ئەڤرۆ نیوز:
بارسێلۆنا ل سه‌ر ده‌مێ كیكی سێتیێن راهێنه‌رێ نوو، تام کرە ئێکەمین شكەستن لالیگایێ، دەمێ ل ده‌رڤەی یاریگه‌ها خوە ل هەمبەری ڤالنسیا تۆشی شکەستنێ بوو.
ئێڤاریا ئه‌ڤرۆ شه‌مبیێ، 25 کانوونا 2020، د گه‌را بیست و ئێکێ یا لالیگایێ دا، بارسێلۆنا ل یاریگه‌ها مێستایا یا ڤالنسیا تۆشی شکەستنێ بوو ب دو گۆلێن پاقژ.
ئەڤرۆ نیوز:
د روودانەکا كێم وێنه دا ل وەلاتێ هندستانێ، کو بوویه جهێ سه‌رنجا میدیایێن جیهانی، هه‌روه‌سا ئەو روودانە بوویه ئەگەرێ هه‌لوه‌شاندنا ئاهه‌نگا هەڤژینیا كچ و كورەکێ، ب ئەگەرێ هندێ کو دایكا بووکێ و بابێ زاڤای په‌یوه‌ندی ل گەل ئێک هەبوو، حە‌فتیه‌كێ به‌ری ئاهەنگا كور و كچێن وان به‌ر ب جهەکێ نەدیار چووینە.
رۆژناما “ده‌یلی ەیل” یا بریتانی راگه‌هاندیە، کو بووك و زاڤایه‌ك چه‌ند رۆژان پێش رێوره‌سمێن هەڤژینیا وان، ب نەچاری ئاهه‌نگا خوە هه‌لوه‌شاندیه، چونكی بابێ زاڤای و دایکا بووکێ په‌یوه‌ندی پێكڤه هه‌بوو و به‌ره‌ف جهەکێ نەدیار چووینە.
ناسیارەکێ وان هەردو یان ئاشكرا کریە، کو كه ئه‌و هەردو عاشقه ژ زارۆکاتیا خوە ئێکدو دنیاسی و په‌یوه‌ندیه‌كا ب هێز یا حەز ژێکرنێ دناڤبەرا وان دا هه‌بوو، به‌لێ ب هەڤژینیێ ڤە ب دوماهی نەهاتیە، هەر چەندە زاڤا ئەڤە ماوێ زێدەتر ژ ئێک سال مژوولی ئاماده‌كاریێن ئاهه‌نگا هەڤژینیێ بوو.
ئەڤرۆ نیوز:
ئەڤرۆ هەشت گەشتیاران ب مەرەما گەشت و گۆزار قەستا چیایێ گاروکی ل سنورێ ناحیا سەرسنکێ کربوو، بەلێ ب ترومبێلڤە ئاستێ بوون و مانە دناڤ سر و سەرما و بەفرێ دا، تیمەکا باژێرڤانیا سەرسنکێ پشتی هەول و بزافەکا زور شیان هەر هەشت کەسان ب سلامەتی رزگار بکەت.
ئەمیر ئەترۆشی، بەرپرسێ راگەهاندنا رێڤەبەریا گشتی یا باژێرڤانیان ل پارێزگەها دهۆکێ بۆ ئەڤرۆ نیوز گۆت: (ئەڤرۆ هژمارەکا گەشتیارێن سنورێ پارێزگەها دهۆکێ ب مەرەما گەشت و گۆزار قەستا چیایێ گاروکی ل سەرسنکێ کربوو، بەلێ جهێ داخێ یە ژ ئەگەرێ بارینا بەفرەکا زۆر ئاسێ ببوون).
زێدەتر گوت: (تیمەکا رامالینا بەفرێ یا باژێرڤانیا سەرسنکێ پشتی هەول و بزاڤەک زۆر شیان خوە بگەهینن چیایی و وان گەشتیاران رزگار بکەن کو هژمارا وان هەشت کەس بوون، ئەڤە زێدەباری کو ئەم زویکا ئاگتهدار نەکرین و ئەو دەمەکێ زور بو ئەو ئاسێ ببوون).
ناڤبری دیارکر ژی کو تیمێن وان ددەما 24 دەمژمێران دا دخزمەتا وەلاتیان دانە بۆ ڤەکرنا رێیا و گۆت ژی: (داخوازێ ل هەموو گەشتیار و وەلاتیان دکەین کو بێ زاییاری قەستا جهێن مەترسی و بەفرین نەکەن داکو چوو کێشە بۆ دروست نەبن، دیسان هەر وەلاتیەک ژی پێدڤی ب هەڤکاریێ بیت دخوازین بلەز مە ئاگەهدار بکەن داکو بشێن وان بێ کێشە رزگار بکەین).
ئەڤرۆ نیوز:
ل زیقار سێ خوەپیشانده‌ر ب به‌فیشەکێن هێزهێن ئه‌منی هاتنە كوشتن و ب ده‌هان ژی بریندار بوون.
ئەڤرۆ جارەکا دی ئالۆزی دناڤبەرا خوەپیشاندەران و هێزێن ئەمنی ل پارێزگەها زیقار دروست بوو، د ئەنجامدا سێ خوەپیشاندەر هاتنە كوشتن، ب دەهان خوەپیشاندەرێن دیتر بریندار بوونینە، شوونوارێن فیشەکان ل سەر لەشێ برینداران هەیە و هندەک ژی ب بۆمبێن رۆندکرێژ بریندار بووینە.
ئەڤرۆ نیوز:
چاڤدێرێن سیاسی و بسپۆرێن سەربازی دیار دکەن کو ژ بەر ڤالاهیا ئەمنی ل کەرکووکێ و دەڤەرێن کوردستانی یێن دەرڤەی ئیدارا هەرێما کوردستانێ سەرکردێن داعشێ ژ سووریێ و دەڤەرێن دی درەڤن و دهێنە کەرکووکێ.
ل ئالیێ دی بەرپرسێن سەربازی یێن عیراقێ ژی دیار کرن کو داعشێ شیایە ل کەرکووکێ و دەڤەرێن سەر ب وێ چەندین بنگەهێن سەربازی ئاڤا بکەت و رۆژ ب رۆژێ ژی کاریگەریا وان زێدەتر لێ دهێت و پێدڤیە دەست ب ئۆپەراسیۆنەکا مەزن ل دژی داعشێ ل کەرکووکێ و دەڤەرێن سەر ب وێ ڤە بهێتە کرن.
ئەڤرۆ نیوز:
ئەڤرۆ ل نێزیکی تل تەمرێ هێزێن ئەمریکا رێ نەدانە هێزێن روسیا کو دەربازی حەسەکێ ببن و ئاریشە د ناڤبەرا وان دا دروست بوو، پاشی ژی هێزێن ئەمریکا بەر ب حەسەکێ و هێزێن روسیا ژی بەر ب قامشلۆ ڤە چوون.
وەزارەتا بەرەڤانیێ یا ئەمریکا ژی بەری دەمەکێ راگەهاند کو نابیت هێزێن روسیا ئاریشان بۆ ئەمریکا ل باکورێ سووریێ دروست بکەن.
ئەڤرۆ نیوز:
پشتی بیڤەلەرزا ل باکورێ کوردستانێ ئەڤرۆ ناڤەندا ڤەکۆلینان یا جیولوجی ل ئەمریکا نەخشێ بیڤەلەرزا دوهی ل باکورێ کوردستانێ بەلاڤکر کو ل گۆر نەخشێ دیار دبیت کاریگەریا بیڤەلەرزا دوهی گەلەک زێدە بوویە و ل هەر سێ پارچێن دی یێن کوردستانێ ژی هەست ب بیڤەلەرزێ هاتیە کرن.
بەرپرسێن وەزارەتا ناڤخوە یا تورکیا دیار دکەن کو ژ بەر بیڤەلەرزێ پتر ژ ٢٠ کەسان جانێ خوە ژ دەست داینە و نێزیکی هزار کەسان ژی بریندار بووینە.
ئەڤرۆ نیوز:
محەمەد جەواد زەریف وەزیرێ دەرڤە یێ ئیرانێ راگەهاند کو پشتی کوشتنا قاسم سلێمانی ب دەستێ ئەمریکا دیسان ژی دەلیڤە بۆ دانوستاندنان ل گەل ئەمریکا یا هەی و ئیران وێ یەکێ رەت ناکەت.
ئەو یەک د دەمەکێ دایە کو بەری نها مایک پۆمپیۆ وەزیرێ دەرڤە یێ ئەمریکا ژی راگەهاند کو ئەمریکا دڤێت ل گەل ئیرانێ پرسێن نها چارەسەر بکەت و ژ بۆ هندێ ژی دهێتە خواستن کو ئیران هەلویستێ خوە ل هەمبەر ئەمریکا و هەڤپەیمانێن وێ ب گوهۆریت.
ئەڤرۆ نیوز:
دەزگەهێن راگەهاندنێ یێن سەر ب هەدەپێ دیار دکەن کو پارتیا دیموکراتی یا گەلان دێ ل رۆژا ٢٤/٢/٢٠٢٠ کۆنگرێ خوە یێ چارێ گێریت و دهێتە چاڤەرێکرن کو هەدەپە گەلەک گوهۆرینان د رێڤەبەراتیا خوە دا بکەت.
ل گۆر داخۆیانیێن هندەک ژ بەرپرسێن هەدەپێ دهێتە چاڤەرێکرن کو هەر دو هەڤسەرۆکێن نها ئانکۆ سەزایی تەمەللی و پەروین بولدان ل سەر کارێ خوە د بەردەوام بن.
نيشاندان