ئه‌ڤرۆ نيوز:
پشتى جڤاتا پارێزگه‌ها نه‌ينه‌وا مه‌نسوور مه‌رعيد پارێزگه‌رێ نه‌ينه‌وا ژ كارى لاداى، ئه‌ڤرۆ جڤاتا پارێزگه‌هێ (سيروان رۆژبه‌يانى) جێگرێ ئێكێ يێ پارێزگه‌رى راسپارد بۆ ب رێڤه‌برنا پۆستێ پارێزگه‌رى هه‌تا پارێزگه‌رێ نوو دهێته هه‌لبژارتن.
دهێته ڤانين ئه‌ڤرۆ سێشه‌مبى 19/11/2019 جڤاتا پارێزگه‌ها نه‌ينه‌وا د كۆمبوونه‌كا خوه دا ب ده‌نگدانێ پارێزگه‌ر (مه‌نسور مه‌رعيد) ژ پۆستێ پارێزگه‌رێ نه ينه‌وا لادا.
ئه‌ڤرۆ نيوز:
سه‌رۆكێ نوونه‌راتيا حوكمه‌تا هه‌رێما كوردستانێ ل به‌غدا ئاشكراكر، د كۆمبوونا سوباهى چارشه‌مبى 20/11/2019 يا په‌رله‌مانێ عيراقێ، دێ گفتوگۆ ل دۆر پرۆژێ قانوونا بودجا گشتى يا عيراقێ بۆ سالا 2020 هێته كرن و ئه‌گه‌ر يێ هه‌ى بهێته هنارتن بۆ په‌رله‌مانى.
فارس عيسا، سه‌رۆكێ نوونه‌راتيا حوكمه‌تا هه‌رێما كوردستانێ ل به‌غدا د داخۆيانيه‌كێ دا گۆت” سوباهى چار شه‌مبى كۆمبوونا جڤاتا وه‌زيران ل دۆر پرۆژێ بودجا 2020 يا عيراقێ دێ هێته ئه‌نجامدان”.
گۆت ژى” دبيت پشتى كۆمبوونێ، پرۆژه بهێته هنارتن بۆ په‌رله‌مانێ عيراقێ”.
دياركر ژى” به‌غدا سێ پێشنياز ل دۆر بودجه‌ى ره‌وانه‌ى هه‌رێما كوردستانێ كرينه، زۆر د نێزيك و گه‌شبينين كو بگه‌هينه رێككه‌فتنێ به‌رى پرۆژه بۆ په‌رله‌مانێ عيراقێ بهێته هنارتن”.
ئه‌ڤرۆ نيوز، نيوار محه‌مه‌د سه‌ليم:
دووڤچوونا بازاری ژ لایێ لیژنا هەفپشکا دووڤچوونا بازاری ل قائیمقامیا قەزا دهۆکێ یا بەردەوامە، هەر نانپێژی و سەمونخانەکا زەرفێن نایلونی بکاربینت دێ هێتە سزادان. بۆ ڤێ مه‌ره‌مێ ژى ئئەڤرۆ (۲۰۱۹/۱۱/۱۹) سەرەدانا چەند مارکێت و نانپێژی و کافێ یا هاتە کرن.
یوسف محمەد حەسەن سەرۆکێ لیژنا هەڤپشکا دووڤچوونا بازاری ئاشکرا کر ل سەنتەرێ دهۆکێ لیژنا دووڤچوونا بازاری دووڤچوونا چەندین جها کرن و گۆت: “ل نانپێژی وسەمونخانا ب هووری دووڤچوونا بکارئینانا زەرفێن کاغەزێ ل شوونا زەرفێن نایلونی هاتە کرن”.
سەرۆکێ لیژنا هەڤپشکا دووڤچوونا بازاری راگەهاند ل هەر نانپێژی و سەمونخانەکا زەرفێن نایلونی بهێنە بکارئینان دێ هێتە سزادان.
ئه‌ڤرۆ نيوز، نيوار محه‌مه‌د سه‌ليم:
جڤاتا پارێزگه‌ها نه‌ينه‌وا، ئه‌ڤرۆ د كۆموبونا خوه دا ب ده‌نگدانێ پارێزگار “مه‌نسور مه‌رعيدى” ژ كار لادا.
مه‌رعيد ل 13ى گۆلانا 2019ێ وه‌كو پارێزگارێ نه‌ينه‌وا هاتبوو دانان پشتى “نه‌وفه‌ل حه‌مادى” ژ كار هاتيه لادان.
ئه‌ڤده‌م ئه‌ڤرۆ هێزه‌كا ئه‌منى دوورپێچ دانا سه‌ر ئاڤاهيێ جڤاتا پارێزگه‌ها نه‌ينه‌وا ب مه‌ره‌ما رێگرتن ل كۆمبوونا جڤاتێ، به‌لێ كۆمبوون هاته ئه‌نجام دان و ب ده‌نگدانێ پارێزگارێ نوو يێ نه‌ينه‌وا ل سه‌ر كارێ وى لادا.
ئه‌ڤرۆ نيوز، نيوار محه‌مه‌د سه‌ليم:
وه‌زيرێ دارايى و ئابوورى يێ حوكمه‌تا هه‌رێما كوردستانێ راگه‌هاند كو مووچێ فه‌رمانبه‌ران بێ پاشكه‌فتن دێ يێ به‌رده‌وام بيت و مووچێ هه‌يڤێ چريا ئێكێ و دويێ و كانوونا ئێكێ(10، 11 و 12) نابنه پاشكه‌فت.
ئاوات جه‌ناب نورى، وه‌زيرێ دارايى و ئابوورى ل حوكمه‌تا هه‌رێما كوردستانێ ده‌رباره‌ى وان نووچێن به‌حس ل وێ چه‌ندێ كرى كو مووچێ فه‌رمانبه‌ران يێ هه‌يڤێن چريا ئێكێ، چريا دويێ و كانوونا ئێكێ (10،11 و 12) دێ بنه پاشكه‌فت، ئاشكه‌را كر كو مووچێ فه‌رمانبه‌ران بێ پاشكه‌فتن هه‌ر 30 رۆژان جاره‌كێ د ده‌مێ خوه دا دێ هێته به‌لاڤكرن.
وه‌زيرێ دارايى گۆتژى: “چو گوهۆڕين ب سه‌ر پاشكه‌فتى دا نه‌هاتيه، ل ده‌سپێكا ده‌ست ب كاربوونا مه ب چو ره‌نگه‌كى مووچه گيرۆ نه‌بوويه و د ده‌مێ خوه دا دهێته به‌لاڤكرن”.
ل دووماهيێ ئاوان جه‌ناب نورى ته‌كست ل سه‌ر وێ چه‌ندێ كريه كو دڤێت وه‌لاتى و مووچه‌خۆر د هوشيار بن هه‌موو بڕيار و رێنمايێن وه‌زاره‌تا ب روونى به‌لاڤ دبن. “ژ به‌ر هندێ پێدڤى ناكه‌ت باوه‌ر ژ چو ژێده‌رێن دى بكه‌ن”.
ئه‌ڤ راگه‌هاندنا وه‌زاره‌تا دارايى و ئابوورى د ده‌مه‌كى دايه كو رۆژا دوشه‌مبى ل سه‌ر زارى په‌له‌مانتاره‌كێ كوردستانى به‌لاڤ بوو كو وه‌زاره‌تا دارايى و ئابوورى پێشنياز بۆ جڤاتا وه‌زيران كريه كو مووچێ سێ هه‌يڤێن دووماهيێ ل گه‌ل هه‌يڤه‌كا خانه‌نشينيێ ب ته‌مامى نه‌ده‌ن و ناڤێ وان ژى بكه‌نه پاشكه‌فت.
ئەڤرۆ نیوز،عەلی حاجی:
ل بەریا دەمەکێ کێم ژئەگەرێ بوردومانا هێزێن سوپایێ تورکیا بۆ سەر بنگەهەکێ هێزێن یەپەژێ ل کومەلگەها خانەسورێ یا سەر ب قەزا شنگالێ ڤە قوربانی هەنە.
ژێدەرەکێ تایبەت ل کومەلگەها خانەسورێ بۆ ئەڤرۆ نیوز دیار کر ئەڤ بوردومانە ل سپێدەهیا ئەڤرۆ یا روژا سێ شەمبێ و نێزیکی دەمژمێر ١٠:٣٠ دروست بوو دەما فروکەیێن سوپایێ تورکیا بوردومانا بارەگایەکێ هێزێن یەپەژێ کرن ل وێ کومەلگەهێ کو ل گورەی زانیاریێن دەست پێکی هاولاتیین وێ کومەلگەهێ شیاینە تەرمێ پێنچ کەسان ژ هێزێن یەپەشێ و و بریندارەکێ دناڤ وی بارەگایی دا بیننە دەر ژبەرکو ئاگر ب وی بارەگایی ڤە بوو خەلکێ نەشیان زێدەتر تەرمێ وان کەسان ژوی بارەگایی بیننە دەرێ کو پێشتر ئەو ئەو بارەگایە خانیێ هاولاتیەکێ ئێزدی یێ وێ کومەلگەهێ بوو بەلێ پشتی هاتنا هێزێن یەپەژێ،وێ هێزێ ئەو خانی وەکو بارەگایەکێ بو خوو ب ب کارئینا بون و ئەڤە بۆ جارا گەلەکێ یە بارەگایێن وێ هێز ژلایێ فروکەیین تورکی ڤە دبنە ئارمانج.
ئه‌ڤرۆ نيوز:
ده‌مژمێرا ده‌ستی ژ جۆرێ براندی پاتیك فیلیپ، د سه‌رئێك زێده‌كرنه‌كێ دا ل سویسرا ب كۆژمێ 31.7 ملیۆن دۆلاران هاته فرۆتن و ب وێ یه‌كێ بوو گرانترین ده‌مژێرا ده‌ستی ل جیهانێ.
ل گۆره‌ی نووچه‌یه‌كێ مالپه‌رێ گاردیان، ئه‌و ده‌مژمێر ئێك دانه ب تنێ ژێ هاتیه چێكرن و ریكۆردا ئه‌كته‌رێ ئه‌مریكی پاول نیۆمانی شكاند، كو ل سالا 2017 ده‌مژمێرا وی ب كۆژمێ 17.8 میلۆن دۆلاران هاتبوو فرۆتن.
هه‌ر ل گۆره‌ی نووچه‌یێ گاردیان، ئه‌و ده‌مژمێر ئالۆزترین ده‌مژمێره د دیرۆكێ دا، چه‌ندین خزمه‌ت ژی تێدا هه‌نه وه‌كو سیسته‌مێ ئاگه‌هداركرنێ و رۆژژمێر، پارێن فرۆتنا وێ ده‌مژمێرێ ژی هه‌موو دێ بۆ كارێن خێرخوازی چیت.
ئه‌ڤرۆ نيوز:
ژیانا هه‌ڤژینی یا بێ ئاریشه نابیت، ناكوكی و ل ئێك تێنه‌گه‌هشتن هه‌موو ده‌ما یێن هه‌ین و ئه‌و یه‌ك دبیته ئه‌گه‌رێ چێبوونا ئاریشان، لێ یا گرنگه بزانی دێ چاوا سه‌ره‌ده‌ریێ د گه‌ل ئاریشان كه‌ی ب شێوه‌یه‌كی كو ناڤبه‌را هه‌وه و ڤیانا هه‌وه تێك نه‌ده‌ت.
ئاریشێن پشتی هه‌ڤژینیێ:
ئێك: پاره: گه‌له‌ك جاران كه‌لوپه‌ل زێده‌ی یا پێدڤی دهێنه كرین و پشتی هینگێ دێ تووشی ئاریشان كێم پاره‌یێ بن، هه‌ر ژ ده‌ستپێكا هه‌ڤژینیێ بۆ خوه پلانه‌كێ دانن بۆ كرینا پێدڤیان، پشكه‌كا مووچه‌یێ خوه ژی هه‌لگرن بۆ ده‌مێن پێدڤی.
دو: كۆنترۆلكرنا یێ به‌رانبه‌ر: هنده‌ك ده‌مێ هه‌ڤژینیێ پێكدئینن وه‌سا هزر دكه‌ن كه‌سێ به‌رانبه‌ر ب ته‌مامی مولكێ وانه، گه‌له‌ك جاران ئاریشه بۆ چێدبن ده‌مێ لایه‌نه‌ك د گه‌ل كه‌سوكار و هه‌ڤالێن ده‌ردكه‌ڤن، یا باش ه‌وه رووبه‌ره‌كی بده‌یه یێ به‌رانبه‌ر دا بشێت د گه‌ل كه‌سێن دی ژبلی ته ده‌مێ خوه ببۆرینیت.
سێ: قه‌بوولنه‌كرنا ئێك و دو: هه‌ر كه‌سه‌ك وه‌كو خوه سه‌ره‌ده‌ریێ دكه‌ت، چاڤه‌رێ نه‌به هه‌موو تشت وه‌كو ته‌بن، بزاڤا گوهۆرینا یێ به‌رانبه‌ر نه‌كه كو وه‌كو خوه لێبكه‌ی.
چار: قه‌بوولنه‌كرنا مالباتێن ئێك و دو: گه‌له‌ك جاران هه‌ر ژ ده‌ستپێكا هه‌ڤژینیێ وه‌كو دوژمن به‌رێخوه دده‌نه مالباتێن ئێك و دو و خێزانێن ئێك و دو قه‌بوول ناكه‌ن، لێ ده‌مێ هه‌ڤژینیێ پێكدئینی پێدڤیه خێزانێن ئێك و دو ژی قه‌بوول بكه‌ن و حه‌ز ژێ بكه‌ن.
ئه‌ڤرۆ نيوز:
زه‌یتا زه‌یتوونان كه‌رسته‌یه‌كێ ته‌رمكه‌رێ سروشتیه، دژه ئۆكسان و ڤیتامین E د ناڤ دا هه‌نه و ناهێلیت رهێن ئازاده وه‌رارێ بكه‌ن یێن كۆلاجینێ پیستی پووچ دكه‌ن و دبنه ئه‌گه‌رێ هشكبوونا پیستی:
زه‌یتا زه‌یتوونان: هنده‌ك زه‌یتا زه‌یتوونان د كه‌ل كه‌چكه‌كێ شه‌كرا قه‌هوائی تێكهه‌ل بكه هه‌تا وه‌كو هه‌ڤیرێ لێدهێت، پاشی دێمێ خوه ب ئاڤێ ته‌ر بكه و وی هه‌ڤیری دانه سه‌ر و ڤه‌ماله، پشتی 15 ده‌قیقان ب ئاڤا تێهنشیر بشۆ، وێ یه‌كێ حه‌فتیێ جاره‌كێ ب تنێ بكه، لێ رۆژانه تو دشێی دێمێ خوه ب زه‌یتا زه‌یتوونان ڤه‌مالی دا بمینیت ته‌ر.
نیڤشك: ئێك به‌رهه‌مێن سپیاتیانه یێن هشكبوونا پیستی چاره دكه‌ن، ژبه‌ر هه‌بوونا روونی د ناڤ دا وه‌كو نه‌رمكه‌ره‌كێ سروشتی دهێته نیاسین و پیستێ هشك تیڤل دكه‌ت و ئانێن مری رادكه‌ت، هه‌روه‌سا به‌رهه‌مئینانا كۆلاجینی بله‌ز دئێخیت، له‌ورا 2 – 3 كه‌چكێن بچووك یێن نیڤشكی د گه‌ل 2 كه‌چكێن هیركێ نووكێن قوتای تێكهه‌ل بكه و دانه سه‌ر پیستی هشك، پشتی 15 ده‌قیقان ب ئاڤا تێهنشیر بشۆ و حه‌فتیێ جاره‌كێ بكاربینه.
ئه‌ڤۆكادۆ: ترشاتیێن روونی د ناڤ دا هه‌نه وه‌كو ئۆمێگا 3 و پیستی ته‌ر و نه‌رم دكه‌ن، ڤیتامین E د ناڤ دا هه‌یه یێ پیستی ژ پووچبوونێ دپارێزیت، نیڤ كاكلا ئه‌ڤۆكادۆیێ د گه‌ل كه‌چكه‌كێ بچووك یێ هنگڤینی تێكهه‌ل بكه هه‌تا وه‌كو هه‌ڤیرێ لێ دهێت و دانه سه‌ر پیستی، پیشتی 20 ده‌قیقان ب پارچه‌یه‌كا پاته‌ی ڤه‌ماله و پاشی ب ئاڤا تێهنشیر بشۆ، تو دشیێ حه‌فتیێ گه‌له‌ك جاران ب كار بینی.
ئه‌ڤرۆ نیوز،عه‌لی حاجی:
هاریكارێ سه‌روكێ زانكویا زاخۆ بۆ كاروبارێن قوتابیان بۆ ئه‌ڤرۆ نیوز دیار كر پشتی راگه‌هاندنا ناڤێ پشكه‌كا قوتابیێن خواندنا ئێڤاران ل زانكویا زاخۆ بریاره دماوه‌یێ ڤێ حه‌فتیێ دا هه‌ژماره‌كا دی یا قوتابیان بهێنه وه‌رگرتن .
زێده‌تر كاروان فه‌همی گوت : سالا بوری دا پشكێن زمانان ل دور بریارا خواندنا بلند و ڤه‌كولینێن كوردی نابیت ژ نمره‌یا 60 كێمتر بیت قوتابی بهێنه وه‌رگرتن به‌لێ ل دووڤ رێككه‌ڤتنێ ل هنده‌ك پشكێن دیتر رێژه‌یه‌كا دیتر یا قوتابیان هاتنه وه‌رگرتن،به‌لێ ل دووڤ رێنمایان هه‌ر باژێره‌كێ زانكویه‌كا ئه‌هلی تێدا نه‌بیت ئه‌و زانكویه دشێت ل پشكێن زمانانان كێمتر ژ 60% قوتابیان وه‌ربگرن و پشتی مه فورمه پێشكێشی وه‌زاره‌تێ كرین بتنێ بۆ دو پشكان ره‌زامه‌ندی هاته دان بۆ وه‌رگرتنا قوتابیێن ئێڤاران و نه‌هاته وه‌رگرتن،پشتی چه‌ندین هه‌ولێن به‌رده‌وام كو مه پوه‌ندی ب چه‌ند زانكویه‌كێن پارێزگه‌ها دهوكێ كرین كو سێ پشكێن ده‌رونناسی و جزگرافی و مێژوو نینن، ژبه‌ر ڤێ چه‌ندێ ژی مه ئه‌ڤ چه‌نده بۆ وه‌زاره‌تێ دیار كرو ئه‌و بوو دسه‌ره‌دانه‌كێ دا بۆ وه‌زاره‌تا خواندنا بلند و ڤه‌كولینێن زانستی مه شیا بۆ وان سێ پشكان ره‌زامه‌ندی بۆ وه‌رگرت .
ناڤهاتی گوت ژی : ئه‌م ژی نوكه دا چاڤه‌رێ جێبه‌جێ كرنا ڤێ بریارێ نه كو دڤێ حه‌فتیێ دا ناڤێ هه‌ژماره‌كا ناڤێن دیتر بهێته راگه‌هاندن ژلایێ وه‌زاره‌تێ ڤه و پێدڤی بایه ل حه‌فتیا بوری دا ئه‌و ناڤ هاتبانه راگه‌هاندن به‌لێ گیرو بوو به‌لێ یا گرنك ئه‌وه مه شیا ناڤێ هندنك قوتابیێن دیتر زێده بكه‌ین ژبه‌ر كوپ شكێن مه ل زانكویا زاخۆ ئه‌و شیان هه‌یه بشێت رێژه‌یه‌كا دیتر یا قوتابیان وه‌ربگریت .
نيشاندان