ئه‌ڤرۆ نیوز:
رێكخراوا نه‌ته‌وه‌یێن ئێكگرتی راگه‌هاند: ماوه‌یێ 90 رۆژانه زێده‌تری 800 هه‌زار وه‌لاتی ژ ئدلبێ و حه‌له‌بێ ره‌ڤینه.
رێكخراوا نه‌ته‌وه‌یێن ئێكگرتی راگه‌هاند: ل ده‌ستپێكا هه‌یڤا كانوونا ئێكێ تاكو 12 شوباتێ ب ئه‌گه‌رێ هێرشێن سوپایێ سوریا و بوردومانێن فرۆكه‌یێن روسیا بۆ سه‌ر گرۆپێن تیرۆریستی، زێده‌تری 800 هه‌زار وه‌لاتی ژ ئدلبێ و حه‌له‌بێ ره‌ڤینه، كۆ 60% یا وان زارۆكن، كۆ ژ وێ رێژه‌یێ 145 هه‌زار ل سێ رۆژێن دوماهیێ ره‌ڤینه.
ئەڤرۆ نیۆز، قائید میرۆ:
رێڤەبەرێ ئاسایشا کەرکووکێ ئاماژە بڤێ چەندێ دکەت، کو داعش ل کەرکووکێ بەرھەڤیان بۆ ئەنجامدانا ھێرشێن تیرۆرستی دکەت و دبێژیت، پشتی ھەڤپەیمانان ھێرشێن خوە راگرتی داعش بھێز کەتیە.
عەمید ئیدریس رەفعەت، رێڤەبەرێ ئاسایشا کەرکووکێ بۆ رۆژناما ئەڤرۆ دیارکر” چەند رۆژەکە تیرۆرستێن داعش لڤینێن خوە ل کەرکووکێ و دەوروبەران زێدە کرینە، بتایبەتی ل ھندەک دەڤەرێن دەوروبەری کەرکووکێ داعش یا بھێز کەفتی، ئەگەرێن زێدەبوونا داعش زۆر، بەلێ دو ئەگەرێن سەرەکی ل کەرکووکێ ھەنە بۆ زێدەبوونا لڤینێن داعش، ئێک ھەڤپەیمانان بوردومانێن خوە کێمکرینە یادویێ ھێزێن ئەمنیێن کەرکووکێ شارەزا نینە.
عەمید ئیدریس رەفعەت ئاشکراکر” خر رێکخستنا چەکدارێن داعش مەترسی بۆسەر کەرکووکێ پەیداکریە، چونکە داعش پیلان دانایە بۆ ئەنجامدانا کریارێن تیرۆرستی و ھەردەمێ دەلیڤە ھەبیت دئ ھێرشان کەت، بەرێ ژی ھەردەمێ داعش ھێز ھەبیت دەست ب ھێرشانکریە.
ئه‌ڤرۆ نیوز:
وه‌زاره‌تا ساخله‌میا مسرێ راگه‌هاند: خاله‌تێ ئێكێ یێ توشبوون ب ڤایرۆسێ كورونا ل مسرێ هاته تووماركرن كو كه‌سه‌كێ بیانی یه.
خالد موجاهد په‌یڤدارێ وه‌زاره‌تا ساخله‌میا مسرێ راگه‌هاند حاله‌تێ ئێكێ یێ توشبوون ب ڤایرۆسێ كورونا ل مسرێ هاتیه توماركرن و ل سه‌ر ئه‌ڤێ چه‌ندێ رێكخراوا ساخله‌میا جیهانێ ئاگه‌هدار كریه.
په‌یڤدارێ وه‌زاره‌تا ساخله‌میا مسرێ ئه‌و چه‌نده‌ژی دیاركر كۆ كه‌سی توشبوو كه‌سه‌كێ بیانی یه بێكۆ ناسنامه‌یا وی بهێته ئاشكراكرن، كه‌سی توشبوو هاتیه ره‌وانه‌كرن بۆ چاڤدێریا نوژداری.
ئه‌ڤرۆ نیوز:
محه‌مه‌د خالد سه‌رۆكێ فراكسیونا (بیارق الخیر) ل جڤاتا نوونه‌رێن عیراقێ راگه‌هاند: د ڤێ هه‌فتیی دا جڤاتا نوونه‌ران ده‌نگی ل سه‌ر كابینا نوو یا محه‌مه‌د توفیق عه‌لاوی سه‌رۆك وه‌زیری راسپاردی ده‌ت، كابینا نوو ژی پێنج وه‌زیرێن ژن ب خوڤه دگریت.
ناڤبری ئه‌و چه‌نده ژی راگه‌هاند: عه‌لاوی كابینا خۆ ل سه‌ر بنه‌مایێ پێكهاته‌یان دانایه نه‌ك ل سه‌ر بنه‌مایێ حزبان، له‌ورا سه‌رۆك كۆمار و سه‌رۆكێ په‌رله‌مانی و عادل عه‌بدل مه‌هدی له‌سر ئه‌ڤێ چه‌ندێ هاتینه ئاگه‌هدار كرن، دبیت دڤێ هه‌فتیێ دا ده‌نگ ل سه‌ر كابینا نوو بهێته‌دان.
محه‌مه‌د خالد ب كه‌سه‌كێ نێزیكی عه‌لاوی دهێته دانان راگه‌هاند ژی هنده‌ك راوبوچون هه‌نه كۆ دانوستاندن ل گه‌ل ئه‌وان خودان هزر و بیران به‌رده‌وامن ژبووی پشكداریا هه‌موویان ده‌نگ ل سه‌ر كابینا نوو بهێته‌دان، د كابینا نوو دا پێنج ژن هه‌نه كۆ ب راوێژ ل گه‌ل په‌رله‌مانتار و فراكسیونێن سیاسی هاتینه هه‌لبژارتن بێكۆ سه‌ر ب چ جزبێن سیاسی ڤه بن.
ئه‌ڤرۆ نیوز:
باشم خشان په‌رله‌مانتارێ سه‌ربه‌خو ل جڤاتا نوونه‌رێن عیراقێ راگه‌هاند بۆ هه‌لبژارتنێن بهێت كۆ بریاره پێشوه‌خت ل عیراقێ بهێنه‌كرن نێزكی 90% یا په‌رله‌مانتاران خۆ نه هه‌لبژێرن.
میدیایێن عیراقی ژ زاری ناڤبر به‌لاڤكریه كۆ پرانیا پارتێن سیاسی یێن هه‌رێما كوردستانێ دو دلن ژ هه‌لبژارتنێن پێشوه‌خت له‌ورا بریار دایه كه‌سین نوو بینه پێش.
بریاره هه‌فتیا بهێت محه‌مه‌د عه‌لاوی وه‌ك سه‌رۆك وه‌زیری نوو یی عیراقی ده‌ست بكار بیت پاشی پلان بۆ هه‌لبژارتنێن پێشوه‌خت بهێته‌كرن .
لگۆری یاسایا عیراقێ ئه‌و په‌رله‌مانتارێ 50 سالی ته‌مامكر و 15 سال خزمه‌تكری ماف هه‌یه خۆ خانه‌نشین بكه‌ت.
ئه‌ڤرۆ نیوز:
سه‌رۆكێ حكومه‌تا هه‌ریما كوردستانێ ل رۆژا دوێ یا كۆنفرانسێ میونشن ل گه‌ل هژماره‌كا به‌رپرسێن بلندێن وه‌لاتێن جیهانی كۆم دبیت.
ئه‌ڤرۆ شه‌مبی رۆژا 15/2/2020 مه‌سرور بارزانی سه‌رۆكێ حكومه‌تا هه‌رێما كوردستانێ، دكه‌ڤانێ رۆژا دویی یێ كۆنفرانسێ میونشن دیدار و كۆمبوون ل گه‌ل ئه‌ڤان به‌رپرسان هه‌یه: مارك ئیسپه‌ر وه‌زیرێ به‌ره‌ڤانیا ئه‌مریكا و شێخ سه‌باح خالد سه‌رۆك وه‌زیرێ كوێتێ و شاندێ په‌رله‌مانێ ئه‌لمانیا و سیرجی لاڤرۆڤ وه‌زیری ده‌رڤه‌یێ روسیا و ئه‌جمه‌د ئه‌بو غه‌یت ئه‌میندارێ كۆمكارا عه‌ره‌بی و لینزی گراهام سیناتوری ئه‌مریكی و ئه‌یمه‌ن ئه‌لسه‌فدی وه‌زیرێ ده‌رڤه‌یێ ئوردنێ و مارك روته سه‌رۆك وه‌زیرێ هوله‌ندا و محه‌مه‌د حه‌كیم وه‌زیرێ ده‌رڤه‌یێ عیراقێ و وه‌زیرێ به‌ره‌ڤانیا كه‌نه‌دا و وه‌زیرێ ده‌رڤه‌یێ فه‌ره‌نسا.
ئه‌ڤرۆ نیوز:
خودانێ گرانترین ترومپێل دناڤا ستێرێن خۆلا ئنگلته‌را یاریزانێ یانا ئه‌رسینال و هه‌لبژارتیێ گابون ئوبامیانگ .
رۆژناما زه‌سه‌ن یا برێتانى ئاشكراكریه ئوبامیانگ تورومپێلا فیراى هه‌یه و بهایێ وێ 1.15 ملیون جێنێ ئیسترلینى یه كو دبیته ئێك ژ گرانترین ترومپێلا ل جیهانێ .
هه‌ژى گوتنێ یه موچه‌یێ حه‌فتیانه یێ وى یاریزانێ ناڤبرى ل یانا ئه‌رسینال 200 جێنێ ئیسترلینى یه ئانكو موچه‌یێ وى یێ هه‌یڤانه زێده‌تره ژ ئێك ملیون دولارێ ئه‌مریكى .
ئەڤرۆ نیوز:
قائیمقامیا قەزا دهۆکێ راگەهاند، بریارە سوبەهی شەمبیێ 15.2.2020 ل سەنتەرێ باژێرێ دهوکێ،رێڤەبەریا نەفت و کانزایان ب هەڤکاریا قائیمقامیا قەزا دهوکێ ، دێ گەرەکا دی یا پلێتێن گازا سپی ل سەر وەلاتیان بەلاڤ کەت.
قائیمقامیا قەزا دهوکێ راگەهاند سوبەهی(۲۰۲/۲/۱٥)ل ئاڤاهیێ قائیمقامیا قەزا دهۆکێ دێ پتر ژ سێ هزار پلێتێن گازا سپی گەهنە دەستێ بکارێن ئاهێن خوارنێ یێن سەنتەرێ باژێرێ دهوکێ.
هەروەسا گۆتیە، قائیمقامیا دهوکێ خواست وەلاتیێن ناڤێن وان لدەڤ ڤان بریکارێن ئاهێن خوارنێ ،ب زووترین دەم سەرەدانا بریکارێن خوە بکەن، داکو پلێتێن خو وەربگرن.
وەلاتی ژی دشێن بەهرا خوە یا گازا سپی ل گورەپانا مزگەفتا مەلا( شوکری) نێزیک پێشەسازیا بەروشکێ وەربگرن.
پروسێسا بەلاڤکرنا گازێ ژبۆ وەلاتیێن سەنتەرێ باژێرێ دهوکێ دێ یا بەردەوام بیت.
دیسان ناڤێ بڕیکارێن ئاهێن خوارنێ ژی هاتینە دیار کرن.
ئەڤرۆ نیوز:
ئەڤرۆ ئەینیێ ٥٦ مین کۆنفڕانسێ ئاسایشا میونشن ل وەلاتێ ئەلمانیا و ب پشکداریا زێدەتر ژ ٤٥٠ وەلاتان بڕێڤە چوو، تێدا پرسێن گرنگێن جیهانێ تێدا دێ هێنە گۆتۆبێژ کرن.
هەر ئەڤرۆ مەسرور بارزانی، ل گەل بۆیکۆ بۆریسۆف، سەرۆک وەزیرێن بولگاریا کۆمبوویە و تێدا، گوتۆبێژ دەربارەی ڕەوشا نوکە یا عێر اقێ و دەڤەرێ و پێشڤەبرنا پەیوەندیێن هەرێمێ و بولگاریا هاتینە کرن.
هەڤدەم ئامادەیا وەلاتێ خوە بۆ پەرەپێدانا زێدەتر یا پەیوەندیێن ئابووری ل گەل هەرێما کوردستانێ دەربری ب تایبەتی د وارێ چاندنێ و گەشتوگوزار و وزێ دا. سەرۆک وەزیرێن بولگاریا سەرۆکێ حکومەتا هەرێما کوردستانێ بانگهێشتی بولگاریا کر.
ئەڤرۆ نیوز:
سەرۆک وەزیرێن هەرێما کوردستانێ ل گەل وەزیرێ وزا ئەمریکا ل میونشن کۆمبوو.
ئەڤرۆ ئەینیێ، ١٤ شواتا ٢٠٢٠، مەسرور بارزانی، سەرۆک وەزیرێن هەرێما کوردستانێ و دان برۆلیێت، وەزیرێ وزا ئەمریکا، ل باژێڕێ میونشن ل ئەلمانیا کۆمبووینە و گوتۆبێژ دەربارەی ب هێزکرنا پەیوەندیێن بازرگانی و ڕۆلێ وەبەرهێنانا ئەمریکا ل هەرێمێ کریە.
نيشاندان