ئەڤرۆ نیوز:
جۆتیار عادل پەیڤدارێ حوکمەتا هەرێما کوردستانێ راگەهاند کو دێ حوکمەت ل سەر پرۆژێ خوە یێ چاکسازیێ بەردەوام بیت، مخابن هندەک کەس و هێز ئاریشە دروست کرینە و ناهێلن غاز بگەهیتە وەلاتیان ل هەولێرێ و دهۆکێ.
فراکسیۆنا پارتی ل پەرلەمانێ کوردستانێ ژی ئەڤرۆ راگەهاند کو هندەک کەسێن مافیا ناهێلن غاز بگەهیتە وەلاتیان و ئاریشان بۆ خەلکی ل هەولێرێ و دهۆکێ دروست دکەن و ئەو یەک ژی ب چو رەنگەکێ ناهێتە قەبوولکرن و دڤێت یا پێدڤی ل دژی وان کەسان بهێتە کرن.
ئەڤرۆ نیوز، عەلی حاجی:
ل بەری دەمەکێ کێم ل نێزیک فەرماندا دهوک یا هێزێن پێشمەرگەیێ کوردستانێ ل دهوکێ ژ ئەگەرێ روودانەکا ترافیکی کەسەک ب گرانی بریندار دبیت.
شڤان بوسەلی شاهد حالێ روودانێ بۆ ئەڤرۆ نیوز گوت : ئەو روودان ل دەمژمێر ٢:٣٠ نیڤرۆ ل سەر جاددەیا پێگهور ل پشت فەرماندەیا دهوک دناڤبورا ترومبێلەکا شوفێرلێت رەنگێ رەش و مازدا رەنگێ سور و د ئەنجامێ وێ رودانێ دا شوفێرێ ترومبێلا مازدا ب گرانی بریندار دبیت و ئەگەرێن وێ روودانێ بۆ وێ چەندێ ڤەدگەریان شوفێرێ ترومبێلەکێ دڤیا هەڤرکیێ دگەل شوفێرێ ترومبێلەکا دیتر بکەت و پشتی گەهشتنا تیمێن ساخلەمیێ ئێکسەر بریندارێ وێ روودانێ بۆ نەخوشخانێ هاتە رەوانەکرن.
ئەڤرۆ نیوز:
ئەندامەکێ پەرلەمانێ عیراقێ راگەهاند کو چو گوهۆرین د وەزیرێن کورد یێن ل بەغدایێ دا ناهێتە کرن و وەزیرێن کورد ئەوێن د کابینا عادل عەبدولمەهدی دا کار کری دێ دیسان ل سەر کارێ خوە بەردەوام بن.
حەسەن ئالی ئەو یەک ژی دیار کر کو هەکە سکالا ل دژی وەزیرەکێ هاتبیتە تۆمار کرن یان ژی تێکەلی گەندەلیێ ببیت دێ لێپرسین د گەل دا هێتە کرن.
ئه‌ڤرۆ نیۆز عه‌زیز هه‌ورامی:
دۆخی ئه‌منی خانه‌قین و ده‌وروبه‌ری نائارامه به‌هۆی ئه‌و جووڵه زۆری چه‌كدارانی تیرۆرستانی داعش هه‌یانه، له یه‌ك هه‌فته‌دا 9 هاوڵاتی سڤیلیان فڕاندووه یه‌ك هاوڵاتیشیان گوله باران كردووه، به‌رپرسێكی باڵای پارتی ده‌ڵێ، دووای بۆردوومانی چه‌ند هه‌فته‌ی ڕابردووی هاوپه‌یمانان بۆسه‌ر مۆڵگه‌كانی تیرۆرستان جارێكی تر داعش سه‌ری هه‌ڵداوه‌ته‌وه.
ئه‌كبه‌ر حیده‌ر جێگری به‌رپرسی لقی 15ـی خانه‌قینی پارتی دیموكراتی كوردستان، به ئه‌ڤرۆ نیۆز ده‌ڵێ، تیرۆرستانی داعش مه‌زه‌نده ده‌كرێت 200 بۆ 300 چه‌كداریان له ده‌وروبه‌ری خانه‌قین هه‌بێت و به شێوه‌ی مه‌فره‌زه‌ی پارتی زانی له 5 چه‌كداره‌وه بۆ 15 چه‌كدار دابه‌ش بوون و كاری تیرۆرستی ئه‌نجامده‌ده‌ن.
ئه‌كبه‌ر حیده‌ر ده‌شڵێت، چه‌كدارانی تیرۆرستی داعش بازگه داده‌نێن له سه‌ر ڕێگاكان هاوڵاتی سڤیل و ئۆتۆمبێله‌كانیان ده‌فڕێنن،له چه‌ند ڕۆژی ڕابردوو 7 هاوڵاتیان فڕاند یه‌ك له ڕفێندراوه‌كانیان شه‌هید كرد چاره‌نووسی 6 كه‌سه‌كه‌ی تر دیار نییه، یه‌كێك له‌و ڕفێندراوانه ئه‌ندامی پارتییمانه و كاتێك ناسنامه‌ی حیزبییه‌كه‌یان لێ گرتووه وتویانه ئه‌مه له كافره‌كانه.
ناوبراو ده‌ڵێ، له دوو ڕۆژی ڕابردوو دووهاوڵاتی تر كه بران له‌لایه‌ن تیرۆرستانی داعش فڕێندراون، ئه‌وانیش چاره‌نوسیان نادیاره، له‌پێشتر هاوڵاتییان ده‌فڕاند داوای پاره‌یان ده‌كرد له به‌رامبه‌ر ئازاد كردنی به‌ڵام بۆ ئه‌م 9 هاوڵاتییه‌ی فڕاندوویانه تا ئێستا داوای هیچ پاره‌یه‌كیان نه‌كردووه له‌به‌رامبه‌ر ئازاد كردنیان.
به‌رپرسه‌كه‌ی پارتی زانیاری زیاتر ده‌دات و ده‌ڵێ، له چه‌ند هه‌فته‌ی ڕابردوو هاوپه‌ییمانان هێرشی كرده سه‌رمۆڵگه‌ی تیرۆرستان له‌ناوچه‌كه به‌گشتی تیرۆرستان هیچ چالاكییه‌كی تیرۆرستیان نه‌بوو، به‌ڵام ئه‌وه له‌م هه‌فته‌وه به چڕی چالاكی تیرۆرستییان ده‌ست پێكردووه‌ته‌وه، هه‌ڕه‌شه له هاوڵاتیان و هێزه ئه‌منییه‌كان ده‌كه‌ن، به ئه‌مریكا و عێراق ده‌ڵێن ئێمه ماوین چالاكی تیرۆرستی ئه‌نجامده‌ده‌ن.
ئه‌ڤرۆ نیۆز، ئه‌میر ئه‌ترووشی
رێڤه‌به‌ریا باژێرڤانیان یا هۆله‌ندی ب رێیا پرۆگرامێ مه‌سار هه‌ڤبه‌سته‌كا لێكتێگه‌هشتنێ ل گه‌ل رێڤه‌به‌ریا گشتیا باژێرڤانیان ل پارێزگه‌ها دهۆكێ ئیمزاكر و ب رێیا ڤێ هه‌ڤبه‌ستێ كۆژمێ 450 هزار یۆرۆیان بۆ پێشئێخستنا چاره‌سه‌ركرنا گلێشی ل كارگه‌ها كواشێ یا ڤاڤارتنا گلێشی ته‌رخانكرینه.
حازم عه‌بدی، رێڤه‌به‌رێ كارگه‌ها كواشێ یا ڤاڤارتنا گلێشی بۆ ئه‌ڤرۆ نیۆز دیار كر، یاداشتا لێكتێگه‌هشتنێ سه‌باره‌ت بجهئینانا پرۆگرامی بۆ كارگه‌ها جوداكرنا گلێشی ل كاشێ هاته ئیمزاكرن دناڤبه‌را رێڤه‌به‌رییا گشی یا باژێرڤانییا ل پارێزگه‌ها دهۆك و رێكخراوا باژێرڤانیێن هولندی VNG و ل گۆره‌ی ڤێ یاداشتێ رێكخراوا VNG دی رۆلێ خوه بینیت بۆ پێشئێخستنا سیسته‌مێ كاری و نووژه‌نكرنا كارگه‌ها جوداكرنا گلێشی ل كاشێ.
ئاشكرا ژی كر كو ب تنێ د سالا بۆری یا 2019ێ دا، ل سنوورێ پارێزگه‌ها دهۆكێ ل گه‌ل كه‌مپێن ئاواره و په‌نابه‌ران، 451 هزار ته‌نێن گلێشی هاتینه كۆمكرن و چاره‌سه‌ركرن.
پارێزگه‌ها دهۆكێ پێكهاتیه ژ سه‌نته‌رێ باژێری و شه‌ش قه‌زا و 24 ناحیان و نێزیكێ 800 گوندێن ئاڤه‌دان، نێزیكێ 900 هزار خێزان تێدا دژین و دبیته نێزیكێ ملیونه‌ك و 350 هزار كه‌سان، ئه‌ڤه ژبلی هه‌بوونا نێزیكێ 20 كه‌مپێن ئاواره و په‌نابه‌ران، سه‌رجه‌مێ گشتی یێ ئاكنجیێن پارێزگه‌ها دهۆكێ دبیته نێزیكێ دوو ملیون و 200 هزار كه‌سان، كومكرنا گلێشی ل ڤان هه‌موو خێزانان ل پارێزگه‌ها دهۆكێ د ساله‌كێ دا دبیته نێزیكێ 451 هزار ته‌نان، به‌لێ كێمتر ژ 50% ژ وی گلێشێ ل كارگه‌هێن جوداكرنا گلێشی ل پارێزگه‌ها دهۆكێ دهێنه كومكرن و ئه‌وێن دی دهێته بن ئاخكرن، داخواز دهێته‌كرن ب رێیا وه‌به‌رهێنانێ ل ئاینده كارگه‌هێن ریسایكلینێ بهێنه درۆستكرن ژلایێ كه‌رتێ تایبه‌ت دا كو مفا ژ گلێشی بهێته وه‌رگرتن بۆ چێكرنا كه‌لوپه‌لێن دی.
ئەڤرۆ نیوز:
ئه‌ڤرۆ ئێڤارى 2/ 2/2020 لدووڤ شیره‌تێن فه‌رهاد ئه‌مین ئه‌تروشى پارێزگه‌رێ دهوكێ 12كم دن یێن رێكا روڤیا گوپال ل هه‌مبه‌ر وەلاتیان هاتنه ڤه‌كرن.
ئه‌ندازیار خه‌دیجه محەمەد ئەحمەد رێڤه‌به‌را رێك وپرا ل دهوكێ ل دۆر ڤه‌كرنا وان 12 كم رێكێ گوت: لدووڤ فه‌رمانا پارێزگارێ دهۆكێ ئه‌ڤرۆ رێكه‌فتى 2-2-2020 مه 12 كم دى ژرێكا سه‌ره‌كى یا دهوك هه‌ولێر ژ روڤیا بو گوپالى ڤه‌كرن ئه‌ڤێ پارچا رێكێ گرنگیا خو هه‌یه ژبۆ هاتنوچونا گشتى و روودانێن هاتنوچونێ دێ كێمتر لێ هێن هه‌روه‌سا وەلاتى بله‌ز تر دێ شێن هاتنوچونا دهوك و هه‌ولێر كه‌ن.
سه‌باره‌ت ڤه‌كرنا هه‌موو رێكێ رێڤه‌به‌را رێك وپرا ل دهوكێ گوت: درێژیا رێكێ ل سنورێ پارێزگه‌ها دهوكێ هه‌تا سه‌ر رووبارێ زێى 21كم و 200 مترن و 26م یا فره‌هه ورێژا گشتى یا ئه‌نجامدانێ گه‌هشتیه 87% ولدوڤ به‌رنامێ كارى هه‌تا 21-3-2021دێ ب دوماهى هێت لێ ئه‌م كارێ خو بله‌زتر ئه‌نجامده‌ین مه‌لبه‌ره رێكا ناڤبرى ل سنورێ پارێزگه‌ها دهوكێ دماوێ ئه‌ڤ ساله‌دا هه‌موو بكه‌ڤیته دخزمه‌تێ دائانكو ئه‌و (5) كم ماین ژى ل ئه‌ڤ ساله دێ ب دوماهى هێن.
به‌رێ بنیاتى ل روژا 3-10-2018بورێكا ناڤبرى هاتیه دانان وبه‌رى نوكه (5)كم رێكێ ل هه‌مبه‌ر هاولاتیان هاتبونه ڤه‌كرن وئه‌ڤرو 2-2-2020 دوازده كم دن ل هه‌مبه‌ر هاولاتیان هاتنه ڤه‌كرن وب توماكرنا ڤێ رێكا ستراتیجى یا جوت سایدى دناڤبه‌را دهوك وهه‌ولێر هاتن وچون دێ بله‌زتر هێته ئه‌نجامدان ورودان ژى دێ كێمتر لێ هێن پروژه ل سه‌ر بودجا حكومه‌تا هه‌رێما كوردستانێ وژلایێ گروپێ داڤین گروپ بكوژمێ (80) ملیون دولاران دهێته ئه‌نجامدان.
ئه‌ڤرۆ نیوز:
رێكخراوا وه‌لاتێن هنارتنا پترۆلێ ئوپیكێ راگه‌هاند: ئوپێكێ دڤێت تا هه‌یڤا حوزه‌یرانا بهێت كێمكرنا هنارتنا پترۆلێ درێژ بكه‌ته‌ڤه، ب ئه‌گه‌رێ كارتێكرنا ڤایرۆسێ كورونا رێژه‌یا داخوازیا پترۆلێ ژلایێ چینێ كێمتر بوویه.
ئوپیكێ ئه‌و چه‌نده ژی دیاركر داكه‌تنا بهایێ پترۆلێ ل ماوه‌یێ چه‌ند رۆژێن رابوری زه‌نگه‌كا ئاگه‌هداركرنێ یه بۆ ئوپێكێ تاكو پلانا راگرتنا بهایێ پترۆلێ دابنیت، چونكو ڤایرۆسێ كورونا كو ل چینێ و چه‌ندین وه‌لاتێن دی په‌یدا بوویه، كارتێكرن ل سه‌ر گه‌شه‌یا ئابووری هه‌یه و رێژا داخوازیا وه‌لاتان بۆ پترۆلێ كێم بوویه.
رێكه‌فتنا ئوپێك ل گه‌ل روسیا بۆ پلانا كێمكرنا هنارتنا پترۆلێ بجهـ بكه‌ت، ده‌مێ كێمكرنا ته‌مام و ریكخراوێ نوكه درێژكرنا ماوه‌یێ درێژكرنا هنارتنێ بۆ هه‌یڤا حوزه‌یرانا بهێت شرۆڤه دكه‌ت.
ئه‌ڤرۆ نیوز:
به‌نكا ناڤه‌ندا چینێ راگه‌هاند: ب مه‌به‌ستا به‌رهنگاربوونا ڤایرۆسێ كورونا ل چینێ 174 ملیار دۆلار ئێخستنه بازاری و 156 ملیار دۆلار دابینكرن بۆ پشته‌ڤانیا ڤه‌ژاندنا كه‌رتێ ئابووری.
لگوری ئاژانسا رویته‌رز، به‌نكا ناڤه‌ندا چینێ د راگه‌هاندنه‌كێ دا به‌لاڤكریه ب 174ملیار دۆلاران ئێخته بازاری ب مه‌به‌ستا به‌رهنگاربوونا بلاڤبوونا ڤایرۆسێ كورونا د وی وه‌لاتی دا، كۆ ب ئه‌گه‌رێ ئه‌ڤی ڤایرۆسی زێده‌تری 14 هه‌زتر تووشبوی هاتینه توماركرن، ژمارا ئه‌و كه‌سێن ب ئه‌گه‌رێ ڤایرۆسی مرین گه‌هشتیه 3304 كه‌سان.
ب ئه‌گه‌ری ڤایرۆسێ كورونا ل چینێ پرانیا وه‌لاتان گه‌شتێن خو بۆ ئه‌وی وه‌لاتی راوه‌ستاندینه بڤێ ژی مه‌ترسیه‌كا مه‌زن بۆ سه‌ر كه‌رتێ ئابووری دروست كریه، كو وه‌لاتێ دوێ یێ جیهانێ یه ژروویێ ئابووری ڤه، ب بهایێ 156 ملیار دۆلاران دابین دكه‌ت بۆ ڤه‌ژاندنا كه‌رتێ ئابوورێ وه‌لاتی.
ئه‌ڤرۆ نیوز:
حوكمه‌تا چینێ د نووترین راپۆرتا خودا ئاشكراكر هه‌تا نوكه 304 وه‌لاتیێن چینێ ب ئه‌گه‌رێ ڤایروسێ كورونا گیانێ خوه ژ ده‌ست داینه كۆ 14 هزار وه‌لاتیێن چینێ تووشی ڤایرۆسێ كورونا بوینه.
هه‌ڤده‌م حوكمه‌تا فلپینێ ژی ئاشكراكر ئێكه‌مین حاله‌تێ مرێ ب ڤایروسێ كورونا ل وی وه‌لاتی توماركر و كو قوربانی ژی وه‌لاتیه‌كێ چینی یه.
ئه‌ڤرۆ نیوز، عه‌لی حاجی :
نوونه‌رێ قاممقامیا زاخۆ د داخویانیه‌كێ دا بۆ ئه‌ڤرۆ نیوز دیار كر نوكه دا چ گه‌رێن دی یێن به‌لاڤ كرنا گازا سپی ل زاخۆ نینن و ئه‌م به‌رده‌وام په‌یوه‌ندیێ داینه دگه‌ل رێڤه‌به‌ریا به‌لاڤكرنا سوته‌مه‌نی و كانزایێ ل پارێزگه‌ها دهوكێ .
زێده‌تر نیشان بوغوس گۆت : پشتی به‌لاڤ كرنا دو گه‌رێن گازا سپی ل زاخۆ ب سه‌ر زێده‌تری حه‌فت هزار خێزانان ل هنده‌ك گه‌ره‌كێن ل سالا بوری به‌هرا خوه یا گازا سپی وه‌رنه‌گرتین و ئه‌ڤ ساله به‌رها خوه یا گازا سپی وه‌رگرتین و هێشتا گه‌ره‌كا دا یا به‌لاڤ كرنا گازا سپی مایه ل سه‌ر وان خێزانێن ل سالا بوری به‌هرا خوه وه‌رنه‌گرتین و ئه‌ڤرۆ ژی مه په‌یوه‌ندی ب رێڤه‌به‌ریا گشتی یا به‌لاڤ كرنا سوته‌مه‌نی و كانزایێ ل پارێزگه‌ها دهوكێ كری یه به‌لێ بۆ مه دیار كرن هه‌تا نوكه چ گازه‌كا سپی ل به‌ر ده‌ست نینه بۆ به‌لاڤ كرنێ .
ناڤهاتی زێده‌تر گۆت : هه‌ر ده‌ما گازا سپی گه‌هشته ده‌ستێ مه ئێكسه‌ر دێ ده‌ست ب به‌لاڤ كرنا وێ كه‌ین ژبه‌ر كو وه‌رزێ ئه‌ڤ ساله‌یێ زڤستانێ وه‌رزه‌كا ساره ژبه‌ر هاتنا پێلێن ئێك ل دووڤ ئێكێ یێ به‌فر و بارانان .
نيشاندان