ئەڤرۆ نیوز ، زنار تۆڤی:
ئەڤرۆ شەمبیێ 8.2.2020 پێلەکا دیتر یا بەفرێ ناحیا کانی ماسێ و چەندین دەڤەرێن دیتر یێن قەزا ئامێدیێ ڤەگرتینە و د ئەنجامدا رێژەکا باش یا بەفرێ ل سەنتەرێ ناحیا کانی ماسێ و دەروازێ کومەلگەها نێڤدەولەتی یێ سەرزێری باریە، هەروەسا رێکێن هاتنووچوونێ ژی بەردەوام ژ ئالیێ تیمێن رامالینا بەفرێ دهێنە ڤەکرن.
کامیران محەمەد رێڤەبەرێ شارەوانیا کانی ماسێ، تایبەت بۆ ئەڤرۆ نیوز دیار کر: ئەڤرۆ رێژەکا باش یا بەفرێ ل سنورێ ناحیا کانی ماسێ باریە و د ئەنجامدا هەتا نوکە پتری 15 سم بەفرێ ل سەنتەرێ ناحیا کانی ماسێ بارینە، هەروەسا پتری 35 سم بەفرێ ل کۆمەلگەها دەروازێ سەرزێری باریە، نوکە بەفر بارین ژی یا بەردەوامە، دهێتە پێشبینی کرن، ئەڤ شەڤە دا بەفر بارین یا بەردەوام بیت.
ناڤهاتی گۆت ژی: هەر زوو تیمێن رامالینا بەفرێ یێن شارەوانیا کانی ماسێ ل گەل رێڤەبەریا رێکوپرا ل دهۆکێ شیاینە رێکێن سەرەکی ژ بەفرێ رابمالن، لێ ژ ئەگەرێ بارینا بەردەوام یا بەفرێ ئاستەنگی دکەڤنە د رێیا هاتنوچوونا شۆفێران دا، چونکی ب رەنگەکێ دژوار و بەردەوام بەفر یا دباریت.
نيشاندان
