ئه‌ڤرۆ نيوز:
سوباهى سێشه‌مبى 17/12/2019 د رێوره‌سمه‌كى دا ل برۆكسل پايته‌ختێ به‌لجيكا، دێ ئالايێ كوردستانێ ژلايێ نوونه‌رايه‌تيا حوكمه‌تا هه‌رێما كوردستانێ ل ئێكه‌تيا ئورۆپى هێته بلندكرن.
نوونه‌رايه‌تيا حوكمه‌تا هه‌رێمێ ل ئێكه‌تيا ئورۆپا د به‌ياننامه‌كێ دا ئاماژه كر كو كوردستانيێن به‌لجيكا ئاگه‌هدار دكه‌ن كو ب هه‌لكه‌فتا رۆژا ئالايێ كوردستانێ، سوباهى ل ده‌مژمێر 2 پشتى نيڤرۆ، ل باره‌گايێ نوونه‌رايه‌تيێ ل برۆكسل د رێوره‌سمه‌كى دا دێ ئالايێ كوردستانێ هێته بلندكرن.
ئه‌ڤرۆ نيوز:
برياره سوباهى سێشه‌مبى 17/12/2019 هه‌رسێ سه‌رۆكايه‌تيێن هه‌رێما كوردستانێ ل دۆر پرۆژێ قانوونا چاكسازيێ كۆمببن و گفتوگۆيێ ل سه‌ر بكه‌ن.
شوان زار، ئه‌ندامێ په‌رله‌مانێ كوردستانێ دياركر”كۆمبوونا سه‌رۆكايه‌تيا هه‌رێمێ و په‌رله‌مانى و جڤاتا وه‌زيران بۆ دروستكرنا كۆده‌نگيێ يه ل سه‌ر په‌سه‌ندكرنا پرۆژێ قانوونا چاكسازيێ ل هه‌رێما كوردستانێ، بۆ وێ چه‌ندێ د شياندا بيت ب زووترين ده‌م ل په‌رله‌مانى ده‌نگ ل سه‌ر بهێته دان و سه‌رۆكێ هه‌رێمێ ژى ئيمزا بكه‌ت و پاشى بچيته د وارێ بجهئينانێ دا.
ئەڤرۆ نیوز، مەحمود نهێلی
درێ و رەسمەکی دا و ب ئامادەبوونا ماموستا و هاریکارێ راگرێ پەیمانگەها تەکنیکی یا ئامێدیێ کوژمەکی پارە بو ۱۰ قوتابیێن دەرچویێن ئێکێ و دوویێ و سیێ، یێن پارالێل و ئێڤاران یێن پەیمانگەھا تەکنیکی یا ئامێدیێ ھاتنە زڤراندن.
موراد ئامێدی ژ راگەھاندنا پەیمانگەھا تەکنیکی یا ئامێدیێ راگەهاند ئەڤرۆ دووشەمبی ١٦/۱۲/۲۰۱۹ هوبا دارایی یا پەیمانگەها تەکنیکی ئامێدیێ، لدووڤ بڕیارا وەزارەتا خواندنا بلند و ڤەکۆلینێن زانستی، ئەو بڕە پارەیە هاتە ڤەگەڕاندن بۆ قوتابیێن ( ئێکەم، دووەم، سێیەم ) یێن سیستەمێن خواندنا ( پاڕالێل و ئێڤاران ) یێن پار سال.
و گۆت : ب ئامادەبوونا ھاریکارێ راگرێ پەیمانگەهێ وسەڕۆک پشک و مامۆستا و قوتابیێن پەیمانگەھێ ، ئەڤ کوژمێ پارەی کو دورێن ۱۰ ملیون دیناران بوون د مەراسیمەکا ھەژی دا بو وان قوتابیان هاتنە ڤەگەراندن.
ناڤهاتی پیروزباھی و دەست خوەشی ل وان قوتابیان کر و داخازا سەرکەفتنێ بو خواست، هیڤی خواست کو نموونێن وەکوو وان د زۆربن.
ئه‌ڤرۆ نیوز، عه‌لی حاجی:
د داخویانیه‌كێ دا نوونه‌رێ قایممقامیا زاخۆ دلژنا سامانێن سورشتی دا بۆ ئه‌ڤرۆ نیوز دیار كر بریاره دماوه‌یێ دو روژێن بهێت دا گازا سپی ل سه‌ر هاولاتیێن سه‌نته‌رێ زاخۆ بهێته به‌لا كرن و قوناغا ئێكێ دێ ل سه‌ر وان تاخان هێته به‌لاڤ كرن یێ كو سالا بوری بوری به‌هرا خوه وه‌رنه‌گرتین .
زێده‌تر نیشان بوغوس گوت: (ماوه‌یێ دو روژایه ب رێیا برێكارێن ئازوقه‌یی چار هزار پلێتێن گازا سپی ل سه‌ر 16 برێكارێن گه‌ره‌كێن تلكه‌به‌ر و فرقێ دا به‌لاڤ كرینه دا كو ئه‌و ژی ژلایێ خوه‌ڤه ل سه‌ر هاولاتیێن وان گه‌ره‌كان به‌لاڤ بكه‌ت ژبه‌ر كو دماوه‌یێ دو روژێن بهێت دا دێ گازا سپی هێته به‌لاڤ كرن،بۆ ئه‌ڤ ساله دێ ژ وان گه‌ره‌كان ده‌ست پێكه‌ین یێ كو سالا ده‌رباز بویی به‌هرا خوه یا گازا سپی وه‌رنه‌گرتین و ل گوره‌یی پلانێ وه‌سایه بۆ ئه‌ڤ ساله گازا سپی ل سه رهه‌میان بهێته به‌لاڤ كرن به‌لێ ئه‌و به‌لاڤ كرنه دمینیته لسه‌ر رێژه‌یا هنارتنا گازا سپی ژلایێ حكومه‌تا عێراقێ ڤه بۆ پارێزگه‌ها دهوكێ).
و گوت ژی ئه‌م ل سه‌ر وێ چه‌ندێ كار دكه‌ین دا كو ئه‌ڤ هه‌وا ل وان هه‌ر دو گه‌ره‌كان ب شێوه‌یه‌كێ بله‌ز ب رێڤه چیت ژبه‌ر كو هنده‌ك تاخێن دیتر ژی د رێزێ دانه و قایممقامێ زاخۆ به‌رده‌وام دهه‌ولان دایه دا كو ئه‌م بشێن رێژه‌یه‌كا دیتر یا پلێتێن گازا سپی بۆ هنده‌ك گه‌ره‌كێن دیتر ئاماده بكه‌ین.
ناڤێ وان برێكارێن پلێتێن گازا سپی ل سه‌ر هاتینه به‌لاڤ كرن
ئه‌ڤرۆ نیوز، عه‌لی حاجی:
د داخویانیه‌كێ دا نوونه‌رێ بنگه‌هێ چاڤدێریا بازرگانی ل زاخۆ بۆ ئه‌ڤرۆ نیوز دیار كر ده‌ست ب سه‌ر جوره‌كێ فاسولیا و تایبگه‌رێ دا هایته گرتن ژبه‌ر كو فێل تێدا هات بوو كرن و چه‌ندین ته‌نێن ته‌حینا ده‌م ب سه‌ر ڤه چوویی ژی دا هاته گرتن و ژناڤبرن.
زێده‌تر داخاز حسێن گوت: (ژبه‌ر كو خاپاندنه‌ك د جوره‌كێ فاسولیێ دا هاتیه كرن د هه‌ردو كێشێن 10 و 20 كێلو كو ئه‌و فێله ژبه‌ر وێ چه‌ندێ بویه كو ئه‌و ب خوه فاسولی به‌رهه‌مێ وه‌لاتێ توركیا بوو به‌لێ ژبه‌ر كو جورێ فاسولیا ئیرانی بهایێ وێ زێده‌تره بازرگانه‌كێ ل سه‌ر كیسێ فاسولیایێ چێكری یه فاسولیا ئیرانی ئه‌و بخوه فاسولیا توركی یه و ئه‌ڤه ژی دچیته دقالبێ فێلبازیێ و پشتی دیفچوونا مه كری دگه‌ل وی بازرگانی نوكه ئه‌و فاسولیا ل باژارێ كه‌لار هاتیه ده‌سته سه‌ر كرن كو رێژه‌یا وێ فاسولیایێ نێزیكی 26 ته‌نایه و لێپرسین ژ دگه‌ل وی بازرگانی ده‌ست پێكری یه).
و دیار ژی کر د ماوه‌یێ 10 روژایه جوره‌كێ تایگه‌رێ ب قه‌بارێ 355 ملم و 155 ملم كو مادده‌یه‌كێ هێزێ ب جورێ pantothenic acid دناڤ وێ تایگه‌رێ دا نینه كو ئه‌ڤه مادده‌یه‌كێ سه‌ره‌كیێ په‌یدا كرنا هێزێ یه دناڤ تایگه‌رێ دا ژبه‌ر ڤێ چه‌ندێ ب شێوه‌یه‌كێ گشتی هه‌می جورێ وێ تایگه‌رێ دناڤ ماركێت و كوگه‌هان دا هاتینه ده‌سته سه‌ر كرن و خودانێ وێ هاتیه ره‌وانه كرن بۆ دادگه‌هێ و نوكه كێشه ل دادگه‌ها دهوكێ یه و دێ مینین چاڤه‌رێ ی بریارا دادگه‌هێ بۆ ئێكلاكرنا ڤی بابه‌تی.
ل دوماهیێ گوت ژی دماوه‌یێ ڤێ هه‌یڤێ دا وه‌كو لژنا چاڤدێریا بازرگانی مه شیا سێ ته‌نێن ته‌حینا ده‌م ب سه‌رڤه‌چ وویی ده‌ست ب سه‌ردا بگرین و ل دووڤ را ئه‌و ته‌حینه هه‌می ژلایێ مه‌ڤه هاته ژناڤبرن و ئه‌و رێژه‌یا ته‌حینێ ژلایێ كومپانیه‌كا ب خوه‌ڤه راده‌ستی مه كری یه.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی پێشوازی ل ئۆلریک شانۆن بالیۆزێ نوو یێ کەنەدا ل عیراقێ کر و د روونشتنەکێ دا سەرۆکێ حوکمەتا هەرێما کوردستانێ پیرۆزباهی ل بالیۆزێ نوو یێ کەنەدا کر و هێڤیا سەرکەفتنێ بۆ خواست.
ژ لایێ خوە ڤە بالیۆزێ نوو یێ کەنەدا ژی راگەهاند کو وەلاتێ وی بەردەوام دێ هاریکاریا هەرێما کوردستانێ کەت و هێڤی خواست کو رەوشا عیراقێ ژی ئارام بیت و پەیوەندیێن هەرێمێ و بەغدا ژی باشتر لێ بهێن.
ئه‌ڤرۆ نیوز، عه‌لی حاجی:
د داخویانیه‌كێ دا نوونه‌رێ قایممقامیا زاخۆ د لژنا بلندا ده‌رمانخانه و كلینیكێن نوشداران بۆ ئه‌ڤرۆ نیوز دیار كر د به‌رده‌وامیا بزاڤان دا ژلایێ لژنا مه‌ڤه د حه‌فتیا بوری دا مه شیا كلینیكه‌كا نوشدارێ ددانان دناڤ سه‌نته‌رێ باژێرێ زاخۆ دا دائێخین.
زێده‌تر خه‌لات ئوسمان گوت: (پشتی هنده‌ك پێزانین گه‌هشتینه به‌ر ده‌ستێ مه ل حه‌فتیا بوری دا وه‌كو لژنه مه سه‌ره‌دانا كلینینه‌كا نوشداره‌كێ ددانان ل زاخۆ كر،پشتی دیفچوونا مه وه‌سا دیار بوو كو هێشتا وێ كلینیكێ ده‌ستویریا ڤه‌كرنا وێ كلینیكێ نه‌هایته دان و وی نوشداری ئه‌و كلینیك ڤه‌كری یه و ل گوره‌ی پێزانینان ژی خودانێ وێ كلینیكێ مامه‌له‌یێن وه‌رگرتنا ده‌ستویریێ ل وه‌زاره‌تا ساخله‌میێ ب رێڤه دبه‌ت هێشتا مامه‌له‌یێن ڤه‌كرنا وێ كلینیكێ ب دوماهی نه‌هاتینه به‌لێ ل گوره‌ی رێنمایان هه‌تا سه‌ندیكا ده‌رمانسازان ده‌ستویریا كاری ب وێ كلینیكێ نه‌ده‌ت ده‌ست ب كاری ناكه‌ت و ئه‌و جهه هاته دائێخستن هه‌تا كو مامه‌له‌یێن خوه ب دووماهی بینیت و سه‌ندیكا ده‌رمانسازان ده‌ستویریا كاری ب وێ كلینیكێ دەت).
ئه‌ڤرۆ نیوز:
ستێرا هێلا ناڤینا هه‌لبژارتیێ فره‌نسا و یانا چێلسى یا ئنگلیزى نگولو كانتى داخوازیت ل دووماهیا ڤى وه‌رزى پێكهاتیێ وێ یانا له‌نده‌نى ب جه بهێلت و به‌ر ب یانه‌كا نوو بچیت .
رۆژناما “دیلی میل” یا ئنگلیزى دیاركریه كانتى دخوازیت ل دووماهیا ڤى وه‌رزى په‌یوه‌ندى ب یانه‌كا نوو بكه‌ت كو هه‌ڤركیێ ل سه‌ر قاره‌مانیا چامپیونیز لیگ بكه‌ت .
هه‌ردیسان وێ رۆژنامێ دیاركریه ژى یانا به‌رشه‌لۆنا گرنگیه‌كا مه‌زن ب ئینانا ئه‌وى یاریزانى دایه لێ ئه‌و یاریزان ناخوازیت په‌یوه‌ندى ب به‌رشه‌لۆنا بكه‌ت و حه‌ز پتر هه‌یه یاریێ ل ئێك ژ یانێن ریال مه‌درید یان یوڤانتوس بكه‌ت كو به‌رى نوكه هاتبوو دیاركرن ریال مه‌درید هزر ل ئینانا ئه‌وى یاریزانى كریه ل هاڤینا بهێت.
ئه‌ڤرۆ نیوز:
پشتى یانا ریال مه‌درید ل یاریا خوه یا شه‌ڤا بورى وه‌كهه‌ڤبووى ل گه‌ل یانا ڤالنسیا ب گوله‌كێ ژ چارچوڤێ یاریێن گه‌را 17 ژ خۆلا لالیگا ئیسپانیا راهێنه‌رێ یانا ریال بوو ده‌زگه‌هێن راگه‌هاندنێ دیاركر ئه‌و ئاستێ ئه‌وان ل نیڤا ئێكێ پێشكێشكرى ئه‌و ژ هه‌ژى سه‌ركه‌فتنێ بوون و ئه‌و ب خاله‌كێ د رازی نه‌بوون و هه‌ر یاریه‌كا ئه‌و دخۆلێ دا یان هه‌ر قاره‌مانیه‌كێ دا بكه‌ن ئه‌و بتنێ بوو سه‌ركه‌فتنێ یارى كه‌ن چ ل ناڤا یاریگه‌ها خوه یارى بكه‌ن یان ژ ده‌رڤه‌ى یاریگه‌ها خوه.
زێده‌تر زێدان دیاركر لێ یا گرنگ ئه‌وه ئه‌و بێ خوساره‌تى ژ یاریێ ده‌ركه‌فتن و پێدڤى یه دانپێدانێ ب وێ چه‌ندێ ژى بكه‌ین كو ل نیڤا دوێ ڤالنسیا ب باشى هاته دیتن و ئاسته‌كێ بلند پێشكێشكر لێ د شیان دا هه‌بوو ئه‌و نیڤا ئێكێ یاریێ ب دووماهیى بینن.
سه‌باره‌ت یاریا كلاسیكو ناڤبرى دیاركر نوكه ده‌م هاتیه هزر ل وێ یاریێ بكه‌ین و یاریزانێن ئه‌وان د به‌رهه‌ڤیه‌كا باش دانه و دێ كاركه‌ن بوو سێ خالێن یاریێ .
ئه‌ڤرۆ، رێوار محه‌مه‌د ره‌شید:
به‌رپرسێ گشتیێ ده‌زگه‌هێ پاراستنا ئالایێ كوردستانێ بۆ رۆژناما ئه‌ڤرۆ دیار كر كو رۆژا ئالایێ كوردستانێ سوبه‌هی رۆژا 17/12/2019 دێ ب ئه‌نجامدانا چه‌ندین چالاكیان ژ لایێ 33 نڤیسینگه‌هێن ده‌زگه‌هێ پاراستنا ئالایێ كوردستانێ ڤه ل سه‌رانسه‌ری هه‌رێما كوردستانێ هێته ساخكرن و گۆت: “رێوره‌سمێن ساخكرنا رۆژا ئالایێ كوردستانێ ل پارێزگه‌ها دهۆكێ ژی دێ سوبه‌هی ل ده‌مژێر 10:55 ێ سپێدێ ل پاركا بارزانیێ نه‌مر ل باژێرێ دهۆكێ ده‌ست پێ كه‌ن”.
په‌له‌وان شێخ مه‌می، به‌رپرسێ گشتیێ ده‌زگه‌هێ پاراستنا ئالایێ كوردستانێ دیار كر كو رۆژا ئالایێ كوردستانێ سوبه‌هی دێ ل هه‌می باژێر و باژارۆكێن هه‌رێما كوردستانێ ب ئه‌نجامدانا چه‌ندین چالاكیان هێته ساخكرن و ئالایێ كوردستانێ دێ ل سه‌رانسه‌ری هه‌رێما كوردستانێ هێته بلندكرن و گۆت: “ب ڤێ هه‌لكه‌فتێ دێ ئالایێ كوردستانێ ل سه‌ر وه‌لاتی و قوتابی و شۆفێران هێته به‌لاڤكرن، هه‌روه‌سا دێ ل سه‌ر ده‌رگه‌هێ تۆنێلا قه‌زا زاخۆ ئالایێ كوردستانێ هێته وێنه‌كرن و ڤه‌كرن”.
ناڤهاتی ئاماژه دا وێ چه‌ندێ كو ب هه‌لكه‌فتا رۆژا ئالایێ كوردستانێ پێنج كه‌سێن خزمه‌تا پێشمه‌رگه‌ی و نه‌ته‌وه‌یی و ئاواران ل پارێزگه‌ها دهۆكێ كری ب ناڤێن (د.خه‌نسا عه‌لی میرانی، د.سارا محه‌مه‌د، هه‌یسه‌م عه‌بدی، مه‌تین دۆسكی، شێخ خالد هه‌سنی) دێ ب خه‌لاتێ سالێ ژ لایێ ده‌زگه‌هێ پاراستنا ئالایێ كوردستانێ ڤه هێنه خه‌لاتكرن.
نيشاندان