ئەڤرۆ نیوز:
لۆرێنزۆ گویرینی وەزیرێ بەرەڤانیێ یێ ئیتالیا پشتی هەڤدیتنا ل گەل سەرۆک وەزیرێن هەرێما کوردستانێ راگەهاند کو هەرێما کوردستانێ پەیوەندیێن گەلەک باش ل گەل ئیتالیا هەنە، ئیتالیا هەرێما کوردستانێ وەکو دۆستەک نێزیکی خوە دبینیت و کوردان د شەرێ ل دژی داعشێ دا رۆلەک گەلەک گرنگ گێراینە.
وەزیرێ بەرەڤانیێ یێ ئیتالیا ئەو یەک ژی دیار کر کو بەری نها وی سەرەدانا هەرێما کوردستانێ کریە و وەکو حوکمەتا ئیتالیا دێ هاریکاریا پێشمەرگێن کوردستانێ کەن.
ئەڤرۆ نیوز:
د. جوتیار عادل پەیڤدرێ فەرمی یێ حوکمەتا هەرێما کوردستانێ دیار کر کو حوکمەت ب هەموو رەنگەکێ کار دکەت کو مووچە د دەمێن خوە دا بهێنە مەزاختن و گۆت: (ل گەل بەغدا ژی ب هەموو رەنگەکێ کار بۆ هندێ دکەین دا چو ئاریشە بۆ مووچێن فەرمانبەران دروست نەبن و هەتا نها ژی مووچە د دەمێن خوە دا دهێنە دان و چو ئاریشە ژ ئالیێ بەغدایی ژی دروست نەبووینە).
ئەڤرۆ نیوز:
پشتی مرنا دو کەسان ل ئیرانێ ب ڤایرۆسا کۆرۆنا برایێ ئێک ژ مریان بۆ دەزگەهێن راگەهاندنێ دیار کر کو پشکنینێن پێدڤی بۆ نەخوشان ناهێتە کرن و هەتا نها ژی ئامارا دروست یا نەخوشیێن کۆرۆنایێ ل ئیرانێ نینە و بەرپرسێن دەولەتێ ژی ل هەمبەر کۆرۆنا بێدەنگن و ناخوازن راستیان بۆ رایا گشتی ئاشکرا بکەن.
دەزگەهێن راگەهاندنا ئیرانێ ژی دیار دکەن کو وەزارەتا ساخلەمیێ و ئالیێن پەیوەندیدار چو بەرهەڤی ڤایرۆسا کۆرۆرنا نەکرینە.
ئەڤرۆنیوز، ئێقبال عومەر:
شەڤابوری ل دەمژمێر :۱۲ و پێنجی خولەكێ شەڤێ برسیەکا بھێز ل مالەکێ دا ل سەنتەرێ ناحیا شێلادزێ و د ئەنجامدا زیان گەهاندینە مالێ .
سەعدی سەعید بێسەپی خودانێ مالێ بۆ ئەڤرۆ نیوز دیارکر کو ئەو ل مال بو و زاروکێن وی د خەودا بون و ئەوژی یێ هشیار بو و گۆت: (من گوه ل دەنگەکێ بھێز بوو و من دیت خانی هەمی تژی روناهی بو و قیژی و هەوار کەفتە زاروکێن من ل مالدا هەمی ئامیرێن کارەبای وەك تێلەفزیون و سەلاجە و موجەمیدە و پانك و گلوپ هەمی ئامیرێن کارەبای هاتنە سوتن زور زەرەر گەهاندە مالا مە) و دیار کر ، سێ زاروکێن من نەخوش کەتینە ژبەر وی دەنگێ بهێز یێ بریسیێ و هەم ژ ترساندا سوپاس بو خودێ مالا من هەمی ب سلامەتن ).
ژلایێ خوەڤە وەلاتیەکێ دی بناڤێ سەکڤان تەمەر دا دیارکرن کو وێ بریسیێ زەرەر و زیان گەهاندینە چەندین مالێن دی ل دەوروبەرێن وان و گوت: (شەڤا بوری بریسیێ ل بانێ خانیێ سەعدی سەعید دا زور زەرەر گەهاندە ئامیرێن کارەبای یێن مالا وی و زاروکێن ویژی نەخوەش کەتینە ژبەر دەنگێ بهێز یێ بریسیێ و هەروەسا زور زەرە و زیان گەهاندینە ئامیرێن کارەبای یێن مالا مە هەمی سوتینە و هەروەسا زێدەتر دەه مالێن دی یێن جیرانێن مە ئامیرێن کارەبای یێن مالێن وان سوتینە).
ئه‌ڤرۆ نیوز:
شاخه‌وان عه‌بدلا ئه‌ندامێ لژنا ئاسایكرنا ره‌وشا كه‌ركوكێ راگه‌هاند: به‌رپرسیاریا شه‌هید و بریندارێن گه‌نجێن گۆندێ چه‌خماخه دكه‌ڤته د ستویێ حكومه‌ت و هێزێن عیراقێ دا، میلیشیایێن حه‌شدا شه‌عبی و هێزێن عیراقی ب ئاسانكاری بۆ چه‌كدارێن داعشێ تاوانبارن، چونكو به‌ره‌ڤانیێ ژ گۆندێن كوردان ناكه‌ن و رێكێ ژی ناده‌ن خه‌لكێ ئه‌وان گۆندان چه‌كی بۆ به‌ره‌ڤانیكرنێ بكار بینن.
شاخه‌وان عه‌بدلا ئه‌ندامێ لژنا ئاسایكرنا ره‌وشا كه‌ركوكێ دیاركر كۆ داخازێ ژ هه‌ردو حكومه‌تا عیراقێ و هه‌رێما كوردستانێ دكه‌ین له‌زێ بۆ بلاڤكرنا هێزێن زێده‌تر تایبه‌ت هیزا پێشمه‌رگه‌ی ل ئه‌وان ده‌ڤه‌رێن مافێ به‌ره‌ڤانیكرنێ ژ وان وه‌لاتیان نه‌هاتیه دان بلاڤ ببن، داخازێ ژ هنارتیێ تایبه‌تێ سكرتێری گشتی یێ نه‌ته‌وه‌یێن ئیكگرتی ل عیراقێ دكه‌ین بله‌ز چاڤدێریا دانوستاندنێن ئاسایكرنا ره‌وشا كه‌ركوكێ و بزاڤێن بجهكرنا لێك تێگه‌هشتنێ بكه‌ت.
ئه‌ڤرۆ نیوز:
ستێرا ئه‌رژه‌نتینى و یانا به‌رشه‌لۆنا لیونێل میسى دیاركر یانا ئه‌تله‌تیكو مه‌درید ئێك ژ ئه‌وان یانایه هێزه‌كا مه‌زن هه‌یه تایبه‌ت ل قاره‌مانیێن وه‌كو چامپیونیز لیگ و دبینت ئه‌و نێزیكتره بوو ده‌ربازبوونێ بۆ قوناغا هه‌شتێ ژ قاره‌مانیا .
سه‌باره‌ت سه‌ركه‌فتنا ئه‌تله‌تیكو مه‌درید ل گه‌ل لیڤه‌رپول دبینت كو حنێره‌ك بوو ناڤبرى دیاركر راسته ئه‌تله‌تیكو نوكه نه د ره‌وشا خوه یا به‌رى نوكه دایه لێ سه‌ركه‌فتنا ئه‌وان ل سه‌ر لیڤه‌رپول د قاره‌مانیا چامپیونیز لیگ دا نابینت حنێره‌كه ژبه‌ركو لیڤه‌رپول شیانێن هه‌ڤركیێ هه‌نه ل گه‌ل یانێن مه‌زن و تایبه‌ت د قاره‌مانیه‌كا وه‌كو چامپیونیز لیگ دا.
هه‌ریسان ناڤبرى دیاركر ژى ل ده‌مێ پشكێشانا قاره‌مانیا چامپیونیز لیگ ئه‌وى ل ژورا گوهورینا یاریزانان بۆ هه‌ڤالێن خوه دیاركر ئه‌تله‌تیكو مه‌درید شیانێن ده‌ربازبوونێ هه‌نه ل سه‌ر كیستێ لیڤه‌رپول و دبینت ل یاریا بهێت ژى ئه‌تله‌تیكو مه‌درید دێ شێت خوه ژ رێیا لیڤه‌رپول قورتال كه‌ت و دێ ده‌ربازى قوناغا هه‌شتێ بیت.
سه‌باره‌ت راهێنه‌رێ ئه‌تله‌تیكو مه‌درید سیمیونى ناڤبرى دیاركر دبینت ئه‌و راهێنه‌ر ب كاره‌كێ مه‌زن رابوویه و سال بوو سالێ ئاستێ وێ یانێ باشتر لێ دهێت سه‌ره‌راى چوونا هژماره‌كا ستێرێن وێ یانێ لێ ب سه‌ركێشیا سیمیونى هه‌رده‌م ئه‌تله‌تیكو مه‌درید هه‌ڤركیا ب هێزه ل سه‌ر چامپیونیز لیگ و ناسناڤێن نافخوى یێن خۆلا ئیسپانیا و دبینت هه‌كه ئه‌و راهێنه‌ر یێ به‌رده‌وام بیت ل گه‌ل وێ یانێ دێ ل سالا بهێت تیمه‌كا گه‌له‌ك باش و ب هێز هه‌بیت ئه‌تله‌تیكو .
ئه‌ڤرۆ نیوز، مه‌حمود نهێلى:
به‌رپرسێ پشكا كه‌شناسیا ئامێدیێ بۆ ئه‌ڤرۆ نیوز دیاركر، تا نوکە رێژا بارانێن ئەڤ سالە پتر ژ ۳۰۰ ملیمان ژ رێژ پار ڤی دەمی کێمترە ، کو پار تا ڤی دەمی ۹٤۸ ملیمێن بارانێ باری بوون و ئەڤ سالە بتنێ ٦٤٦ ملیمێن باڕانێ بارینە.
هاشم یه‌حیا به‌رپرسێ كه‌شناسیێ ل ئامێدیێ بۆ ئه‌ڤرۆ نیوز دیاركر، رێژا بارانێن سه‌نته‌رێ قه‌زا ئامێدیێ د 24 ده‌مژمێرێن بورى دا ۲۷ ملیم بوون سەرجەمێن ئەڤ سالە گه‌هشتیه ٦٤٦ ملیمان و گۆت: ل سه‌رسنكی ۷٦۷ ملیمێن بارانێ و ل چه‌مانكێ ۷٥۷ ملیم و ل دێره‌لۆكێ ٦٤۲ ملیم و ل كانى ماسێ ژى ٦۷۳ ملیم باران باریه و ل بامه‌رنێ ژی ٥٦۰ ملیمێن بارانێ بارینە. و خویاكر، كو ل ئامێدیێ 154 سه‌نتیمێن به‌فرێ و سه‌رسنكى 119 سه‌نتیم ، ل دێره‌لۆكێ 28 سه‌نتیم ، كانى ماسێ 308 سه‌نتیم ، ل بامه‌رنێ 108 سه‌نتیم و ل چەمانکی ژى 148 سه‌نتیمێن به‌فرێ د هه‌یاما ئه‌ڤ ساله دا بارینه. ناڤهاتی تەکەژ کر ، رێژا پار ڤی دەمی گەلەک پتر بوویە ژ رێژا پار ڤی دەمی.
ئه‌ڤرۆ نیوز:
په‌یڤدارێ وه‌زاره‌تا ناڤخویا عیراقێ راگه‌هاند: وه‌زاره‌ت به‌رهه‌ڤه توخیبێن عیراقێ ل گه‌ل كۆمارا ئیسلامیا ئیرانێ بگریت.
عه‌مید خالد مه‌حنا په‌یڤدارێ وه‌زاره‌تا ناڤخو یا عیراقی راگه‌هاند: بریارا رێگرتن ژ وه‌لاتیێن ئیرانێ بۆ سه‌ره‌جانكرنێا عیراقێ ب ده‌ست وه‌زاره‌تا ساخله‌میێ دایه، وه‌زاره‌تا ناڤخو به‌رهه‌ڤه هه‌موو خالین توخیبی یێن عیراقێ ل گه‌ل ئیرانی بگریت هه‌كه وه‌زاره‌تا ساخله‌میێ داخاز بكه‌ت.
دهۆك، له‌زگین جوقی
وه‌زاره‌تا كوچ و كوچبه‌رێن حكومه‌تا عێراقی بریاردایه هه‌موو كه‌مپێن تایبه‌ت ب ئاواره‌یێن شه‌رێ داعش بهێـنه گرتن ئه‌و خه‌لكێ دناڤا وان كه‌مپادا جاره‌كا دی ڤه‌گه‌رن جهێن خوه.
مه‌حما خه‌لیل، قائیمقامێ شنگال دیاركركو ئه‌و بریارا وه‌زاره‌تا كوچ و كوچبه‌رێن عێراقێ د جهێ خوه دا نینه، ژبه‌ركو هه‌تا نها 80% خه‌لكێ ئاواره‌یێن شنگال نه‌ڤه‌گه‌ریانه جهێن خوه و ره‌وشا ده‌ڤه‌رێ یا ئالوزه و ئه‌م دگه‌ل گرتنا كه‌مپادا نینین، ژبه‌ر ره‌وشا ده‌ڤه‌رێ خه‌لك نه‌شێن ڤه‌گه‌رنه ل سه‌ر جهـ و وارێن خوه، له‌ورا ئه‌ركێ حكومه‌تا عێراقێ یه خزمه‌تێ پێشكێشی ئاواره‌یان بكه‌ت هه‌تا ره‌وشێ باش دكه‌ت ل شنگال.
ناڤهاتی ئه‌وژی دیار كركو ره‌وشا نها یا شنگال گه‌له‌كا ئالوزه ئه‌و ده‌سهه‌لاتا وێ ده‌ڤه‌رێ زولم و سته‌مێ ل خه‌لكێ وێ ده‌ڤه‌رێ دكه‌ت ئه‌وێن نها ئاكنجی و ئه‌و به‌شێن ئاواره‌یێن ڤه‌گه‌ریان، له‌ورا ئه‌گه‌ر ئه‌ڤ بریاره بهێته جێ به‌جێ كرن ئه‌م رازی نابن ژبه‌ركو ده‌ڤه‌رێن مه هاتینه داگیر كرن و ژلایه‌كێ دی ڤه دێ بێژن دێ كه‌مپێن ئاواره‌یان دائێخن.
ئه‌ڤرۆ نیوز، له‌زگین جوقی:
رێڤه‌به‌رێ ناحیا زومار دیاركركو ئه‌ڤرۆ 20/2/2020 ئێدارا زومار دگه‌ل شانده‌كێ ژ ئیدارا مووسل ب فه‌رمێ مه ده‌ست ب ره‌تكرنا زڤرینا خێزانیێن داعش بۆ كه‌مپا گۆندێ عوینات ل ده‌ڤه‌را زومار كر.
ئه‌حمه‌د جه‌عفه‌ر، رێڤه‌به‌رێ ناحیا زومار دیاركركو پشتی ده‌ست ب چێكرنا كه‌مپه‌كێ بۆ زڤرینا خێزانیێن داعش هاتیه كرن گه‌له‌ك مه‌ترسیی دناڤ خه‌لكێ زومار وسنوونێ وره‌بیعه و شنگال دا دروستبوویه وفشاره‌كا مه‌زن هاتیه كرن كار دچێكرنا كه‌مپێ دا بهێته راوه‌ستاندن و خێزانیێن داعش ل زومار نه‌هێنه ئاكنجیكرن له‌ورا مه ژی ده‌نگێ خوه دایه دگه‌ل ده‌نگی وه‌لاتیێن زومار ئه‌م دژی بریارا چێكرنا كه‌مپێ و زڤرینا خێزانیێن داعش راوه‌ستان ئه‌ڤرۆكه ب فه‌رمێ مه ره‌تكریه دێ به‌رده‌وام بین هه‌تا كار دچێكرنا پرۆژه‌ی دا دهێته هه‌لوه‌شاندن ونابیت داعش ڤه‌گه‌رنه زومار.
ناڤهاتی ئاشكه‌را كركو سپێده‌هیا ئه‌ڤرۆكه مه نه‌رازیبوونا خوه دیاركریه ئه‌و كه‌مپا ب رێژا 50% كار چێكرنا وێ دا دووماهیێ هاتی پێدڤیه بهێته راوه‌ستاندن ونه‌هێته چێكرن چونكو زڤرینا خێزانێن داعش دێ ره‌وشا ده‌ڤه‌ری زۆر ئالوز كه‌ت.
نيشاندان