ئەڤرۆ نیوز:
ب سەرکەفتنا یانا ریال مەدرید ل سەر یانا ڤالێنسیا، یانا شاهانە گەهشتە یاریا دوماهیێ یا سۆپەرا ئیسپانی، د یاریا دوماهیێ دا دێ چاڤەرێی سەرکەفتیێ یاریا ئەتلەتیكۆ و بارسێلۆنا کەت.
ریال مەدرید د یاریا قۆناغا بەری دوماهیێ یا سۆپەرا ئیسپانی روو ب روو ڤالێسنیا بوو، شیا ب سێ گولان هەمبەری گولەکێ سەرکەفتنێ ل سەر ڤالێنسیا تۆمار بکەت و گەهشتە یاریا دوماهیێ.
ریال مه‌درید هه‌لگرا 10 نازناڤێن جاما سۆپه‌را ئیسپانیه.
ئەڤرۆ نیوز:
ژ گەلەک ئالیان ڤە مۆبایلێ ژیانا مە ئاسان كریە، بەلێ چه‌ندین لایه‌نێن خراب ژی هه‌نه، كو تێكدانا په‌یوه‌ندیێن مە ل گەل كه‌سێن نێزیك و خۆشتڤی دا ئێک ژ وانە، ئه‌ڤ ره‌فتارێن خەلەت یێن ل خوارێ كاریگه‌ریەکا گەلەک خراب د‌كه‌نه سه‌ر هەڤژینان:
. ئه‌و بابه‌تێن وێ دکەنینن تۆ نیشا خۆشتڤیا خوە نادەی:
دەمێ تۆ ل گەل هەڤژینا خوە یان خۆشتڤیا خوە دا بی، هەروەسا دەمێ تۆ بابەتەکێ ب کەنی د مۆبایلا خوە دا دبینی، تۆ بەرێ خوە دەیێ، بەلێ تۆ نیشا وێ نادەی، ب ڤی رەنگێ تۆ دێ وێ بێزار کەی، دێ ئەو هه‌ست ل دەف دروست بیت، کۆ باوەر ژێ ناکەی و تشتان لێ ڤەدشێری.
. دەمێ دچیە جهەکێ دێ مۆبایلا خوە ل گەل خوە بەی:
دەمێ ل ژوورا روونشتنێ رادبی و دچیه جهەکێ دیتر یێ مالێ دێ مۆبایلا خوە ل گه‌ل خوە بەی، كو ره‌نگه تە چ مه‌به‌ستێن خراب نه‌بن، بەلێ ئه‌ڤه ره‌فتارەکا خەلەتە، چونكی هه‌ستەکێ نەخۆش ل دەف وێ دروست دکەت، ئەڤە وەلێ دکەت، كو وێ ل دەف تە جهێ باوەریێ نینە و تۆ تشتان لێ ڤەدشێری.
. ل دەمێ گوتۆبێژکرنێ ل گەل دا تۆ ب مۆبایلا خوە ڤە یێ مژوولی:
ئه‌ڤە كارەکێ خەلەتە، چونكی نیشانا گرنگی پێنه‌دانێ و رێز لێنه‌گرتنە هەمبەری وێ.
. زوو زوو ته‌ماشاكرنا مۆبایلێ:
ئه‌ڤە ب خوه هه‌ستەکێ گەلەک نەخۆش ل دەف یێ به‌رامبه‌ری تە دروست دکەت، خوە ژێ بپارێزه، هه‌ر چه‌نده هەکە نووچە و بابه‌تێ گرنگ ژی بیت.
. ل دەمێ نانخوارنێ دا زوو زوو ته‌ماشەی مۆبایلا خوە دکەی:
د بەسڤدانێ دا ل جهێ ب كارئینانا پەیڤ و رستان ب ئیمۆجیا تۆ بەرسڤا وێ ددەی.
ئەڤرۆ نیوز، نەوزاد هلۆری:
ژئەگەرێ بارینا پێلەکا بەفرێ، کێشە بۆ هاتن و چوونا ترۆمبێلا ل چیایێ پیرس دروست بو، ئەڤ یەک بویە ئەگەر کو پتری چوار ترومبێل ئاسێ ببن، باژێرڤانیا دینارتە پشکەک ژ وان رزگارکرن و کار بۆ رزگارکرنا یێن مای دکەت.
ردوان محیەدین، ژ راگەهاندنا باژێرڤانیا دینارتە بۆ ئەڤرۆ نیوز گۆت: (ژ ئەگەرێ بارینا پێلەکا بەفرێ ل چیایێ پیر، 28 ترومبێلێن وەلاتیان ل چیای ئاسێ بوینە، باژێرڤانیا مە 25 ژ وان رزگارکریە و چوار ژ وان ماینە و نوکە کار بۆ رزگارکرنا وان ژی دهێتەکرن).
زێدەتر گۆت (بارینا بەفرێ بەردەوامە و رێک ژی هاتیە گرتن و هاتن و چوون ب زەحمەت کەفتیە، لەوا دخوازن د نوکە دا وەلاتی نەچنە رێیا پیرس، داکو ژ روودانان بهێنە پاراستن).
ئه‌ڤرۆ نیوز، بارزان مزوورى:
نازم محه‌مه‌د ئه‌مین ، سه‌رپه‌رشتێ تیما رامالینا به‌فرێ ل سه‌رۆكاتیا باژێرڤانیا دینارته بۆ ئه‌ڤرۆ نیوز گۆت: ئه‌ڤ شه‌ڤه رێكه‌فتى 8/1/2020 تیمێن مه هاتینە ئاگه‌هداركرن كۆ زێده‌ترى 30 ترۆمبێلا دناڤ به‌فرێ دا ژ لوفێن چیایێ پیرس ل ده‌ڤه‌را دینارته دا ماینه ئاسێ ژ سه‌ده‌ما بارینا به‌فرێ پتریا وان ترۆمبێلا خێزان و زارۆك تێدانه تیمێن مه یێن رامالینا به‌فرێ ل گه‌ل رێڤه‌به‌ریا سه‌خبێریا رێك و پرا یا ئاكرێ به‌رده‌وام یێ به‌فرێ د رێ دا رادكه‌ن به‌لێ ژبه‌ركۆ قاته‌ك یێ وێ به‌فرێ بەستیێ گرتیە و به‌رده‌وام به‌فر ژى یا دباریت و تیمێن مه‌ژى به‌رده‌وامن بۆ پاقژكرنا به‌فرێ د رێ دا.
ناڤهاتى خویاكر زێده‌ترى 14 سه‌نتیمه‌ترا به‌فر باریە باران ژى یا به‌رده‌وامه داخواز ژ وه‌لاتیان دكه‌ین هاتن و چونێ بۆ سه‌ر ڤێ رێكێ نه‌كه‌ن د ئه‌ڤ شه‌ڤه دا.
ناڤهاتى گوت ئه‌و ترۆمبێلێن دناڤ به‌فرێ دا ئاسێ بووین نه‌بۆ گه‌شتێن ناڤ به‌فرێ هاتینه هه‌موو ژ وان رێڤنگن مه بزاڤكریه كۆ وان ترۆمبێلا دناڤ به‌فرێ دا قورتال بكه‌ین.
ئه‌ڤرۆ نیوز:
هیڤیدار ئه‌حمه‌د جێگرێ سه‌رۆكێ لژنا دارایى ل په‌رله‌مانێ كوردستانێ بۆ ئه‌ڤرۆ نیوز دیاركر: بڕیاره رۆژا ئێكشه‌مبیا بهێت خواندنا دویێ بۆ پرۆژه قانوونا چاكسازیێ بهێته كرن و ره‌نگه د ڤێ هه‌یڤێ دا بهێته په‌سه‌ندكرن، كو كێمترین مووچێ خانه‌نشینێ ژ 220 هزاران دێ بیته 300 هزار دینار كو دێ 80 هزار خانه‌نشینكرى مفاى ژێ وه‌رگرن و مووچێ وان دێ زێده بیت و گۆت” پاشكه‌فتێ مووچه‌ى هاتیه گره‌نتیكرن و دێ حسابا بانكى بۆ مووچه‌خوران هێته چێكرن و وه‌زاره‌تا دارایى دێ رێنمایان ل دۆر وێ یه‌كێ ده‌رئێخیت”.
هیڤیدار ئه‌حمه‌د، ئاماژه ب وێ یه‌كێ ژى كر كو ل دووڤ پرۆژه‌ى هه‌ر كه‌سێ ته‌مه‌نێ وى ببیته 45 سال و 15 سال خزمه‌ت هه‌بن، دشێت داخوازا خانه‌نشینێ بكه‌ت.
ئه‌ڤرۆ نیوز، گوهدار سلێمان زێباری:
فه‌لاح حه‌سه‌ن ره‌مه‌زان سه‌رۆكێ لێژنا دابه‌شكرنا پلێتێن گازا سپی ل قایمقامیا قه‌زا ئاكرێ بۆ ئه‌ڤرۆ نیوز گوت: (ل چه‌ند رۆژێن بوری دا دابه‌شكرنا گازا سپی ب ته‌مامی ل ناحیا دینارته و ب هه‌می گوندێن خوه ڤه گازا سپی وه‌رگرتیه و ب دووماهیك هاتیه ژی، نوكه ب چه‌ند قوناغان ل سنورێ قه‌زا ئاكرێ ده‌ست ب دابه‌شكرنا گازا سپی هاتیه كرن و قوناغا ئێكێ گازا سپی ل ناڤ سه‌نته‌رێ باژێرێ ئاكرێ لسەر وه‌لاتیان هاته به‌لاڤكرن) .
فه‌لاح حه‌سه‌ن ره‌مه‌زان زێده‌تر ژی گوت ل سه‌نته‌رێ قه‌زایێ ل هه‌یڤا 12 ل سالا بوری هژمارا (3010) پلێتێن گازێ لسه‌ر سه‌رۆك خێزانا ب رێكا جهێن به‌لاڤكرنا ئاهێن خارنێ ل سه‌ر وه‌لاتیان به‌لاڤكرینه و نوكه دا ده‌ست ب به‌لاڤكرنا گازا سپی هاتیه كرن و ئه‌ڤ به‌لاڤكرنه بۆ ده‌مێ ده‌ه رۆژان دێ یا به‌رده‌وام بیت و ئه‌گه‌ر هاتنا گازا سپی یا به‌رده‌وام بیت پشتی كو ل سه‌نته‌رێ ئاكرێ به‌لاڤكرنا گازا سپی دوماهیك بهێت ل قوناغێن دویڤ دا گازا سپی لسه‌ر ناحیا بجیل و ناحیا گرده‌سێن دێ هێته به‌لاڤكرن.
ئەڤرۆ نیوز:
ئەڤرۆ چارشەمبیێ محەمەد حەلبوسی سەرۆکێ پەرلەمانێ عیراقێ راگەهاند کو ئەو هێرشا موشەکی یا ئیرانێ ل سەر بنگەهێن ئەمریکا ل عیراقێ ب توندی شەرمزار دکەت و داخواز ژی کر کو عیراقێ نەکەنە مەیدانا شەرەکێ نوو.
سەرۆکێ پەرلەمانێ عیراقێ داخواز ژ هەموو ئالیەکێ کر کو کار بۆ هندێ بکەن رەوشا نها یا ئالۆز خرابتر لێ نەهێت و دڤێت ئەمریکا و ئیران کار بۆ ئارامیا دەڤەرێ بکەن.
ئەڤرۆ نیوز:
سەرۆکێ ئەمریکا دۆنالد ترامپ راگەهاند کو رەجەب تەیب ئەردۆگانێ سەرۆک کۆمارێ تورکیا د پەیوەندیا خوە یا تەلەفونی ل گەل سەرۆک کۆمارێ ئیرانێ گۆتیە قاسم سلێمانی شەهیدە، براستی ژی ئەو گۆتنا ئەردۆگانی یا سەیرە و دیارە ئەردۆگانی ژ بەر بەرژەوەندیێن وەلاتێ خوە وەسا گۆتیە، چونکو براستی ژی یا سەیرە.
ترامپی ئەو یەک ژی دیار کر کو قاسم سلێمانی کەسەک گەلەک مەترسیدار بوو و پشتی کوشتنا وی دێ رەوشا دەڤەرێ پتر ئارام بیت.
نيشاندان