ئەڤرۆ نیوز:
سلێمان ئۆسۆ ئەندامێ سەرکردایەتیا ئەنجوومەنێ نشتیمانی یێ کوردی ل سووریێ راگەهاند کو ئەو وەکو ئەنەکەسە ل گەل بەرپرسێن کونسولخانا بریتانیا ل هەولێرێ کۆمبووینە و د کۆمبوونێ دا وان بەحسێ بنپێکرنێن مافێن مرۆڤی و رەوشا کوردان ل عەفرینێ، سەرێکانیێ و دەڤەرێن دی کرینە و گۆت: (بریتانیا داخواز دکەت کو هێزێن کوردی ل رۆژئاڤایێ کوردستانێ ئاریشێن د ناڤبەرا خوە دا چارەسەر بکەن، چونکو بریتانیا پشتەڤانیێ ل مافێن کوردان ل سووریێ دکەت).
ئه‌ڤرۆ نیۆز، عه‌زیز هه‌ورامی:
له سه‌رداوای كۆسره‌ت ڕه‌سووڵ عه‌لی سه‌رۆكی ئه‌نجوومه‌نی باڵای سیاسی و به‌رژه‌وه‌ندییه‌كانی یه‌كێتی، كۆبوونه‌وه‌كانی ئه‌نجوومه‌نی گشتی سه‌ركردایه‌تی یه‌كێتی ڕاگیراوه، هاوسه‌رۆكانی یه‌كێتی دووكه‌س ده‌بن و باس له‌وه‌نه‌كراوه یه‌كێكیان ژنبێت.
مسته‌فا چاوڕه‌ش سه‌رپه‌رشتیاری كۆبوونه‌وه‌كانی ئه‌نجوومه‌نی گشتی سه‌ركردایه‌تی یه‌كێتی، به ئه‌ڤرۆ نیۆزی ڕاگه‌یاند:” له سه‌رداوای كۆسره‌ت ڕه‌سووڵ كۆبوونه‌وه‌كانی ئه‌نجوومه‌نی گشتی سه‌ركردایه‌تی، وه‌سێندراون پێمانی وت، كۆبوونه‌وه‌كان ڕابگرن چه‌ند ڕۆژێك من سه‌فه‌رێكی ده‌ره‌وه‌ی وڵات.
كۆسره‌ت ڕه‌سووڵ عه‌لی سه‌رۆكی ئه‌نجوومه‌نی باڵای سیاسی و به‌رژه‌وه‌ندیه‌كانی یه‌كێتی باری ته‌ندروستی ناجێگیربووه بۆ وه‌رگرتنی چاره‌سه‌ر سه‌ردانی وڵاتی ئوردنی كردووه.
مسته‌فا چاوڕه‌ش ئاماژه‌ی بۆ ئه‌وه‌كرد، ئه‌نجوومه‌نی گشتی سه‌ركردایه‌تی له پێڕه‌وی ناوخۆ هاوسه‌رۆكی بۆ یه‌كێتی په‌سه‌ندكردووه، دوو كه‌س ده‌بنه هاوسه‌رۆك و باسی ئه‌وه‌شی تیا نییه ژنێك له ده‌سته‌ی هاوسه‌رۆكی حزب هه‌بێت، تائێستاش ناوی كه‌س دیاری نه‌كراوه بۆ هاوسه‌رۆكایه‌تی یه‌كێتی.
چاوڕه‌ش ئاماژه‌ی بۆ ئه‌وه‌شكرد، له چه‌ند ڕۆژی ئاینده كۆسره‌ت ڕه‌سووڵ ده‌گه‌ڕێته‌وه بۆ كوردستان پاش گه‌ڕانه‌وه‌ی كۆبوونه‌وه‌كانی ئه‌نجوومه‌نی گشتی سه‌ركردایه‌تی ده‌ست پێده‌كه‌نه‌وه.
له باره‌ی چاره‌نووسی به‌رپرسی ئه‌و مه‌ڵبه‌ندانه‌ی له كۆنگره ده‌رنه‌چوونه‌ته‌وه،به‌رپرسه‌كه‌ی یه‌كێتی ده‌ڵێ،یه‌كه‌م كۆبوونه‌وه‌ی فه‌رمی سه‌ركردایه‌تی كرا ئه‌وكاته بڕیار له چاره‌نوسی ئه‌وبه‌رپرسانه‌ده‌درێت و قسه‌یان له‌سه‌رده‌كرێت.
ئەڤرۆ نیوز:
پشتی کو فەیسەل میقداد جێگرێ وەزیرێ دەرڤە یێ حوکمەتا سووریێ راگەهاند ئەو ب چو رەنگەکێ رێڤەبەریا خوەسەر یا باکورێ سووریێ قەبوول ناکەن ئەڤرۆ مەزلوم عەبدی فەرماندارێ گشتی یێ هێزێن سووریا دیموکرات بەرسڤا وی دا.
مەزلوم عەبدی راگەهاند کو هەتا کورد ل سووریێ نەگەهنە مافێن خوە قەیرانا سووریێ ژی چارەسەر نابیت و دڤێت بەرپرسێن شامێ راستیا کوردان و رێڤەبەریا خوەسەر یا رۆژئاڤایێ کوردستانێ قەبوول بکەن و کەس نەشێت ب زۆرێ رێڤەبەریا خوەسەر ژناڤ ببەت.
ئەڤرۆ نیوز، عەلی حاجی :
نوونەرێ کومپانیا گوود وەی یا دانان پیڤەرێن ئاڤێ ل زاخۆ د داخویانیەکێ دا بۆ ئەڤرۆ نیوز دیار کر د شیان دا نینە هەتا ١/٣/٢٠٢٠ پیڤەرێن ئاڤێ بۆ هەمی هاولاتیێن ل زاخۆ ب دانین ژ بەر کو دەم گەلەک یێ کێمە.
غەریب مەجید ئەو چەندە ژی گوت: (ل دووف بریارا حکومەتا هەرێما کوردستانێ پێدڤی یە هەتا ١/٣/٢٠٢٠ هەمی هاولاتی پیڤەرێن ئاڤێ دانن و هەکە نەدانن دێ هێنە سزادان ب ١٠٠ هزار دیناران، ل زاخۆ ٥٠ هزار پشکدارێن ئاڤێ هەنە و هەتا نوکە ٢٥٪ ژ خەلکی ژبەری نوکە پیڤەرێن ئاڤێ دانا بوون بەلێ ژبەر وێ ئاریشەیا د پیڤەرێن ئاڤێ دا دروست بویی نێزیکی ٦٠٪ خەلکێ پیڤەرێن خوە ژێڤەکرینە یان ژی ژکارکەڤتی نە لەورا ل دویف وی دەمێ حکومەتێ دەست نیشان کری د شیان دانینە ئەم بشێن بۆ هەمی هاولاتیان پیڤەران بدانین ژبەرکو ئێدی خەلکێ ژی ئەو باوەری نەمایە پیڤەرێن ئاڤێ دانن و زێدەباری وێ چەندێ ب کێماسی مە پێدڤی ب سێ هەتا چار هەیڤان هەیە هەتا بشێن ل پرانیا باژێری زاخۆ پیڤەرێن ئاڤێ بدانن).
غەریب مەجید ئەو یەک ژی نەڤەشارت کو رێژەیا دانانا پیڤەران ل پارێزگەها دهوکێ ٤٠٪ ێ یە هەتا نوکە ٦٠٪ ژ خەلکی پیڤەر نەداناینە، ل زاخۆ کێمترین رێژەیا دانانا پیڤەران ل هەمی قەزایێن دیتر هاتیە تومار کرن و زاخۆ تایبەتمەندیا خوە هەیە ژ بەر کو ژ وێ رێژەیا هاتیە دیار کرن کێمتر پیڤەر ماینە و هەمی هاتینە ژێڤەکرن.
ئەڤرۆ نیوز:
ل گۆر چەندین راپرسیێن ل تورکیا پارتا پاشەرۆژێ یا ئەحمەد داوود ئوگلۆ سەرۆک وەزیرێن بەرێ یێ تورکیا نەشێت هەڤڕکیا ئاکپارتیێ بکەت و هەکە نها هەلبژارتن ل تورکیا بهێنە کرن رێژا دەنگێ پارتا وی دێ ٣.٩% بیت و هەکە داوود ئوگلۆ خوە بۆ سەرۆک کۆماریێ ژی بەربژار بکەت نەشێت ٥% دەنگان بدەستڤە بینیت و ئەو یەک ژی نیشا ددەت کو نها داوود ئوگلۆ نەشێت هەڤڕکیا ئەردۆگانی بکەت.
ئەڤرۆ نیوز:
مەحمود ئالیناک سیاسەتمەدارێ کورد و ئەندامێ بەرێ یێ پەرلەمانێ تورکیا کو بەری چەند رۆژان هاتبوو دەستەسەرکرن ئەڤرۆ دادگەها تورکیا بریارا زیندانیکرنا وی دا.
مەحمود ئالیناک ب تومەتا کو دژبەریا سیستەمێ تورکیا دکەت و ئەندامێ ئێک ژ رێکخراوێن سیاسی یێن ل دژی تورکیا یە هاتبوو گرتن و ئەڤرۆ ژی بریارا زیندانیکرنا وی هاتە دان.
ئەڤرۆ نیوز:
سیرگێی لاڤرۆڤ وەزیرێ دەرڤە یێ روسیا راگەهاند کو دڤێت ل ئدلبێ گرۆپێن تیرۆرستی و هێزێن دی یێن ئۆپۆزسیۆنێ ژێک بهێنە جوداکرن، چونکو نها گەلەک گرۆپێن تیرۆرستی ل ئدلبێ هەنە و بووینە مەترسی ل سەر هەموو سووریێ، مە ژی دڤێت ئدلب ژ تیرۆرستان بهێتە پاقژکرن.
وەزیرێ دەرڤە یێ روسیا ئەو یەک ژی دیار کر کو دەمێ تیرۆرست و گرۆپێن دی ژێک بهێنە جوداکرن وی دەمی دێ قەیرانا ئدلبێ ژی هێتە چارەسەرکرن.
ئه‌ڤرۆ نیوز:
ستێرا به‌رى نوكه یا هه‌لبژارتیێ به‌رازیل و كابتنێ مێژوى یێ هه‌لبژارتیێ سامبا كافو د دیداره‌كێ دا ل گه‌ل رۆژناما موندو دیپورتیڤو یا ئیسپانى دیاركر نوكه ده‌م هات نیمار هه‌ڤركیا باشترین یاریزانێ جیهانێ بكه‌ت و د شیانێن ئه‌وى دا هه‌یه بشێت ب گه‌هیته ئاستێ میسى و رونالدوى ژبه‌ركو ئه‌و یێ یاریێ ل ئێك ژ باشترین یانێن جیهانێ كه‌ت هه‌ردیسان كومه‌كا ستێرێن جیهانێ ل وێ یانێ دكه‌ن و د شیانێن ئه‌وان دا هه‌یه هه‌ڤركیا قاره‌مانیێن ئورۆپى بكه‌ن.
زێده‌تر كابتنێ به‌رێ یێ هه‌لبژارتیێ به‌رازیل دیاركر نیمار ئه‌و شیان هه‌نه وه‌كو سه‌ركێشه‌ك یاریێ بكه‌ت ل ناڤا هه‌ر تیمه‌كا یاریێ بكه‌ت و شیانێن مه‌زن هه‌نه بیته ستێرا ئێكێ ل هه‌ر تیمه‌كا یاریێ لێ بكه‌ت.
ل دووماهیێ ئاماژه ب وێ چه‌ندێ ژى كر هه‌ڤبه‌ستا نیمارى ل گه‌ل یانا پاریس د بیته ئێك ژ باشترین هه‌ڤبه‌ستا ل مێژویا خۆلا فره‌نسا دا.
ئەڤرۆ نیوز:
نوونەرێ تایبەت یێ نەتەوێن ئێکگرتی بۆ کاروبارێن عیراقێ راگەهاند کو ئەو توندوتیژیا ل دژی خوەنیشادەران ل عیراقێ ب توندی شەرمزار دکەن و دیار کر کو دڤێت حوکمەتا عیراقێ و ئالیێن پەیوەندیدار ل دۆر بکارئینانا چەکی ل دژی خوەنیشادەران ڤەکۆلینێ بکەن و ئەنجاما ڤەکۆلینا خوە ژی بۆ رایا گشتی ئاشکرا بکەن، چونکو هژمارەکا زێدە وەلاتی ب دەستێ هێزێن چەکدار هاتینە کوشتن.
ئەڤرۆ نیوز، عەلی حاجی :
ئەڤرۆ ل رۆژا دوشەمبیێ ل رێککەڤتی ١٧/٢/٢٠٢٠ ل سەر رێیا سەرەکی یا زاخۆ – دهوک ل نێزیک دوریانا گرشینێ کەسەکێ گیانێ خوە ژ دەست دا .
موقەدەم ئازاد تەها بۆ ئەڤرۆ نیوز گوت: (ئەو روودان ل دەمژمێر ٢:٠٠ی نیڤرۆ ل سەر رێیا سەرەکی یا زاخۆ – دهوک ل نێزیک دوریانا گرشینێ ترومبێلەکا بارهەلگر ژ جورێ سلنگ خوە ل کەسەکێ ددەت ل سەر وێ جاددەیا سەرەکی د ئەنجام دا وی کەسی گیانێ خوە ژ دەست دا و تەرمێ وی ژی بۆ پزیشکیا داد هاتە رەوانە کرن).
نيشاندان