ئەڤرۆ نیوز:
سەرۆك مەسعود بارزانی دوهی د پەیوەندیەكا تەلەفۆنی دا ب هەلكەفتا سەركەفتنا كۆنگرێ دەهێ یێ حزبا زەحمەتكێشێن كوردستانێ و هەلبژارتنا وی وەك سكرتێرێ حزبێ، پیرۆزباهی ل بەلێن عەبدوللا سكرتێرێ هەلبژارتیێ حزبا زەحمەتكێشێن كوردستانێ كر و هیڤیا سەركەفتنێ بۆ خواست.
سەرۆك بارزانی ب رێیا سكرتێرێ حزبا زەحمەتكێشێن كوردستانێ پیرۆزباهی ئاراستەی ئەندامێن جڤاتا گشتی و ئەندام و لایەنگرێن وێ حزبێ كر.
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ، مه‌سرور بارزانى ئه‌ڤرۆ سێشه‌مبى 25/11/2019 ل گه‌ل ستيڤانى ئه‌لقاق، به‌رپرسا رۆژهه‌لاتا ناڤه‌راست وباكوورێ ئه‌فريقيا ل وه‌زاره‌تا ده‌رڤه يا بريتانى كۆمبوو و د هه‌ڤه‌را بوون كو نه جێگيربوونا عيراقێ مفا بۆ هيچ لايه‌نه‌كى نابيت.
د ديداره‌كێ دا كو جه‌يمس سۆرنتن كونسۆلێ گشتيێ بريتانيا ل هه‌ولێر به‌رهه‌ڤبووى، دانوستاندن ل دۆر دووماهى گوهۆرينێن ل عيراقێ هاتنه كرن، دووپاتى ل وێ چه‌ندێ هاته كرن كو نه جێگيريا ره‌وشا عيراقێ د به‌رژه‌وه‌نديا وه‌لاتيێن عيراقێ و ده‌ڤه‌رێ ب گشتى نينه.
هه‌روه‌سا دووپاتى هاته كرن كو پێدڤيه ده‌ليڤه ب سه‌رۆك وه‌زيرێن عيراقێ بهێته دان بۆ به‌رسڤدانا داخوازيێن ره‌وا يێن خوه‌نيشانده‌ران و ئه‌نجامدانا چاكسازيان.
شاندێ بريتانى پشته‌ڤانيا خوه بۆ چاكسازيێن حوكمه‌تا هه‌رێما كوردستانێ ب تايبه‌تى ل وه‌زاره‌تا پێشمه‌رگه دياركر.
ئەڤرۆ نیوز:
نێچیرڤان بارزانی سەرۆکێ هەرێما کوردستانێ د چارچۆڤێ سەرەدانا خوە یا بۆ باژێرێ سلێمانیێ و کۆمبوونا ل گەل ئێکەتیێ و بزاڤا گۆران راگەهاند کو یا نها بۆ مە گرنگ ئەوە هێزێن کوردستانی ل بەغدا پێکڤە کار بکەن، چونکو هەکە ئەم پێکڤە کار بکەین دێ شێین دەستکەفتیان بپارێزین و بەرۆڤاژی هندێ دێ تووشی زیانێ بین.
سەرۆکێ هەرێما کوردستانێ دیار کر کو د چارچۆڤێ دروستکرنا هەڤپەیمانیا کوردستانی ل بەغدا ل گەل هەر دو جێگرێن خوە سەرەدانا بزاڤا گۆران و ئێکەتیێ کرینە و گۆت: (دێ پاشی سەرەدانا لایەنێن دی یێن سیاسی ژی کەین و ئارمانجا مە ئەوە ل بەغدا پێکڤە کار بکەین و وی دەمی دێ پێگەهێ هەرێما کوردستانێ ژی بهێز کەڤیت).
ئەڤرۆ نیوز، مەحمود نهێلی
پشتی دەست ب سەردا گرتنا رێژەکا کەرەستەیێن ئێکسپایر ل سنورێ ناحیا دێرەلۆک ئەڤرۆ ۲٦/۱۱/۲۰۱۹ و ب ئامادەبوونا رێڤەبەرێ ناحیا دێرەلۆک و رێڤەبەرێ ساخلەمیا قەزا ئامێدیێ و نوونەرێن دەزگەهێن ئەولەیێ هاتنە ژناڤبرن.
سامی ئوشانە رێڤەبەرێ ناحیا دێرەلۆک بو ئەڤرۆ نیوز دیار کر. کو ئەڤ کەرەستەیە ژلایێ لژنا دوڤچونا بازاری ڤە ل سنورێ ناحیا دێرەلۆک دەست ب سەردا هاتیە گرتن و گۆت: (ئەڤ کەرەستەیە پێک دهاتن ژ کەل وپەلێن خارنێ و جوانکاریێ و جودا و جودا کو دبوونە دورێن ۳ تەنان و هەموو هاتنە ژناڤبرن).
ناڤهاتی دەست خوەشی ل لژنا دووڤجونا بازاری کر و تەکەز کو لێگەریان ژلایێ ڤێ لژنێ ڤە یا بەردەوام بیت ژ پێخەمەت پاراستنا ساخەلەمیا هاولاتیێن دەڤەرێ.
ئەڤرۆنیوز، سەباح زوهێر:
دکتور سالح مستەفا رێڤەبەرێ ساخلەمیا ئاکرێ ددەتە دیارکرن کو ل ئاکرێ لیژنەکا بلند یا هەڤپشک هەیە کو دیفچوونا کەل و پەلێن ناڤ بازاری دکەت، ئەڤ لیژنە ل دویف پێدڤی کارێ هەڤپشک دکەن.
گۆت ژی پشتی زێرەڤانیا ساخلەمیا ئاکرێ جورەکێ روینی ژ کومپانیا زێر بریە پشکنینێ ئەو جورێ روینی دەرنەچوو، کو ئەو جورێ روینی ژی ب مێژویا ۲۰۱۸/۹/۲٥ و هەتا ۲۰۲۰/۹/۲٤ بەلاڤبوویە ناڤ بازاری، کو روینێ ۱۲لیتری یە ژ کومپانیا ناڤبری پشتی دەرنەچووی ئەم رابووین ب هەماهنگیا لایەنێن هەڤپشک دەست ب سەر وی جورێ روینی دابگرین.
رێڤەبەرێ ساخلەمیا ئاکرێ گۆت ژی کو پشتی دیفچوونێ سێ تەنێن روینی ژڤی جورەی هەبوون کو دبیتە ۲٦٥تەنەکە، ئەڤرۆ ب ئامادەبوونا هەمی وان لایەنان ئەڤ جورێ روینی هەمی هاتە ژناڤبرن، ئاماژە دا وێ چەندێ ژی کو ئەڤ روینە ب گەلەک قەبارە و مێژوان دناڤ بازاری دا هەیە، لێ مە هەمی فرێکرینه پشکنینێ و هەتا نها تنێ ئەڤە جورە ژپشکنینێ دەرنەچوویە و هێشتا ئەنجامێن پشکنینێن دی ژی دەرنەکەفتی نە.
ئەڤرۆنیوز، سەباح زوهێر:
حسێن هێرش نوبەدارێ کارگێری ل نەخۆشخانا هەوارهاتنا ئاکرێ بۆ ئەڤرۆ دا دیارکرن کو ل گوندێ سپی مالێ ل ناحیا گردەسێن یا سەر ب دەڤەرداریا قەزا ئاکرێ بوویەرەک دروست بوویە دو زاروکان گیانێ خۆ ژ دەست دایە.
ناڤهاتی گۆت ئەگەر هاتنە خوارا شوفەرێ بوویە ل ناڤ گوندی د ئەنجامدا دو زاروک ل بن کەفتی نە ب ناڤێ(عبدالا لەتیف،رەڤەند جادر) کو هەردوو دژیێ چوار سالیێ دانە هەردوان گیانێ خو ژ دەست دایە، ئەڤرۆ پشتی نیڤرۆ دەمێ گەهاندینە نەخۆشخانێ مخابن هەردوان گیانێ خۆ ژدەست دابوو.
ئه‌ڤرۆ نيوز:
د وه‌رزێ زڤستانێ دا، ئێك ژوان كێشێن به‌رده‌وام شۆفێر گازندان ژێ دكه‌ن گرتنا جامێن ترۆمبێلانه ب خیسارێ یانژی ب به‌فرێ، تایبه‌ت ژی د دانێ سپێدێ دا.
په‌یجێ رادیۆیا فه‌رمیا رێڤه‌به‌ریا هاتن و چوونا سلێمانیێ پارچه ڤیدیۆیه‌ك به‌لاڤكریه و دیاركریه باشترین چاره بۆ نه‌هێلانا وێ به‌فرێ بڤێ رێكێ یه، كو ئه‌و ژی پێدڤیه هنده‌ك ئاڤا تێنشیر بكه‌نه دناڤ كیسه‌كێ نایلۆنی دا و ل دانێ سپێدی هێدی هێدی وی كیسی ب جامێن ترۆمبێلێ دا بخشینن و بڤێ رێكێ ئه‌و به‌فر نامینیت.
ئه‌ڤرۆ نيوز:
زه‌ینه‌ب ئه‌لعه‌سكه‌ری، ئه‌كته‌ر و وه‌ربه‌رهێنه‌ر و نڤیسكارا به‌رنیاسا به‌حره‌ینی، د دیداره‌كێ دا ره‌ت كر كو ئه‌و جاره‌كا دی بهێته ناڤ وارێ هونه‌ری و وه‌ك ئه‌كته‌ر پشكداریێ د فلمه‌كی یان ونجیره درامایه‌كیێ دا بكه‌ت.
زه‌ینه‌ب، كو ژ دایكبوویا سالا (1974) یه و د سالێن هه‌شتێیان دا وه‌ك ئه‌كته‌ر خوه دایه نیاسین و هه‌تا سالا 2009 پشكداری د هژماره‌كا زۆرا فلم و دراما و فلمێن سینه‌مای دا كریه، به‌رچاڤترین پشكداریا وێ ژی دزنجیره‌كا عه‌ره‌بی دا بوو كو ناڤێ وێ (مه‌شاعل) بوو بۆ كه‌ناله‌كێ وه‌لاتێ خوه گۆت: راسته ئه‌ز و هونه‌ر ژێك نه ڤه‌قه‌تیاینه لێ ئه‌ڤه ده‌ه ساله من چو پشكداریێن نوو نیین و د هزرا من ژی دا نینه جاره‌كا دی بزڤرم.
ل دۆر ئه‌گه‌رێن وێ دوور كه‌فتنێ ژی گۆت: ئه‌ز یا به‌رهه‌ڤ نینم چو رۆنكرنان بده‌م چونكو ئه‌و بابه‌ته‌كه گرێدای منه.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ل رۆژێن چارشه‌مبى و هه‌تا ئه‌ينى هه‌رێما كوردستانێ دێ كه‌ڤيته بن فشارێن نزمێن ده‌ريا ناڤه‌راست و باران دێ باريت و ل سه‌ر كێليێن چيايا دبيت به‌فر ژى بباريت ب تايبه‌ت رۆژهه‌لاتێ هه‌ولێر و سلێمانيێ.
پشكا پێشبينيان ل رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كريه دا زانين رۆژا چارشه‌مبى 27ى چريا دويێ 2019 هه‌رێما كوردستانێ دێ كه‌ڤيته بن كارتێكرنا درێژبوونا فشارێن نزمێن ده‌ريا ناڤه‌راست، ل ده‌ستپێكێ باران بارين دێ ل سنورێ پارێزگه‌ها دهۆكێ، ده‌ڤه‌رێن چيايى ده‌ست پێ كه‌ت و پاشان ل ده‌مێن ب شه‌ڤێ كارتێكرن دێ درێژ بيت بۆ هه‌موو ده‌ڤه‌رێ و پێشبينى دهێته كرن دابارين ل سنورێ پارێزگه‌هێن هه‌ولێر و سلێمانيێ و ب تايبه‌ت ل ده‌ڤه‌رێن چيايى يێن رۆژهه‌لات ل سه‌ر روويێ ناڤه‌ندى بيت و به‌فر و باران ژى ل سه‌ر كێليێن بلند يێن چيايان ب بارن و له‌زاتيا باى دێ گه‌هيته د سه‌ر 15كم د ده‌مژمێره‌كێ دا و پلێن گه‌رمێ ژى (3-5) پلان دێ نزم بن.
رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ خۆيا ژى دكه‌ت كو رۆژا ئه‌ينى كارتێكرنا ڤان فشاران ب نزمى دێ هێته ديتن.
ئەڤرۆ نیوز ، زنار تۆڤی:
ئەڤرۆ سێشەمبی 26.11.2019 سەرۆکێ ھەرێما کوردستانێ نێچیرڤان بارزانی ل گه‌ل ھەردو جێگرێن خوە، مستەفا سەید قادر و جەعفەر شێخ مستەفا دێ سه‌ره‌دانا سلێمانیێ كه‌ن و دێ ل گەل چەندین ئالیێن سیاسی ل وێ پارێزگەھێ کۆم بن.
وەسا بریارە د وێ کۆمبوونێ دا سەرۆکێ ھەرێما كوردستانێ پرسێن راستڤەکرنا دستورێ عیراقێ و دۆخێ نوکە یێ عیراقێ پشکا هه‌رێمێ د بودجێ گشتی یێ عیراقێ دا و دروستکرنا ھەڤپەیمانیا کوردستانی و رەوشا ناڤخۆ یا ھەرێمێ ل گەل وان ئلیان گۆتوبێژ بکەن.
نيشاندان