ئەڤرۆ نیوز:
فەرمانداریا گشتی یا هێزێن سووریا دیموکرات ئەڤرۆ راگەهاند کو ئەو هەتا نها گرێدای ئاگربەستا د ناڤبەرا تورکیا و ئەمریکا و هەروەسا تورکیا ل گەل روسیا بووینە و ژ بەر هندێ ژی داخواز ژ ئەمریکا و روسیا کر کو ئاگربەستێ بپارێزن دا ژیانا وەلاتیێن سڤیل ل باکورێ سووریێ بهێتە پاراستن.
هەسەدە هەروەسا داخواز ژ هەر دو وەلاتان ژی دکەت کو هاریکاریا وان بکەن دا رێیا نێڤدەولەتی ژی بهێتە ڤەکرن دا بکەڤیتە د خزمەتا وەلاتیێن باکورێ سووریێ دا.
ئەڤرۆ نیوز:
مایک ئێسپەر وەزیرێ بەرەڤانیێ یێ ئەمریکا هۆشداری دا تورکیا و راگەهاند کو نابیت تورکیا وەکو ئەندامەکا ناتۆ ئاستەنگیان ل هەمبەر بەرنامێ ناتۆ دروست بکەت، هەکە تورکیا ل سەر هەلویستێ خوە یێ نها بەردەوام بیت ئەو یەک دێ ئەنجامێن خوە یێن خراب بۆ وی وەلاتی هەبن.
دوهی سەرۆک کۆمارێ تورکیا ژی راگەهاند کو هەتا ناتۆ یەپەگێ وەکو هێزەکا تیرۆرستی نەدەتە نیاسین ئەو پشکداریێ د بەرنامێ نوو یێ ناتۆ دا ناکەن.
ئەڤرۆ نیوز:
ئەڤرۆ مەسرور بارزانی سەرۆکێ حوکمەتا هەرێما کوردستانێ ل گەل شاندێ حوکمەتێ بۆ دانوستاندنێن ل گەل بەغدایێ کۆمبوو و د کۆمبوونێ دا شاندێ هەرێمێ بەحسێ ناڤەرۆکا رێککەفتنا ل گەل بەغدایێ کر.
سەرۆکێ شاندێ راگەهاند کو ل گەل وەزارەتا دارایی یا عیراقێ رێککەفتنا دووماهیێ ل دۆر بۆدجەی هاتیە کرن و جارا ئێکێ یە هەرێما کوردستانێ د ئامادەکرنا بۆدجێ عیراقێ دا پشکداریێ دکەت.
ئەڤرۆ نیوز، مەحمود نهێلی:
ب هەلکەفتا رۆژا جیهانیا خودان پێدڤیێن تایبەت و د رێ و رەسمەکی دا ل هولا پەروەرد ئامێدیێ و ب ئامابوونا هەژمارەکا بەرپرسێن دام و دەزگەهێن میری و حزبی و کەس و کارێن قوتابیێن خودان پێدڤیێن تایبەت، روژا جیهانیا خودان پێدڤیێن تایبەت ب ئاهەنگەکێ ژلایێ پەروەردا ئامێدیێ ڤە هاتە ساخکرن.
پشتی خواندنا چەند پەیڤان و بەحسکرنا گرنگیدان و هاریکاریکرنا ڤێ تەخا جڤاکی کو پێدڤی ب هاریکاری و پشتەڤانیێ نە ، چەندین قوتابیێن خودان پێدڤیێن تایبەت ژلایێ قایممقامێ قەزا ئامێدیێ و بەرهەڤبوویان ڤە هاتنە خەلاتکرن.
ئه‌ڤرۆ نیوز:
ماوه‌كێ درێژه ده‌نگوباس دهێنه به‌لاڤه‌كرن كو یانا به‌رشه‌لۆنا ب هێز كه‌تیه د هه‌ڤركیا ب ده‌ستڤه ئینانا ستێرا گابونى و یانا ئه‌رسینال ئوبامیانگ بوو ڤه‌گوهاستنا ئه‌وى یاریزانى ل هاڤینا بهێت.
رۆژناما میرو یا ئیتالى دیاركریه راهێنه‌رێ یانا ئه‌نتر میلان كونتى داخوازى ژ به‌رپرسێن یانا خوه كرینه ب زیترین ده‌م ده‌ست ب دانوستاندنان بكه‌ن ل گه‌ل یانا ئه‌رسینال بوو ڤه‌گوهاستنا ستێرا وێ یانێ ئوبامیانگ بوو ڤه‌گوهاستنێن زڤستانا بهێت یان هاڤینا بهێت.
ئوبامیانگ یێ 30 سالى ئه‌وێ گرێداى هه‌ڤبه‌ستا خوه ل گه‌ل یانا ئه‌رسینال هه‌تا هاڤینا 2021 نوكه بوویه جهێ گرنگیا هه‌ردو یانێن به‌رشه‌لۆنا و ریال مه‌درید بوو ڤه‌گوهاستنا ئه‌وى یاریزانى ل هاڤینا بهێت.
ئه‌ڤرۆ نیوز،عه‌لی حاجی :
رێڤه‌به‌رێ ره‌وشه‌نبیری و هونه‌ری ل زاخۆ د داخویانیه‌كێ دا بۆ ئه‌ڤرۆ نیوز دیار كر ڤیسته‌ڤاله‌كا مه‌زن نێڤ ده‌وله‌تی یا شێوه‌كاری بۆ باژێرێ زاخۆ به‌ه‌رڤه قوناغێن دوماهیێ ڤه چوویه و ئه‌م چاڤه‌رێ حكومه‌تا هه‌رێما كوردستانێ نه ئه‌و پارێ هاتیه ته‌رخان بهێته خه‌رچ كرن ل سالا 2020 دا .
زێده‌تر دلخاز موسای گوت : ماوه‌یه‌كه ئه‌م مژوولی ره‌زامه‌ندیا حكومه‌تا هه‌رٍما كوردستانێ بووین ل دور ڤیسته‌ڤاله‌كا مه‌زن و نێڤ ده‌وله‌تی ل باژَێرێ زاخۆ كو سالانه ئه‌و ڤیسته‌ڤاله ل باژێرێ بهێته ئه‌نجام دان و ب خوه‌شحالی ڤه حكومه‌تێ ره‌زامه‌ندی ل سه‌ر وێ داخازیا مه ده‌ربری و كوژمه‌یه‌كێ پاره‌یی هاتیه ته‌رخان كرن بَ وێ ڤیسته‌ڤالێ به‌لێ ئه‌و كوژمێ پاره‌یی ل سه‌ر بوده‌یا سالا 2020 هاتیه دانان له‌ورا ئه‌م ژی چاڤه‌رێ په‌یوه‌ندیێن مه‌یێن كوردستانێ دگه‌ل حكومه‌تا عێراقێ نه و هه‌ر ده‌ما بودجه‌یا كوردستانێ ب شێوه‌یه‌كێ دروست هاته ره‌وانه كرن دوی دا حكومه‌تا هه‌رێمكا كوردستانێ دێ بریارێ ل سه‌ر خه‌رچكرنا وی پاره‌یێ ده‌ست نیشان كری بۆ ڤیسته‌ڤالێ ده‌ت .
و گوت ژی : بابه‌تێ ڤیسته‌ڤالێ ب دوماهی هاتیه كو ل باژێرێ زاخۆ بهێته ئه‌نجام دان و هه‌رده‌ما بۆ سالا نوو ئه‌و پاره هاته خه‌رچ كرن دێ دهه‌یڤا شه‌ش یا سالا 2020 دا ئه‌و ڤیسته‌ڤالا نێڤ ده‌وله‌تی ل باژێرێ زاخۆ هێته ئه‌نجام دان و به‌لێ هه‌كه ئه‌و پاره ل سالا 2020 نه‌هاته خه‌رچ كرن دێ ئه‌و ڤیسته‌ڤال ل سالا 2021 هێته ئه‌نجام دان .
ئه‌ڤرۆ نیوز،عه‌لی حاجی :
ب هه‌لكه‌ڤتا روژا جیهانی یا كێم ئه‌ندامان ل زاخۆ ئاهه‌نگه‌كێ بچیك هاته رێكخستن و كو تێدا چه‌ند دیاریه‌ك ل سه‌ر كێم ئه‌ندامێن ل زاخۆ هاتنه به‌لاڤ كرن و كێم ئه‌ندامان ژی ئاریشه‌یێن خوه گه‌هاندنه لایه‌نێًن په‌یوه‌ندیدار ل زاخۆ .
نادر یوسڤ سه‌روكێ رێكخراوا نمونه یا خودان پێدڤیێن تایبه‌ت ل زاخۆ بۆ ئه‌ڤرۆ نیوز گوت : جودا ژباژێران دیتر كێم ئه‌ندامێن ل زاخۆ دره‌وشه‌كا خراب دانه و وه‌كو پیچدڤی چو وان نه‌هاتیه كرن له‌ورا نێزیكی ساله‌كێ یه ئه‌م مژوولی پروژه یاسایه‌كێ نه بۆ جڤاتا پارێزگه‌ها دهوكێ و په‌رله‌مانێ كوردستانێ له‌ورا هه‌كه ئه‌و پروژه یاسایه ببهێته په‌سه‌ندكرن دێ ئه‌و پروژه‌یه ئاریشه‌یێن مه ژناڤ دل و ده‌روونێ مه هێنه ده‌ر و ئه‌م دخازین ئه‌ڤ پروژه‌یه ببیته پێگوهوره‌ك بۆ و داكوكیكار بۆ یاسا 22 یا سالا 2011 هاتیه ده‌ركرن و هه‌تا نوكه كار پێ نه‌هاتیه كرن .
به‌یار باڤی رێڤه‌به‌رێ گه‌شه‌پێدان و چاڤدێریا جڤاكی ل زاخۆ گوت : نێزیكی 4 كه‌س كێم ئه‌ندامان موچه‌یه‌كێ ژ رێڤه‌به‌ریا مه وه‌ردگرن و هه‌ر دیسان نێزیكمی هه‌ر كه‌سێن دیتر ژی فورمێن خوه پێشكێش كرینه بۆ وێ چه‌ندێ موچه‌یێ كێم ئه‌ندامان وه‌بگرن و دێ شێن بێژین نێزیكی شه‌ش هه‌تا حه‌فت هزار كێم ئه‌ندامان ل زاخۆ هه‌یه و جهێ پسیارێ یه بتنێ ل زاخۆ نێزیكی هزار بیر كولان هه‌یه له‌ورا پێدڤی یه پیاره‌ك بهێته كرن كو ئایا ئه‌گه‌رێ بلند بونا ڤێ رێژه‌یا كێم ئه‌ندامان ب تایبه‌تی ل زاخۆ چیه ، نه‌بتنێ ل زاخۆ به‌لكو ل سه‌رانسه‌ری عێراقیً رێًژه‌یا كێم ئه‌ندامان ژ رێژه‌یا سروشتی ده‌رباز كری یه .
ئه‌ڤرۆ نیوز،عه‌لی حاجی :
رێڤه‌به‌رێ نڤێسینگه‌ها پاسه‌پورتان ل زاخۆ بۆ ئه‌ڤرۆ نیوز دیار كر 95% كار د نووژه‌نكرنا ئاڤاهیێ نڤێسینگوها پاسه‌پورتان ل زاخۆ ب دوماهی هاتیه دماوه‌یێ ڤێ حه‌فتیێ یان ژی حه‌فتیا بهێت دا دێ هێته ڤه كرن .
زێده‌تر موقه‌دم نێچیرڤان ئه‌حمه‌د گوت : ژبه‌ر كو ئه‌و ئاڤاهیێ بۆ نڤێسینگه‌ها پاسه‌پورتان ل زاخۆ هاتیه ته‌خا كرن پێدڤی ب نووژه‌نكرنێ بوو و هه‌تا نوكه 95% كار د نووژه‌نكرنا ئاڤاهی دا ب دوماهی هاتیه و ژبه‌ر هنده‌ك كارێن ته‌كنیكی ماوه‌یێ ڤه‌كرنا وێ گیروو بوو ژبه‌ر كو بریار بوو دماوه‌یێ ڤێ حه‌فتیێ دا بهێته ڤه‌كرن به‌لێ دهێته چاڤه‌رێكرن پشتی ب دوماهی بهێت دماوه‌یێ چار روژان دا ب شێوه‌یه‌كێ فه‌رمی نڤێسینگه‌ها پاسه‌پورتان ل زاخۆ بهێته ڤه‌كرن و ئه‌و كراێ مایی ژی چه‌ند كاره‌كێن ته‌كنیكی نه و ب شیچوه‌یه‌كیچ باش كار ل سه‌ر ب دوماهی ئینانا كارێ مایی دهێته كرن .
و گوت ژی : ژبه‌ر كو ئه‌و میلاكێ هاتیه ده‌تس نیشان كرن ژچه‌ند رێڤه‌به‌ریه‌كان هاتینه ژبه‌ر ڤێ چه‌ندێ بۆ ماوه‌یێ چه‌ند روژه‌كان خوله‌كا بهێزكرنێ بۆ وان هایته ڤه‌كرن ده‌رباره‌یی كارێ نڤێسینگه‌هێ ل زاخۆ و زێده‌باری وێ‌چ هندێ ژی ل ده‌ست پێكێ بۆ ماوه‌یێ چه‌نده‌كێ گروپه‌كێ رێڤه‌به‌ریا پاسه‌پورتان ل دهوكێ ژی دێ دگه‌ل ستافێ مه كار كه‌ت داكو توشی چو خه‌له‌تیان نه‌بیت و زێده‌تر شاره‌زاییا بۆ میلاكێ مه دروست ببیت .
ئه‌ڤرۆ نيوز، نيوار محه‌مه‌د سه‌ليم:
رۆژا سێشه‌مبى 3ى كانوونا ئێكێ 2019 ل سه‌لاحه‌دين، سه‌رۆك مه‌سعود بارزانى، پێشوازى ل شانده‌كێ بلندێ جڤاتا نشتيمانى يا كوردێن سوريا ب سه‌رۆكاتيا سعود مه‌لا سه‌رۆكێ جڤاتا نشتيمانى يا كوردى ل سوريا كر.
د ديدارێ دا، كاودانێن سياسى يێن سوريا و دووماهى پێشهاتێن سياسى و مه‌يدانى و رۆلێ وه‌لاتێن هه‌رێمێ و نێڤده‌وله‌تى ل كاودانێن سوريا دا گه‌نگه‌شه كر.
هه‌ر د وێ كۆمبوونێ دا، هه‌ردولا دلته‌نگيا خوه بۆ هه‌بوونا هه‌ول و گوهۆڕينا ديموگرافيا رۆژئاڤايێ كوردستانێ و ئازاردان و ئاوه‌ركرنا وه‌لاتيێن كورد ژ لايێ چه‌كدارێن توندره‌و نيشان دا.
ده‌رباره‌ى ئايندێ سوريا و نه‌خشه‌رێيا لايه‌نێن كوردى بۆ روو ب رووبوونا ته‌حه‌ديان و مسوگه‌ركرنا مافێن سياسى يێن گه‌لێ كورد، سه‌رۆك بارزانى شيره‌تێن پێدڤى بۆ شاندێ مێڤان خسته پێش.
ئه‌ڤرۆ نيوز، نيوار محه‌مه‌د سه‌ليم:
رۆژا سێشه‌مبى 3ى كانوونا ئێكێ 2019 ل سه‌لاحه‌دين، سه‌رۆك مه‌سعود بارزانى پێشوازى ل ئه‌حمه‌د ئه‌لزاهرى قونسلێ گشتى يێ ئيمارات كر.
د ديداره‌كێ دا، قونسلێ گشتى يێ ئيمارات ل هه‌ولێر سلاڤێن شێخ محه‌مه‌د بن زائيد ئال نهيان جهنشينێ ئه‌بۆ زه‌بى گه‌هاندنه سه‌رۆك بارزانى و كورتيه‌ك ده‌رباره‌ى هاريكاريێن وه‌لاتێ خوه بۆ ئاواره و په‌نابه‌ران ل هه‌رێما كوردستانێ بۆ سه‌رۆك بارزانى به‌حس كرن و ته‌كست ل سه‌ر وێ چه‌ندێ كر كو وه‌لاتێ وان دێ يێ به‌رده‌وام بيت ل سه‌ر هاريكاريكرنا ئاواره و په‌نابه‌ران ل هه‌رێما كوردستانێ.
كاودانێن سياسى ل عيراقێ و ده‌ڤه‌ر و په‌يوه‌نديێن ناڤبه‌را هه‌رێما كوردستانێ و ئيمارات ته‌وه‌ره‌كێ دى يێ وێ كۆمبوونێ بوون.
نيشاندان