ئه‌ڤرۆ نیۆز، عه‌زیز هه‌ورامی:
له پارێزگای كه‌ركوك چوار كه‌سی یه‌ك خێزان هه‌ڵگری فایرۆسی كۆرۆنان و له ماوه‌ی ڕابردوو سه‌ردانی وڵاتی ئێرانیان كردووه، ئێستا له شوێنی تایبه‌ت له نه‌خۆشخانه‌ی جمووری كه‌ركوك خه‌وێندراون.
دكتۆر مه‌نزه‌ر نه‌عمان به‌ڕێوه‌به‌ری هۆبه‌ی نه‌خۆشه گوازراوه‌كان له ته‌ندروستی كه‌ركوك، به ئه‌ڤرۆ نیۆزی ڕاگه‌یاند:” ئه‌مڕۆ چوار حاڵه‌تی نه‌خۆشی كۆرۆنا له كه‌ركوك تۆماركراوه، ئه‌ندامی یه‌ك خێزانن و له قه‌زای خانه‌قینه‌وه هاتوون پێش یه‌ك هه‌فته له ئێران گه‌راونه‌ته‌وه كه 15 ڕۆژ له‌و وڵاته بوون پاش دیاری بوونی نه‌خۆشییه‌كه به‌سه‌ریانه‌وه هاتوونه‌ته نه‌خۆشخانه ئێستا له نه‌خۆشه‌كان جیاكراونه‌ته‌وه، ئیجرائاتی ته‌ندروستی به‌رامبه‌ریان ده‌ستی پێكردووه.
دكتۆر مه‌نزه‌ر نه‌عمان وتیشی، له كه‌ركوك نه‌خۆشخانه‌ی خاس داندراوه بۆ ئه‌وكه‌سانه‌ی توشی نه‌خۆشی كۆرۆنا ده‌بن و تێكه‌ڵ به نه‌خۆشانی ئاسایی ناكرێن، له ئێستادا جگه له‌و چوار حاڵه‌ته‌ی كۆرۆنا یه‌ك خێزانن تۆماركراون هیچ حاڵه‌تێكی تری نه‌خۆشی كۆرۆنا تۆمار نه‌كراوه ئێستا ته‌واوی لایه‌نه پێوه‌ندیداره‌كان له كۆبوونه‌وه‌ن له‌سه‌ر مه‌ترسی نه‌خۆشی كۆرۆنا تۆماربوونی چوار حاڵه‌ت له پارێزگاكه، پاشان پلانه‌كان ڕاده‌گه‌یه‌ندرێت.
ئه‌ڤرۆ نیوز:
وه‌زاره‌تا ساخله‌می و ژینگه‌ها عیراقێ ئه‌و راگه‌هاند: 4 حاله‌تێن نوو یێن توشبوون ب ڤایرۆسێ كورونا ل پارێزگه‌ها كه‌ركوكێ هاتینه ده‌ست نیشانكرن كۆ هه‌موو ئه‌ندامێن ئێك خێزانێ نه و ژ ئیرانێ ڤه‌گه‌ریاینه.
ئه‌ڤرۆ 25/2/2020 وه‌زاره‌تا ساخله‌میا عیراقێ د راگه‌هاندنه‌كێ دا به‌لاڤكریه بۆ ئه‌وێ خێزانێ پشكنینێن ساخله‌مێ هاتینه كرن و ئه‌نجامێن شیكاری یێن وان ده‌ركه‌تینه كو توشی ڤایرۆسێ كورونا بووینه.
وه‌زاره‌تا ساخله‌میا عیراقێ ئه‌و چه‌نده ژی ته‌ئكید كر كۆ دێ هه‌موو رێ و ئاوایین پێدڤی بكار ئینین بۆ خۆ پاراستنێ ژ ئه‌ڤی ڤایرۆسی.
ئه‌ڤرۆ نیوز:
وه‌زیرێ بازرگانی و پیشه‌سازیا حوكمه‌تا هه‌رێما كوردستانێ راگه‌هاند: ل كۆمبوونا جڤاتا وه‌زیران دا پێشنیازا ڤه‌كرنا توخیبی بۆ هنده‌ك پیدڤێن تایبه‌ت یا ڤه‌كری بیت مه‌كریه.
كه‌مال موسلم وه‌زیری بازرگانی و پیشه‌سازیا حكومه‌تا هه‌رێما كوردستانێ راگه‌هاند:پێشنیازا ئه‌وێ چه‌ندێ دكه‌ین، كۆ خالین توخیبی یێن ئیرانێ بۆ هنده‌ك پیدڤیێن تایبه‌ت یا ڤه‌كری بیت، ئه‌ڤه ژی ل بن كۆنتروله‌كا هیر یا ساخله‌میی دا بیت، ئه‌وی ده‌می كۆنترولكرنا ساخله‌میێ باشتر دبیت.
وه‌زیری بازرگانی و پیشه‌سازیا حكومه‌تا هه‌رێما كوردستانێ راگه‌هاند ژی داخازێ ژ وه‌زاره‌تا ناڤخو دكه‌ین، هه‌ڤكار بن بۆ ئه‌وێ چه‌ندێ لژنه‌یێن چاڤدێریكرنا بازاری بێ گرفت كارین خۆ ئه‌نجام بده‌ن، رێگریێ ل هه‌ر جوره‌كی پاوانخوازیێ و ده‌لیڤه زانینا ره‌وشی تشتی گران بكه‌ن، هه‌كه گرتنا خالین توخیبی ل گه‌ل ئیرانی ڤه‌كێشا، ئه‌ڤه گرقته‌كا مه‌زن دروست نابیت چونكو چه‌ندین رێك و جهگرتیێن دی یێن بازاری هه‌نه.
ئەڤرۆ نیۆز، قائید میرۆ:
ل باژێڕێ ھەولێرێ شەڕ دناڤبەرا دوو نۆشدارێن جوانکاریێ پەیدابوو پەیڤدارێ پۆلیسێن ھەولێرێ ژی دبێژیت، ئێک ژ نۆشداران ب چەقویێ دوماھی ب ژیانا خوە ئینایە.
ھۆگر عزیز، پەیڤدارێ پۆلیسێن ھەولێرێ بۆ ئەڤرۆ نیۆز دیارکر” ھێزێن پۆلیسان مەغرەبیا دوھی رۆژا دو شەمبی ھاتنە ئاگەھدارکرن لدۆر پەیدابوونا روویدانەکا کوشتنێ و پشتی گەھشتنا ھێزێن ئەمنی ده‌رکەفت ل ناحیا عەنکاوە یا نێزیک ھەولێرێ دناڤا سەنتەرەکێ جوانکاریێ شەڕ دناڤبەرا دو نۆشدارێن جوانکاریێ پەیدابوویە و ب چەقۆیان ھێرشی سەر ئێکدووکریە.
ھۆگر عەزیز ئاشکراکر” ئێک ژ نۆشداران کو مەسیحیە ب چەقویێ خوە کوشتیە و ھێزێن پۆلیسان ژی دەست ب ڤەکۆلینێ کریە لدۆر روویدانێ و کەسێن گونەھبار دێ سزایێن قانوونی بۆ ھەبن.
ئه‌ڤرۆ نیوز:
په‌یڤدارا وه‌زاره‌تا ده‌رڤه‌یا ئه‌مریكا راگه‌هاند ره‌وشا مرۆڤایه‌تیێ ل ئدلبێ خرابه و داخازێ ژ روسیا و ئیرانێ دكه‌ین ژیانا وه‌لاتیێن مه‌ده‌نی یێن ئه‌وێ پارێزگه‌هێ ب پارێزن.
مورگان ئورتاگوس په‌یڤدارا وه‌زاره‌تا ده‌رڤه‌سا ئه‌مریكا راگه‌هاند: د سه‌ر ئه‌ڤی عه‌ردی چ تشته‌ك وه‌ك ئه‌وان كارێن سوپایێ ئه‌سه‌دی ل ئدلبێ ئه‌نجام دده‌ن كرێت و خراپكار نین، پێدڤیه روسیا و ئیران بۆ پاراستنا گیانێ وه‌لاتیێن مه‌ده‌نی یێن ئه‌وێ پاریزگه‌هێ و بوردومانێن ئه‌سه‌دی رابوه‌ستینن.
ناڤبریێ ئاماژی ب وێ چه‌ندێ دا كۆ واشنتون د په‌یوه‌ندێن به‌رده‌وام دایه ل گه‌ل نه‌ته‌وه‌یێن ئێكگرتی و توركیا و روسیا بۆ چاره‌كرنا قه‌یرانا ئه‌وێ پارێزگه‌هێ.
ئه‌ڤرۆ نیوز:
سه‌رۆكێ ئه‌مریكا دونالد تره‌مپ داخازا دو ملیار و 500 هه‌زار دۆلاران دكه‌ت، كۆ بهێنه ته‌رخانكرن بۆ به‌رهنگاربوونا ڤایرۆسێ كورونا و هه‌ر ئێك ژ ئه‌مریكا و كوریا باشور شرۆڤه‌یا كێمكرنا راهێنانێن سه‌ربازی دكه‌ن د ده‌مه‌كی دا ڤایرۆسێ كورونا ل ئه‌وروپا و رۆژهه‌لاتا ناڤی دا به‌ربه‌لاڤ بوویه.
كوچكا سپی ژی ئه‌و چه‌نده دیاركریه كۆ زێده‌تری ئێك ملیار دۆلار هاتینه داخازكرن بۆ بودجا ڤایرۆسی، ئه‌و پاره بۆ پێشڤه‌برنا هه‌وێن ڤاكسیندانێ دهێته بكار ئینان.
ئه‌مریكا و كوریا باشور دانوستاندنێ ل سه‌ر راوه‌ستاندن یان كێمكرنا مه‌شقێن سه‌ربازی ب ئه‌گه‌رێ مه‌ترسیا ڤایرۆسێ كورونا.
ئه‌ڤرۆ نیوز:
سه‌رۆك وه‌زیرێ راسپاردی بۆ پێك ئینانا كابینا نوو یا حكومه‌تا عیراقێ راگه‌هاند: هنده‌ك پارتێن سیاسی دڤێن كۆ كه‌سێن بێ لایه‌ن و ده‌ست پاقژ نه بنه وه‌زیر و به‌رپرس، پاره‌یه‌كێ زۆر پێشنیازكرینه بۆ ئه‌وێ چه‌ندی كابینا نوو شكه‌ستنێ بینیت.
د نامه‌یه‌كێ دا بۆ سه‌رۆكاتیا جڤاتا نوونه‌رێن عیراقێ هنارتیه، عه‌لاوی هوشداریا ئه‌وێ چه‌ندێ دا كۆ هژماره‌كا په‌رله‌مانتاران كه‌ڤتینه بن كارتێكرنا مه‌زاختنا پاره‌یه‌كی زۆر و دڤێن شكه‌ستنێ ب كابینا نوو یا حكومه‌تێ بینن.
عه‌لاوی هه‌ر دنامه‌یێ دا ته‌ئكید كر كۆ ئه‌و كه‌سێن گه‌نده‌ل و تاقیكری ناكه‌ته وه‌زیر.
به‌ری نوكه ژی چه‌ندین جاران ئه‌و چه‌نده به‌لاڤبوویه كۆ په‌رله‌مانتارین عیراقێ ب پاره‌یی ده‌نگ ب وه‌زیر و به‌رپرسێن بلندێن عیراقی دایه زێده‌باری ئه‌وێ چه‌ندێ كۆ خودان مووچه‌یه‌كێ زۆرن.
ئه‌ڤرۆ نیوز:
چاڤه‌رێ دهێته‌كرن ئه‌ڤ شه‌ڤه ل ده‌مژمێر 11:00 شه‌ڤ هه‌ردو یانێن ناپولى و به‌رشه‌لۆنا ل یاریگه‌ها سان پاولو یا تایبه‌ت ب یانا ناپولى ڤه هه‌مبه‌رى ئێك به‌ن ژ چارچوڤێ یاریێن قوناغا 16 ژ قاره‌مانیا چامپیونیز لیگا ئورۆپا .
راهێننه‌رێ یانا به‌رشه‌لۆنا بۆ ڤێ یاریێ دیاركر ئه‌و پێشبینى دكه‌ت دێ یاریه‌كا گه‌له‌ك ب هێز و زه‌حمه‌ت بیت بوو ئه‌وان ژبه‌ركو ئه‌و دێ هه‌مبه‌رى تیمه‌كا ب هێز یاریێ كه‌ن و پێدڤى یه ب هشیارى یاریێ به‌رامبه‌ر ناپولى بكه‌ین لێ ئه‌وى باوه‌رى ب شیانێن تیما خوه هه‌یه دێ ب ئه‌نجامه‌كێ سه‌ركه‌فتى ژ یاریێ ده‌ركه‌ڤن و ئه‌نجامێ ڤێ یاریێ یێ باش بیته پالده‌ره‌ك بشێن ئه‌نجامه‌كێ باشتر ل كیلاسیكو ب ده‌ستخوڤه توماربكه‌ن.
هه‌ردیسان كیكى سیتین ئاماژه ب وێ چه‌ندێ ژى كر ئه‌ڤه د بیته یاریا وى یا ئێكێ د مێژویا وى یا راهێنه‌رى دا د قاره‌مانیا چامپیونیز لیگ دا و دبینت بۆ وى یاریه‌كا مێژوى یه و تایبه‌ت ل یاریگه‌هه‌كا وه‌كو سان پاولو كو رۆژه‌ما مێژویى یه بوو وى .
سه‌باره‌ت ڤایروسێ كورونا ناڤبرى دیاركر ئه‌و ژ تیما خوه ناترسیت و ئه‌و د گه‌رمه گه‌رمیه‌كا هه‌ڤركیا سه‌ركه‌فتنێ هاتینه ئیتالیا و ئارمانجا وى یا سه‌ره‌كى ل ڤێ حه‌فتیێ ئه‌وه ئه‌و ب دو سه‌ركه‌فتنا ب دووماهیى بینن ئه‌وژى سه‌ركه‌فتن ل سه‌ر ناپولى و پاش ل یاریا كلاسیكو پشتى ئه‌وان هه‌ردو یاریان هزر ل یاریێن دویڤدا بكه‌ین.
ئه‌ڤرۆ نیوز،له‌زگین جوقی:
ل ده‌ڤه‌را باشیكێ پێشنیاز دهێته كرن رۆژه‌ك بۆ جلێن كه‌لتورێ ئێزدیاتیێ بهێته دانان ئه‌ڤ رۆژه ژی بكه‌فته جه‌ژنا سه‌ری سالیێ دا.
داسن قه‌وال سلێمان سڤو، خۆدانێ پێشنیازێ و سه‌رۆكێ به‌رێ یێ جڤاتا باشیك دیاركركو ل باشیكێ وهه‌موو ده‌ڤه‌رێن ئێزدیان كه‌لتوره‌كێ ده‌وله‌مه‌ندێ كه‌لتوری هه‌یه مه ڤیا ئه‌ڤ كه‌لتورهه‌ر بمینیت زیندی دناڤ خه‌لكێ مه دا، له‌ورا مه پێشنیازه‌ك كریه بۆ خه‌لكێ خوه یێ ئێزدی رۆژا بكارئێنانا جلێن كه‌لتوری یێ ئێزدیان هه‌بیت ئه‌وژی هه‌كه رۆژا جه‌ژنا سه‌ری سالیێ (چوارشه‌مبیا سۆر) هه‌موو ئێزدی جلێن كه‌لتوری ب كه‌نه به‌رخۆ، دێ تشته‌كێ زۆر باش بیت بۆ ساخكرنا كه‌لتورێ باب وبپیران.
ناڤهاتی ئه‌وژی ئاشكه‌را كركو ئێزدی خۆدان كه‌لتوره‌كێ مه‌زنن ل باشیكێ وبه‌حزان، هه‌تا نوكه ئه‌ڤ كه‌لتوره هاتیه پاراستن وخه‌لك بكاردئینیت ئه‌م پیشنیاز دكه‌ین ل هه‌موو ده‌ڤه‌رێن ئێزدیان رۆژه‌ك هه‌بیت هه‌موو خه‌لكێ مه بكاربینن ڤان جلكێن كه‌لتورێ.
نيشاندان