ئه‌ڤرۆ:
سه‌رۆكێ نوونه‌راتیا حوكمه‌تا هه‌رێما كوردستانێ ل به‌غدا راگه‌هاند، ئه‌و لژنا د ناڤبه‌را هه‌رێما كوردستانێ و به‌غدا هاتیه پێكئینان، دێ دو كێِان چاره‌سه‌ر كه‌ت، ئه‌وژی هه‌لوه‌شاندنا بریارێن پارێزگه‌رێ كه‌ركووكێ و بریارێن جڤاتا سه‌ركردایه‌تیا شۆره‌شا رژێما به‌عس.
فارس عیسا، سه‌رۆكێ نوونه‌راتیا حوكمه‌تا هه‌رێما كوردستانێ ل به‌غدا زێده‌تر گۆت” شانده‌كێ حوكمه‌تا هه‌رێما كوردستانێ بۆ چاره‌سه‌ركرنا كێشا ده‌ڤه‌رێن كوردستانی ل ده‌رڤه‌ی ئیدارا حوكمه‌تا هه‌رێمێ، سه‌ره‌دانا به‌غدا كر و ل گه‌ل لایه‌نێن په‌یوه‌ندیدار ل به‌غدا و سه‌رۆك كۆمارا عیراقێ كۆمبوو، چونكه پشتی 16 ئوكتۆبه‌را 2017 سته‌م و زورداریه‌كا مه‌زن ل كوردان هاتیه كرن و ته‌عریبه‌كا مه‌زن ژی عاتیه كرن، له‌وما ئه‌و سه‌ره‌دانه گه‌له‌ك یا ئه‌رێنی و سه‌ركه‌فتی بوو”.
سه‌رۆكێ نوونه‌راتیا حوكمه‌تا هه‌رێما كوردستانێ ل به‌غدا خویاكر ژی” د وێ كۆمبوونێ دا بریار هاته دان ب پێكئینانا لژنه‌كا هه‌ڤپشك د ناڤبه‌را هه‌رێما كوردستانێ و به‌غدا كو كاری بۆ هه‌لوه‌شاندنا وان بریارێن جڤاتا سه‌ركردایه‌تیا شۆره‌شا رژێما به‌س بكه‌ن و ئه‌و پارچه ئه‌ردێن ژ كوردان هاتینه وه‌رگرتن، دوباره بۆ وان بهێنه زڤراندن”.
فارس عیسا دیاركر ژی” ئه‌و لژنه دێ كاركه‌ن ب رێیا قانوونێ هه‌موو ئه‌و بریارێن ل سه‌رده‌مێ رژێما به‌عس هاتینه ده‌ركرن، بهێنه هه‌لوه‌شاندن”.
هه‌روه‌سا گۆت” ل ڤێ دووماهیێ چه‌ندین بریار ژلایێ پارێزگه‌رێ كه‌ركووكێ دژی كوردان هاتبوونه ده‌ركرن و هه‌روه‌سا چه‌ندین عه‌ره‌ب ژی هاتبوو ئاكنجیگرن ل كه‌ركووكێ و بریار ژی بۆ هاتبوو ده‌ركرن، له‌وما ئه‌و هه‌موو بریاره ژی دێ هێنه راگرتن و كار پێ ناهێته كرن”.
فارس عیسا: هه‌موو بریارێن پارێزگه‌رێ كه‌ركووكێ دێ هێنه هه‌لوه‌شاندن
نيشاندان
