ئەڤرۆ نیوز:
بالیۆزێن 15 وەلاتان د به‌یاننامه‌كا هەڤبه‌شدا داخوار ژ حوکمه‌تا عیراقێ کریە، ڤەکولینیێ دەربارەی كوشتنا زێدەتر ژ 500 خۆپیشانده‌ران بكەت.
فەرماندێ ئۆپه‌راسیۆنهێن بەغدا راگەهاندبوو، کو گۆرەپانان بۆ خۆپێشاندەران ڤەکەن، بەلێ ئەڤرۆ هەر زوو پۆلیسان بزاڤا بەلاڤەکرنا خۆپێشادەران دا، سەرئەنجام هژمارەکا خۆپێشاندەران بریندار بوون، ئەڤە دەمێ چەند هەیڤانە خۆپیشاندان ل عیراقی د بەردەوامن.
ئه‌ڤرۆ: عه‌زیز هه‌رامی:
كاتژمێر 8 ئه‌مشه‌و له گوندی سیاگوێز سه‌ر به‌ناحیه‌ی گه‌رمكی قه‌زای پێنجوێن له لایه‌ن شوانێكه‌وه ته‌رمێكی هاوڵاتێكی نه‌ناسراو ده‌دۆزرێته‌وه، به‌شێكی جه‌سته‌ی ئاژه‌ڵی دڕنده خواردوویه‌تی.
لوقمان له‌تیف به‌رپرسی ڕاگه‌یاندنی نه‌خۆشخانه‌ی قه‌زای پێنجوێن به ئه‌ڤرۆ نیۆز ڕاگه‌یاند: کاتژمێر ٨ ئەمشەو تەرمی هاوڵاتی یەکی نەناسراو هێنرایە بەشی فریاکەوتنی نەخۆشخانە، له‌لایه‌ن شوانێكه‌وه دۆزرابویه‌وه پۆلیسی لێئاگاداركردبوویه‌وه.
زیاتر وتی،ئەوەی تێبینی کراوە تەمەنی ته‌رمه‌كه ته‌مه‌نی لە نێوان ٣٥ بۆ ٤٠ ساڵدایەو جوتێ کالەی سوری لەپێدایەو ڕەسمی تاتۆیەک لەسەرسنگی هه‌یه وبڕێ پارەی ئێرانی لە گیرفانیدا هه‌بووه.
وتیشی،دوای پشکنینی بەشی دادی نەخۆشخانەی پێنجوێن بۆ ته‌رمه‌كه، دەرکەوت کە ئاژەڵی دڕندە بەشێکی زۆر لە لەشی خواردوەو مێژوی مردنەکەی لەنێوان ٤٨ بۆ ٧٢ کاتژمێردایە.
ئەڤرۆ نیوز:
ب فه‌رمانا سه‌رۆك بارزانی هێزێن پێشمه‌رگێ كوردستانێ سنۆرێن نێڤده‌ولەتی یێن عیراق و توركیا و سووریێ تێپه‌راندن بۆ پشتەڤانیا شه‌رڤانان و به‌رهنگاربوونا داعشێ گه‌هشتنه كوبانێ.
رۆژا (13 ئیلۆنا 2014) داعشێ هێرش بۆ سه‌ر باژێرێ كوبانێ ل رۆژئاڤایێ كوردستانێ ده‌ستێكر.
هێرشا داعشێ بوو ئەگەرێ وێرانكرنا وی باژێڕی و ئاواره و ده‌ربه‌ده‌ربوونا خەلکێ وێ، به‌لێ ئو باژێره نه‌كه‌فت و ب فه‌رمانا سه‌رۆك مه‌سعود بارزانی هێزێن پێشمه‌رگێ كوردستانێ سنۆێن نێڤده‌وله‌تی یێن عیراق و توركیا و سووریێ برین و بۆ هاریکاریکرنا شه‌رڤانان گه‌هشتنه كوبانێ.
وێستگه‌هێن شه‌رێ كوبانێ
ل (2 ئۆكتۆبه‌را 2014)دا، داعش ده‌ست ب سه‌ر (350) گوندێن ده‌وروبه‌ری كوبانێدا گرتن، ب ڤێ چەندێ (300) هزار كوردێن وی باژێری ئاواره و ده‌ربه‌ده‌ر بوون، هندەک چوونە تورکیا و ل سالا (2015) دا هژمارا ئاواره و په‌نابه‌ران گه‌هشته (400) هزار كه‌سان.
ل رۆژا (31 ئۆكتۆبه‌را 2014) ئێكه‌م كاروانێ هێزێن پێشمه‌رگێ كوردستانێ، سنۆرێ نێڤده‌وله‌تی یێ عێراق و توركیا برین و گه‌هشتنه كوبانێ.
ب هاریكاریا هێزێن پێشمه‌رگه‌ی و هەڤپه‌یمانێن نێڤده‌وله‌تی ل دژی داعشێ، یه‌كینەیا كوردێن كوبانێ ل رۆژا (26ی كانوونا دویێ ل 2015) ئۆپەراسیۆنا رزگاركرنا كۆبانێ ده‌ستپێكر و رۆژێن لدووڤ دا شیان وی باژێری هەموویێ رزگار بكه‌ن.
ل (2 شواتا 2015)دا پێشمەرگە و شەرڤان شیان ب دووراتیا 25 كیلۆمه‌ترا داعشێ ژ سنۆێن كوبانێ دووربێخن.
ئەڤرۆ نیوز:
سوپاسالارێ پێشمەرگەی راگەهاند، ئەمریکا دێ 14 لیوایێن پێشمەرگەی پڕچەك کەت و دێ ئۆتۆمبیل و پێدڤیێن سەربازی ژی بۆ وان لیوان دابین کەت، لژنا پێشمەرگەی ژی رادگەهینیت، کو کارێن هەڤپەیمانان و حکومەتا هەرێما کوردستانێ دەبارەی یەکخستنا هێزێن پێشمەرگەی گەهشتینە قۆناغا جێبەجێکرنێ.
جه‌مال ئێمینكی، سوپاسالارێ پێشمه‌رگه‌ی دوپاتكر، پێنگاڤان دەست پێکریە د پێنگاڤا ئێکێ دا 109 ئۆتۆمبێلێن جۆرێ هەمەر گەهشتینە وەزارەتا پێشمەرگەی.
گۆتیه ژی: ل دەستپێکێ ژ لیوایێن 14و 16 دەستپێکریە و پاشی دێ 12 لیوایێن دیتر پڕچه‌ك کەت، ئەو لیوانە دێ ژ ئالیێ ئەمریکا ڤە هێنە پڕچه‌ك کرن.
عوسمان سێده‌ری، جێگرێ سەرۆکێ لژنن پێشمەرگەی ل په‌رله‌مانێ كوردستانێ گۆت، کارێن هەڤپەیمانان و حکومەتا هەرێما کوردستانێ دەربارەی یەکخستنا هێزێن پێشمەرگەی گەهشتینە قۆناغا جێبەجێکرنێ.
ئەڤرۆ نیوز،بارزان مزووری:
بەرپرسێ پەیوەندی و راگەهاندنا رێڤەبەریا بەرەڤانیا پارێزگەها دهۆكێ بۆ ئەڤرۆ نیوز گوت: ئەڤرۆ دەمژمێر 5:00 ئێڤاری گەنجەکێ ١٩ ساڵی بناڤێ ( ب – ع – ب ) ل رووبارێ خازر ل گوندێ گرگەجوو ل سنورێ ناحیا رۆڤیا خەندقی.
موقەدەمێ مافپەروەر بێوار عەبدولعەزیز،بەرپرسێ پەیوەندی و راگەهاندنا رێڤەبەریا بەرەڤانیا پارێزگەها دهۆكێ بۆ ئەڤرۆ نیوز خویاکرئێکسەر لەشی وی ژلایێ خەلکیڤە دهێتە دەرئینان و تەرمێ وی هاتە رەوانە کرن بۆ نوژداریا داد ل قەزا ئاکرێ.
ئەڤرۆ نیوز:
هندەک ژ وان خوارنێن رۆژانە مرۆڤ دخۆن، چ ژبەر خراب هەلگرتنا وان، یان ژی بەرهەڤکرنا وان، دبنە ئەگەر بۆ مرنەکا ل سەر خۆ، هەرچەندە تاما وان خوارنا یا خۆشە، لێ زیانێن وان گەلەکن.
سایتێ نیوتریشن ئێکسبلایند یێ ئەمریکی د بابەتەکێ دا بەحسێ هژمارەکا خوارنان کریە، کو زێدەگاڤیکرن د خوارن و خراب بەرهەڤکرنا وان دا، دبیتە ئەگەر بۆ قەلەوی و بلندبوونا گڤاشتنێن خوینێ و کۆلیسترۆل و نەخۆشیێن دلی و زوهایمەرێ، گەلەک جاران ئەگەرن بۆ تۆشبوون ب پەنجەشێرێ، ژ وان ژی:
. بەرهەڤکرنا گەنمووکان ب فرنێ مایکرۆ وەیڤ
ئەو کیسێ کو گەنمووکان دکەنە دناڤ دا، دەمێ دئێخنە ناڤ ئامێری دا، کارلێکا کیمیایی ڕوو ددەت و زیانێ دگەهینیتە ساخلەمیێ، ژبەر ڤێ چەندێ نۆشدار دبێژن، گەنمووکان ب زەیتا زەیتوونان و تامێن ڕووەکان بەرهەڤ بکەن.
. ڤەخوارنێن غازی:
گەلەک شەکر و سۆدە د ناڤ دا هەنە، زیانێ دگەهینیتە ساخلەمیێ، ب تایبەت ئەگەر گەلەک بهێتە ڤەخوارن.
. گوشتێ دەست چێکری و هلگرتی:
ئەو گوشتێ هاتینە دەست کاریکرن و د قودیان دا دهێنە هلگرتن، زیانێێ دگەهیننە لەشی.
. ڕوونێن ڕووەکان کو دەستکاری تێدا دهێتەکرن.
سەدەمن بۆ توشبوون ب نەخۆشیێن دلی و زڤڕۆکا خوینێ و قەلەوی و پەنجەشێرێ و زەهایمەرێ.
. پتاتێن سورکری (قەلاندی)
دەمێ د پلا گەرما بلندا دهێتە بەرهەڤکرن و خوێ و ڕوونێ زۆر تێدا، ب ڤێ چەندێ مادەکێ پەیدا دکەت بناڤێ ئەکریلامید کو مەترسیا توشبوون ب پەنجەشێران قۆلۆن و مەمک و پرۆستاتان زێدە دکەت.
. خوارنێن بلەز
دەولەمەندن ب ڕوون و شەکر و خوێ، مەترسیێن توشبوون ب پەنجەشێرێ و شەکرێ زێدە دکەت.
ئەڤرۆ نیوز:
ئەڤرۆ سەرۆکێ هەرێما کوردستانێ پێشوازی ل شاندەکێ ئەلمانی کر، ل هەمبەری بڕیارا وی وەلاتی بۆ دەستپێکرنا مەشق و ڕاهێنانان ب هێزین پێشمەرگەی و هەروەسا ل هەمبەری مانا هێزێن هەڤپەیمانیا نێڤدەولەتیا دژی داعشێ و سوپاسیا ئەلمانیا و هەڤپەیمانان کر و مانا وان ژی ب گرنگ زانی.
ئەڤرۆ دوشەمبی، نێچرڤان بارزانی سەرۆکێ هەرێما کوردستانێ پێشوازی ل یۆرگن هارت و مارکۆس گڕۆبل، پەڕلەمانتارێن ئەلمانیا ل پارتا دیموکراتا مەسیحی( CDU) کر.
د دیدارێ دا پەڕلەمانتارێن ئەلمانیا سوپاسیا حکومەت و گەلێ کوردستانێ کر، ل هەمبەری ڤەحەواندنا ئاوارە و پەنابەران ب تایبەت پێکهاتێن مەسیحیان، گۆتژی ژی، دێ هەموو بزاڤان کەین وەک بەری نوکە ژی کو ئەلمانیا د هاریکاریکرنا حکومەت و گەلێ کوردستانێ دا یا بەردەوام بیت.
پرسا پەیوەندیێن هەرێما کوردستانێ و عێراقێ، ڕەوشا عێراقێ و سوریا و دەڤەرێ ب گشتی، مەترسیا تیرۆرێ و پێدڤیا عێراقێ ب مانا هێزێن هەڤپەیمانیا ناڤدەولەتی دژی تیرۆرێ، چەند تەوەرێن دیێن وێ دیدارێ بوون.
ئەڤرۆ نیوز:
ره‌نگێ چاڤێن ته دشێت گه‌له‌ك تشتان ل سه‌ر كه‌ساتیا ته بێژیت، بۆ نموونه خودانێن چاڤێن ره‌ش د گرتینه، به‌لێ خودانێن چاڤێن هنگڤینى د ڤه‌كرینه، ئه‌ڤه ل دووڤ گۆتنێن شاره‌زایه‌كێ روحى ب ناڤێ “مادو كوتیا.
هەروەسا ب ڤی شێوەی ره‌نگێن چاڤان دیار کرینە:
چاڤێن ره‌ش: خودانێن ڤان چاڤان كه‌سێن گرتینه و خودانێن هه‌سته‌كا بلندن. هه‌روه‌سا ئه‌و جهێ باوه‌ریێ نه و نهێنیا ته بۆ چو كه‌سان ئاشكرا ناكه‌ن، هه‌روه‌سا هه‌ست ب به‌رپرساتیێ و وه‌فاداریێ و كارێ باش و گه‌شبنیێ دكه‌ن.
چاڤێن قه‌هوائى: خودانێن ڤى ره‌نگێ چاڤان پتر د سه‌رنجراكێشن و پتر باوه‌ریا ب خوه هه‌ى و د داهێنه‌رن، سه‌ره‌راى كو ئه‌و داهێنه‌رن به‌لێ ل هنده‌ك جاران ئه‌و تووشى ئاسته‌نگان دبن بۆ ده‌ربرینێ ژ خوه به‌رامبه‌ر یێن دى.
چاڤێن هنگڤینى: خودانێن ڤى ره‌نگێ چاڤان پتر دڤه‌كرینه و پتر ب ڤیانن و حه‌ز ژ شه‌ق و شیقان دكه‌ن. هه‌مى ده‌مان ل گه‌ل ره‌وتى دچن و شیانێن خوه گونجاندنێ یێن هه‌ین و د زیره‌كن و زوى ته‌ڤلى رۆتینێ دبن، چوانیا چاڤێن وان خه‌لكى بۆ وان دراكێشن.
چاڤێن خولیكى: خودانێن ڤى ره‌نگێ چاڤان گه‌له‌ك د زالن و خودان هێز و نه‌رماتى و كێمتر د دوژمنكارن، ل گه‌ل هه‌بوونا ڤیانه‌كا زێده و رۆمانسیه‌تێ ل نك وان، هێزا وان یا ناڤخوه و هزرا وان یا شرۆڤه‌كارى و ژیر وان دكه‌ته سه‌ركرده ل جهێ وان.
چاڤێن كه‌سك: خودانێن چاڤێن كه‌سك پتر دژیرن و حه‌ز دكه‌ن تشتان بزانن و حه‌ز ژ ژیانێ دكه‌ن. دلینیه‌كا مه‌زن ل نك هه‌یه، و گه‌له‌ك ب غیره‌تن.
چاڤێن شین: خودانێن ڤى ره‌نگێ چاڤان گه‌له‌ك د سه‌رنجراكێش و ئاشتیخواز و ژیرن، ئه‌و به‌ر ب هه‌ڤبه‌ندیێن دۆمدرێژ دچن، دشێن هه‌مى تشتان بكه‌ن به‌س دا كه‌سێن دى كه‌یفخۆش بكه‌ن.
ئه‌ڤرۆ نیوز، بارزان مزووری:
زه‌نون محه‌مه‌د، رێڤه‌به‌رێ ناحیا باشیك بۆ ئه‌ڤرۆ نیوز گۆت: (هه‌تا نها رێژا 95% خه‌لكێ باشیك ڤه‌گه‌ریایه سه‌ر جهێن خۆ 5% خه‌لك نه‌زڤریه ل هه‌رێما كوردستانێ ئاكنجینه ئه‌وێن خانیێن وان ب تەمامی ژلایێ رێكخراوا تیرۆرستی یا داعش ڤه هاتینه په‌قاندن).
ناڤهاتی خویاكر نێزیك 1500 خانیێن باشیك هات بونه په‌قاندن هه‌تا نها بتنێ زێده‌تری 250 خانیا هاتینه ئاڤاكرن گه‌له‌ك ژ خودانێن وان خانیا ژی جهه‌كێ دی خانی ئاڤاكریه ئه‌و جهێ كه‌ڤن ئاڤا نه‌كریه.
و دیار ژی کر زێده‌تری 5 هزار دونه‌مێن عه‌ردێ چاندنێ یێن جوتیارێن ده‌ڤه‌رێ هه‌موو هاتیه TNT ژلایێ رێكخراوا تیرۆرستی یا داعش هه‌تا نها نه‌هاتیه پاقژكرن ئه‌ڤه زێده‌تری 6 سالایه ئه‌ڤ عه‌رده نه‌هاتیه چاندن مه بزاڤكریه كۆ تیمه‌كا رامالینا ته‌قه‌مه‌نیا بهێن وان عه‌ردا پاقژ بكه‌ن دا جوتیار دوباره عه‌ردێن خوە بچینن.
ئەڤرۆ نیوز:
وەزارەتا ساخلەمیێ یا فرەنسا د داخۆیانیەکێ دا راگەهاند کو ڤایرۆسا کۆرۆنا رۆژ ب رۆژێ بەلاڤ دبیت و مەترسی ل سەر وەلاتیێن فرەنسا ل چینێ ژی هەیە، ژ بەر هندێ ژی سەرۆکێ فرەنسا بریار دایە کو د زووترین دەم دا هەموو وەلاتیێن فرەنسا یێن ل چینێ ڤەگەرنە ڤە فرەنسا.
ل ئالیێ دی بەرپرسێن چینێ ژی ئەڤرۆ راگەهاندن کو هەتا نها ٨٠ کەسان ب ڤایرۆسا کۆرۆنا گیانێ خوە ژ دەست داینە.
نيشاندان