دا بازرگانان و دیار کر هەر کەسەک کەلوپەلان گران بکەت دێ ب توندی هێتە سزادان.
ئه‌ڤرۆ نیۆز، قائید میرۆ
وه‌زاره‌تا ئه‌وقاف و كارۆبارێن ئاینی بڕیاردا نڤێژا ئه‌ینیێ ب ئه‌گه‌رێ كۆرۆنایێ ناهێته راگرتن و په‌یڤدارێ ئه‌وقافێ ژی دبێژیت، دێ گوتارا ڤێ ئه‌ینیێ تایبه‌ت بیت ب خۆ پاراستنا وه‌لاتیان.
نه‌به‌ز ئیسماعیل، په‌یڤدارێ وه‌زاره‌تا ئه‌وقافێ بۆ ئه‌ڤرۆ نیۆز دیاركر” بڕیار هاتیه‌دان رێڤه‌چوونا نڤێژا ئه‌ینیێ وه‌ك خوه بهێته ئه‌نجامدان و ب هه‌ماهه‌نگی دگه‌ل ساخله‌میێ دێ گوتارا رۆژا ئه‌ینیا بهێت تایبه‌ت بیت ب خۆ پاراستنێ ل ڤایرۆسێ كۆرۆنا، كو دێ ل سێ هزار و 174 مزگه‌فتان نڤێژا ئه‌ینیێ بهێته ئه‌نجامدان.
نه‌به‌ز ئیسماعیل ئاماژه‌كر” بڕیار هاتیه‌دان هه‌موو مامۆستایێن ئاینی ب هویری به‌حسێ ڤایرۆسا كۆرۆنا و چاوانیا خۆ پاراستنێ ل ئه‌ڤێ ڤایرۆسێ بهێته‌كرن و وه‌لاتی بهێنه‌هشیاركرن لدۆر سه‌ره‌ده‌ری كرنێ دگه‌ل كۆرۆنایێ.
ئه‌ڤرۆ نیۆز، عه‌زیزهه‌ورامی:
له چوارچێوه‌ی ئه‌و كه‌مپینی كۆكردنه‌وه‌ی په‌رتوك بۆ كتێبخانه‌ی زانكۆی هه‌ڵه‌بجه، سه‌رۆك بارزانی 251 په‌رتوك سه‌رچاوه‌ی جۆراوجۆر به كتێبخانه‌ی زانكۆی هه‌ڵه‌بجه ده‌به‌خشێت.
به‌سام عه‌لی به‌رپرسی لقی 12ی پارتی، له پارێزگای هه‌ڵه‌بجه به‌نوێنه‌رایه‌تی سه‌رۆك بارزانی په‌رتوكه‌كانی گه‌یاندووه‌ته زانكۆی هه‌ڵه‌بجه، له‌وباره‌وه به ئه‌ڤرۆ نیۆزی ڕاگه‌یاند:” ئه‌مڕۆ سه‌رۆك بارزانی 251 په‌رتوك سه‌رچاوه‌ی جۆراوجۆر كرده دیاری بۆ زانكۆی هه‌ڵه‌بجه، له چوارچێوه‌ی ئه‌وكه‌مپینه‌ی ڕاگه‌یه‌ندراوه بۆ كۆكردنه‌وه‌ی په‌رتوك بۆ كتێبخانه‌ی زانكۆی هه‌ڵه‌بجه.
سه‌رۆك بارزانی هه‌وڵی جدی دا بۆ به پارێزگا بوونی هه‌ڵه‌بجه وه‌بنیات نانی زانكۆی هه‌ڵه‌بجه و به‌رده‌وامیش ڕێنمایی بۆ حكومه‌تی هه‌رێمی كوردستان ئه‌وه‌بووه چیان پێ ده‌كرێت بۆ هه‌ڵه‌بجه‌ی بكه‌ن.
عه‌لی زیاتر ده‌ڵێ:” سه‌رچاوه‌كانی 251 په‌رتوكه‌كانی زانكۆی هه‌ڵه‌بجه هه‌مه‌جۆرن و مێژووی شارستانییه‌تی تێداییه تاریخی به‌شه‌رییه‌تی تێداتۆماركراوه، چه‌ندین سه‌رچاوه‌ی تری مێژووی تێداییه قوتابیان سودی باشی لێده‌بینن، ئه‌مه چه‌نده‌مینجاره سه‌رۆك كتێب به‌كتێبخانه‌ی زانكۆی هه‌ڵه‌بجه ده‌به‌خشێت.
ناوبراو ئاماژه‌ی به‌وه‌كرد:” پێویسته ته‌واوی لایه‌نه سیاسییه‌كان و سه‌رۆكایه‌تییه‌كان دیاری خۆیان پێشكه‌ش به په‌رتوكخانه‌ی زانكۆی هه‌ڵه‌بجه بكه‌ن، كه زانكۆی هه‌ڵه‌بجه پێویستی به ده‌وڵه‌مه‌ندكردن هه‌یه”.
دهۆك، له‌زگین
رێڤه‌به‌رێ گشتیێ وه‌به‌رهێنانێ ل پارێزگه‌ها دهۆكێ دیاركركو پرۆژه‌كێ وه‌به‌رهێنانی ئه‌ڤرۆ 26/2/2010 ل دهۆكێ هاته ڤه‌كرن دڤێ پرۆژی دا چه‌ندێن جۆرێن كه‌ره‌ستان ب تایبه‌تی ژی یێن خارنێ دهێنه به‌رهه‌مئێنان.
كوردو ئیحسان، رێڤه‌به‌رێ وه‌به‌رهێنانێ ل پارێزگه‌ها دهۆكێ دیاركركو پرۆژه‌كێ مه‌زن وه‌به‌رهێنانێ ل سه‌ر ریێا دهۆك بۆ زاخۆ ب تایبه‌تی ژی ل ناحیا باتیلێ هاتیه دانان ئه‌ڤرۆكه دێ رێ وره‌سمین ڤه‌كرنا پرۆژه‌ی هێنه ئه‌نجامدان دڤێ پرۆژی دا پتر ژ 400 كه‌سان دێ كاركه‌ن ئه‌ڤ پرۆژه ب كوژمێ پتر ژ 100 ملیۆن دۆلارێن ئه‌مریكی هاتیه دروستكرن دێ چه‌ندێن جۆرێن كه‌ره‌ستێن خارنێ ب كوالیته‌كا زۆر باش به‌رهه‌م ئێنیت”.
ئاشكه‌را كركو ئه‌ڤ پرۆژێ وه‌به‌رهێنانێ یێ كۆمپانیا مه‌حمود دێ ل دهۆكێ ده‌ست به‌رهه‌مئێنانا چه‌ندین جۆرێن ئاهێن خارنێ كه‌ت وه‌كو تووڤێ چایێ و نیسك ونوك وزه‌یت و كلینس ئه‌ڤ پرۆژه دێ بیته هانده‌ر و ده‌لیڤێن كاركرنێ پتر ل دهۆكێ په‌یدابن”.
ئەڤرۆ نیوز،عەلی حاجی:
د داخویانیەکێ دا پەرلەمانتارەکا پەرلەمانێ کوردستانێ بۆ ئەڤرۆ نیوز دیار کر مە داخاز ژ وەزیرێ شارەوانی و گەشت و گوزار کری یە ئاڤا ناحیا باتیفا بهێتە چارەسەر کرن و خەلکی وێ دەڤەرێ ژ کێما ئاڤێ رزگار ببیت.
زێدەتر رۆژان ئیبراهیم گۆت : ژلایێ خوەڤە وەزیرێ شارەوانی و گەشت گوزار دیار کر کو د دەمەکێ نێزیک دا دێ سەرەدانا ناحیا باتیفا کەت ل دور وێ کێشەیێ، هەر د بەردەوامیا هەولان دا مە شیا میزانیا هەیڤانە یا رێڤەبەریا ئاڤا زاخۆ ژ ١٠ ملیۆن دیناران بکەینە ٢٥ هزار دینار و زێدەباری وێ چەندێ ژی رازیبون ل سەر خەرجکرنا ١٦٦ ملیۆن دیناران بۆ سەخبێریکرنا نەخوشخانا زاخۆ کو بۆ ماوەیێ سالەکا دیتر سەخبێریکرنا وێ بەر ب کۆمپانیەکێ بکەڤیت و ئەو کۆمپانی ب کارێ سەخبێریکرنا وێ نەخوشخانەیێ رابیت کو ئەڤە د دەمەکێ دایە سەخبێریکرنا وێ نەخوشخانەیێ ب دوماهی هات بوو .
ناڤبریێ گۆت ژی : هەر د بەردەوامیا دیتنا مە دا دگەل وەزیرێ شارەوانیێ بریار هاتە دان ب کوژمێ ٥٥ ملیۆن دیناران ب هێتە مەزاختن بۆ دابینکرنا سوتەمەنیێ بۆ نەخوشخانان زاخۆ، ئاریشەیا نەقیرکرنا جاددەیێن زاخۆ چارەسەر بکەت ژبەرکو زێدەتری ٤٠٠ کێلۆمەترێن ناڤخویا زاخۆ نەهاتینە قیرکرن.
ئەڤرۆ نیوز،عەلی حاجی:
د داخویانیەکێ دا راگرێ ڤەکۆلتیا پەروەردە ل زانکۆیا زاخۆ بۆ ئەڤرۆ نیوز دیار کر ژبەر مەترسیا ڤایرۆسێ کورونا وەکو زانکۆیا زاخۆ بریارا پاشئێخستنا خولا نێڤ دەولەتی یا کروس فێت و قارەمانیا زانکۆیێن کوردستانێ یا باسکت بولێ دایە.
زێدەتر دکتور شێرزادی گۆت : بریار بوو هەر دو چالاکیێن مە ل دەست پێکا هەیڤا سێ دەست پێ بکەن، بەلێ ژ بو سلامەتیا یاریزان و وه‌لاتیان مە ئەڤ بریارە دەر کری یە بەلێ ئەم د رژدین هەکە د هەیڤا چار یا ئەڤ سالە دا رەوش باشتر بوو د وی دەمی دا دێ بریارا ڤەکرنا وێ خولێ و قارەمانیێ دەین،مامۆستایێن خولا نێڤ دەولەتی ژ عێراقێ و وەلاتێن کەنەدا و بیلا روسیا بوون ژبەر کو مە چو پێزانین نینن کو ڤان راهێنەران قەستا وان وەلاتان کربیت یێ ڤایرۆسێ کورونایێ سەر هەلدایی مە بریارا پاشئێخستنا وێ خولێ دەر کر.
ناڤبری ئه‌و چه‌نده ژی گۆت : بەلێ ئەم رژدین د دەمەکێ دیتر دا وان چالاکیێن خوە ئەنجام بدەین ژبەر کو هەمی بەرهەڤی بۆ ڤەکرنا وێ خولێ و قارەمانیێ ژلایێ زانکویا زاخۆ ڤە هات بوونە ئەنجام دان و ئەم خوو ژ مێهڤانداریکرنێ ناڤەکێشین.
ئه‌ڤرۆ ینوز:
وه‌زیرێ بازرگانی و پیشه‌سازیا حكومه‌تا هه‌رێما كوردستانێ ل گه‌ل پارێزگارێن هه‌رێمێ كۆمبوو و داخاز ژ وان كریه پێدڤیێن ناڤخو دابین بكه‌ن بۆ وه‌لاتیان، هه‌ر كه‌سه‌ك بڤێت بهای گران یان پاوان بكه‌ت ب توندترین شێوه هێته سزادان.
كه‌مال موسلم وه‌زیرێ بازرگانی و پیشه‌سازیا حكومه‌تا هه‌رێما كوردستانێ راگه‌هاند: گه‌له‌ك ب هیری چاڤدێریا بازارێن هه‌رێما كوردستانێ دكه‌ین، هه‌ر پاوانخوازیه‌ك هه‌بیت بۆ گرانكرنا بازاری دێ سزایێ توند ب سه‌ر دا هێته سه‌پاندن.
وه‌زیرێ بازرگانی و پیشه‌سازیا حكومه‌تا هه‌رێما كوردستانێ دیاركر دێ ریڤه‌به‌رێن گشتی یێن بازرگانیێ یێن هه‌رێمێ هێنه راسپاردن ل گه‌ل ته‌ڤایا رێڤه‌به‌رێن چاڤدیریكرنا دارایی ل باژێرێن هه‌رێمێ ل سه‌ر خه‌ت دبن ژبوی چ كه‌سه‌ك پاوانخوازیێێ و بهایان گران نه‌كه‌ت.
وه‌زیرێ بازرگانیا هه‌رێمێ ئه‌و چه‌نده ژی راگه‌هاند: پێدڤیه بازرگان پێداویستیێن ناڤخۆ بۆ وه‌لاتین دابین بكه‌ن، هه‌ر بازرگانه‌كی پێشنیازه‌ك هه‌بیت دشێت بۆ وه‌زاره‌تا بازرگانیێ بهنێریت.
ئه‌ڤرۆ نیوز:
دژه تیرۆرا عیراقێ راگه‌هاند د ئوپراسیونه‌كێ دا 39 چه‌كدارێن داعش كۆشتن دناڤا كۆشتیان دا ژی ئه‌میره‌ك هه‌یه.
شانه‌یا راگه‌هاندنا ئه‌منی یا عیراقێ د به‌یاننامه‌یه‌كێ دا به‌لاڤكریه هێزێن دژه تیرۆرا عیراقێ ئوپراسیونه‌ك ل دژی گرۆپه‌كا چه‌دارێن داعشێ ل پاریزگه‌ها سه‌لاحه‌دین ئه‌نجامدا.
د وێ به‌یاننامه‌یێ دا هاتیه كۆ ئوپراسیون ب پشته‌ڤانیا زانیاریێن هه‌والگریێ برێڤه‌چوو، پشتی شه‌روپه‌ڤچوونێن دژوار كۆ زێده‌تری 10 ده‌مژمێران ڤه‌كێشایی كۆ ب درێژیا شڤێدی و سپێده‌هیا ئه‌ڤرۆ 39 چه‌كدارێن داعشێ هاتنه كۆشتن.
ئه‌ڤرۆ نیوز:
وه‌زیرێ ساخله‌میا توركیا ل سه‌ر ئه‌وان وه‌لاتیێن ژ ئیرانێ ڤه‌گه‌ریان راگه‌هاند: تا نوكه ژ ئه‌وان نمونه‌یین هاتینه وه‌رگرتن كار ل سه‌ر هاتیه‌كرن چ نه‌خوشه‌ك نینه ئه‌نجامێ پشكنینێ پوزه‌تیڤ بیت.
فه‌خره‌دین كوجا وه‌زیرێ ساخله‌میا توركیا راگه‌هاند: ب زۆری ئه‌و گه‌شتیار گه‌نجن، 11 كه‌س ژ وان د ژیێ 50 سالیێ دانه و بتنێ دوو ژ وان نه‌خوشیا شه‌كرێ هه‌یه ئیكی ژی فشارا بلندا خوینێ هه‌یه، نوكه ژ ئه‌وان 132 گه‌شتیاران ل گه‌ل ئه‌وێ تیما 10 كه‌سی یا فرۆكه‌ڤانیی پله‌یا گه‌رمیا له‌شێ وان نه‌گه‌هشتیه 30 پله‌یێ، ب گشتی ره‌وشا ساخله‌میا وان باشه.
نيشاندان