ئەڤرۆ نیوز:

وەزارەتا بەرگریا تورکیا راگەهاند، دێ ب توندی روو ب روو لەشکەرێ سووریا بین، هەکە نێزیکی خالێن چاڤدێریا لەشکەرێ تورکیا ل ئیدلبێ ببن.

وەزارەتا بەرگریا تورکیا ل سەر دوماهی پێشهاتێن ئیدلبێ و هێرشێن لەشکەرێ سووریا بۆ سەر وی باژێری راگەهاندنەک بەلاڤکر و ئاماژە ب هندێ دا، هێرشێن سۆپایێ سووریێ بووینە ئەگەرێ کوشتنا خەلکێ سڤیل و کارەساتێن مرۆڤی رووداینە.

گوتیە ژی، دێ روو ب روو سۆپایێ سوریا بین و دێ ب توندی بەرسڤا هەر هێرشەکێ دەین، کو ل نیزیک بنگەهـ و خالێن چاڤدێریێن سۆپایێ تورکیا ل ئیدلبێ بهێتە کرن.

 
ئەڤرۆ نیوز:

دۆنالد ترەمپی سەرۆکێ ئەمریکا راگەهاند، ئەو ل هەمبەری پێنگاڤەکا مەزنا ئاشتیێ دانە و ئیسرائیلێ ژی پێنگاڤێن مەزن بۆ ئاشتیێ هاڤێتینە و فەلەستینی و ئیسڕائیل ژی هەژی ژیانەکا باشترن.

د پرێس گۆنفرانسەکێ دا، سەرۆکێ ئەمریکا گۆت، ئارمانجا سەرەکی یا وان د ڤی پرۆژەی دا ئاشتییەکا ڕاستەقینەیە، دیسان ئەز بۆ هندێ نەهاتیمە هەلبژارتن داکو خوە ژ بڕیارێن دژوار ڤەشێرم.

دۆنالد ترەمپ ڕاگەهاند ژی، دێ کارکەین بۆ ئاڤاکرنا دەولەتەکێ بۆ فەلەستینێ و بۆ پێکڤە گرێدانا جوگرافیا ئاخا فەلەستینێ و پێدڤیە خوە ژ تیرۆرێ بپارێزن، هەروەسا قودس دێ بیتە پایتەختا دابەشنەکری یێ ئیسرائیلێ.

ترەمپی دازانین ژی، ئەو نەخشە رێیە دێ ٥٠ ملیار دۆلاران بۆ فەلەستینیان ب دەستڤەئینیت و دێ هەژاریێ کێم کەت.

ئه‌ڤرۆ نیوز، عه‌لى حاجى :

رێڤه‌به‌رێ ناحیا ده‌ركارێ د داخویانیه‌كێ دا بۆ ئه‌ڤرۆ نیوز دیار كر كارگه‌هێن حه‌س و ره‌ملێ یێ وه‌لاتێ توركیا یاسایێن نێڤ ده‌وله‌تى ل دور سنوران پێشیل دكه‌ن و داخاز ژى هاتیه‌ كرن ئێدى زێده‌گاڤیێن ل سه‌ر وان سنوران بهێنه‌ راوه‌ستاندن.

زیێده‌تر زێره‌ڤان موسا گوت : ژبه‌ر كو گه‌له‌ك گوندێن ل سنورێ ناحیا مه‌ هه‌ڤ سنورن دگه‌ل وه‌لاتێ توركیا ل سه‌ر رووبارێ هیزل و گه‌له‌ك كارگه‌هێن حه‌س و ره‌ملێ ل لایێ توركیا كار دكه‌ن ل سه‌ر وى رووبارى گه‌له‌ك جاران رێ ره‌وێ ئاڤێ دگهورن و دبیته‌ ئه‌گه‌ر ئه‌و ئاڤه‌ بهێته‌ سه‌ر ئه‌ردێ چاندنێ یێ وان گوندێن مه‌یێن هه‌ڤ سنور دگه‌ل وه‌لاتێ توركیا و ب ڤێ چه‌ندێ زیان به‌ر به‌رهه‌مێن هه‌تا پێنچ گوندان دكه‌ڤیت و ئه‌ڤ كێشه‌یه‌ چه‌ندین جاران دوباره‌ بویه‌ دگه‌ل وان كارگه‌هان و ئه‌ڤ ئاریشه‌یه‌ نه‌بتنێ ل سنورێ ناحیامه‌ هه‌یه‌ به‌لكو ل ناحیا رزگارى ژى ئه‌ڤ ئاریشه‌ یا هه‌یى.

و گوت ژى : ل دور ڤێ چه‌ندێ مه‌ نڤێساره‌ك دایه‌ قاممیقامیا زاخۆ دا كو حكومه‌تا هه‌رێما كوردستانێ ژى ژلایێ خوه‌ڤه‌ ب رێیا په‌یوه‌ندیێن خوه‌ دگه‌ل حكومه‌تا توركیا ڤێ كێشه‌یێ چاره‌سه‌ر بكه‌ن هه‌ر چه‌نده‌ پێدڤى یه‌ حكومه‌تا عێراقێ ب ڤى كارى رابیت و ڤێ كێشه‌یێ چاره‌سه‌ر بكه‌ت ژبه‌ر كو كارگه‌هێن وان پێشیلا یاسایا نێڤ ده‌وله‌تى ل دور ئاڤێ دكه‌ن و هاولاتیان ژى چه‌ندین جارن گازنده‌یا ژ ڤێ چه‌ندێ دكه‌ن .