ئەڤرۆ نیوز:
وەزارەتا دەرڤە یا ئیرانێ رەخنێن توند ل تویتێن چەند رۆژێن بۆری یێن دۆنالد ترامپ سەرۆکێ ئەمریکا گرتن کو ترامپی ب زمانێ فارسی پشتەڤانیا خوە بۆ خوەنیشادانێن ل ئیرانێ دیار کربوو.
وەزارەتا دەرڤە یا ئیرانێ دیار دکەت کو ترامپی ئەو مافە نینە ب زمانێ فارسی تویتان بەلاڤ بکەت و ببیتە ئەگەرێ ئالۆزبوونا رەوشا ناڤخوەیی یا ئیرانێ.
ئه‌ڤرۆ نیوز، عه‌لی حاجی:
په‌یمانگه‌ها ره‌واندوز یا نه‌حكومی لقێ زاخۆ په‌نه‌له‌كا سیاسی ل دور كوردستان دناڤبه‌را ده‌ستكه‌ڤتی و قوربانیان دا بۆ ماموستایه‌كێ زانكویا زاخۆ و ئه‌ندام په‌رله‌مانتره‌كێ پێشترێ كوردستانێ ساز كر.
ئومێد سه‌گڤان هاریكارێ راگرێ په‌یمانگه‌ها ره‌واندوز لقێ زاخۆ بۆ ئه‌ڤرۆ نیوز گوت: (ئه‌ڤ په‌نه‌له پ .دكتور هوگر تاهر ماموستایێ زانكویا زاخۆ و عه‌لی هالو ئه‌ندام په‌رله‌مانێ پێشترێ كوردستانێ هاته ساز كرن و مه دخاست ب رێیا ڤی په‌نه‌لی بۆ جڤاكا سڤیل و لایه‌نێن سیاسی دیار بكه‌ن و ده‌ره‌نجامه‌كێ ئاشكه‌را بكه‌ین ژبه‌ر كو قه‌ده‌را مه كرودان ب عێراقێ ڤه گرێدایه و عێراق هایته دابه‌ش كرن ل سه‌ر شه‌ری و به‌رده‌وامیا ژناڤ چوونێ و هه‌ر دیسان ئه‌م دگه‌ل وێ چه‌ندێ نه سازیێن ئه‌كادیمی به‌رده‌وام بابه‌تێن سیاسی و ب ڤی ره‌نگی ئازرینن دا كو سازیێن ب ڤی ره‌نگی ببنه پره‌ك بۆ ده‌سه‌لاتێ و جڤاكی).
و گوت ژی سازیێن ئه‌كادیمی خوه ل گه‌له‌ك كێشه‌یان ناكه‌نه خودان هه‌كه هه‌بن ژی هنده‌ك كێشه‌یێن تایبه‌ت مه‌ندن و هێڤیدارین سازیێن ئه‌كادیمی ژناڤ ئاڤاهیێن خوه ده‌ركه‌ڤن و خوه نێزیكی جڤاكی بكه ندا كو خوه ل گه‌له‌ك كێشه‌یێن دیتر ژی بكه‌ته خودان.
ئەڤرۆ نیوز:
وەزیرێ دەرڤە یێ ئەمریکا مایک پۆمپیۆ راگەهاند کو هەکە ئیرانێ بڤێت رەوشا دەڤەرێ پتر ئالۆز بکەت و ل سەر هەلویستێ خوە یێ نها بەردەوام بیت وی دەمی ئەمریکا دێ ل گۆر خوە ئاریشا ئیرانێ چارەسەر بکەت.
چاڤدێرێن سیاسی ژی دیار دکەن کو مەبەستا وەزیرێ دەرڤە یێ ئەمریکا گوهۆرینا سیستەمێ نها یێ ئیرانێ یە.
ئه‌ڤرۆ نیوز، بارزان مزووری:
شه‌مال محه‌مه‌د ئه‌دیبرێڤه‌به‌رێ ناحیا باعه‌درێ بۆ ئه‌ڤرۆ نیوز گۆت: (ڤه‌كرنا بنگه‌هێ پێدانا كارتا نیشتیمانی پێتڤی ب پێداویستێن تایبه‌ت یا هه‌ی هه‌تا ل ناحیا باعه‌درێ بهێت ڤه‌كرن،
ناڤهاتی خویاكر هه‌تا نها ئه‌و بنگه‌ه نه‌هاتیه ڤه‌كرن هه‌موو وه‌لاتیێن ده‌ڤه‌رێ ئاگه‌هداركرینه كۆ سه‌ره‌دانا پارێزگه‌ها دهوك بكه‌ن بۆ دروست كرنا كارتا نیشتیمانی ژبه‌ركۆ ئه‌ڤ كارته گه‌له‌ك یا گرنگه هه‌رچه‌نده بارگرانیه ل سه‌ر وه‌لاتیان ژبه‌ر هاتن و چوونا وان بۆ دهوك و مه‌زاختنا بكۆژمه‌كێ پاره‌ی به‌لێ پێتڤی یه هه‌موو وه‌لاتیێن ده‌ڤه‌رێ پێگیربن ژ دروست كرنا ڤێ كارتێ).
ناڤهاتی گۆت ژیسێ جورێن وه‌لاتیان یێن ناحیا باعه‌درێ و ده‌وروبه‌ر بنه‌جهن ژوانا ئاواره و خوجهێن ده‌ڤه‌رێ پلێتاوان سه‌ر ب دهوك ڤه‌یه پشكه‌ك ژ خوجهێن ده‌ڤه‌رێ پلێتا وان یا ئازوقه‌ی سه‌ر ب مووسل ڤه.
ئه‌ڤرۆ نیوز:
سه‌رۆك كۆمارێ توركیا گه‌فا ئه‌نجامدانا كریارێن سه‌ربازی ل به‌شار ئه‌سه‌دی كر راگه‌هاند: 400 هه‌زار ئاواره‌یێن ئیدلبێ پێدڤیه ڤه‌گه‌رنه سه‌ر جهێن خۆ، هه‌كه پێدڤی بكه‌ت بزاڤێن رژێمێ بۆ شكاندنا ئاگر به‌ستێ راوه‌ستینین، لیبیا پارچه‌یه‌كا گرنگا ئیمپراتوریه‌تا عوسمانی بوویه.
ره‌جه‌ب ته‌یب ئه‌ردوغان سه‌رۆك كۆمارێ توركیا راگه‌هاند: دڤێت هه‌می بزانن ترانا ناكه‌ین، ئه‌ڤا دبێژین دێ ئه‌نجام بده‌ین، پشتا خۆ مه نه‌دایه سوریا وه‌ناكه‌ین ژی، به‌لكۆ هه‌ڤكاریێن نه‌ته‌وه‌یێن ئیكگرتی ره‌وانه‌ی ده‌ڤه‌رێن سوریا دكه‌ین.
ره‌جه‌ب ته‌یب ئه‌ردوغان سه‌رۆك كۆمارێ ل سه‌ر حوكمه‌تا سوریا دازانین چ حوكمه‌ت نینن ل سوریا دانوستاندنێ ل گه‌ل بكه‌ین، چ په‌یوه‌ندی ژی ل گه‌ل رژێما سوریا دا مه نین، چونكو رژێمه‌كا خوین رژ و خه‌لكێ خۆ كوشتیه.
ره‌جه‌ب ته‌یب ئه‌ردوغان سه‌رۆك كۆمارێ ل سه‌ر لیبیا و ئالوزیێن وی وه‌لاتی دیاركر خه‌لیفه خه‌فته‌ر دڤیا ته‌مامیا لیبیا كۆنترول بكه‌ت و چه‌ند وه‌لاته‌كێن عه‌ره‌بی پشته‌ڤانیا وان دكر، ئه‌م ژی رێكێ ناده‌ین عوسمانی یێن ل لیبیا كۆمه‌لكوژ بكرن.
ئه‌ڤرۆ نیوز،عه‌لی حاجی :
رێڤه‌به‌رێ كار و راهێنانێن پیشه‌یی ل زاخۆ د داخویانیه‌كێ دا بۆ ئه‌ڤرۆ نیوز دیار كر دماویه‌كێ نێزیكدا دێ پشكا ده‌سته‌به‌ركرنا مافێ كرێكاری ل رێڤه‌به‌ریا وان هێته ڤه‌كرن و ئێدی پێدڤی ناكه‌ت كرێكار بۆ ناڤ توماركرنێ قه‌ستا باژێرێ دهۆكێ بكه‌ت.
زێده‌ترجۆتیار خدر گۆت : ل سالا بوری دارێڤه‌به‌ریامه 70 موله‌تێن كاركرنێ داینه وه‌لاتیان ب تایبه‌تی ل كه‌رتێ پیشه‌سازی دا و هه‌ردیسان 130 كه‌سان پشكداری د خۆلێن وان یێ پیشه‌یی دا كرینه و 220 هه‌لێن كاری بۆ گه‌نجان هاتینه دابین كرن د كه‌رتێ تایبه‌تدا و ناڤێ 10 هزار كه‌سێن بێكار ل ده‌ڤ وان هاتینه تومار كرن و ب رێیا لژنه‌یێن تایبه‌تمه‌ند به‌رده‌وامین بۆ ڤه‌دیتنا كاری بۆ كه‌سان و ئه‌ڤ ساله رێژه‌یاڤه‌كرنا خولان كێمتر بوینه ژ شالا بوری ژبه‌ركو پرانیا رێكخراوان به‌رێ خوداینه ده‌ڤه‌را موسل و ده‌ڤه‌رێن دی یێن عێراقێ .
گۆت ژی : د ده‌مه‌كێ نێزیكدادێ پشكا ده‌سته‌به‌ر كرنا مافێ كرێكاران ل رێڤه‌به‌ریا مه هێته‌ڤه‌كرن و ئێدی پێدڤی ناكه‌ت كرێكار بۆ ناڤ توماركرنێ قوستا دهۆكێ بكه‌ت و بۆ ڤێ چه‌ندێ ژی مه چه‌ند فه‌رمانبه‌ره‌ك ته‌رخان كرینه بۆ ب رێڤه‌برنا ڤێ پشكا گرنگ ژبه‌ركو هه‌كه كرێكار هاته‌تومار كرن دێ شێن مافێ وی وه‌ربگرین هه‌كه خانه‌نشینبوو یان ژی په‌ككه‌ڤتی بوو د كاری دا .
ئه‌ڤرۆ نیوز:
ده‌یڤد شنكه‌ر هاریكارێ وه‌زیرێ ده‌رڤه‌یێ ئه‌مریكا بۆ كارۆبارێن رۆژهه‌لاتا ناڤین ل سه‌ر سه‌ره‌دانا خۆ بۆ هه‌ولێرێ راگه‌هاند: جڤینێن مه ل گه‌ل سه‌ركردایه‌تیا هه‌رێما كوردستانێ ل هه‌ولێرێ دانوستاندن ل سه‌ر روودانێن ئه‌ڤیێ داویێ و سوپاسیا هه‌ڤپه‌یمانیا كوردی ژی كر و ئه‌مریكا چ نیازێن ئالوزكرنا ره‌وشێ نینه و ل گه‌ل ئارامبوونێ دایه.
لگۆری راگه‌هاندنا وه‌زاره‌تا ده‌رڤه‌یا ئه‌مریكا، شنكه‌ری دیاركریه ئه‌مریكا شانازیێ ب هه‌ڤپه‌یمانیا ل گه‌ل كوردان ل عیراقێ دكه‌ت كۆمبوونێن وان ل هه‌ولێری به‌حسێ موكمكرنا په‌یوه‌ندیان ل گه‌ل هه‌رێما كوردستانێ كرن، كورد لایه‌نه‌كێ سه‌ره‌كی یێ بده‌ستڤه ئینانا ئارمانجێن مه‌نه ل رۆژهه‌لاتا ناڤین.
ناڤبری ئه‌و چه‌نده ژی دازانین ئه‌گه‌رێ سه‌ره‌دانكرنا هه‌ولێرێ و نه‌چوونا مه بۆ به‌غدا ڤه‌دگه‌ریت بۆ ئالوزیێن به‌غدا، حوكمه‌تا هه‌رێما كوردستانێ شیانێن زۆر باش هه‌نه بۆ پاراستنا دیپلوماتكار و ناڤه‌ندێن دیپلوماسی یێن ئه‌مریكا ل هه‌رێمێ.
ئه‌ڤرۆ نیوز:
ل ماوه‌یێ 12 ده‌مژمێرێن بوری دا ل بارێژێن هه‌رێما كوردستانێ رێژه‌یه‌كا زۆر بارانێ باریه و كه‌شناسیا هه‌رێمێ رێژه به‌لاڤكرینه.
رێڤه‌به‌راتیا گشتی یا كه‌شناسیێ و بیڤه‌له‌رزان یا هه‌رێما كوردستانێ د راگه‌هاندنه‌كێ دا رێژه‌یا باران بارینێ ل ماوه‌یێ 12 ده‌مژمێرێن بوری ل باژێرێن هه‌رمێا كورستانێ بلاڤكرینه.
ئه‌ڤرۆ نیوز:
سه‌رۆك كۆمارێ ئیرانێ راگه‌هاند: دڤێت بۆ شرۆڤه‌كرن و چه‌وانیا ئێخستنا باله‌فرا ئوكرانی دادگه‌هه‌كا تایبه‌ت بهێته دامه‌زراندن.
ئه‌ڤرۆ 14/1/2020، حه‌سه‌ن روحانی سه‌رۆك كۆمارێ ئیرانێ راگه‌هاند: دڤێت سازیا دادوه‌ری یا ئیرانێ دادگه‌هه‌كا تایبه‌ت بۆ ڤه‌كۆلینێ ل سه‌ر رووداوا ئێخستنا باله‌فرا ئوكرانیا ب به‌رهه‌ڤبوونا چه‌ندین دادوه‌رێن شاره‌زا ئه‌و دادگه‌هه بهێته پێك ئینان، چونكو ئه‌و دوسه‌یه دوسه‌یه‌كا ئاسایی نینه و هه‌موو جیهان دنێرنه ئه‌وێ دادگه‌هێ.
سه‌رۆك كۆمارێ ئیرانێ ئه‌و چه‌نده ژی راگه‌هاند: روودانه‌كا زۆر نه‌خوش و گرانه و ته‌حه‌ملكرنا وێ ژی زۆرا گرانه، چونكو كه‌تنا باله‌فرێ بخو یا نه‌خوشه، لێ هه‌كه ب ئه‌گه‌ری خه‌له‌تیه‌كا مرۆڤه‌كی بیت ناخوشتره ژی.
ئه‌ڤرۆ نیوز:
ستێرا دانیماركى و یانا توتنهام هوتسپێر یا ئینگلیزى كریستیان ئاریكسن رازیبوو ل سه‌ر ڤه‌گوهاستنا خوه بوو یانا ئه‌نتر میلان ل ڤه‌گوهاستنێن زڤستانا نوكه.
رۆژناما لاگازیتا دیللو سپورت یا ئیتالى دیاركر ئاریكسن ل گه‌ل به‌رپرسێن یانا ئه‌نتر میلان رێككه‌فتى یه بوو ئیمزاكرنا هه‌ڤبه‌ستا وێ یانا ئیتالى بوو ماوێ چار سال و نیڤا.
نيشاندان