ئەڤرۆ نیوز:
ئەڤرۆ شاندەک ژ وەزارەتا پێشمەرگەی سەرەدانا بەغدا کرن و ل گەل وەزارەتا بەرەڤانیێ یا عیراقێ کۆمبوون، د کۆمبوونێ دا بەحسێ چاوانیا هەماهەنگیێ د ناڤبەرا سوپایێ عیراقێ و پێشمەرگێن کوردستانێ دا هاتە کرن.
هەر د کۆمبوونێ دا بەحسێ مەترسیا داعشێ ژی هاتە کرن و هاتە دیار کرن کو دڤێت هەر دو ئالی پتر پێکڤە د هەماهەنگ بن دا رێگری ل مەترسیا داعشێ ل هەموو عیراقێ بهێتە کرن.
ئه‌ڤرۆ نیوز:
په‌یڤدارێ وه‌زاره‌تا پترۆلا عیراقێ رێژا هارتن و داهاتێ پترۆلا وه‌لاتێ خۆ راگه‌هاند ل هه‌یڤا كانوونا دێ یا 2020 ئاشكه‌راكر .
عاسم جیهاد په‌یڤداری وه‌زاره‌تا پترۆلا عیراقێ راگه‌هاند: رێژا هنارتنا پترۆلێ ژ زه‌ڤیێن جودایێن وه‌لاتی و كه‌ركوكێ بۆ هه‌یڤا ئێكا سالا 2020 ئاشكراكر، كۆ كۆمپانیا بازاركرنا پترۆلا عیراقێ سۆمۆ 102 ملیۆن و 485 هه‌زار و 691 به‌رمیلێن پترۆلێ فرۆتینه، بڤێ رێژا پترۆلێ ژی شه‌ش ملیار و 163 ملیۆن و 383 هه‌زار دۆلار وه‌ك داهات بۆ عیراقێ دابینكریه.
په‌یڤدارێ وه‌زاره‌تا پترۆلا عیراقێ راگه‌هاند ژی 101 ملیۆن و 62 هه‌زار و 366 به‌رمیل ژ زه‌ڤیێن باشور و ناڤه‌راست هنارتینه ده‌رڤه، داهاتێ وان ژی 63 ملیۆن و 663 هه‌زار و 137 دۆلار بوویه، ئێك ملیۆن و 114 هه‌زار و 35 به‌رمیل ژ زه‌ڤیێن كه‌ركوكێ هاتینه ره‌وانه‌كرن و داهاتێ وان ژی 63 ملیۆن و 63 هه‌زار و 137 دۆلار بووینه.
ئەڤرۆ نیوز:
پاش ئەوەی ڤایرۆزی کۆرۆنا لە وەڵاتی ئێران بڵاو بوییەوە حکومەتی عێراق و هەرێمی کوردستان دەروازەکانی گەشت کردن بۆ ئەو وەڵاتیان ڕاگرت ناردنە دەرەوەی بەرکەوتوانی چەکی کیمیاوی هەڵەبجە بۆ چارەسەر دوواخرا.
بڕیاربوو لە ڕێگەی فڕۆکەخانەی نێودەوڵەتی سلێمانی ٥۳ بەرکەوتوی چەکی کیمیاوی لەسەر فەرمانی مەسرور بارزانی بۆ چارەسەر بنێردرێنە وەڵاتی ئێران، بەڵام تاوەکو پاش کۆتایی هاتنی مەترسی نەخۆشییەکە لەو وەڵاتە ناردنەدەرەوەیان ڕاگیراوە.
ئازاد مستەفا بەڕێوەبەری گشتی تەندروستی پارێزگای هەڵەبجە، بە ئەڤرۆ نیۆزی ڕاگەیاند:” بەهۆی مەترسی نەخۆشی کۆرۆنا لە وەڵاتی ئێران و ڕاگرتنی گەشتە ئاسمانییەکانی نێوان کوردستان و وڵاتی ئێران، ناردنە دەرەوەی بەر کەوتوانی چەکی کیمیاوی بۆ چارەسەر ڕاگیرا”.
مستەفا زیاتر دەڵێ:” پاش ئەوەی ناردنە دەرەوەی بەرکەوتوانی چەکی کیمیاوی بۆ چارەسەر لە پاسەوە گۆڕدرا بە فڕۆکە ۱٥ڕۆژی پێچوو تاوەکو تەواوی ڕێکارە یاسایی و داراییەکانی بە کۆتا گێشت بڕیاربوو ڕۆژی یەک شەممەی ئەم هەفتە بەرکەوتوان بۆ چارەسەر سەفەرەکەیان بکرداییە بەڵام بڵاو بوونەوەی ڤایرۆزی کۆرۆنا لە ئێران بە ڕژدی و ڕاگرتنی گەشتەکان بۆ ئەو وڵاتە لە فڕۆکەخانەی سلێمانییەوە ئاگادارکراین ناوتوانن سەفەرەکە بکەن و بلیتە کانی گشتی بەرکەوتوان و تیمی یاوەریان بۆ گەڕاندینەوە”.
ناوبراو ئاماژەی بۆ ئەوەکرد:” هەرکە مەترسی نەخۆشی کۆرۆنا لە ناوچەکە و بەتایبەت ئێران کۆتایی هات و کۆنتڕۆڵکرا گەشتەکان بۆ ئەو وەڵاتە دەستی پێکردەوە ئەوە ڕاستەوخۆ بەرکەوتوانی چەکی کیمیاوی بۆ چارەسەر ڕەوانەدەکەن و مامەڵە یاسایی و داراییەکانیان بە کۆتاگێشتووە تەنها ئەو فایرۆزە ڕێگرە لەبەردەمدا.
سەرۆکی حکومەتی هەرێمی کوردستان مەسروور بارزانی زیاتر لە سەد ملیۆن دیناری بۆ چارەسەکردنی ٥۳بەرکەوتوی چەکی کیمیاوی هەڵەبجە تەرخانکردووە.
ئه‌ڤرۆ نیوز:
وه‌زاره‌تا كاره‌با حكومه‌تا هه‌ریما كوردستانێ راگه‌هاند: سه‌رۆكێ حكومه‌تێ ره‌زامه‌ندی دا ل سه‌ر دامه‌زراندنا سێ ئێسگه‌هێن به‌رهه‌م ئینانا ووزه‌یا كاره‌بێ ژ تیشكا رۆژێ ل پارێزگه‌هێن هه‌ولێر و سلێمانی و دهۆك كو شیانێن به‌رهه‌م ئینانا 25 مێگا واتێن كاره‌بێ ژ هه‌ر ئیسگه‌هه‌كی .
وه‌زاره‌تا كاره‌با هه‌رێما كوردستانێ د راگه‌هاندنه‌كێ دا كۆ بۆ ئه‌ڤرۆ نیوز هاتیه هنارتن و راگه‌هاندیه د به‌رده‌وامیا بزاڤێن بۆ زێده‌كرنا به‌رهه‌مئینانا كاره‌بێ و چاره‌كرنا ئاریشه‌یێن كاره‌بێ، مه‌سرور بارزانی سه‌رۆكێ حكومه‌تێ ره‌زامه‌ندی دا ب دامه‌زراندنا سێ ئێسگه‌هێن به‌رهه‌مئینانا كاره‌بێ ب تیشكا رۆژێ ل پارێزگه‌هێن هه‌ولێر و سلێمانی و دهۆك.
د ئه‌وێ راگه‌هاندنێ دا هاتیه كۆ شیانێن هه‌ر ئیك ژ ئه‌وان ئیسگه‌هان 25 میگاواتێن كاره‌بێ یه، بریاره بڤی شیوه‌یێ وه‌به‌رهێنان ژلایێ كه‌رتێ تایبه‌ت ڤه بهێته ئه‌نجام دان.
به‌رهه‌م ئینانا كاره‌بی ب تیشكا رۆژی ئێكه ژ ئه‌وان پرۆژه‌یێن گرنگێن دوستێ ژینگه‌هێ و وه‌زاره‌تا كاره‌با حوكمه‌تا هه‌رێما كوردستانێ دیاركر پشته‌ڤانیا هه‌موو وه‌به‌رهێنه‌رێن دڤی بواری دا دكه‌ین.
وه‌زاره‌تا كاره‌بێ ئه‌و چه‌نده ژی دیاركر كۆ نوكه ده‌ست ب به‌رهه‌ڤكرنا ته‌نده‌ر و گرێبه‌ستان ب مه‌به‌ستا ئه‌نجامدانا پرۆژان كریه، كۆ بریاره ب شیوه‌یێ وه‌به‌رهێنانێ ژلایێ كه‌رتێ تایبه‌ت ڤه بهێته ئه‌نجامدان و لگۆری رێكه‌تن و گرێبه‌ستێ ئه‌و رێژا كاره‌با ژێ دهێته به‌رهه‌م ئینان ژێ بهێته‌كرین.
ئەڤرۆ نیۆز، قائید میرۆ:
محەمەد ئیلخانی، ئەندامێ شاندێ دانوستانکارێ ھەرێما کوردستانێ بۆ ئەڤرۆ نیۆز دیارکر” شاندێ ھەرێما کوردستانێ ل بەغدا چەندین کۆمبوون دگەل لایەنێن عێراقی ئەنجامداینە و ھەموو لایەنێن عێراقی پشتەڤانیا خوە بۆ ھەرێما کوردستانێ دیارکریە و سۆزدایە بێی ھەرێما کوردستانێ حوکمەتا نوویا عێراقێ ناھێتە پێک ئینان، دەستپێکێ ئەم دگەل محەمەد تەوفیق عەلاوی نەگەھشتین رێکەفتنێ، بەلێ د کۆمبوونا دوماھیێ پێشڤەچوونێن باش ھەبوون.
ئەندامێ شاندێ ھەرێما کوردستانێ گۆتژی” مە داخوازکریە مووچە و بودجێ ھەرێما کوردستانێ بەردەوامبێت و مادێ ١٤٠ بھێتە بجە ئینان، ھەروەسا دانانا وەزیرێن کورد ژلایێ ھەرێما کوردستانێ ڤە بیت نەک خەلکەک ل جھێ ھەرێما کوردستانێ بڕیارێ بدەت.
محەمەد ئیلخانی ئاشکراکر” گورەی رێکەفتنامە دگەل عەلاوی دێ وەزیرێن کورد ژلایێ ھەرێما کوردستانێ ڤە بھێنە دیارکرن، ھەروەسا سۆزدایە داخوازیێن کوردان بەرچاف بھێنە وەرگرتن، بەلێ ئەم دێ ئەڤێ پەیامێ گەھینین سەرکردایەتیا سیاسیا کوردستانێ و ئەو دێ بڕیارێ بدەن.
ئه‌ڤرۆ نیوز:
سه‌رۆكێ ئه‌مریكا راگه‌هاند: هه‌كه دانوستاندنێن مه ل گه‌ل تالیبان سه‌ركه‌فتی بوون، ب بنه ئه‌گه‌رێ دوماهی هاتن ب شه‌رێ 18 سالیێ ئه‌فغانستانێ، ئه‌ڤه دێ رێكه‌تنا ئاشتیێ ل گه‌ل تالیبان ئیمزا كه‌ین.
دونالد تره‌مپ سه‌رۆكێ ئه‌مریكا ئاماژه ب رێكه‌تنێ دا و راگه‌هاند: بریار گرێدایی ئه‌وان پێشڤه‌چوونێن دهێنه‌كرن ل گه‌ل ئاگربه‌ستا ده‌مكی و من دڤێت ب بینم ئه‌ڤ هه‌فتیه دێ چه‌وا برێڤه چیت، هه‌كه سه‌ركه‌فتی بووین، ئه‌ڤه ده‌مێ وێ چه‌ندێ یه سه‌ربازێن خۆ ڤه‌گه‌رینه وه‌لاتی و دوماهیی ب ڤێ چه‌ندێ بینین، دوێ هزری دامه تالیبان ژی دێ رێكه‌تنێ كه‌ن چونكو ئه‌و ژی وه‌ستیان.
ئه‌ڤرۆ نیوز، له‌زگین جوقی:
قائیمقامێ قه‌زا شنگال دیاركركو ل ته‌له‌عفه‌ر گۆره‌كێ ب كۆم یێ خه‌لكێ مه هاتیه دیتن وپێشبینی دهێته كرن چه‌ندێن گۆرێن دی یێن ب كۆم یێن خه‌لكێ مه ل ته‌له‌عفه‌ر و كسر الحراب هه‌بن.
مه‌حما خه‌لیل، قائیمقامێ قه‌زا شنگال دیاركركو روفاتیێن خه‌لكێ شنگال هیشتا دناڤ گۆرێن ب كۆمدانه و نه‌هاتینه ڤه‌كرن وبه‌رده‌وام گۆرێن ب كۆم یێن خه‌لكێ مه دهێنه دیتن ئه‌م پێشبینیێ دكه‌ین هیشتا گۆرێن ب كۆم یێن وه‌لاتیێن ئێزدی ل ته‌له‌عفه‌ر و كسر الحراب بهێنه دیتن چونكو ل ڤان ده‌ڤه‌ران گه‌له‌ك زۆرداری ل خه‌لك هاتیه كرن ژ جینوسایدا شنگال هه‌تا نوكه ژی وه‌كو پێدڤی كار ل سه‌ر گۆرێن بكۆم نه‌هاتیه كرن ئه‌م هیڤدارین هه‌موو گۆرێن بكۆم بهێنه ڤه‌كرن وروفات بۆ كه‌س و كارێن وان بهێنه زڤراندن.
خۆیا ژی كركو نها ل ته‌له‌عفه‌ر دناڤ بیره‌كا ئاڤێدا گۆره‌كێ ب كۆم هاتیه دیتن لێ هیشتا دیارنینه چه‌ند روفات تێدا هه‌نه ئه‌م د وێ باوه‌ریێ داینه پتر گۆرێن بكۆم یێن خه‌لكێ مه‌نه، چونكو ل ته‌له‌عفه‌ر و كسر المحراب گه‌له‌ك زۆرداری ل خه‌لكێ ره‌ڤاندی یێن شنگال هاتیه كرن.
ئه‌ڤرۆ نیوز:
ئه‌مینداریا جڤاتا وه‌زیرێن عیراقێ د نڤیساره‌كا فه‌رمی دا رێك ب ڤه‌گه‌ریانا كرێكارێن چینی دایه ب وی مه‌رجی ته‌ڤایا پشكنینێن ساخله‌میێ بۆ بهێنه‌كرن.
حه‌مید غه‌زی ئه‌میندارێ گشتی یێ جڤاتا وه‌زیرێن عیراقێ د نڤیساره‌كا فه‌رمی دا پشت به‌ستن ب بریارێن جڤینا 11/2/2020 بریارا ڤه‌گه‌ریانێ بۆ كرێكارێن چینی هاته دان بۆ ناڤ ئاخا عیراقێ بۆ سه‌ر كارێن وان، به‌لی ب مه‌رج ، ئه‌و مه‌رجێ ڤه‌گه‌ریانا وان كرێكاران ژی ئه‌وه كۆ ته‌ڤایا پشكنینێن پشت راستبوونا ساخله‌میێ ل دوبه‌ی یان دوحه بهیێنه‌كرن.
ئه‌ڤرۆ نیوز:
بریاره ئه‌ڤرۆ شانده‌كێ بلندێ وه‌زاره‌تا پێشمه‌رگه‌ی سه‌ره‌دانا به‌غدا بكه‌ت و ل گه‌ل به‌رپرسێن وه‌زاره‌تا به‌ره‌ڤانیا عیراقێ كۆم بیت.
وه‌زاره‌تا پێشمه‌رگه‌ی به‌لاڤكریه، بریاره ئه‌ڤرۆ 24/2/2020شانده‌كێ بلندێ وه‌زاره‌تا پێشمه‌رگه‌ی ب سه‌رۆكاتیا شوره‌ش ئیسماعیل وه‌زیرێ پێشمه‌رگه‌یێ حكومه‌تا هه‌رێما كوردستانێ سه‌ره‌دانا به‌غدا بكه‌ت و ل گه‌ل وه‌زیرێ به‌ره‌ڤانیا حكومه‌تا فیدرال و به‌رپرسێن بلندێ ئه‌وێ وه‌زاره‌تێ كۆم بیت.
ئه‌ڤرۆ نیوز:
توركیا بۆ به‌رهنگاربوونا روسا، داخازا هه‌ڤكاریێ ژ ئه‌مریكا كر، هنده‌ك ژێده‌ر را دگه‌هینن كۆ ئه‌مریكا توركیا بێ ئومێد كریه و نه‌ڤێت بكه‌ڤته ناڤ شه‌ره‌كی ل گه‌ل روسیادا.
ئاژانسێن نووچه‌یان به‌ڤلاكرن، توركیا داخاز ژ ئه‌مریكا كر كۆ ب رێكا فرۆكه‌یێن بێ فرۆكه‌ڤان، زانیاریان ل سه‌ر جهـ و باره‌گه‌هێن سوپایێ سوریا و روسیا ل باژێرێ ئدلبێ بده‌تێ، ئه‌مریكا ئه‌و داخازیا توركیا ره‌تكریه.
مه‌به‌ستا توركیا ژ وه‌رگرتنا ئه‌وان زانیاریان داكۆ بشێت لگۆری پلانه‌كا سه‌ربازی یا گشتگیر سوپایێ سوریا بشكێنیت و زیان به‌ر سوپایێ روسیا نه‌كه‌ڤیت، تایبه‌ت سه‌ربازێن روسیا كۆ ل باژێرێ ئدلبێ و ده‌ڤه‌رێن باكورێ سوریا به‌لاڤ بووینه.
لگۆری ئاژانسێن نوچه‌یان، ئه‌مریكا داخازا توركیا ره‌تكریه و نه‌ڤیایه بكه‌ڤته ناڤ به‌رهنگاربونه‌كا راسته‌وخو و دروستكرنا شه‌ره‌كی ل گه‌ل روسیا، به‌لێ پرسا رێگرتن ژ دزینا تیرۆریستان به‌رهه‌ڤ بۆ هه‌ڤكاریا توركیا بكه‌ت.
نيشاندان