ئه‌ڤرۆ نیوز:
چاڤه‌رێ دهێته‌كرن ئه‌ڤ شه‌ڤه ئێك ژ گرنگترین یاریا ل سه‌ر ئاستێ جیهانێ بهێته‌كرن ده‌مێ هه‌ردو یانێن به‌رشه‌لۆنا و ریال مه‌درید هه‌مبه‌رى ئێك به‌ن د یاریا كلاسیكویا ئیسپانیا دا ژ چارچوڤێ یاریێن خۆلا لالیگا ل ده‌مژمێر 10:00 شه‌ڤ ل دیڤ ده‌مێ كوردستانێ ل یاریگه‌ها كامپ نوو یا تایبه‌ت ب به‌رشه‌لۆنا ڤه .
راهێنه‌رێ یانا به‌رشه‌لۆنا ڤالڤێردى به‌رى ڤێ یاریێ بوو ده‌زگه‌هێن راگه‌هاندنێ دیاركربوو ئه‌وێ ل ڤێ یاریێ ب سه‌ركه‌ڤیت ئه‌و نا بیته دووماهیا خولێ ژبه‌ركو هێشتا ئه‌و ل قوناغا ئێكێ نه و هێشتا گه‌له‌ك یارى ماینه هه‌تا خول ب دووماهیى بهێت له‌ورا ئه‌و دێ گه‌له‌ك یاریێن دى ئه‌نجامده‌ن هه‌تا خول ب دووماهیى بهێت لێ یاریا كلاسیكو بوو ئه‌وان یا گرنگه و پێشبینیا یاریه‌كا گه‌له‌ك ب هێز دكه‌ت ژبه‌ركو ل وه‌رزێ ئه‌ڤ ساله هه‌ردو یانه گه‌له‌ك نێزیكى ئێكن ب هه‌ر شێوه‌كى ڤه و یا گرنگ بوو ئه‌وان ئه‌و ل درێژاهیا 90 ده‌قیقا بشێت ئاسته‌كێ باش پێشكێش بكه‌ن ژبه‌ركو مینا یاریێن ب ڤى ره‌نگى بوو ب زه‌حمه‌تن له‌ورا ل سه‌ر ئه‌وان پێدڤى یه ب هوشدارى بكه‌ن.
هه‌ردیسان ناڤبرى دیاركر ژى ئه‌و ژ یاریا كلاسیكو ناترسیت ژبه‌ركو ئه‌و ل ژێر ناڤێ به‌رشه‌لۆنا یاریێ كه‌ن و هه‌ردیسان سه‌باره‌ت بن زیما راهێنه‌رێ به‌رشه‌لۆنا دیاركر ئه‌و نوكه یێ د ره‌وشه‌كا گه‌له‌ك باش دا بوریت و ئێك ژ یاریزانێن مه‌ترسى یه ل سه‌ر گولێ و تورا هه‌ژاندنا گولا نوكه بوو وى ب سانه‌هى كه‌ڤتى یه له‌ورا پێدڤى یه كونترولا ئه‌وى بكه‌ین و سه‌باره‌ت ڤینیسوس یان رودرێگیز یان بێل یاریێ بكه‌ن ئه‌وى رێز بوو ئه‌وان هه‌موو یاریزانان هه‌یه و ئه‌و یاریزانێن خودان شیان لێ ئه‌وان یاریزانێن باش هه‌نه بشێت كونترولا ئه‌وان یاریزانێن ریال مه‌درید بكه‌ن و دبینت كلاسیكویا ڤێ چارێ دێ هه‌ڤركیه‌كا دژوار ل هێلا ناڤین هه‌بیت.
ناڤبرى ئاماژه ب وێ چه‌ندێ ژى كر كلاسیكو ل لایێ هه‌ردو یانان گه‌له‌ك یا گرنگه و نوكه هه‌موو جه‌ماوه‌رێ یانێ چاڤه‌رێ سه‌ركه‌فتنا كلاسیكونه و باوه‌رى ب شیانێن یاریزانێن خوه هه‌یه دێ شێن سه‌ركه‌فتنێ توماربكه‌ن ئه‌وان پلانه‌كا باش بوو ڤێ یاریێ دانایه و تیما ئه‌وان نوكه د ره‌وشه‌كا باش دا بوریت.
ئه‌ڤرۆ نیوز:
چاڤه‌رێ دهێته‌كرن ئه‌ڤ شه‌ڤه ل ده‌مژمێر 10:00 یاریا كلاسیكویا ئیسپانیا دناڤبه‌را هه‌ردو یانێن به‌رشه‌لۆنا و ریال مه‌درید ل یاریگه‌ها كامپ نوو ل هه‌رێما كه‌ته‌لونیا بهێته‌كرن .
راهێنه‌رێ یانا ریال مه‌درید بوو ڤێ یاریێ هه‌شت یاریزان داخوازى لیستا دووماهیێ یا یاریا ئه‌ڤ شه‌ڤه نه‌كرن ژبه‌ر چه‌ند ئه‌گه‌رێن جودا جودا ئه‌وژى هه‌ر ئێك ژ یاریزانان هازارد و مارسێلو، خامێس رودرێگیز، ئه‌سینسیو، ماریانو دیاز، ڤاسكێز، ئیبراهیم دیاز و ئودوریزولاو.
ئه‌و یاریزانێن راهێنه‌رێ ریال مه‌درید بوو یاریا ئه‌ڤ شه‌ڤه به‌رامبه‌ر به‌رشه‌لۆنا داخوازكرین ئه‌وێن خوارێ نه.
كورتوا و ئه‌ریولا و ئالتوبى .
كارڤاخال، میلیتاو، راموس، ڤاران، مێندى و ناچو .
كروس، مودرێچ، كاسمێرو، ڤالڤێردى و ئیسكو.
بن زیما، بێل، یوڤیچ، ڤینسیوس و رودرێگیز.
ئه‌ڤرۆ نيوز:
عه‌بدولفه‌تاح سيسى، سه‌رۆكێ مسرێ د به‌رسڤا كچه‌كا كورد دا راگه‌هاند، چو كه‌سه‌ك نه‌شێت ناسناما نه‌ته‌وى يا كوردى ژناڤ ببه‌ت و گۆت” گه‌لێ كورد ب درێژيا 60 سالێن بۆرى د نالى”.
كچه‌كا كورد ل كوربه‌ندا لاوێن جيهانێ ل شه‌رم ئه‌لشێخ ل مسرێ، كو ب پشكداريا زێده‌تر ژ 8 هزار لاوان ل سه‌ر ئاستێ جيهانێ هاتيه سازكرن و عه‌بدولفه‌تاح سيسى سه‌رۆكێ مسرێ تێدا به‌رهه‌ڤبووى، ل دۆر ناسناما كوردى پرسيار ژ سه‌رۆكێ مسرێ كر.
وێ كچێ د پرسيارا خوه‌دا ئاماژه ب مافێ پێكهاتێن نه‌ته‌وى و مافێن مرۆڤى ل ده‌ڤه‌رێ كر و به‌حسێ وێ چه‌ندێ ژى كر كو پاشه‌رۆژا ده‌ڤه‌رێ دێ يا چاوا بيت.
سيسى د به‌رسڤێ دا گۆت” ل ده‌مێ سالێن بۆرى، كورد ب سه‌ر وه‌لاتێن ده‌ڤه‌رێ هاتنه دابه‌شكرن، كو ئيران و توركيا و وه‌لاتێن دى بوون، چو كه‌سه‌ك نه‌شێت ناسناما ته يا نه‌ته‌وى ژناڤ ببه‌ت، سه‌ره‌راى ئه‌وا رووداى تو يا ل ڤێرێ و د ئاخڤى”.
سه‌باره‌ت زمانێ كوردى ژى، سه‌رۆكێ مسرێ گۆت” زمانێ كوردى و داب و نه‌ريتێن تايبه‌ت ب كوردان يێن ماين، به‌لێ ژبه‌ر ده‌ستچوونا پشكه‌كا ژێده‌رێ سه‌رمايێ تايبه‌تێ نه‌ته‌وايه‌تى يا گه‌لێ كورد ئه‌و باجه‌يه كو ژئه‌گه‌رێ ململانيان، كوردان ژ ده‌ستداى”.
ئه‌ڤرۆ نيوز:
هه‌ردو شاندێن پارتى ديموكراتى كوردستان و بزاڤا گۆران ئه‌ڤرۆ سێشه‌مبى 17/12/2019 ل پيرمام كۆمبوون و د كۆنفرانسه‌كێ رۆژنامه‌ڤانى دا، هه‌ردولا پشته‌ڤانيا خوه بۆ چاكسازيێن حوكمه‌تا هه‌رێمێ دياركر.
مه‌حمود محه‌مه‌د، په‌يڤدارێ پارتى ديموكراتى كوردستان راگه‌هاند” مه هه‌ردولا بريار دا كۆمبوونێن زێده‌تر د ناڤبه‌را مه دا هه‌بن و مه به‌حسێ وێ چه‌ندێ ژى كر كو پشته‌ڤانيێ ل چاكسازيێن حوكمه‌تا هه‌رێمێ بكه‌ين”.
گۆت ژى”دبيت هنده‌ك نيگه‌رانى هه‌بن كو پشكه‌ك ژ رێككه‌فتنان نه‌هاتينه بجهئينان، به‌لێ وان تنێ پێدڤيه ب ده‌مى يا هه‌ى و دێ ده‌ليڤه‌كا گونجاى بۆ بينين”.
ژ لايێ خوه‌ڤه ده‌رباز محه‌مه‌د، سكرتێرێ كاروبارێن ژۆرێن بزاڤا گۆران راگه‌هاند” كۆمبوون يا گرنگ بوو و دانوستاندن ل سه‌ر ره‌وشا عيراقێ و هه‌رێما كوردستانێ و كارێن حوكمه‌تێ هاته كرن”.
هه‌روه‌سا گۆت” مه هه‌ردولا دووپاتى ل پشته‌ڤانيا چاكسازيێن حوكمه‌تێ كر و پرۆژێ قانوونا چاكسازيێ ل په‌رله‌مانێ كوردستانێ بهێته په‌سه‌ندكرن و چاكسازى ژى ب گشتى و ب تايبه‌تى ل داهاتى د به‌رده‌وام بن”.
ئاماژه كر ژى”مه دڤێت پێكڤه دووماهيێ ب دۆسێيا سزايا سياسى بينين”.
ئه‌ڤرۆ نيوز:
په‌يڤدارێ حوكمه‌تا هه‌رێما كوردستانێ راگه‌هاند، ب هه‌لكه‌فتا جه‌ژنا ژ دايكبوونا حه‌زره‌تێ مه‌سيح و سه‌رێ سالا نوو يا زايينى، ل رۆژا چارشه‌مبى 25/12/12019 دێ بيته بهێنڤه‌دان ل هه‌موو داموده‌زگه‌هێن حوكمه‌تا هه‌رێما كوردستانێ هه‌تا رۆژا شه‌مبيێ 4/1/2020 و ل رۆژا ئێكشه‌مبى 5/1/2020 دێ ده‌واما فه‌رمى ده‌ستپێكه‌ت.
ئه‌ڤرۆ نيوز:
ئاژانسا ده‌نگوباسێن عيراقێ يا فه‌رمى به‌لاڤكر، دهێته چاڤه‌رێكرن سه‌رۆك كۆمارا عيراقێ ل رۆژێن داهاتى ناڤێ به‌ربژارێ پۆستێ سه‌رۆكاتيا وه‌زيران رابگه‌هينيت.
خوه‌نيشانده‌رێن عيراقێ ب رێيا نوونه‌رێن خوه، ناڤێن به‌ربژارێن پۆستێ سه‌رۆكاتيا حوكمه‌تا عيراقێ راده‌ستى به‌رهه‌م سالح سه‌رۆك كۆمارى كرينه و ئاژانسا ده‌نگوباسێن عيراقێ، ناڤێن هنده‌ك ژ وان به‌ربژاران ئاشكرا كريه كو ئه‌وژى هه‌ر ئێك ژ محه‌مه‌د شه‌ياع ئه‌لسودانى و ئه‌سعه‌د ئه‌لعيدانى و مسته‌فا كازمى و دادوه‌ر رائيد جوحى.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی د رێورەسمێ ب فەرمی ڤەکرنا قۆناغا دووماهیێ یا جادا ١٢٠ میتری یا هەولێرێ دا بەرهەڤ بوو و د داخۆیانیەکێ دا راگەهاند کو دڤێت شۆفێر ژ بۆ سلامەتیا خوە و وەلاتیان رێنمایێن هاتنوچوونێ بەرچاڤ وەربگرن دا چو مەترسی ل سەر ژیانا وان و وەلاتیان دروست نەبیت.
نيشاندان