ئەڤرۆ نیوز:
ل گوندێ کۆرمۆر یێ سەر ب ناحیا قادرکەرەم ڤە ل قەزا چەمچەمال شۆفێرێن سێ تڕۆمبێلێن بارهەلگر هاتنە ڕەڤاندن، کو تڕۆمبێلێن وان هێک تێدابوون ژ ئالیێ هێزەکا نەناسیار ڤە هاتنە رەڤاندن.
هەر چەندە هێزێن پۆلیسێن وێ ناحیێ گەهشتنە جهێ بوویەرێ، لێ ب تنێ تڕۆمبێل ل وی جهی مابوون و شۆفێر تێدا نەمابوون، نەهاتیە زانین کانێ ئەو شۆفێڕە بۆ کیژ جهی هاتینە ڕەڤاندن.
ئەڤرۆ نیوز:
گەلەک کەس رۆژانە ئەو نانێ د بەفرگرێ دا هەلدگرن ل سەر تەباخا غازێ گەرم دکەن، لێ ئەڤ چەندە یا مەترسیدارە و ئەگەر هەیە مرۆڤی تۆشی چەندین ئاریشێن ساخلەمیێ بکەت.
مالپەرێ health24 د بابەتەکێ دا دیار کریە، گەرمکرنا نانی ل سەر تەباخا غازێ یان سوپێ، دێ وەکەت کو مادێ (ئەکریلامید-acrylamide) د پێكهاتێ دا وی دا دروست بیت، کو ئەڤە مادەکێ مەترسیدارە و دبیتە ئەگەرێ تۆشبوونێ ب پەنجەشێرێ.
هەروەسا گۆتیە ژی، هندی زێدەتر نان بهێتە گەرمکرن مەترسی زێدەتر دبیت، ب تایبەتی ژی هەکە رەنگێ وی نانی رەش ببیت وی دەمی ئەڤ مادە د پێکهاتێ دا زێدەتر دبیت، ب رادەکێ خوارن مەترسیدار و زیان بەخش دبیت.
وی مالپەری ئاشکرا کر ژی، هەکە نان رەق ببیت و رەنگێ وی تۆخ ببیت، دێ رێژا ڤی مادەی د پێکهاتێ وی دا زێدەتر بیت کو مادەکێ پەنجەشێریە و مەترسیا تۆشبوون ب ڤێ نەخۆشیێ زێدەتر لێ دکەت.
ئەڤرۆ نیوز:
میدیایێن چینی بەلاڤەكریه، کو بچووكترین كه‌سێ تووشی ڤایرۆسێ كۆرۆنا بووی زارۆیەکە، پشتی ژ دایكبوونێ 30 دەمژمێران نیشانێن وی ڤایرۆسی لێ دیار بوون.
ئه‌و زارۆیە ل 2 ڤێ هەیڤێ ل شارێ وهان ژ دایكبوویه.
دایكا وی زارۆکی تۆشی وی ڤایرۆسی بوویە، هێشتا روون نه‌بوویه، ئەرێ ب رێیا دایكا خوە تووش بوویه، یان ژی بەری ژ دایكبوونێ تووشبوویه، یان ژی پشتی ژ دایكبوونێ.
هەتا نوکە كۆرۆنا یێ دوماهی ب ژیانا 563 كه‌سان ئینایه و 28 هزار و 18 كه‌سێن دیتر ژی تووشی ڤی ڤایرۆسی بووینە.
ئەڤرۆ نیوز، عەلی حاجی :
ئەڤرۆ پێنجشەمبی دەمژمێر ٨:٠٠ شەڤ ل شوقێن دەلال ل باژێرێ زاخۆ کچەکا ژ ئاسانسورەکا شووقەکێ دکەڤیت ئکێسەر گیانێ خوە ژ دەست دەت.
ئەمیر عەلی بەرپرسێ راگەهاندنا ساخلەمیا زاخۆ بۆ ئەڤرۆ نیوز گوت : ئەو روودان ل دەمژمێر ٨:٣٠ێ شەڤێ روودا دەما زاروویەکا کچ دژیێ ١٢ سالیێ دا ب ناڤێ ( ئە،ک) ژ ئاسانسورەکا شوقێن دەلال ستی دکەڤیت و ژ برینا وێ یا دژوار هەر ل وی جهی گیانێ خوە ژ دەست دایە و تەرمێ وێ کچێ بۆ نۆشداریا داد هاتیە رەوانە کرن و تیمەکا نۆشداران پشکنین ل سەر تەرمێ وێ زاروویێ کرینە ل دور گیان ژ دەست دانا وێ .
ئەڤرۆ نیوز:
ئەو خانمێن پەیوەندیەکا ئەڤینیێ هەی، وان دڤێت ب هەر رێیەکێ بیت خۆشتڤیێ خوە بکەتە هۆگرێ خوە، داکو هەردەم د هزرا وی هەڤالێ خوە یێ کور دا بمینیت، مالپەرێ لەڤپانکی چەند رێیەک بەلاڤە کرینە بۆ هندێ خۆشتڤیێ خوە بکەیە هۆگرێ خوە.
. ئەو داخوازیێن ژ تە دکەت ب تەمامی ل سەر رازی نەبە.
. راستەخۆ بەرسڤا تەلەفون و نامێن وی نەدە، بەلکو چەند خولەکان راوەستە پاشی بەرسڤێ بدە، هەموو کارێن خوە رانەگرە بۆ بەرسڤدانا وی.
. گرنگیێ ب پاقژیێ و شێوازێ دەرکەفتنا خوە بدە.
. هەموو هوورکاریێن ژیانا خوە دیار نەکە، هندەکان ب ڤەشارتی بهێلە.
ئەڤرۆ نیوز:
ئەڤرۆ پێنجشەمبی (دانەغاز – کریسنت پترۆلیۆم) روونكرنەک دەربارەی بەرهەمئینانێ ل کۆرمۆر بەلاڤە كریە و دوپات كریە كو ب تەمامى شیاینە بەرهەمئینانێ دەست پێ بکەنەڤە.
گۆتیە ژی تیمێن مە یێن راهێنان پێکری ل سەر بەرسنگ گرتنا ب لەز ل مەیدانا ڤی پرۆژەی د خۆجهن، شیان دەست بجهـ ئێستگەهێ چێکەن، شیان ئاگری ڤەمرینن و چ زیانێن گیانى نەبوون، کو ب ئەگەرێ کێشەکا تەکنیکی روودا بوو، نوکە ب تەمامی غاز دهێتە بەرهەم ئینان.
هەروەسا ئێستگەها غازا کۆرمۆر بۆ ماوێ 11 سالان بەردەوام غازێ بۆ هەرێما کوردستانێ دابین دکەت.
ئەڤرۆ نیوز:
ل دەمێ راهێنانێن یانا بارسێلۆنا دا ئالۆزی دناڤبەرا لیۆنێل مێسی کاپتنێ یانا بارسێلۆنا و تێرشتیگن گۆلپارێزێ وێ یانێ روودایە.
ل دەستپێکا ڤێ حەفتیێ هاتبوو راگەهاندن کو پێکدادان دناڤبەرا دو یاریزانێن بارسا روودایە، لێ ناڤێ یاریکەران دیار نەکربوو، لێ لدووڤ ئێل پەیس یا ئیسپانی ئەو دو یاریزانە مێسی و شتیگن بوون.
ئه‌ڤرۆ نیوز:
یانا پاریس سانجێرمان یا فره‌نسى دخوازیت ل هاڤینا بهێت هه‌ڤبه‌ستێ ل گه‌ل ئێك ژ ستێرێن یانا ریال مه‌درید ئیمزا بكه‌ت .
مالپه‌رێ “دیفنسا سنترال” یێ ئیسپانى ئاشكراكریه به‌رپرسێن یانا پاریس سانجێرمان دخوازن هه‌ڤبه‌ستێ ل گه‌ل یاریزانێ به‌رازیلى و یانا ریال مه‌درید مارسێلوى ئیمزا بكه‌ن ل ڤه‌گوهاستنێن هاڤینا بهێت .
هه‌ردیسان وى مالپه‌رى دیاركریه ژى مارسێلو ژى دخوازیت ل دووماهیا ڤى وه‌رزى پێكهاتیێ وێ یانا مه‌له‌كى ب جه بهێلت و به‌ر ب یانه‌كا نوو ڤه بچیت ژبه‌ركو نوكه ده‌لیڤه‌یا كرنا یاریێ بوو كێم بوویه تایبه‌ت هاتنا مێندى یێ فره‌نسى هه‌ردیسان دبیت ل وه‌رزێ بهێت ئه‌شره‌ف حه‌كیمى ژى ڤه‌گه‌ریته پێكهاتیێ یانێ كو دێ هه‌ڤركیه‌كا دژوار دناڤبه‌را ئه‌وان سێ یاریزانان دا هه‌بیت له‌ورا ئه‌و دخوازیت به‌ر ب یانه‌كا نووڤه بچیت و وه‌كو یاریزانه‌كێ سه‌ره‌كى یاریێ بكه‌ت.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د دو روودانێن ترافیکێ دا شەش کەس بریندار بوون.
ناڤهاتی زێدەتر گۆت: ئەڤرۆ پێنجشەمبی 2020/2/6 ل دەمژمێر 12:50 ل سەر جادا سێمێل_دۆمیز و ل نێزیک وار ڤین ستی، دو ترۆمبێلان لێکدا و ئێك ژ وان ژ جورێ کەیا سورينتو، یا دیتر ژ جورێ ئۆپل، د ئەنجامدا دو کەس بریندار بوون، زێدەباری هندێ زیانێن مادی ب هەردو ترۆمبێلان کەفتن.
ئەو ژی گۆت: هەر ئەڤرۆ ل دەمژمێر 12:30 ل سەر جادا سێمیل_فەیدیێ و ل نێزیک گوندێ گەرانی، دو ترۆمبێلان لێکدا و ئێك ژ ژ وان ژ جورێ هوندا و یا دیتر ژ جۆرێ ره ف کرێ بوو، د ئەنجامدا چار کەس بریندار بوون، زیدەباری هندێ زیانێن مادی ژی ب هەردو ترۆمبێلان کەفتن.
ئەڤرۆ نیوز:
سەرۆک بارزانی، پەیامەک بەلاڤکریە و تێدا دیار کریە داخوازێ ژ حوکمەتا عێراقێ دکەین ئەرکێ خۆ ل هەمبەری رێگرتن ژ خوین رێژتنێ جێبەجێ بکەت، هەروەسا، پشتەڤانیا خوە بۆ داخوازیێن ڕەوایێن خۆنیشاندەرێن عێراقێ دوپات دکەین.
بناڤێ خودایێ بەخشندە و میهرەبان
گەلەک دلگرانین ل سەر زێدەبوونا توندوتیژیێ و بوویەرێن خوینا وی یێن چەند ڕۆژێن بوری یێن بەغدا و نەجەف، گەلەک ب توندی خوینڕێتن و کوشتن و بکارئینانا توندوتیژیێ ل دژی خۆنیشاندەران شەرمزار دکەین.
داخوازێ ژ حکومەتا عێراقێ و دامودەزگەهێن فەرمی و پەیوەندیدار کر، ئەرکێ خۆ لسەر ڕێگرتن ژ خوینڕێتن و پاراستنا گیانێ وەلاتیان و خۆنیشاندەران جێبەجێ بکەن، پێدڤیە ئالیێن سیاسی ژی بۆ گەهشتن ب چارەسەریێ، ب زمانێ عەقل و مەنتق سەرەدەریێ ل گەل وێ قەیرانا کوور دا بکەن کو بەروکێ عێراقێ گرتیە.
هەر ل ڤێرێ پشتەڤانیا خۆ بۆ داخوازێن ڕەوا یێن خۆنیشاندەران و وەلاتیان دوپات دکەین، سەرەخۆشیێ ژی ژ کەسوکارێن قوربانیان و شەهیدێن بوویەرێن ڤان داویان یێن عێراقێ دکەین و هیڤیا باشبوونا بلەز بۆ برینداران دخوازین.
مەسعود بارزانی
6ی 2ی 2020
نيشاندان